بابەت: وەرزشی
لە هۆڵی فێرگەی جومناستیکی #سلێمانی#، پاڵەوانییەتیی کچانی یانەکانی کوردستان بەڕێوەچوو، کە دوو جۆر ئاست تێیدا بەشداربوون، ئاستێکیان لە تەمەنی 10 ساڵ بەرەو خوار و ئاستی دووەمیش لە تەمەنی 10 ساڵ تا 15 ساڵی.
عوسمان ئەبوبەکر، سەرۆکی فیدراسیۆنی کوردستان بە 964ی وت، بەهۆی نەبوونی ژێرخانی وەرزشی و کادری لێهاتووەوە کردنەوەی پاڵەوانییەتی جومناستیک بۆ ماوەیەک دواکەوتووە.
لە پاڵەوانییەتییەکەدا نۆ یانە بەشداریان کردبوو، یانە بەشداربووەکانیش بریتی بوون لە یانەکانی #یانەی وەرزشی سلێمانی#، #یانەی وەرزشی بابان#، #یانەی وەرزشی پێشمەرگەی سلێمانی#، #یانەی وەرزشی نەورۆز# و #یانەی وەرزشی ئەفرۆدێت# لە شاری سلێمانی و #یانەی وەرزشی کەرکووک#، (سەورە و فەتات) لە شاری کەرکووک و #یانەی وەرزشی کۆیە# لە شاری #هەولێر#.
دوای بەڕێوەچوونی ڕکابەرییەکان، لەسەر ئاستی تەمەن 10 ساڵ بەرەوخوار یانەی فەتات بە کۆکردنەوەی 81 خاڵ پلەی یەکەمی بەدەستهێنا، یانەکانی ئافرۆدێت و نەورۆز پلەکانی دووەم و سێیەمیان مسۆگەرکرد، لەسەر ئاستی تەمەن 10 بۆ 15 ساڵ، یانەی سلێمانی بەکۆکردنەوەی 102 خاڵ پلەی یەکەمی دەستەبەرکرد و یانەکانی کەرکووک و پێشمەرگە پلەکانی دووەم و سێیەمیان بەدەست هێنا. [1]
כורדיפדיה היא המקור הרב-לשוני הגדול ביותר למידע כורדי! כורדיפדיה תיעדה אותו למטרות ארכיון.
פריט זה נכתב בשפה (کوردیی ناوەڕاست), לחץ על סמל
כדי לפתוח את הפריט בשפת המקור!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
פריט זו נצפתה פעמים 1,828
כתוב את התגובה שלך על סעיף זה!