دەربارەی چالاکی گەریلاکان، #هەپەگە# لە ڕاگەیەندراوێکدا کوژرانی نۆ سەربازی تورک و سێ ئەندامی باڵای میتی لە شەڕەکانی سنووری سێرت، لێلیکان، گەڤەر و چەلێ ڕاگەیاند.
دەربارەی دواین دۆخی شەڕ لە سنوورەکانی سێرت، گەڤەر و چەلێ لە باکوری کوردستان، و لێلیکان لە سنووری باشوری کوردستان، کەمێک لەمەوبەر ناوەندی ڕاگەیاندن و چاپەمەنی هێزەکانی پاراستنی گەل- هەپەگە، ڕاگەیەندراوێکی بڵاوکردەوە.
هەپەگە ڕایگەیاند:لە چوارچێوەی هەنگاوی شۆڕشگێڕانەی شەهید دەلیلا و شەهید بەستا، لە چالاکییەکی گەریلاکاندا لە 23ی مانگی ڕابردوو لە سێرت، ئۆتۆمبێلێکی میتی تورک کراوەتە ئامانج، لە ئەنجامی چالاکییەکەدا ئۆتۆمبێلەکە وەرگەڕاوە و تێیدا سێ ئەندامی باڵای میت کوژراون، هەروەها دەست بەسەر چەندین جۆر چەکە و تەقەمەنییاندا گیراوە، لە ئەنجامی ئەو چالاکییەشدا، دوو هەڤاڵمان شەهیدبوون.
هەپەگە ڕاشیگەیاند: ئێوارەی دوێنی 14ی بنیسان، لە لێلیکان ی سەربە باشوری کوردستان، گەریلاکانمان لە چالاکییەکدا گورزێکی کوشندەیان لە سوپای تورک وەشاندووە و لە ئەنجامی چالاکییەکەدا پێنج سەربازی تورک کوژراون.
دەربارەی چالاکی گەریلاکان لە سنووری گەڤەر، هەپەگە ڕایگەیاند: پێش نێوەڕۆی دوێنێ گەریلاکانمان لەگردی عەلی شێر دژی سوپای تورک چالاکییان ئەنجام داوە، تێیدا چەندین سەربازی تورک کوژراون و برینداربوون، بەڵام ژمارەیان ئاشکرانەبووە.
هەپەگە ڕاشیگەیاندووە: لە 30ی مانگی ڕابردوودا، گەریلاکان ئۆتۆمبێلێکی زرێپۆشی سوپای تورکیان کردووەتە ئامانج و تێکیانشکاندووە، ئەوەی ئاشکرابووە چوار سەربازی تورک لەو چالاکییەدا کوژراون.
هەپەگە چالاکییەکی دیکەی گەریلاکانی لە سنووری چەلێ ئاشکرا کردووەو ئاماژەی بەوەکردووە، چەندین سەرباز کوژراون و برینداربوون، بەڵام ژمارەکەیان ئاشکرا نەبووە.[1]
#15-04-2018#

پەرتوکەکە ل سەر جڤاک، سەمبول، ریتوێلێ و میتێن ئێزدیانە ژ لایێ د.خانا ئومەرخالی ڤە هاتیە نڤێسین، نڤێسەر کوڤان خانکی وەرگێرایە ژ ئەلف و بێ یا لاتینی بو ئەلف و بێ یا عەرەبی.

بەنیازی تیرۆرکردنى ئەر و داغ بوون..کەجەکە دەستگیرکردنى گرووپێکى سیخوڕی میت لە هەولێر ئاشکرا دەکات
#07-07-2023#
ئەمڕۆ دەستەی بەڕێوەبەری کەجەکە، ئاشکرای کرد، پیلانێک هەیە بۆ کوشتنی مەزڵوم داغ و عەبدولڕەحمان ئەر لەنێو زیندان، لەلایەن سیخوڕێک بەناوی یاسین عەلی خزر پێشتر بەڕێوەبەری ئەو زیندانە بووە کە دوو بەندکراوەکەی تێدایە.
لە ڕاگەیەنراوەکەی کەجەکەدا بەمجۆرە هاتووە:مەزڵوم داغ و عەبدولڕەحمان ئەر زیاتر لە 50 ڕۆژە لە زیندانی هەولێر مانگرتنیان لە خواردن دەستپێکردووە، چەندین دامەزراوە ڕاگەیاندراویان لەو بارەیەوە بڵاوکردۆتەوە، پێویستە گەل و ڕای گشتی دیموکراتیک ئاگاداری ڕەوشی ئەم دوو بەندکراوە مانگرتووە بن و ژیانیان بپارێزن، پێش هەموو شتێک، زانیاری هەڵە لەبارەی ئەم دوو بەندکراوە دەدرێتە ڕای گشتی، پێویستە ئەم زانیارییانە ڕاست بکرێنەوە، دەبێت بەدرووستی ڕای گشتی لە ڕەوشی مەزڵوم داغ و عەبدولڕەحمان ئەر ئاگادار بکرێتەوە، مەزڵوم داغ و عەبدولڕەحمان ئەر هیچ پەیوەندییەکی ڕاستەوخۆیان نییە بە کوشتنی ئەندامەکەی میتەوە و بەشداری ئەم چالاکییە نەبوون، تەنیا هاوکاری ئەو هاوڕێیانە بوون کە چالاکییەکەیان ئەنجامداوە.
ڕاگەیەنراوەکەی کەجەکە بەم شێوەیە:
هیچ پەیوەندییەکیان بە کوشتنی ئەندامەکەی میتەوە نییە
لە ڕاگەیاندراوەکەی کەجەکەدا هاتووە:
” بۆ ڕای گشتی ئاشکرایە، مەزڵوم داغ و عەبدولڕەحمان ئەر زیاتر لە 50 ڕۆژە لە زیندانی هەولێر مانگرتنیان لە خواردن دەستپێکردووە، چەندین دامەزراوە ڕاگەیاندراویان لەو بارەیەوە بڵاوکردۆتەوە. پێویستە گەل و ڕای گشتی دیموکراتیک ئاگاداری ڕەوشی ئەم دوو بەندکراوە مانگرتووە بن و ژیانیان بپارێزن. پێش هەموو شتێک، زانیاری هەڵە لەبارەی ئەم دوو بەندکراوە دەدرێتە ڕای گشتی. پێویستە ئەم زانیارییانە ڕاست بکرێنەوە. دەبێت بەدرووستی ڕای گشتی لە ڕەوشی مەزڵوم داغ و عەبدولڕەحمان ئەر ئاگادار بکرێتەوە. مەزڵوم داغ و عەبدولڕەحمان ئەر هیچ پەیوەندییەکی ڕاستەوخۆیان نییە بە کوشتنی ئەندامەکەی میتەوە و بەشداری ئەم چالاکییە نەبوون. تەنیا هاوکاری ئەو هاوڕێیانە بوون کە چالاکییەکەیان ئەنجامداوە.
ئەو ئەندامە کوژراوەی میت، فەرمانی کوشتنی هاوڕێ هەڵمەتی دابوو
ئەو ئەندامە کوژراوەی میت، بڕیاری کوشتنی شۆڕشگێڕی هێژا، هاوڕێ هەڵمەتی دابوو کە خەڵکی باشووری کوردستانە. بەم هۆیەوە ئەم کەسە کرایە ئامانج و گولەباران کرا. تێناگەین بۆچی پەدەکە نیگەرانە لە کوشتنی کەسێک کە بەشداربووە لە کوشتنی هاوڕێ هەڵمەت، کە قارەمانێکی هێژای گەلی باشووری کوردستانە و هەموو ژیانی کردە قوربانی دۆزی کوردستان و لای هەمووان خۆشەویست بووە. تێگەیشتن لەمە مەحاڵە. پەدەکە ئەم نیگەرانییەی خۆی لە ڕێگەی ئەشکەنجەدانی مەزڵوم داغ و عەبدولڕەحمان ئەر لە زیندانی هەولێر دەردەخات. هەردوو بەندکراوەکە دژی ئەم ئەشکەنجەیە مانگرتنیان لە خواردن دەستپێکردووە. ئەم نیگەرانییەی پەدەکە و هەڵوێستەکەی شیاوی تێگەیشتن و قبووڵکردن نییە. پێویستە ڕای گشتی و دامەزراوە مەدەنی و دیموکراتیکەکان، ئاگاداری ئەم ئەشکەنجەیەی نێو زیندانی هەولێر بن و پشتیووانی بەندکراوە مانگرتووەکان بکەن.
هەر شتێکیان بەسەردا بێت، پەدەکە بەرپرسیارە
سەرەڕای ڕەوشی ئەم دوو بەندکراوە، دەوڵەتی داگیرکەری تورک پیلانێکی داناوە بۆ کوشتنی مەزڵوم داغ و عەبدولڕەحمان ئەر لەنێو زیندان. دەزگای میت هەندێک سیخوڕی لەنێو زیندان ڕێکخستووە بۆ کوشتنی ئەم دوو بەندکراوە و هەوڵی کوشتنیان دراوە. ژمارەیەک سیخوڕی میت لەلایەن هێزەکانمانەوە دەستگیرکراون کە بە مەبەستی ئەنجامدانی کۆمەڵکوژییە ئامادەکرابوون. یەکێک لەوان بەناوی یاسین عەلی خزرە. ئەم کەسە پێشتر بەڕێوەبەری زیندانەکە بووە، میت ئەم کەسەی ڕاسپاردووە بۆ ڕێکخستنی چەند بەندکراوێک بە مەبەستی ئەنجامدانی ئەم کۆمەڵکوژییە و لەم پێناوەدا پارەی پێداوە. بڕیار وا بووە پاش کۆمەڵکوژییەکە بڕە پارەیەکی زیاتری پێ بدەن. بۆیە ڕەوشی ئەم دوو بەندکراوە دژوارە و پیلانەکان لە دژیان مەترسیدارە. مەزڵوم داغ و عەبدولڕەحمان ئەر لەژێر دەستی پەدەکەن، هەروەها پەدەکە بەرپرسیارە لە ژیان و سەلامەتی هەردووکیان. هەر شتێکیان بەسەردا بێت، پەدەکە لێی بەرپرسە.
داوا لە هەموو دامەزراوە دیموکراتیکەکان و هەموو کەسانی هەستیار دەکەین، پێش ئەوەی درەنگ بکەوێت، دژی ئەشکەنجەدانی ئەم دوو بەندکراوە تێبکۆشن و هەوڵەکانیان یەکبخەن لەپێناو پاراستنی ژیان و خاوەندارێتیکردن لە دوو مانگرتووەکە. پێویستە بەپەلە دیدار لەگەڵ دوو مانگرتووەکەدا بکرێت و چاودێری ڕەوشیان بکرێت و گوێیان لێ بگیرێت”.[1]

ژووری چالاکییەکانی توڕەیی زەیتون لەبارەی سزادانی ئەندامێکی میت لە جەرابلوس ڕاگەیاندراوێکی بڵاوکردەوە.
لە ڕاگەیاندراوەکەی ژووری چالاکییەکانی توڕەیی زەیتون دا هاتووە، سیخوڕێکی چەتەی میتی تورکیا بە ناوی موهەنەد زیر، کە لە شاری تەل ڕەفعەت سیخوڕیی کردووە، کوژراوە.
ئاماژە بەوەشکراوە، ئەو چەتە سیخوڕەی میت لە ڕۆژی 15ی تشرینی یەکەمی 2018 لە هەرێمی جەرابلوس لەلایەن #شەڕڤان#ەکانیان دەستگیرکراوە و دواتر سزای تاوانەکانی داوە.
ئەوەش خراوەتەڕوو، ئەو چەتە سیخوڕە کوژراوە لەبەر ئەوە لەلایەن میتەوە ڕاهێنانی پێکرابوو، هەوڵی دابوو سیخوڕیی دوو لایەنە بکات.
لە کۆتایی ڕاگەیاندراوەکەی ژووری توڕەیی زەیتوندا هۆشداری بە هەموو سیخوڕەکان دراوە و ڕاگەیاندراوە، ئەوەی کاری سیخوڕی بکات بەبێ سزادان دەرباز نابێت.[1]
#20-10-2018#

دەوڵەتی تورکی داگیرکەر لە ساڵی 2013 دا لە هەموو لایەکەوە تەنگاو بوو بوو و گورزی قورسی یەک لەسەر یەک بەردەکەوت، لەبەر ئەوەش لەگەڵ ڕێبەری گەلی کورد #عەبدوڵڵا ئۆجەلان#، کە لە گۆشەگیرییەکی سەخت و قورس دا بوو، دەستی بە چاوپێکەوتن کرد.
ئۆجالان لەو پرۆسەیەدا لەگەڵ شاندەکانی دەوڵەت، شاندی ئیمرالی، شاندەکانی #هەدەپە# و کەجەکە کۆبوویەوە. چاوی هەمووان لەسەر ئەو چاوپێکەوتنانە و ئەو پڕۆسەیە بوو، کە ماوەیەکی زۆر بوو ڕاوەستێنرابوو، چونکا پێشتر چاوپێکەوتنەکانی ئۆسلۆ هیچ ئەنجامێکی نەبوو.
بۆ ئەوەی چاوپێکەوتنەکان وەربچەرخێن بۆ سەر بناغەیەک بۆ چارەسەریی کێشەی کورد و دیموکراتیزەکردنی تورکیا، ڕێبەری گەلی کورد هەوڵێکی زۆری دا. دوای 03-01-2013 شاندێک چوونە ئیمرالی و لە ڕێکەوتی 09-01-2013 لە پاریس ساکینە جانسز، نوێنەری کەنەکە لە پاریس فیدان دۆغان و ئەندامی بزووتنەوەی گەنجان لەیلا شایلەمەز شەهیدکران.
دوای ئەو کۆمەڵکوژییە، عەبدوڵا ئۆجالان لە میانەی چاوپێکەوتنەکانی ئیمرالیدا لێدوانی قورسی بۆ شاندی دەوڵەت و میت دا و وتی: پێویستە ئەو کۆمەڵکوژییە ڕوون بکرێتەوە.
هەرچەندە تەقەکەر و پەلاپیتکەکێش عومەر گونەی دوای ماوەیەکی کەم لە کۆمەڵکوژییەکە دەستگیرکرا، بەڵام هێزە ڕاستەقینەکانی پشت تەقەکەرەکە ئاشکرا نەکران.
عومەر گونەی بکوژ بوو و لە ئەنقەرەوە فەرمانی پێکرا. #پەکەکە# و پاژک، تەیب ئەردۆغان و میتی تورک-یان بە بەرپرسیاری ئەو کۆمەڵکوژییە ڕاگەیاند و بە لێدوانی توند ڕایانگەیاند، تۆڵەی ئەو کۆمەڵکوژییە دەکرێتەوە.
لە دژی ئەو پلانانەی میت، ئۆپەراسیۆنی تۆڵەی شۆڕشگێڕیی شەهید ساکینە جانسز لەلایەن تیمە تایبەتەکانی گەریلاکانی #هەپەگە#وە دەستیپێکرد و لە ئەنجامدا 2 بەڕێوەبەری باڵای میت دەستگیرکران. هاوسەرۆکایەتیی دەستەی بەڕێوەبەریی کەجەکە لە لە 03-01-2017 دا وردەکارییەکانی ئەو ئۆپەراسیۆنەی بۆ ڕای گشتی بڵاوکردەوە.
لە بەڵگەنامەیەکدا، کە لە 14-01-2014 دا بڵاوکراوەتەوە، دەرکەوتووە، کە فەرمانی تیرۆرکردنەکە لە لایەن 4 بەرپرسی میتەوە دەرچووە. لە بەڵگەنامەیەکی دیکەدا، کە لە 18-11-2014 دا بڵاوکراوەتەوە، واژۆی بەرپرسانی میت ئۆ. یورەت، یو. ک، ئایک. س. ئاسال و ه. ئۆزجان-ی لەسەر بوو.
هاوکات تۆمارێکی دەنگی بڵاوکرایەوە، کە لە تۆمارەکەدا عومەر گونەی لەگەڵ بەرپرسانی میت پلانی تاوانەکەیان دادەڕێژن.
چەند ڕۆژێک پێش دەستپێکردنی دانیشتنەکانی دادگا بۆ دۆسیەی کۆمەڵکوژییەکە، عومەر گونەی لە زیندانێکی فەرەنسادا گیانی لەدەستدا. ئەوان دەیاخواست بە مردنی گونەی کەیسەکە و دۆسیەکە پەردەپۆش بکەن و بیشارنەوە، بەڵام گەلی کورد و ژنانی کورد چەند ساڵ بە دروشمی تۆڵەسەندنەوە و دادپەروەری ڕژانە مەیدانەکان و داوایان کرد، هێزەکانی پشت کۆمەڵکوژییەکە دادگایی بکرێن.
لە دوای هەڵگیرسانەوەی شەڕی هەمەلایەنەی دەوڵەتی تورک لە 24-07-2015 دا، لە باکوری کوردستان بەرخۆدانێکی گەورەی خۆبەڕێوەبەری دەستیپێکرد و لە ناوچەکانی گەریلاشدا چالاکیی بەرفراوان ئەنجامدران. لەو کاتەدا بەرخۆدێران و بەرەنگارەکانی خۆبەڕێوەبەری 2 بەرپرسی میت-یان دەستگیرکرد.
تەیب ئەردۆغانیش فەرمانی تایبەتی بۆ میت دەرکرد و وەک کۆمەڵکوژییەکەی پاریس لە 09-01-2013 دا داوای لەناوبردن و پاکتاوکردنی بەڕێوەبەرانی باڵای پەکەکە و کەجەکەی کرد. ئەردۆغان و تیمەکەی وتیان: تا نیسانی 2017 پەکەکە کۆتایی پێدێت و ئیدی کەس ناتوانێت ناوی پەکەکە لە ماوەی ئەمساڵدا بێنێتە سەر زمان بەو لێدوانە گرنگیی ئەو چەمکە پاکتاوکارییەیان خستەڕوو.
لە سەرەتادا، تۆمارێکی دەنگ لە ساڵی 2014 دا بڵاوکرایەوە. لەو تۆمارەدا ئەوە هەبوو، کە عومەر گونەی لەگەڵ 3 سیخوڕی تورک پلان بۆ کۆمەڵکوژییەکە دادەڕێژن. ڕاستبوونی ئەو تۆمارە لەلایەن پۆلیسی پسپۆڕی فەرەنساوە پەسەند و پشتڕاستکرایەوە.
بەرپرسانی باڵای میت، کە لەلایەن هەپەگەوە دەستگیرکراون، ئەو تۆمارە و قسەکانی ناو تۆمارەکەیان پشتڕاست کردەوە.
ئەرهان پەکچەتین بەڕێوەبەری دەستگیرکراوی میت لەسەر ئەو تۆمارە دەنگییە دەڵێت:
ئوگور قائان ئایک:EBF (سەرۆکی فەرمانگەی کاروباری جیاکاری ڕەگەزی لە دەرەوەی وڵات)
بەڕێوەبەری بەشی ئۆپەراسیۆن: ئۆغوز یورەت
کارمەندی ڕاهێنراوی لقی ئۆپەراسیۆن: ئایهان ئۆران
هەروەها ئەو تۆمارە دەنگییە، کە لە ئینتەرنێت بڵاو کراوەتەوە و کاتێک گوێم لەو دەنگە گرت، زانیم ئۆپەراسیۆنەکە لەلایەن 3 کەسی ستافەکەمانەوە ئەنجام دراوە، ئوگور قائان ئایک سەرۆکی فەرمانگەی کاروباری جیاکاری ڕەگەزی لە دەرەوەی وڵات (EBF)، سەرۆکی بەشی ئۆپەراسیۆنەکانی ئەو فەرمانگەیە ئۆغوز یورەت و کارمەندی ڕاهێنراوی ئەو بەشە ئایهان ئۆران-ەوە پلانی بۆ دانراوە و جێبەجێ کراوە، چونکە من دەنگی ئەوان دەناسم.
ئەم لێدوانانەی بەڕێوبەری میت ئەرهان پەکچەتین بە ڕوونی ئەوەی دەرخست، کە لە 9ی کانوونی دووەمی 2013دا کۆمەڵکوژی دژی ساکینە جانسز و فیدان دۆغان و لەیلا شایلەمەز لەلایەن میتی دەوڵەتی تورکەوە بە سەرۆکایەتیی تەییب ئەردۆغان ئەنجام دراوە.
بەڕێوبەری میت ئەرهان پەکچەتین ئەوەشی خستەڕوو، عومەر گونەی ئەندام و ستافی میتە: لە ئۆتێلێکی ئەنقەرەدا چاوپێکەوتنی زانیاری وەرگرتن لەگەڵ عومەر گونەی ئەندام و ستافی میت ئەنجامدراوە و تۆمارە دەنگییەکە لە ئۆتێلەکەدا تۆمار کراوە.
لە 14-01-2014 بەڵگەنامەی فەرمانی کوشتنەکە، کە بۆ تەقەکەر عومەر گونەی نێردراوە، بڵاوکرایەوە. بەڕێوەبەرانی میت دووپاتیان کردەوە، کە ئەم دۆکیومێنتە ڕاست و دروستە:
بە دڵنیاییەوە، ئەم جۆرە کوشتنانە هەستیارن. بابەتێکن، کە دەبێت لە بەرزترین ئاستدا بڕیاری لەسەر بدرێت. ژمارەیەکی کەم لە ئەندامان لەو فەرمان و بڕیارە ئاگادار دەکرێنەوە.
ئەرهان پەکچەتین دووپاتی دەکاتەوە، ئەو بەڵگەنامەیەی میت، کە لە میدیاکاندا بڵاو کراوەتەوە ڕاستە. لەسەر ئەم بەڵگەنامەیە، کە بەناونیشانی 'داواکاری' لەناو میتدا هەیە و بڵاوکراوەتەوە، ڕایگەیاند:
پێویستە یاداشتی داواکارییەکە بگاتە دەستی موستەشاری میت (سەرۆکی میت). موستەشاریش بۆ داواکارییەکە پرسیار لە سەرۆک کۆمار دەکات. پێم وانیە، کە موستەشار بە تەنها خۆی ئەو بڕیارە بدات، چونکا ئەو کێشانەی دەتوانرێت ببێتە هۆی ڕوودانی کێشەی نێونەتەوەیی. ئەویش لە کاتێکدا، کە گفتووگۆی ئاشتی بەڕێوەدەچوو. نەک ئایهان ئۆران، بەڵکو دەبێت بەڕێوبەری بەشەکە داواکارییەکەی ئامادە کردبێت. ئوغور قائان ئایک سەرۆکی بەشەکەیە، داواکارییەکە دەگاتە ئەو و ئەویش بۆ کەسانی تر، کە بەرپرسیارییان زیاترە بەرزی دەکاتەوە، کە ئەویش سەباحەدین ئاسال جێگری سەرۆکە ئەوە دەگاتە سەباحەدین ئاسال. ئەگەر هەڵە نەبم سەباحەتین ئاسال لەو کاتەدا لە وتووێژەکانی ئاشتی لەگەڵ محەمەد دەروێش ئۆغڵو بەشداری چاوپێکەوتنەکانی ئاشتی دەبوو. دوای سەباحەدین ئاسال، لەو کاتەدا هالوک ئۆزجان سەرۆکی هەواڵگریی گشتی (GÎB) بوو. سەرکۆی هەواڵگریی گشتیش ئەوە دەنێرێت بۆ یاریدەدەری سەرۆکی میت. یاریدەدەری سەرۆکیش، دەیداتە دەست سەرۆکی میت. بەو شێوەیە بەڵگەی داواکارییەکە دەگەڕێت. ئەمە کارێک نییە، کە یاریدەدەری سەرۆکی گشتیی هەواڵگریی گشتی بتوانێت ئەنجامی بدات. دەبێت بگاتە دەستی سەرۆک و موستەشار و ئەویش پەسەندی بکات.
لە ژێر بەڵگەنامەی 17-11-2012، واژۆی بەڕێوەبەرانی میت هەبوو.
لە ژێر بەڵگەنامەکەدا ناوی سەرۆکی بەش ئۆ. یورەت، سەرۆکی فەرمانگەکە یو. ک. ئایک، جێگری سەرۆک س. ئاسال، سەرۆک ه. ئۆزجان هەبوو.
بەڕێوەبەرانی میت، کە لە ئۆپەراسیۆنی هەپەگە دا دەستگیرکراون ئەو کەسانە دەناسن و ئەم زانیارییانەیان پێشکەش کرد:
ئیمزای ئۆ. یورەت، هی ئۆغوز یورەتە. ئۆغوز یورەت ئێستا سەرۆکی بەشی میتە لە وان. ئەو کاتە بەڕێوەبەری بەشی ئۆپەراسیۆن بوو.
ئو. ک-یش، ئۆگور قائان ئایکە. ئێستا سەرۆکی کاروباری تایبەتە. لەو کاتەدا سەرۆکی فەرمانگەی کاروباری جیاکاری ڕەگەزی لە دەرەوەی وڵات (EBF) بوو.
س. ئاسال-یش سەباحەدین ئاسالە و ئێستا جێگری موستەشارە (سەرۆکی میتە) بۆ هەواڵگریی ستراتیژی. ئەو کاتە جێگری سەرۆکی بەشی کاروباری جیاکاریی ئیتنیکی بوو.
ئەو ئیمزایانە، کە لەو داواکارییەدا هەن، ئیمزای ئەو کەسانەن.
ناوی جێگری سەرۆک، سەباحەدین ئاسالە، کە ناوەکەی لەژێر بەڵگەنامەکەدایەوە، ئەوە سەرنجڕادەکێشە، چونکە سەباحەدین ئاسال لە کۆبوونەوەکانی ئیمراڵیدا لە شاندی دەوڵەت دایە و لەگەڵ محەمەد دەروێش ئۆغڵو سکرتێری ئاسایشی گشتی بە ناوی میتەوە بەشداری دانوستانەکانی ئاشتی بوو.
سەباحەدین ئاسال لەبارەگای میت لەئەنقەرا چاوی بە عومەر گونەی کەوتبوو.
ئەو بەرپرسانەی میت، کە لەلایەن هەپەگە دەستگیرکرابوون، لە لێدوانەکانیاندا ڕایانگەیاند، پلانی کۆمەڵکوژی پاریس لە بارەگای میت لە ئەنقەرە داڕێژراوە. بلیتی فڕۆکەکەی عومەر گونەی لە ئاژانسی گەشت و گوزاری میت دا کڕدراوە.
بەڕێوبەری میت ئەرهان پەکچەتین لە لێدوانەکەیدا لەسەر ئەم بابەتە دەڵێت:
کارمەندێکی زانیاری بەناوی عومەر گونەی لە هۆتێلێکی ئەنقەرە چاوپێکەوتنی لەگەڵ کرا، تۆماری دەنگ لە هۆتێلەکە تۆمار کراوە.
ئەم زانیارییە سەرنج ڕاکێشانەی خوارەوە لەسەر شێوازی ڕێکخستنی فڕۆکەکەی عومەر گونەی و ڕێکخستنی کۆمەڵکوژییەکەی پاریس خرانەڕوو:
لەسەر ئاستی تیرۆرەکە، کاتێک لە میدیاکاندا ئاشکرا بوو، کە هاتووەتە ئەنقەرە و گەڕاوەتەوە بۆ پاریس و بلیتی گەڕانەوەی بۆ پاریس کڕیوە، کاتێک ڕوونبوویەوە عومەر گونەیە، ئەوان (فەرەنسیەکان) دەربارەی بابەتەکە داوای زانیارییان کرد و هەتا ئەو شوێنەی من بزانم هیچ وەڵامێکی ئەو داواکارییانە نەدراوەتەوە. پێم وایە ئاسایشی فەرەنساش نامەیەکی بۆ ئاسایشی تورکیا ناردووە. هەروەها ئاسایش کاری لەسەر کردووە و بلیتەکەی عومەر گونەی لە ئەنقەرە بۆ پاریس بە ژمارەی پی ئێن ئێن چاودێری کردووە. ئەوە دەگاتەوە ئەو ئاژانسە، کە بلیتەکەی لێ کڕیوە، ئەویش ئاژانسی هێڵی ئاسمانی تورکە. ئەو ئاژانسە، دەزگایەکە لە ناوچەکانی ڕۆژئاوای یەنی محەلە و لەوێ ئەندامان و ستافی ڕێکخستنی میت بلیتیان پێدەدرێت. من شوێنی ئەوم نەدیوە. ئێمە تەنیا تەلەفۆنەکەی بۆ دەکەین و ئەویش بلیتەکەمان بۆ دابین دەکات و ژمارەی پی ئێن ئێن –ی لێدەدات. بلیتەکە لەوێوە کڕدرا، لە ئاژانسەکەوە لە بارەگاکەی میت لە ڕۆژئاوای یەنی محەلە. نە لە ناو ڕێکخستن، بەڵکو لە بارەگاکەدا بلیتی گەڕانەوەی عومەر گونەی بۆ پاریس کڕدراوە.
بەڕێوەبەرانی میت ڕایانگەیاندووە، ئەو کارمەندانەی میت، کە لە کۆمەڵکوژییەکەی پاریسیان ئەنجامدا و تیادا بەشداربوون لەلایەن ئەردۆغانەوە پیرۆزباییان لێکراوە و پلەکانیان بەرزکراونەتەوە
ئەرهان پەکچەتین لەم بارەیەوە دەڵێت:
ئەو سێ کەسە پاش ماوەیەک، ئوگور قائان ئایک وەک نوێنەری دەوحە دیاریکرا. هەروەها ئۆغوز یورەت وەک سەرۆکی بەشی ئی تی ئای (ETÎ) دەستنیشان کرا. ئایهان ئۆرانیش پاش ماوەیەک بە شێوەیەکی یاسایی هەڵبژێردرا بۆ ئەسینا. ئەو بۆ ماوەی ساڵ و نیوێک مایەوە. هەروەها ئۆغوز یۆرەت بۆ سەرۆکایەتیی هەرێمی وان دەستنیشان کرا. ئوگور قائان ئایکیش وەک بەرپرسی کاروباری تایبەت دەستنیشان کرا، پلەکەیان بەخێرایی بەرزکرایەوە. ئایهان ئۆرانیش لە ڕێکخراوەکە دەرکرا.
بە دانپێدانانەکان و بەلگەنامەکان ئەوە سەلمێنرا، کە میت پلانی داڕشتووە و کۆمەڵکوژییەکەی پاریسی ئەنجام داوە.[1]

ئاشکرایە، پەکەکە نە لەسەر ڕەزامەندی حکومەتی هەرێم و نە بەخواستی هێزە سیاسیە سەرەکیەکانی کوردستانیش لە چیا و دۆڵەکانی باشورە، بەڵام بەحوکمی کورد بوونی ئه و هێزە و ڕەوایی کێشەکەیان لە باکور بمانەوێ و نەمانەوێ بەشی ئەوەندە هاوسۆز و کاریگەریان دەبێ کە لە ناوچە سەختەکان بمێننەوە. تورکیاش بەبیانوی بوونی پەکەکە هێزێکی گەورەی هێناوەتە باشور و تەنانەت لە هەندێک شوێن کە هەرگیز پەکەکەشی لێ نەبووە سەربازگەی دروستکردوە! بێگومان، هێزی تورکیا ڕزگارکەر نییە، بەڵکو داگیرکەرێکی ڕەزا قوڕسە.
دوای ئەوەی هێرشە ئاسمانی و زەمینیەکان بۆ سەر بنکە و بارەگاکانی پەکەکە خەست بوونەتەوە ڕۆژانە هەواڵمان پێ دەگات کە لە ناوچەکانی بادینان، سیدەکان و #چۆمان# هەندێ کەس بەبیانوی هاوکاری کردنی پەکەکە دەستگیر دەکرێن یاخود فشاریان دەخرێتە سەر. دیارە لێپرسینەوە لەهەر کەسێک کە کارێکی نایاسایی بکا ئەرکە، بەڵام شێوازی لێپرسینەوە و جۆری سزاش پێویستە بە ئەندازەی کارەکە بێ، نەک هاوکاری ودۆستایەتی پەکەکە پاساوێک بێ بۆ ترساندن و تۆڵەکردنەوە لە کادیر و لایەنگری حزبەکانی تر. ئەوە لەکاتێکدایە کە بەرۆژی ڕووناک سیخوڕەکانی میتی تورکیا ئەوەندە زۆر بوونە کە لە گەیاندنی هەواڵەکانیان کێبڕکێی یەکتری دەکەن، زۆر جاریش ئەوانە بۆ مەبەستی تایبەت هەواڵی نادروست دەدەن و لە ئەنجامیش تا ئێستا خەڵکێکی زۆری مەدەنی و بێ گوناهی باشور بونەتە قوربانی. لێرەدا هەڵوەستەیەک پێویستە، ئایا بۆچی دەبێ سیخوڕەکانی میت و وڵاتانی تریش تەڕاتێنی بکەن و کەس لە گوڵ گرانتریان پێ نەڵێ، کەچی بەبیانوی هاوکاری کردنی پەکەکە ڕۆژانە خەڵک بگیرێ؟[1]

میت - MIT لە ساڵی 1927 دامەزراوه. دەزگایەکی سەرکووتکەرە و هەردەم دژی کورد بووە.

#لاهور شێخ جەنگی# لە تویتێک دا بەزمانی عەرەبی دەربارەی سەردانەکەی هاکان فیدان، سەرۆکی دەزگای هەواڵگری تورکیا (میت) بۆ #هەولێر# و کۆبونەوەی لەگەڵ بەرپرسانی بەرەی تورکمانی دەڵێت: لەم ماوەیە و لە ڕابردوودا بینیمان بەرپرسانی سەربازی و هەواڵگری وڵاتانی دراوسێ بەو پەڕی ئازادییەوە چاویان بە کەسایەتی و پارتە سیاسیەکانی عێراق دەکەوێت.
لاهور شێخ جەنگی، دەڵێت: ”لە وێنەیەکدا سەرۆکی دەزگای هەواڵگری تورکیا دەرکەوتووە لەگەڵ ئەندامانی بەرەی تورکمانی لە هەولێری پایتەخت، ئایا چی وڵاتێکی تر ڕێگە دەدات سەرۆکی دەزگای هەواڵگری عێراق بڕوات کۆبونەوە لەگەڵ پارتەکان و سیاسیەکانی ئەنجام بدات لەناو وڵاتەکەی؟”.
لاهور شێخ جەنگی، وتیشی ”ئەمە دەست وەردانێکی ئاشکرایە لە کاروباری ئەوانی ترو ئایا سەروەری وڵات لە کوێدایە؟ بەداخەوە زۆربەی پارتە سیاسییەکانی عێراق لە وتار و دروشمدا درۆ لەگەڵ خەڵکی عێراق دەکەن دەربارەی سەروەری و سەربەخۆیی بڕیاریان”.
لەکۆتایدا دەڵێت ”گەلەکەمان شایەنی زەلیل کردن نییە و هاوڕام لەگەڵ موقتەدا سەدر کە دەڵێت نە ڕۆژئاوایی و نەڕۆژهەڵاتی، بەڵکو تەنها عێراقی”. [1]

ناوەندی ڕاگەیاندنی یەکینەکانی پاراستنی گەل (#یەپەگە#) بڵاویکردەوە، #شەڕڤان#ان دوێنێ 6ی ئەیلولی 2018 لە ناوچەی شەرای #عەفرین# چالاکییەکیان لە دژی چەتەکانی گروپی سوڵتان موراد ئەنجامداوە و بەو هۆیەوە 2 چەتە کوژراون.
بەپێی ڕاگەیاندراوەکەی یەپەگە، شەڕڤانانی یەپەگە دوێنێ پێنجشەممە 6ی ئەیلولی 2018 لە سەر ڕێگای نێوان گوندەکانی دێرسێوان و شێخ ئورزێ لە ناوچەی شەرای عەفرین چالاکییەکی بۆسە دانیانان ئەنجامداوە.
یەپەگە ڕاشیگەیاندووە، لەو چالاکییەدا 2 چەتە کوژراون و دەستیش بەسەر 2 چەکی جۆری ئەی کەی – 47 ی چەتەکاندا گیراوە.[1]
#07-09-2018#

ئەنگوسه‏تووتە، ئەنگوسه‏تووتەڵە، بابلیچک، بیچکڵانە، پوتە، پەنجەتووتە، پیت، تبلا بیچک، تپلاقچیلک، تلیابا، تلیا بەرکلیچک، تلیاقلیچک، تلیاقلیچکێ، تلیاقەرقووچک، تلیا گچکە، تووتە، تووتەڵە، توێتە، قامکه‏تووتە، قامکەچکۆلە، قامکەچکوڵە، قجیک، قجیلک، قلیچ، قلیچان، قلیچک، قلینج، قڵینجک، قڵینچک، قنجیلک، قەرەقووچ، قەلەکووچک، کابلووچ، کابلیچ، کلکەتووتە، کلگ تووتڵە، کلگ تووتە، کلگ کوچڵە، کلیچک، کوڵێ، گشتا قلانج، گشتاقلینج، گشتا قولانج، گشتامیت، گولاڵی، گولێ، گیشتاقلینج، مامەلینچک، میت، هەنگوسەویچکلێ، انگشت خنضر (انگشت خنضر)[1]