ئامادەکرنا: #عەزیز مورادی#
وەرگێڕان: کامەران ئاکرەیی
ب درێژاهیا دیروکێ ئافرەتێن کورد سەلماندییە پێشەنگا ئافرەتێن ڕوژهەڵاتا ناڤین بووینە. مینورسکی، دیروکنڤیس ل پەرتوکا (کوردەکان نەوەی مادەکان) لڤێ دەربارێ دبێژیت: ئافرەتێن کورد ئازا و ئازادن، ب بوێری و ئازایانە لناڤا کۆمبینان دە دادنیشن و دگەل زەڵامان دپەیڤن. ئافرەتا کورد پاکدامەنە، بەروڤاژییا ئافرەتێن فارس و تورک کو لڤێ چەندێ درەوان دکەن.
(فاتمە خانا گەڵواخی) یا بەرنیاس ب (#فاتەڕەش#) ئێک ژوان ئافرەتانە کو دیروک شانازیێ پێڕە دکەت. ئەڤ شێرەژنە، فەرماندەیەکە بەرنیاسا جەنگ بوویە دژبەری رووسان ل سەردەمێ رەزاشا.
ل جەنگێ (سنجرخان) دژبەری رووسان کو شەڕەکە ڕۆژهەڵاتێ کوردستانێ گرتییە و ل دوماهیکێ ب شەهیدبوونا ئەڤێ سەرکردەیا ئازا یا کوردی تمام بوو؛ ژبەر کوو نائۆمێدی نەکەڤتە ناڤ سوپایێ کورد ل ڕوژهەڵات، فاتمەخانا گەڵواخی دژبەری رووسان شوڕشەک بەرپا دکەت و ب سەدان جەنگاوەر ل دەورێ خوە کۆم دکەت و وەناکەت رووس ل داگیرکاریێن پتر بەردەوام بن.
فاتەڕەش ل شەڕەکی کو نزیک گوندێ #زاخە# بریندار دببیت و ل ناڤا ڕەشماڵەکێ دە دهێلن، ژبەر کوو خێراتر چارەسەریێ وەربگریت، لێ هەڤال ژێڕە دهێت کو رووس ل گوندەکێ دەڤەرێ مژویلی تاڵان کرنێ نە، لەوما فاتەڕەش هەواردکەت: «هەرچی دەرمانە بهاڤێژن، بەرەڤ مرنێ دچم لهەمبەر دوژمنێ خوە، لێ ئەز ناڕونم ژبو چارەسەریێ.
ئەڤ فەرماندەیا ئازا، خێرا خوە دگەهینیتە بەرەیێن شەڕ و ل نزیک گوندێ غەیبی سوور ل چەندین ئالیان ئێرشی سەر دوژمنی دکەت و گورزێن جەرگبڕ ژێڕە دوەشینیت، ب ئالیەکی کو رووس نەچار دبن ل دەردۆرا باژێڕێ #سنە# پاشەکشیێ بکەن. زیرەکی و ژێهاتیا فاتەڕەش وەکر پشتی چەند مەهان ل شەڕکرنێ، رووسان شکستەک مەزن بخوە ببینن و سەرکەتن ژبو جەنگاوەرێن کورد بیتن. لەشکرێ رووسان ل ترسا فاتەڕەش ژبو هەیامەک ل بڵنداهیێن کێوێ شێخ شەرەف دمینن و نەوێرن بهێنە خارێ، لەوما ئاڤ و خارن ژێڕە نامینیت و پتریا وانا ل برسا دمرن، ئانژی وەکە دیل خوە ڕادەستی سوپایێ فاتەڕەشێ دکەن.
دوماهیکێ ل شەڕەکی، ئەڤ شێرەژنە ل نزیک کانی نیوەڕۆژ ژبەر سەرمایێ و عاسی ەبن ل ناڤا بەفرێ ژبو ماوێ چەند روژان دگەل کۆمەک ل هەڤالێن دن ئێن خوە ڕەق دبن و گیانێ خوە ل ڕییا نشتیمان دە بەخت دکەن. [1]