کەسایەتیێن دناڤا وێنە: #ئیدریس بارزانی#، #فازڵ میرانی# و #مەسعود بارزانی#
ساڵا گرتنا وێنەی: 1978
جهێ وێنەی: نەدیار
وێنەگر: نەناس [1]

لە یادی 37 ساڵەی کۆچی دوایی تۆدا، پەیمان دەدەین و بەڵێن دووپات دەکەینەوە، کە ماندوو نابین و ،درێژە بە ڕێباز و خەباتی خۆمان دەدەین. تێکۆشەران کۆچ ناکەن، ئەوان لە ویژدانی گەل و نەتەوەی خۆیاندا، هەردەم زیندوون. [1]

#فازڵ میرانی#
بەرپرسی دەستەی کارگێریی مەکتەبی سیاسیی #پارتی دیموکراتی کوردستان#
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

ناو: فازڵ
نازناو: فازڵ میرانی
ڕۆژی لەدایکبوون: #01-07-1948#
شوێنی لەدایکبوون: #موسڵ#
$ژیاننامە$

فازڵ موتنی میرانی ناسراو بە فازڵ میرانی، سیاسەتمەداری کوردە لە #کوردستانی باشوور#، لە ساڵی 1948 لە دایک بووە، پۆستی لە حزب لێپرسراوی دەستەی کارگێڕی مەکتەبی سیاسی #پارتی دیموکراتی کوردستان#ە.
میرانی لە 1ی تەمووزی ساڵی 1948 لە شاری موسڵ لەدایکبووە، بڕوانامەی بەکالۆریۆسی لە بەشی یاسای کۆلێژی یاسا لە زانکۆی سەڵاحەدینی شاری #هەولێر# بەدەست هێناوە، هەروەها شارەزایی لە زمانەکانی کوردی و عەرەبی و ئینگلیزی و فارسی و تورکی هەیە.
لە تەمەنی 18 ساڵیدە و لە ساڵی 1966 پەیوەندی بە ڕیزەکانی شۆڕش ئازادیخوازی کورد و کوردستان و پارتی دیموکراتی کوردستانەوە کردووە، لە هەمان ساڵدا بوو بە کادر لە ناوچەی زومماری (پ.د.ک) ، پاشان لە ساڵی 1967 بۆ درێژەدان بە خەباتی کوردایەتی ڕووی کردۆتە شاخ و بووەتە بە پێشمەرگە.
لە ناو پارتی دیموکراتی کوردستان دەرکەوتووە و پۆستی جۆراوجۆری هەبووە، لە ساڵی 1975 بووەتە ئەندامی مەکتەبی ناوەندی ڕێکخستن لە مەکتەبی سیاسی، دواتر لەهەمان ساڵ، دوای #ڕێککەوتننامەی جەزائیر# وەکوو زۆربەی کوردانی دانیشتووی باشوور ڕووی کردۆتە وڵاتی ئێران و ژیانی ئاوارەیی هەڵبژاردووە و لەوێش لەگەڵ پارتی دیموکراتی کوردستان بەردەوام بووە و پۆستی جۆراوجۆری وەرگرتووە، دوای ڕاپەڕینی مێژووییەکەی ساڵی 1991ی گەلی کوردستانی لە کوردستانی باشوور و گەڕانەوەی بۆ وڵات، پۆستی وەزیری ناوخۆی لە حکومەتی هەرێمی کوردستان بۆ ماوەی 5 ساڵ لە ساڵانی 1996-2001 وەرگرتووە. هەروە ها وە ک سەرپەرشتیاری دەزگای هەواڵگری پارتی یاخۆد پاراستن کاری کردووه، لە ساڵی 2004 تاوەکوو ساڵی 2022 پۆستی سکرتێری مەکتەبی سیاسی پارتی دیموکراتی کوردستانی وەرگرتووە. دواتر دووای ڕووخانی ڕژێمی بەعس لەنێو کاندیدەکان بۆ پۆستی سەرۆک کۆماری ئێراق ناوی میرانی هاتە ئاراوه. لە ئێستادا و پاش کۆنگرەی 14ەمینی پارتی دیموکراتی کوردستان کە لە شاری #دهۆک# بەسترا وەک لێپرسراوی دەستەی کارگێڕی مەکتەبی سیاسی ئەو حزبە هەڵبژێردرا.[1]

ناڤ: فازڵ
ناسناڤ: فازڵ میرانی
ڕۆژا ژ دایکبوونێ: #01-07-1948#
جهێ ژ دایکبوونێ: #موسڵ#
$ژیاننامە$
فازڵ موتنی میرانی یێ بەرنیاس ب فازڵ میرانی، سیاسەتمەدارەکێ ناڤدارە ل #کوردستانا باشوور#، ل ساڵا 1948ئان دە ژدایک بوویە، بەرپرسیارێ دەستەیا کارگێڕییا مەکتەبا سیاسی یا پارتیا دەموکراتا کوردستانێ یە.
میرانی ل یەکا تەمووزا ساڵا 1948 ل باژێڕێ مووسڵی ژدایک بوویە، باوەڕناما باکالۆریوسێ ل بەشا یاسایا کۆلێژا یاسا ل زانکۆیا سەڵاحەدین ل باژێڕێ #هەڤلێر#ێ ب دەست خوەڤە ئانییە. شارەزاییەکا ب تمامی ل زمانێن کوردی و عەڕەبی و تورکی و فارسی و ئینگلیزی هەیە. ل ساڵا 1966ئان دە و د ژیێ 18 ساڵیدە تێکەلی ڕیزێن شوڕەشا ئازادیخوازا کوردستانێ و #پارتی دیموکراتی کوردستان#ێ بوویە، هەر د وێ ساڵێدە بوویە کادرێ ناڤچەیا زوممار یا (پ. د. ک)ێ و پشتڕە ل ساڵا 1967ئان دە ژبو بەردەوامی دان ب شوڕەشێ پەیوەندی ب ڕێزێن پێشمەرگەهێ کوردستانێ و خەباتا چیایان کرییە، دناڤا پارتی دە هێدی هێدی بەرەف پێش چوویە و پلەیێن جور ب جور وەرگرتینە، ل ساڵا 1975ێ دە بوویە ئەندامێ مەکتەبا ناڤەندییا ڕێکخستن ل مەکتەبا سیاسی و پشتی ڕێککەفتن ناما جەزائیر وەکە جەماوەرەکێ بەرچاڤێ گەلێ کوردستانێ ژیانا دەربەدەریێ هەلبژارت و بەرەف وڵاتێ ئیرانێ کەتنە ڕێ، لوێرێ ژیک تەڤی پارتی یێ بەردەوام بوو و پوستێن حزبی وەرگرتینە، پشتی ڕاپەڕینا دیروکییا گەلێ کوردستانێ ل ساڵا 1991ئان دە ڤەگەڕیایە کوردستانا باشوور، ل کابینەیا حکومەتا هەرێما کورستانێ پۆستێ وەزیرێ ناڤخوە ژبو ماوێ 5 ساڵان ل ساڵا 1996 هەتا ساڵا 2001 وەرگرتییە، هەروەسا وەکە سەرپەرشتیارێ دەزگەها هەواڵگرییا پارتی ئانکو پاراستن کار کرییە، ل ساڵا 2004ێ دە هەتا ساڵا 2022 وەکە سکرتێرێ مەکتەبا سیاسیا پارتیا دەموکراتا کوردستانێ کارێ خوە کرییە، پشتی لناڤ چوونا رژێما دکتاتوورا عیراقێ ناڤێ وی دناڤا کاندیدێن سەروکاتییا کومارا عیڕاقا فەدەڕاڵدا هاتییە، دڤی دەمەیدا و پشتی کونگەرەیا 14ەمینا پارتی کو ل باژێرێ دهوکێ هاتە ئەنجام دان میرانی وەکە بەرپرسیارێ دەستەیا کارگیڕییا مەکتەبا سیاسییا ڤێ حزبێ هاتە هەلبژارتن.[1]

[1]

#فازڵ میرانی# بەرپرسی دەستەی کارگێڕی مەکتەبی سیاسیی پارتی، بەبۆنەی ھاتنی ساڵی تازە، پیرۆزبایی و ڕاگەیاندراوێکی بڵاوکردەوە و، داوای یەکڕیزی و تەبایی لە نێوان ھەموو گەلانی عێراق دەکات، ھەروەھا جەخت دەکاتەوە لەوەی کە دژی ھەموو ھەوڵێکی سەرلێشێواوان دەبن کاتێک بیانەوێ ھەوڵی تێکدانی شیرازە و ئاشتی و سەلامەتی کۆمەڵگا بدەن.

=KTML_Bold=ئەمەی خوارەوە دەقی ڕاگەیاندراوەکەیە….=KTML_End=
گەلی کوردستانی ئازیز.
سەرۆک #مەسعود بارزانی# ڕابەری نەتەوەییمان.
بەڕێز #نێچیرڤان بارزانی# سەرۆکی ھەرێمی کوردستان.
بەڕێز #مەسرور بارزانی# سەرۆکی #حکومەتی ھەرێمی کوردستان#.
بەڕێزان ئەندامانی مەکتەبی سیاسی و کۆمیتەی ناوەندی و سەرجەم ئەندامانی دەستە و لق و نووسینگەکانی پارتیمان.
خانەوادە و کەسوکاری شەھیدان و ئەنفالکراوان.
پێشمەرگە قارەمانەکان و ھەموو قوربانیانی سیاسەتی ڕاگواستن و سەرجەم پێکھاتەکانی گەلی عێراقی بەڕێز بەجیاوازیی ڕەگەز و بیر و فرەنەتەوەکانی و، ھەموو ئەوانەی باوەڕیان بەئاشتی و پێکەوەژیانی ئاشتییانە ھەیە.
=KTML_Bold==KTML_Bold=خوشک و برایانمان=KTML_End==KTML_End= و ڕۆڵە و کەسوکارمان لە کریستیانە ئازیزەکانی کوردستان و عێراق و جیھان، ھەموو بزاڤە سیاسی و حیزبیەکان و ھەموو سەرۆکایەتییەکان و دەزگاکانی دادوەری و دەسەڵاتەکانی یاسادانان و جێبەجێکردن و سەرجەم دەزگاکانی ڕاگەیاندن.
خۆشحاڵین کە بەبۆنەی سەری ساڵی تازەی زایینی پیرۆزباییەکی زۆر گەرم لە ھەمووان بکەین، بەو ئومێدەی ساڵێکی خۆش بێت بۆ ھەمووان و ھەموومان بتوانین بە گڕوتینێکی بەھێز و حەکیمانە خزمەتی نیشتیمانەکەمان و مێژووە دێرینەکەی بکەین، بەتایبەت لە ھەرێمی کوردستان، کە لەناو دڵ و خوێن و ویژدانماندا ڕواوە.
ئێمە لەکاتێکدا پێ دەنێینە نێو ساڵی تازەی زایینیەوە، پاش تێپەڕبوونی بیست ساڵ بەسەر گۆڕانی ڕژێمی سیاسیی پێشوو، ھەروەھا دوای بەڕێکردنی دەیەھا ساڵ لە خەبات و کۆشش بۆ ئەوەی گەلەکەمان بەویژدانەوە ببێتە خاوەن ماف و، پابەندیی دادپەروەری و پاراستنی بەرژەوەندییەکان بێت.
خوشک و برایانمان
ئێمە لەکاتێکدا پیرۆزبایی ئەم جەژنەتان لێ دەکەین، لەھەمان کاتدا نزا و ھیوای ڕاستگۆیانەی پڕ بەدڵتان بۆ دەخوازین، کە ھەموومان بەھەموو توانایەکمان لەچوارچێوەی یاساوە ڕۆڵی ژیرانەی خۆمان ببینین و بڕوانین و بتوانین ئاستەنگەکان لاببەین لەپێناو خزمەتکردنی جەماوەری خەڵکی وڵاتەکەمان.
گەلی کوردستانی ئازیز و ھەموو گەلانی عێراق، ھەموو کاتێک نموونەیەکی زۆر بەرزی ئازایەتی و مرۆڤایەتی و بەھاناھاتنی لێقەوماوان بووە و ھەر بەو شێوەیەش دەمێننەوە و بەردەوام دەبن لەدژی ھەموو ھەوڵێکی سەرلێشێواوان، کاتێک ھەوڵی تێکدانی شیرازەی ئاشتی و سەلامەتی کۆمەڵگا دەدەن.
ھەمیشە خوێنی شەھیدان و برینداران و ئاوارە و ڕاگوێزراوان و قوربانیانی ئەنفال و چەکی کیمیاوی، وەکو پەندێک لەبەردەممان دەبێت بۆ ڕێگری لە دووبارەنەبوونەوەی ھەموو ئەو کارەساتانەی، کە خوا پێی ناخۆشە و مێژووش لێی نابوورێت و قەتیش نە ڕێگا دەدەین و نە بە دووبارە کردنەوەشی ڕازی دەبین.
خوشک و برایانی ئازیز و لەدڵمان شیرین
دووبارە پیرۆزباییتان لێ دەکەم و بەو ھیوایەی، کە ھەموومان ھەموو کاتێک یەکدەست بین بۆ لەناوبردنی ھەموو ئەوانەی، کە ھەوڵی تێکدانی یەکڕیزیی نیشتیمانی و نەتەوەییمان دەدەن و خەباتیشمان ھەمیشە بەردەوام دەبێت لەو ڕۆژەوەی، کە لەسەر ڕێبازی (#مستەفا بارزانی#ی نەمر) سوێندمان خوارد، کە بۆ سەربڵندیی گەلەکەمان بەردەوام بین و ھەتا ھەتایە تێبکۆشین.
ساڵی نوێی زایینی لە کریستیان و موسڵمان و ئێزیدی و کاکەیی و مەندائی و سەرجەم ئایین و پێکھاتە ئازیزەکانی عێراق پیرۆز بێت. [1]

فازڵ میرانی
بەرپرسی دەستەی کارگێڕی مەکتەبی سیاسیی #پارتی دیموکراتی کوردستان#
#30-12-2023#
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

ئەمڕۆ #12-12-2023# ڕێزدار (#فازڵ میرانی#) بەرپرسی دەستەی کارگێڕی مەکتەبی سیاسیی #پارتی دیموکراتی کوردستان# سەردانی فەرماندەی فەرماندەیی پێشمەرگەی زێڕەڤانی (#عەزیز وەیسی 2# بانی) کرد بە بۆنەی پلەبەرزکردنەوەی بەرێزیان لە پلەی (لیوا) بۆ پلەی (فەریق) کە لەلایەن ڕێزدار (#مەسرور بارزانی#) سەرۆکی #حکومەتی هەرێمی کوردستان#ەوە ئەنجام درابوو.
لەو دیدارەدا بەرپرسی دەستەی کارگێڕی مەکتەبی سیاسی، پیروزبایی لە (فەریق عزیز ویسى) کرد و هیوای سەرکەوتنێ بۆ خواست لە ئەرکە پیرۆزەکەیدا و ئەماژەیدا پێویستە مرۆڤ هەر پلە و پۆستێکی وەری دەگرێت لە خزمەتی وڵاتەکەی و لە پێناو سەرفرازبوونی گەلەکەی بەکاری بێنێت.
لای خۆیەوە فەریق عزیز وەیسیش بەگەرمی سوپاسی بەڕێز فاضل میرانى کرد بۆ ئەو سەردانە و بە پشتیوانیێکی گەورەی لە قەڵەم دا.
لەکۆتاییدا هەردوو لا چەندین بابەت و پرسی گرنگی دەڤەرەکە و چەندین بابەتی گرێدراوی ڕەوشی کوردستان و عێراقیان تاووتوێ کرد. [1]

=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!

پێشنیوەڕۆی ئەمڕۆ، شەممە، ڕێکەوتی #05-08-2023#، لە بارەگای مەکتەبی سیاسی لە #پیرمام#، #فازڵ میرانی# بەرپرسی دەستەی کارگێڕی مەکتەبی سیاسیی #پارتی دیموکراتی کوردستان#، پێشوازی لە بەڕێز کاردیناڵ لویس ساکۆ، پاتریارکی کڵێسای کلدانی لە ئێراق و جیهان کرد.
لە دیدارەکەدا کە #هۆشیار زێباری# ئەندامی دەستەی کارگێڕی و ڕێبوار یەڵدا ئەندامی مەکتەبی سیاسی ئامادەیبوون، فازڵ میرانی وێڕای بەخێرهێنانی قەداسەتی پاتریارک، ئاماژەی بەوەدا هەرێمی کوردستان ماڵی بەڕێزیان و هەر ئازادیخواز و دیموکراسیخوازێکە.

پاتریارک لویس ساکۆ، وێڕای دەربڕینی خۆشحاڵی خۆی بۆ ئەو دیدار و پێشوازییە گەرمەی لە مەکتەبی سیاسی لێی کرا، سوپاس و پێزانینی ئاڕاستەی جەنابی سەرۆک #مەسعود بارزانی# و سەرکردایەتی پارتی کرد، بۆ هەڵوێستی مێژووییان لەبارەی ئەو غەدرەی کە لە خۆی و کڵێسای کلدانی و تەواوی مەسیحیەکان لە ئێراق کرا. هەروەها هەرێمی کوردستانی بە ناوچەیەکی ئارام و جیاواز وەسفکرد بەراورد بە ناوچەکانی دیکەی ئێراق و ئاماژەی پێدا لە هەرێمی کوردستان یاسا و سیستەم هەیە بۆیە هاووڵاتییەکانی و ئێمەش هەست بە ئاساییش و ئارامی دەکەین لە کوردستان.

سەبارەت بەو مامەڵە نەشیاوەی کە بەرانبەر بەڕێز پاتریارک کرا لە ئێراق، فازڵ میرانی نیگەرانی خۆی و پارتی دەربڕی و ئاماژەی پێدا کە ئێوە نوێنەرایەتی پاپا و تابلۆ ڕەنگاوڕەنگەکەی کومەڵگای ئێراقی دەکەن، بۆیە کاریگەرییە نەرێنییەکانی ئەو مەرسومە زۆر دەبێت و هەرئەمەشە بووەتە هۆی ناڕەزایی دەربڕین لەسەر ئاستی ناوخۆیی و ناوچەکە و جیهانیش. جەختیشی کردەوە هەڵوێستی جەنابی سەرۆک و پارتیمان هەڵوێستێکە لە باوەڕی نەگۆڕمانەوە بە یەکترقبووڵکردن و پێکەوەژیانی سەرجەم پێکهاتەکانی ئێراقەوە هاتووە، بوێری و هەڵوێستی بەڕێز پەتریارکی سەرباری ئەو نادادییەی بەرانبەری کراوە بەرزنرخاند و دووپاتیشی کردەوە ئەو نادادییەی کرا تەنیا غەدر‌ نەبوو لە بەڕێزیان‌، بەڵکوو غەدرێکە بەرانبەر مەسیحیەکان و سەرجەم پێکهاتەکانی ئێراق.
لە کۆتاییدا هەردوولا جەختیان لەسەر گەڕاندنەوەی ماف بۆ خاوەن ماف کردەوە‌ و هیواین خواست سیستەمی حوکمڕانی لە ئێراق بکەوێتە سەر ڕاستەڕێی خۆی و دەستوور و یاساکان جێبەجێ بکرێن و ڕێز لە مافی پێکهاتەکان بگیرێت و ژیانێکی شایستە و ئارام بۆ سەرجەم هاووڵاتییان‌ فەراهەم بکرێت. [1]

ئەمڕۆ #18-01-2022# لە #پیرمام# لە بارەگای مەکتەبی سیاسی #پارتی دیموکراتی کوردستان#، #فازڵ میرانی# سکرتێری مەکتەبی سیاسی پارتی پێشوازی لە پەتریارک کاردینال مار لویس ڕۆفائیل ساکۆ و شاندێکی یاوەری کرد.
‏‎ئەمڕۆ سێشەممە 18-01-2022، لە بارەگای مەکتەبی سیاسی پارتی دیموکراتی کوردستان لە پیرمام فازڵ میرانی، سکرتێری مەکتەبی سیاسی پارتی دیموکراتی کوردستان، پێشوازی لە پەتریارک کاردینال مار لویس ڕۆفائیل ساکۆ و شاندێکی یاوەری کرد.
لە سەرەتای دیدارەکەدا کە #هۆشیار زێباری# و ئازاد بەرواری و ڕێبوار یەڵدا ئەندامانی مەکتەبی سیاسی پارتی ئامادەی دیدارەکە بوون، میرانی بەگەرمی بەخێرھاتنی پەتریارک مار لویس و شاندی یاوەری کرد کە پێکھاتبوون لە مەتران مار باسیلیۆس یلدۆ یاریدەدەری پەتریارکی.
فازڵ میرانی، ستایشی ڕۆڵی پەتریارکی لە نیشتمانپەروەری و ڕاگرتنی ھاوسەنگی کرد. دووپاتیشی کردەوە کە سیاسەتی پارتی نەگۆڕە و ھەڵقوڵاوی ئەو خەباتە مێژووییە و کولتوور و ڕێبازی بارزانی نەمرە کە دەیان ساڵە بەردەوامی ھەیە، کە پرەنسیپی ڕۆحی پێکەوەژیان و ئاشتی و تەبایی لەنێو پێکھاتەکانی ھەرێمی کوردستانی چەسپاند.
لەلای خۆیەوە جەنابی پەتریارک سوپاسی مەکتەبی سیاسی و فازڵ میرانی کرد بۆ ئەو پێشوازییە گەرمەو ھەردوولا باسیان لە بارودۆخی ئێستای ئێراق و ناوچەکە کرد، بەتایبەتیی ئەو دۆخەی دوای ھەڵبژاردنەکانی ئۆکتۆبەری ئەنجوومەنی نوێنەرانی ئێراق ھاتۆتە کایەوە و دۆخی کریستیانەکان لە ھەرێمی کوردستان و ئێراق، بەڕێز ساکۆ ستایش و سوپاسی ھەرێمی کوردستانی کرد بۆ ئەو پێشوازییە لە کریستیانەکانی ناوەند و خوارووی ئێراق کراوە کە لەبەر ستەم و زۆرداری تیرۆرستان پەنایان ھێناوەتە ھەرێمی کوردستان.
ناوبراو ستایشی ئەو پێشکەوتنەی ھەرێمی کوردستانی کرد کە بەخۆیەوە دەیبینێت لە بواری ئاوەدانی و پێکەوەژیان و ئەمن و ئاساییشەوە و جەختی لە پێویستی یەک دەنگ و یەکڕیزی لایەنی کوردی کرد بەرانبەر لایەنەکانی دیکە لە پڕۆسەی سیاسی لە وڵاتدا بە ئامانجی بنبڕکردنی تیرۆر و کاری تێکدەرانە و ڕزگارکردنی ھەرێم و ئێراق لە ستەم و زۆرداری و گەندەڵی. [1]

بەرپرسی دەستەی کارگێڕی مەکتەبی سیاسیی #پارتی دیموکراتی کوردستان#، پێشوازی لە شاندێکی دەستەی سیاسیی کلدانی کرد و، تێیدا باسیان لە پێکەوەژیانی ئاشتیانەی کوردستان کرد، کە بەرهەمی ڕێبازی بارزانی نەمرە.
ئەمڕۆ پێنجشەممە، ڕێککەوتی #06-07-2023#، #فازڵ میرانی# بەرپرسی دەستەی کارگێڕی مەکتەبی سیاسیی پارتی دیموکراتی کوردستان، پێشوازی شاندێکی دەستەی سیاسیی کلدانی بە سەرۆکایەتی جەنان جەبار کرد، وێڕای بەخێرهێنانیان، جەختی لەسەر پەیوەندییەکانی نێوان پارتی دیموکراتی کوردستان و لایەنە مەسیحییەکان کرد، کە لە ئاستێکی زۆر بەرزدایە و، شانازی بە هاوڕیزی و هاوخەباتی و ئەو پێکەوەژیانەی کە لە هەرێمی کوردستان هەیە، دەکەین و، پاراستنی هەرێمی کوردستان و قەوارەکەی، بە ئەرکی هەمووان زانی.
میرانی ئاماژەی بەوەشدا، کە بە ڕاسپاردەی جەنابی سەرۆک بارزانی و ئامۆژگارییەکانی بەڕێزیان، هەموو نەتەوە و ئایینەکان لە هەرێمی کوردستان ئازادن لە دەربڕینی هەڵوێستیان و چۆنییەتی بەکارهێنانی مافەکانیان، ئەمە ڕێبازی بارزانی نەمرە.
دواتر بەرپرسی دەستەی کارگێڕی مەکتەبی سیاسی، باسی لەوەکرد، کە پارتی دیموکراتی کوردستان، لەگەڵ ئەوەیە هەموو پارت و لایەنە سیاسییەکان، بڕیاری سەربەخۆی خۆیان هەبێت، چونکە ئەمە لە خزمەتی بەرژەوەندی باڵای هەرێمی کوردستانە، جەختیشی لەوە کردەوە، کە ڕێکخستنی نێوماڵی کورد لەم قۆناغەدا، کارە هەرە لە پێشینەکانی پارتییە.
لای خۆیەوە، جەنان جەبار، بە ناوی شاندی دەستەی سیاسیی کلدانی، سوپاسی مەکتەبی سیاسی کرد بۆ ڕەخساندنی ئەم دیدارە و، باسی لەوەشکرد، کە دامەزراندنی دەستەی سیاسیی کلدانی ئامانجی ئەوەیە، نەتەوەی کلدان یەک وتاری سیاسییان هەبێت و، لە خزمەتی بەرژەوەندی هاووڵاتییانی کوردستاندا بێت و، بەرژەوەندییە باڵاکانی بپارێزێت. [1]