[1]

پدوای ئەوەی ئەمڕۆ #06-01-2023# هەرسێ پارێزگارەکەی هەرێم بەیاوەری سەرۆکی هەرێم و وەزیری ڕۆشنبیری حکومەتی هەرێم، بە فڕۆکەکەی سەرۆکی هەرێم گەشتنە شاری بەسرە بۆ بەشداریکردن لە کردنەوەی پاڵەوانێتی کەنداوی 25، بەڵام پارێزگاری #هەڵەبجە# لەگەڵ ئەو شاندە نەبیندرا، ئەوەش پرسیاری لای هاووڵاتیان درووستکرد.
#ئازاد تۆفیق# پارێزگاری هەڵەبجە ڕایگەیاند: هۆکاری نەچوونم لەگەڵ پارێزگارەکانی دیکەی هەرێم بۆ شاری بەسرە بۆ ئەوە دەگەڕێتەوە کە من لە ڕۆژی دووشەممەی ڕابردووەوە #26-12-2022# بۆ ئەمڕۆ 06-01-2023 مەوعیدم لەگەڵ کونسوڵی ئەڵمانیا و فەرماندەی هێزەکانی ئەو وڵاتە لە هەرێمی کوردستان هەبوو. [1]

دەقی پرسەنامەکەی مەسعود بارزانی:
بەناوی خودای بەخشندە و میهرەبان
بەداخێکی زۆرەوە ئەمڕۆ 7ی کانوونی یەکەمی 2021، لە ئاکامی هێڕشێکی تیرۆرستی لە شاری بەسرا، ژمارەیەک هاووڵاتی شەهید و برینداربوون، وێڕای ئەوەی بە توندی ئیدانەی ئەو هێڕشە تیرۆرستیە دەکەم، سەرەخۆشی لە خانەوادەو کەسوکاری قوربانیانی ئەو ڕوداوە دڵتەزێنە دەکەم، هیوای چاکبوونەوەی خێرا بۆ برینداران دەخوازم، لە خودای مەزن داواکارم قوربانیانی ڕوداوەکە بە بەهەشتی بەرین شاد بکات و سەبر و ئارامیش بە کەسوکار و خانەوادەکانیان ببەخشێت.
مسعود بارزانی
7ی کانوونی یەکەمی 2021[1]

⚠️ تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!

تیپی تۆپی پێی یانەی وەرزشی پێشمەرگە بە شێوەیەکی چڕ ئامادەکاری دەکات بۆ بەشداری لە وەرزی نوێی خولی پلە یەکی تۆپی پێی یانەکانی ئێراق دا و لەو چوارچێوەیەشدا و بە مەبەستی ئەنجام دانی کەمپێکی مەشقی، تیمەکەی پێشکەوتوانی پێشمەرگە ڕووی کردە شاری #هەولێر#، ئەمە و لە درێژەی مەشق و ئامادەکارییەکانی و ئەنجام دانی یارییە دۆستانەکانی، لەسەر یاریگەی ئاڵا ڕووبەڕووی یانەی نەفتی بەسرە بوونەوە، لەو یاریە دۆستانەیەدا هەردوو تیم بە بێ‌ گۆڵ یەکسان بوون و یاریگەیان بەو شێوەیە جێهێشت.
ئامادەکارییەکانی تیپی تۆپی پێی یانەی پیێشمەرگە لە شاری هەولێر بەردەوام بێت و درێژە بە یارییە دۆستانەکانیشی بدات.[1]

لە شاری بەغدای پایتەختی ئێراق و لەنێو بارەگەی یەکێتی ناوەندی بالەی ئێراق، بە ئامادەبوونی (د. حەبیب عەلی) سەرۆکی یەکێتی ناوەندی بالەی ئێراق و ئەندامانی یەکێتییەکە و نوێنەری تەواوی یانەکانی بەشداری خولی نایابی بالەی ئێراق کۆبوونەوەیەکی فراوان بۆ دانانی کار و بەرنامەی وەرزی 2023-2024ی چالاکییەکانی یەکێتی بالەی ئێراق ئەنجام درا.
لەو کۆبوونەوەیەدا بڕیار درا لە مانگی (11-2023) یاری جامی سوپەری بالەی یانەکانی ئێراق لەنێوان یانەکانی غازی بەسرەی پاڵەوانی وەرزی ڕابردوو هەروەک یانەی پێشمەرگە کە توانی پلەی دووەم بەدەست بهێنێت بەڕێوە بچێت.
ئەمە و یانەکانی بەشداری خولی نایاب دابەشی سەر چوار کۆمەڵە کران و هەروەک بەڕێوەچوونی خولی ئاستە تەمەنییەکان بۆ یانەکانی نایاب خرایە نێو پڕۆگرامی چالاکییەکان و دواجار مانگی (10-2023) دیاری کرا بۆ ڕاکێشانی تیروپشکی خولی نایابی بالەی یانەکانی ئێراق بۆ وەرزی 2023-2024. [1]

ماوەی چەند مانگێکە شاری بەسرە ڕووبەڕووی چەندین کێشەی خزمەتگوزاری بووەتەوە، یەکێک لەو کێشانەش نەبوونی ئاوی شیرین و خاوێنە لە ماڵەکان، کە بەو هۆیەشەوە تاوکو ئێستا سەدان کەس تووشی نەخۆشی و سکچوون بوون.
وەک هاوکارییەک بۆ دانیشتووانی کەمدەرامەتی ئەو شارە، دەزگای خێرخوازی بارزانی ملیۆنێک و 200 هەزار بوتڵی ئاوی بەسەر دانیشتووانی بەسرەدا دابەشکرد.
بەهۆی سوێری و پیسی ئاوی شەتولعەرەب زۆرینەی خەڵکی پارێزگاکە ئاوی پاک و خاوێنیان دەستناکەوێت. مەترسی بڵاوبوونەوەی کولێراش لە شارەکە دەکرێت.
دانیشتووانی بەسرە نیگەرانن لە هەڵسوکەتی حکومەتی عێراق بەرامبەر بە شارەکەیان و ئاماژە بەوەدەکەن کە حکومەت بەهیچ شێوەیەک لە خەمی دانیشتووانی شارەکەیاندا نییە.
ئافرەتێکی بەساڵاچوو دەڵێت داواکاریمان ئەوەیە کە ئاومان نییە. پیاوەکانمان دانیشتوون، ژیانمان پڕ لە نەهامەتییە و چارەنووسمان بەدبەختییە. داوەشێ ئەم حکومەتەی ئێمە.
هاووڵاتییەکی دیکە دەڵێت بەخودا ڕەوشمان زۆر خراپە. یەکەم بێکارین، دووەم تینویەتی ئێمەی کوشتووە. سێیەمیش هیچ کەس نییە بەبەزەیی بێت لەگەڵتدا.
موسا ئەحمەد، سەرۆکی دەزگای خێرخوازی بارزانی ڕایگەیاند، ئەوان دەبنە پردێک بۆ گەیاندنی هاوکاری لەنێوان خەڵکی بەسرە و هەر خێرخوازێکدا کە بیەوێت هاوکاری دانیشتووانەکەی بکات و ئەوان هەموو کارئاسانییەکی لۆجیستی بۆ دەکەن.
تاوەکو ئێستا 18 هەزار کەس لە بەسرا تووشی سکچوون، ڕشانەوە و نەخۆشی جۆراوجۆر بووەن. بەرپرسانی شارەکە داوادەکەن حکومەتی پارێزگاکە بە شوێنێکی نەشیاو بۆ ژیان بناسێنێت بۆ ئەوەی هاوکاری نێودەوڵەتی بکرێن.[1]
#31-08-2018#

بەناوی پەروەردگاری بەخشندەو میهرەبانەوە
ئەی گەلی عێراقی دلێر
ئەی ڕۆڵەکانی بەسرەی فەیحا،
سڵاوی خوداتان لێ بێت،
چەند ناوچەیەکی پارێزگای بەسرە خۆپیشاندان و کۆبونەوەی ناڕەزایی هاوڵاتیانیان بە خۆوە بینیوە کە زۆربەیان بێکار و بێ دەرامەتن و داوای دۆزینەوەی دەرفەتی کار و دابینکردنی خزمەتگوزاریی و چاککردنی باری ئابوریی و گوزەرانیان دەکەن، سەرباری ڕەتکردنەوە و بەگژاچونەوەی دیاردەکانی گەندەڵیی و کەموکورتییەکان لە هەمو بوارەکاندا.
ئەو ناڕەزاییانە پەرەیان سەند و هەندێک کات گەیشتە ئەوەی هەندێک خۆپیشاندەری دیاریکراو هەڵبکوتنە سەر دامەزراوەکانی نەوت لە پەترۆڵە جاڕەکانی گوڕنە و ئاگر تێبەردانی بینا و موڵک و ماڵی حکومیی و ئۆفیسی کۆمپانیا بیانییەکانی نەوت، ڕوبەڕوبونەوەکانیش بریندار و بەرکەوتوی تریان لێکەوتەوە لە نێو هاوڵاتیانی بێ دیفاعدا.
لە کاتێکدا داوا لە هەمو ڕۆڵەکانی گەلمان بە تایبەتیی خۆپیشاندەرانی ناڕازیی دەکەین هێمنی و پابەند بون بە قانون و دان بەخۆدا گرتن و زیان نەگەیاندن بە بیناو موڵک و ماڵی حکومەت و ئۆفیسی کۆمپانیاکانی نەوت بخەنە سەرو هەرشتێکی ترەوەو، هەر دەستدرێژیی کردنە سەر کارمەندانی عێراقیی و بیانیی ئیدانە دەکەین، داواش لە دەسەڵاتدارانی ئەمنیی دەکەین لێکۆڵینەوەی بە پەلە بکەن لەبارەی هەرزیاد ڕەوییەک و لێپێچینەوەی کەمتەرخەمییەکان، هاوکات داوا لە حکومەتی خۆجێی لە پارێزگاکە و حکومەتی فیدراڵیی دەکەین کاری جدیی و بەپەلە بکەن بۆ بەدەنگەوە چونی داخوازیی ڕەوای خۆپیشاندەران و گرتنە بەری هەنگاوی جدیی و پراکتیکیی بۆ چاککردنی خزمەتگوزارییەکان بە تایبەتیی کارەبا، ئاوی خواردنەوە، تەندروستیی، خزمەتگوزارییە گشتییەکان و چارەسەرکردنی ئەو ئاستەنگانەی کە هاوڵاتیانی لە ناوچە جیاجیاکانی پارێزگاکە بێزار و وەڕس کردوە.
لە کاتێکدا لەیەزدان دەپاڕێینەوە شیفای خێرای برینداران بدات، داواش لە هێزە ئەمنییەکانی بەسرە دەکەین گیانی هاوڵاتیان بپارێزن و مافی خۆپیشاندەران زامن بکەن لە دەربڕین و خستنەروی داوا و خواستەکانیان بە شێوازی ئاشتیی، دوپاتیشی دەکەینەوە کە پێویستە ڕێ بگیرێت لە بەلادابردنی ڕەوتی ڕاستەقینەی خۆپیشاندانەکان و کارکردن بۆ پاراستنی موڵک و سامانە گشتیی و تایبەتییەکان، هاوکات داوا لەخۆپیشاندەران دەکەین خۆیان بەدور بگرن لە دامەزراوە حکومییە ژیارییەکان و پەترۆڵە جاڕەکان. بەم بۆنەیەوە پێشوازیی دەکەین لە هەوڵی حکومەتی فیدراڵیی بۆ گرتنەبەری کۆمەڵێک بڕیاری بە پەلە بۆ چارەسەرکردنی ئەم قەیرانە بە پێکهێنانی لیژنەیەکی وەزاریی بە مەبەستی بەدواداچونی بارودۆخی پارێزگاکە، ڕاستەوخۆش پشتگیریی وەزارەتی نەوت دەکەین بە جێبەجێکردنی ڕاگەیاندنی دابینکردنی دەهەزار پلەی وەزیفیی لە کەرتی نەوتدا بۆ ڕۆڵەکانی پارێزگاکە بەزوترین کات، لێرەدا جارێکی تر پێویستیی هەرچی زوتری چارەسەرکردنی تەواوی کێشەکان دوپات دەکەینەوە بێ دواکەوتن و کۆتایی هێنان بە هەمو شێوەیەکی گرژیی و ئاڵۆزیی لەسەر بناغەی دەستور و قانونە کارپێکراوەکان، پێداگرییش دەکەین لەسەر پێویستیی گەڕانەوەی دەستبەجێی ژیانی هاوڵاتییان لە پارێزگای بەسرە بۆ دۆخی ئاسایی خۆی و بەشێوەیەکی هەمیشەیی. هیوادارین و دڵنیاین لەوەی کە هەموان هەلومەرجەکە ڕەچاو بکەن، پێکەوە کاری جدیی و لێبڕاوانە بکەن لە پێناوی دان بەخۆدا گرتن و ڕێ خۆشکردن بۆ چارەسەری ئاشتیی بنیاتنەر و دەستوریی کە بەرژەوەندیی باڵای نیشتمانیی بپارێزرێت، شانبەشانی بەدەنگەوەچون و دەستەبەرکردنی مافەکانی هاوڵاتییان و چاککردنی باری ژیانی ڕۆژانەیان.
#فوئاد مەعسوم#
سەرۆک کۆمار
#13-07-2018#

بەناوی خودای بەخشندە و میهرەبان
بە ڕووداوەکانی شاری بەسڕا و گیانلەدەستدان و برینداربوونی خەڵکی ناڕازیی و پێشهاتەکانی چەند ڕۆژی ڕابردووی ئەو شارە زۆر نیگەرانین، هاوخەمی و سەرەخۆشیی خۆم ئاراستەی خانەوادە و کەسوکاری قوربانیان دەکەم و هیوای چاکبوونەوەی خێرا بۆ برینداران دەخوازم.
لەگەڵ ئەوەی خۆپێشاندان و دەربڕینی ناڕەزایی بە مافی خەڵک دەزانین لە هەمانکاتدا پێمانوایە خەڵکی ئەو شارە مافی خۆیانە لە ژیانێکی شاییستەدا بژین.
جێی سەرسوڕمانە کە لە دەوڵەمەندترین شاری دونیادا خەڵک بە دەستی کێشەی نەبوونی ئاوی خواردنەوە و بڵاوبوونەوەی نەخۆشی بناڵێنێت و ئەو مەحروومیەت و پشتگوێخستنە هیچ پاساوێک هەڵناگرێت.ئێمە هەرگیز لوتف و گەرمی و موحەبەتی خەڵکی بەڕێزی شاری بەسڕا لەیاد ناکەین کاتێک بە جۆش و خرۆشەوە پێشوازییان لە بارزانیی نەمر و یاوەرانی کرد کە لەبەر خەباتیان لەدژی ستەم و جیاکاری بۆ ساڵانێکی درێژ پەنایان بۆ یەکێتی سۆڤییەت بردبوو.
بۆیە لێرەدا هاوسۆزیی و پشتیوانیی خۆمان بۆ هاووڵاتیانی شاری بەسڕا ڕادەگەیێنین و هیوادارین ڕێز لە مافەکانیان بگیرێت و داخوازییەکانیان جێبەجێ بکرێن کە لە ڕاستیدا ئەو داواکارییانە سادەترین مافە کە پێویستە هەر مرۆڤێک هەیبێت.
داوا لە خەڵکی بەڕێزی شاری بەسڕا دەکەم کە بۆ ئەوەی ژیانی خەڵک نەکەوێتە مەترسی خۆپێشاندانەکان ئاشتیانە و دوور لە توندوتیژی بن. بە دڵنیاییەوە خەڵکی هەرێمی کوردستانیش ئەوەی لەدەستیان بێت بۆ گەیاندنی یارمەتی بۆ هاووڵاتیانی شاری بەسڕا درێخی ناکەن.
#مەسعود بارزانی#
#05-09-2018#

سەرۆکی هەرێمی کوردستان بۆ بەشداریکردن لە ڕێوڕەسمی کردنەوەی جامی کەنداوی 25 ، گەیشتە بەسرە.
ئێوارەی هەینی، #06-01-2023#، #نێچیرڤان بارزانی#، سەرۆکی هەرێمی کوردستان بە یاوەریی #حەمەی حەمەسەعید#، وەزیری ڕۆشنبیریی و لاوان، #فەلاح مستەفا#، ڕاوێژکاری باڵای سەرۆکی هەرێمی کوردستان،
#ئومێد خۆشناو#، پارێزگاری #هەولێر#، #هەڤاڵ ئەبوبەکر#، پارێزگاری سلێمانی، #عەلی تەتەر#، پارێزگاری دهۆک و، دکتۆر #شاکر سمۆ#، بەڕێوەبەری گشتیی وەرزش و لاوان گەیشتنە بەسرە.
سەرۆکی هەرێمی کوردستان ڕایگەیاند، ئێمە هاتبووین [بۆ کردنەوەی جامی کەنداو 25] ئەمە ڕووداوێکی گرنگە بۆ ئێراق، یەکەمجارە لە دوای 2023، پێم وایە ئەوە گرنگترین ڕووداوە کە ئەمڕۆ لە بەسرە [بەڕێوەدەچێت]، ئێمە وەکوو شاندێک لە هەرێمی کوردستانەوە بۆ پیرۆزبایی هاتووین بۆ بەسرە و پێمان خۆش بوو ، خۆشحاڵین بەم سەردانە.
بڕیارە جامی تۆپى پێى کەنداوى 25 لە شارى بەسرەى باشوورى ئێراق بە بەشداریى هەشت هەڵبژاردەى کەنداو دەستپێبکات.
جامی کەنداو 25، بە یاریی نێوان هەردوو هەڵبژاردەی ئێراق و عومان دەستپێدەکات، یارییەکە کاژێر 19:00 لە یاریگەی بەسرەی نێودەوڵەتی بەڕێوەدەچێت و ڕاستەوخۆ لە پەیجی ڕووداو سپۆرتیش دەگوازرێتەوە.
ئەمە دووەمجارە ئێراق لە مێژووی خۆیدا میوانداریی ئەو جامە بکات، دوای ئەوەی جاری یەکەم لە ساڵی 1979 لە بەغدا میوانداری کرد.
هەشت هەڵبژاردە بەشداریی جامەکە دەکەن کە بەسەر دوو کۆمەڵەدا دابەشکراون، یەکەمیان هەڵبژاردەکانی ئێراق، سعودیە، عومان و یەمەن لە خۆدەگرێت و یارییەکانیان لە یاریگەی نێودەوڵەتیی بەسرە بەڕێوەدەچن. هەڵبژاردەکانی کۆمەڵەی دووەم لە: قەتەر، ئیمارات، بەحرەین و کوێت پێکدێن، یارییەکان لە یاریگەی نێودەوڵەتیی مینا بەڕێوەدەچن.
جامی کەنداوی 25 دووەم گەورەترین بۆنەی وەرزشیی تایبەت بە تۆپی پێیە کە ئێراق لە ماوەی چەند ساڵی ڕابردوودا میوانداریی کردبێت، دوای ئەوەی لە ساڵی 2019 لە شارەکانی کەربەلا و هەولێر میوانداری پاڵەوانێتی ڕۆژاوای ئاسیای کرد.[1]