$رۆژهەڵاتی کوردستان$
- هاووڵاتییەکی کورد بە ناوی جەماڵ محەممەدی، کوڕی حسەین، خەڵکی شاری #بانە#، لە ئەنجامی تەقەی هێزە نیزامییەکانی جێگیر لە پایگای بڕوێشکانی، بەسەختی بریندار بوو. ئەو هاووڵاتییە کوردە، لە کاتی کۆکردنەوەی مازۆ لە لایەن هێزە نیزامییەکانەوە، تەقەی لێکرابوو.[8]
$باشووری کوردستان$
- بە ئامادەبوونی سەرۆکی هەرێم و سەرۆکی پەرلەمان و سەرۆکی ئەنجومەنی دادوەری و ژمارەیەک لە بەرپرسان، #سەندیکای پارێزەرانی کوردستان# شەشەمین کۆنگرەی خۆی لە شاری #هەولێر# دەبەستێت.[1]
- ڕۆژنامەنووسی شاری هەولێر #هێمن مامەند#، کە لەسەر سکاڵای مەتین بارزانی برازای #نێچیرڤان بارزانی# چوار شەو لە زینداندا بوو ئەمڕۆ بە کەفالەتی 8 ملیۆن دینار ئازادکرا.[5]
- لە کۆنگرەیەکی ڕۆژنامەڤانیدا گوتەبێژی #یەکێتیی نیشتمانیی کوردستان# ڕایگەیاند، #پارتی دیموکراتی کوردستان# هیچ کام لە ڕێککەوتنەکانیانی جێبەجێنەکردووە و ئەوان لەو دۆخە نیگەرانن.[2]
- بەبڕیاری #وەزارەتی پەروەردە#ی حکومەتی هەرێمی کوردستان ڕۆژانی پێنجشەممان ڕێوەڕەسمی هەڵکردنی #ئاڵای کوردستان# لە سەرجەم قوتابخانەکانی کوردستان بەڕێوەدەچێت.[1]
- لە شارەدێی دەرکاری سەربە شارۆچکەی #زاخۆ# فڕۆکەیەکی تورکیا ئۆتۆمبێلێکی کردە ئامانج و بەوهۆیەوە سێ گەریلا کوژران و یەکێکی تریش برینداربوو.[4]
$رۆژئاوای کوردستان$
- ئۆتۆمبێلێکی بۆمبڕێژکراو لە نێوەندی بازاڕی #عەفرین# تەقییەوە، بەپێی زانیارییە سەرەتاییەکان حەوت کەس کوژراون و شەش کەسی دیکە برینداربوون کە یەکێکیان مەدەنییە.[2]
- کاروانێکی هێزەکانی ئەمەریکا، ئەمڕۆ گەیشتە نزیک گوندی شەلومێ لە باشووری خۆرهەڵاتی ترپەسپی لە سەر سنووری تورکیا.[3]
- لە #حەسەکە# تەقینەوەیەک ڕویدا و بەهۆیەوە چوار هاووڵاتی مەدەنی کە بەهۆی هێرشەکانی تورکیاوە لەناوچە سنورییەکانەوە ئاوارەی شارەکە بوون بریندار بوون.[4]
- بە پێی هەواڵێکی ئاژانسی ANHA دەوڵەتی تورک 12 گوندی نزیکی ڕێگای (M4)ی نێودەوڵەتی کە دەکەوێتە نێوان #گرێ سپی# و عەین عیسا ڕادەستی هێزەکانی ڕووسیا کرد.[6]
- سوپای دەوڵەتی تورکی داگیرکەر هێرشی کردە سەر گوندێکی ناوچەی زرگانی سەر بە #سەرێکانی# و لە ئەنجام دا ژنێک گیانی لەدەست داو چەندین کەسی تریش بریندار بوون.[6]
$دەرەوەی کوردستان$
- ڕۆژنامەی لیمۆند لە بابەتێکدا باس لە خیانەتی ترامپ بەرامبەر بە کورد دەکات و دەلێت: ترامپ دەیەوێت بە کوشتنی بەغدادی ئەوەمان لە بیر بەرێتەوە کە چۆن لە سوریا کوردی لە ژێر پێی تورکیا بەجی هێشت. ئەو ناتوانێت بە بێ کورد پیرۆزبایی تێکچوونی #داعش# بەدەست بهێنێت.[6]
- ڕێکخراوی داعش کوژرانی ئەبوبەکر بەغدادی پشتڕاستدەکاتەوە و خەلیفەیەکی نوێ هەڵدەبژێرێت بەناوی ئەبو ئیبراهیم هاشمی قوڕەیشی.[7]
- لە ڕۆژی جیهانیی شارەکاندا کە ساڵانە لە 31ی تشرینی یەکەم بەڕێوەدەچێت، ڕێکخراوی یونسکۆ 66 شاری جیهانی خستە ناو لیستی شارە داهێنەرەکانی جیهانەوە، کە یەکێکیان #سلێمانی#یە و وەکو شاری ئەدەب دەستنیشانیکردووە و ئەوی دیکەشیان #سنە#یە وەک شاری میوزیک.[2]

ئاماری گیانلەدەستدانی هاووڵاتییانی خەڵکی شاری #ورمێ# لە سەرەتای 2019 هەتاکوو کۆتایی مانگی.1 بەم چەشنەیە:
- ڕووداوی هاتوچۆ لەو شارەدا، 1896 قوربانیی لێکەوتووتەوە کە لە کۆی ئەو ڕێژەیە، 1110 کەسی پیاو و 786 کەسی ژنن.
- خۆکوژی: 53 ساڵە حاڵەتی خۆکوژی لەو شارەدا ڕوویداوە کە 42 کەسی پیاو و 11 کەسی ژنن.
- خۆکوژی لە ڕێگای خۆهەڵواسینەوە: 20 حاڵەت، 16 پیاو و 4 ژن.
- خۆکوژی بەهۆی خواردنی دەوا و دەرمانەوە: 25 حاڵەت ڕوویداوە کە 22ی پیاون و 3ی ژنن.
هەروەها 8 کەسی دیکە بە ڕێگای جۆراوجۆرەوە، کۆتاییان بە ژیانی خۆیان هێناوە.
هەروەها گیانلەدەستدان بەهۆی نەخۆشیی دڵ و شێرپەنجە کە زۆرترین حاڵەت بووە. زۆربەی ئەو کەسانەی کە لەو ڕێگایەوە گیانیان لەدەست داوە، تەمەنیان لە سەرەوەی 55 ساڵ بووە. [1]

ئاماژە بە هەردوو نووسراومان ژمارە (17483) لە بەرواری 22/9/2019، وە نوسراومان ژمارە (18369) لە بەرواری 2/10/2019، تایبەت بە بازرگانی سوتەمەنی.
ئاگاداری سەرجەم بازرگانە بەڕێزەکان دەکەینەوە، کە هەموو بازرگانێک مافی ئەوەی هەیە کە بازرگانی سوتەمەنی بکات بە بێ ئەوەی پێویستی بە دیاریکردنی ڕەسید هەبێت لە لایەن ئاسایشەوە.
ئەمەش بۆ مەبەستی ڕەخساندنی مافی یەکسانی بازرگانیە بۆ سەرجەم بازرگانان و نەهێشتنی قورخکاری.
راگەیاندنی #وەزارەتی دارایی# هەرێم