دوێنێ 22-9-2021 لە سەر زاری ئەندامێکی مەکتەبی سیاسی #پارتی دیموکراتی کوردستان#، بە ناوی (#کاکەمین نەجار#)، بۆ یەکەم جار ڕاشکاوانە ئاشکرا کرا کە کوردستان بۆتە مۆڵگای پاراستنی تاانبارانی جینۆساید لە عێراق, بەوەی ئێستا ئەو تاوانبارانە لە کوردستان دەژین و داڵدە دراون گوایە پەشیمانن لەوەی بەشداربوونە لە ئەنجامدانی تاوانەکانی جینۆساید بەرامبەر بە گەلەکەمان، لەوانە تاوانەکانی (ئەنفال و #هەڵەبجە#), لە کاتێکدا زۆریان وەک تاوانبار لە دادگاکان ناویان هاتۆتەوە و سزای خۆیان وەرنەگرتووە, بە فەرمیش دانیان بە تاوانەکانیان نەناوەو داوای لێبوردنیشیان نەکردووە.
ئەوەی کاکە مین نەجاڕ ئاشکرای کرد, 30 ساڵە لە کوردستان جێ بەجێدەکرێت لە ژێر ناوی لێبوردنی بەرەی کوردستانی و ئاشتەواییدا, وەلێ نەجار بە ئاشکرا دەریبڕی و لە کاتێکدا تاوانبارانی تاوانی جینۆساید و تاوانی جەنگ و تاوانی دژ بە مرۆڤایەتی هیچ لێبوردنێک نایانگرێتەوە , ئەوانە تاوانی زەق و گەورەیان ئەنجامداوە.
ئەم دانپێدانانە ڕاستەوخۆیە بەڵگەی ئەوەیە، نەک بە تەنها جاش و موستەشارەکان لە هەرێمی کوردستان داڵدەدراون، بەڵکو دانپێدانانێکی ڕاستەوخۆیە بەوەی کە سەرانی ڕژێمی پێشوو لە تاوانبارانی تاوانەکانی جینۆساید گەلی کورد لەئێستادا لە هەرێمی کوردستان دەژێن و داڵدەراون, وەک بینیمان لە ماوەی ڕابردوودا عزەت دوری و ئەرشەد زێباری لە کوردستان مردن و مەلا عوزێریش گەورەترین پرسەی حیزبی بۆ داندرا, کە هەموو سوکایەتیبوون بە ڕابردوو و ئێستامان.

ئێمە لێرەدا وەک ڕێکخراوکانی بواری جینۆسایدی گەلی کورد، بە توندی ئیدانەی داڵدەدان و دادگایی نەکردنی تاوانبارای جینۆساید و ئەو جۆرە لێدوان و پاڕانەوە و بەرگرییە لە تاوانباران دەکەین, کە زۆر بێباکانە بە ناوی (پەشیمانبونەوەی ئەو تاوانبارانە) لە چوارچێوەی بانگەشەی هەڵبژاردن بە شانازییەوە دەفروشرێتەوە. لە کاتێکدا لە یاسای بەرکار و ڕێککەوتنە نێودەوڵەتیەکان، شتێک نییە بۆ پەشیمانبوونەوە و تاوانبار دەبێت بە سزای یاسایی خۆی بگات, نەک ئەوەش بەڵکو داکۆکی و پاڕانەوە لە تاوانباران، جۆرێکە لە تاوان و لە زۆر وڵات سزای بۆ داندراوە.
هەر بۆیە داوا لە داواکاری گشتی دەکەین، بە ئەرکی خۆیان هەڵبستن و چیتر ڕێگە بەو جۆرە سۆکایەتییە بە یاسا و قوربانیانی جینۆساید نەدەن و تاوانباران و داکۆکیکاران لە تاوانبارانی تاوانانی جینۆسایدی گەلی کورد ڕاپێَی دادگا بکەن, هەرچەندە لە ڕابردوودا سکاڵای ئێمەی وەرنەگرتووە دژ بە تاوانبارانی ئەنفال.

1- کۆمەڵەی داکۆکی له پرسی ئەنفال
2- ڕێکخراوی گەشە پێدانی مافی مرۆڤ
3- ڕێکخراوی کوردستان بێ جینۆسایدkwg
4- ڕێکخراوی ئەنفالەکانی کوردستان
5- تۆڕی ڕێکخراوە کوردستانیییەکان بۆ دادگای تاوانی نێودەوڵەتی -koncicc
6- ڕێکخراوی چیرۆکەکانی ئەنفال
7- ڕێکخراوی هەڵمەتی دادپەروەری ojc-
8- عەلی بەندی نووسەرو لێکۆڵەر لە بواری ئەنفال
9- ئیبراهیم هەورامانی نووسەر و لێکۆڵەر لە بواری دۆزی هەڵەبجە
10- گروپی کار بۆ ئەنفال
11- عارف قوربانی نووسەرو لێکۆڵەر لەبواری ئەنفال
12- مەلا شاخی نووسەر و ڕۆژنامەنووس
13- لەتیف فاتیح فەرەج نووسەرو لێکۆڵەر لە بواری ئەنفال
14- هیوا سەید سەلیم نووسەرو کوڕی شەهید
15- عادیل حاجی محەمەد ئەندامی پێشووی پەرلەمانی کوردستان و دەستەی دامەزرێنەری کۆمەڵەی داکۆکی لە ئەنفالکراوان
16- دکتۆر فاتیح سەنگاوی نووسەرو توێژەر لەبواری پرسی ئەنفال
17- ڕێکخراوی چاودێری کوردۆساید-چاک کوردستان
18- هێمن حەسیب چالاکوانی بواری جینۆساید
19- تۆڕی ئایکان کوردستان – ikn
20- ڕێکخراوی قەدەغەکردنی چەکی کۆکوژ لە کوردستان – oawmd
21- ڕێکخراوی جیهانێکی بێ چەکی کیمیاوی و بایەلۆجی – www
22- هەڵمەتی ژیان دژ بە ئیعدام لە کوردستان
23- ڕێکخراوی مانەوە بۆ پرسی شەهیدان و ئەنفالکراوان
24- ڕێکخراوی دادپەروەری و ئاشتی جیهانی بۆ مافەکانی مرۆڤ
25- ڕێکخراوی چواردەی چوار
26- دەزگای مۆنمێنتی هەڵەبجە لە لاهای
27- دانا هەڵەبجەیی نووسەرو چالاکوانی بواری دۆسیەی هەڵەبجە
28- دلێر کەریم نووسەر لە بواری جینۆساید
29- ڕێکخراوی باران بۆ پرسی ئەنفال و شەهیدان
30- عەلی مەحمود محەمەد نووسەرو چالاکوان لەبواری جینۆساید
31-