$باکووری کوردستان$
- ئەمڕۆ جارێکیتر لە ناوچەی #شاپاتان# و دەوروبەری، کە دەکەونە سنووری #شەمزینان# و #جولەمێرگ#ەوە لە باکوری کوردستان، قەدەغەی هاتووچۆ بۆ ماوەی حەوت ڕاگەیەندرا، ئەوەش لە کاتێکدایە، ئەمڕۆ 14 ڕۆژە دارستانەکانی شاپاتان لە ئاگردا دەسوتێن.[2]
- حکوومەتی ئەڵمانیا فرۆشتنی چەکی بە حکوومەتی تورکیا ڕاگرت.[1]
- #هەپەگە# ڕایگەیاند: لە هەنگاوی شۆڕشگێڕانەی شەهید بەدران گوندیکرامۆ و شەهید نالین مووشدا، گەریلاکانی #یەژاستار# لە شەمزینان و #گەڤەر#ی سەربە جولەمێرگ دژی هێزەکانی دوژمن چالاکیان ئەنجامدا، ڕۆژی 10ی مانگ کاتژمێر 03:00ی پاشنیوەڕۆ دژی بارەگایەکی سوپا لە دەوروبەری شەمزینان چالاکی ئەنجامدرا و 14 ڕۆکێت هاویشترایە سەر ئەو بارەگایە، ئەنجامی ئەو چالاکییە زیانی قورسی گەیاند بە بارەگاکە، بەلام نەزانراوە چەند سەربازی تورک کوژران و برینداربوون. هەپەگە ڕاشیگەیاند: دوێنێ کاتژمێر 08:00ی سەرلەبەیانی و 04:00ی پاشنیوەڕۆ گەریلاکانی یەژاستار لە گردی شیکەرە سپیی سەربە شەمزینان دژی یەکینەیەکی دوژمن دوو چالاکیی سەرکەوتوویان ئەنجامدا، لە ئەنجامی چالاکییەکاندا نەزانراوە چەند سەربازی تورک کوژران و برینداربوون، هەر دوێنێ کاتژمێر 06:00ی پاشنیوەڕۆ دژی زرێپۆشێکی سوپا کە لە دەوروبەری گەڤەر بەرەو بارەگای سەربازیی وارگەنم بەڕێوەبوو، چالاکی ئەنجامدرا، لە ئەنجامدا زیانی قورس بەر زرێپۆشە کەوت.[2]
- نەتینیاهۆ لە بەیاننامەیەکدا ڕایگەیاندووە ئیسڕائیل دژ بە #پەکەکە#یە و وەک گروپێکی تیسرۆریستی دەیبینێت، هەروەک چۆن دژ بە پشتیوانی تورکیایە بۆ گروپی تیرۆریستی حەمماس. سەبارەت بە دەوڵەتی کوردی، سەرۆک وەزیرانی ئیسڕائیل ڕایگەیاندووە لەکاتێکدا کە ئیسڕائیل دژ بە تیرۆرە بە گشتی، پشتیوانی هەوڵە ڕەواکانی کورد دەکات بۆ بەدەستهێنانی دەوڵەتی خۆیان. [6]
$رۆژهەڵاتی کوردستان$
- کۆمەڵێک لە چالاکوانی مەدەنی و سیاسی شاری #مەهاباد#ی سەربە پارێزگای #ورمێ#ی ڕۆژهەڵاتی کوردستان بە بڵاوکردنەوەی ڕاگەیەندراوێک مانگرتنی یەک ڕۆژەیان بە داخستنی دوکان و بازاڕ ڕاگەیاند.[2]
$باشووری کوردستان$
- #مام جەلال# سکرتێری گشتی #یەکێتی نیشتیمانی کوردستان# گەیشتە وڵاتی ئەڵمانیا بەمەبەستی پشکنینی تەندروستی.[1]
- #پەرلەمانی عێراق#، لە کۆبوونەوەی ئەمڕۆیدا کە بە سەرۆکایەتی سەلیم جبوری و بە ئامادەبوونی 168 پەرلەمانتار بەڕێوەدەچێت، #ڕیفراندۆم#ی خستە بەرنامەی ئەمڕۆی دانیشتنەکە و هاوکات دەنگی بە زۆرینەی دەنگ ئەنجامدانی ڕیفراندۆمی لە هەرێمی کوردستان ڕەت کردەوە، نوێنەرانی کوردیش دانیشتنەکەیان بایکۆت کرد.[1]
- دوای ڕەتکردنەوەی ڕیفراندۆمی باشوری کوردستان لەلایەن ئەنجومەنی نوێنەرانەوە، سەرۆکی پەرلەمان سەرۆک وەزیرانی عیراق کە هاوکات فەرماندەی گشتیی هێزە چەکدارەکانیشە ڕاسپارد بۆ گرتنەبەری هەر ڕێوشوێنێک کە بەپێویست و گرنگی بزانێت، پەرلەمانتارێکی کوردیش ئەو داواکاریەی پەرلەمان بەهەڕەشەیەکی گەورە بۆسەر هەرێم ناودەبات.[1]
- هەردوو فراکسیۆنی گۆڕان و کۆمەڵی ئیسلامی لە پەرلەمانی عێراق، ئەمڕۆ داوایان لە پەرلەمان و لایەنە سیاسییەکان کرد، بڕیاری “ڕەتکردنەوەی ڕیفراندۆمی هەرێمی کوردستان” هەڵبوەشێننەوە و بگەڕێنەوە بۆ سەر مێزی گفتوگۆ بۆ ئەوەی کێشەکان لەوێ چارەسەر بکەن. پێیانیشوایە، بڕیارەکە پێچەوانەی پەیڕەوی ناوخۆی پەرلەمانە و هۆشداریش لە ئاکامەکەی دەدەن.[1]
- ئەمشەو لەسەر ڕێگای نێوان #دهۆک# – #هەولێر#، لە نزیک گوندی #گەویلان#-ی سەر بە شارۆچکەی #بەردەرەش#ی سەر بە پارێزگای دهۆک، لە ئەنجامی پێکدادانی پێنج ئۆتۆمبێلدا، لە جۆرەکانی دوو بارهەڵگر و سێ ئۆتۆمبێلی تایبەت، پێنج هاوڵاتی گیانیان لەدەستدا.[2]
- بەرێوەبەری پۆلیسی قەزا و ناحیەکانی #کەرکووک# ڕایگەیاند، هێزەکانیان سێ چەکداری داعش یان لەکەرکووک دەستگیرکردووە.[3]
- کادرێکی #پارتی# ڕایگەیاند، بەرەبەیانی ئەمڕۆ تەقە لە بارەگای لیژنەی ناوچەی شۆڕشی سەربە لقی 19ی شارۆچکەی #چەمچەماڵ#ی پارتی کراوە و زیانی گیانی نەبووە.[4]
- #وەزارەتی کار# و کاروباری کۆمەڵایەتی حکومەتی هەرێم لەبارەی موچەی خێزانە کەمدەرامەتەکانەوە ڕونکردنەوەیەک بڵاودەکاتەوەو ئاشکرایدەکات، داوایان لەحکومەتی هەرێم کردوە بڕی ئەو موچەیە لە 150 هەزار دینار کەمتر نەبێت، دەشڵێت:چاوەڕوانی حکومەتی هەرێم دەکەین بۆ وەرگرتنی مامەڵەی نوێ.[5]
- کۆبوونەوەی سێ قۆڵی نێوان یەکێتی و پارتی و گۆڕان لە هەولێر دەستیپێکرد.[1]
- #مەسعود بارزانی#، پاشنیوەڕۆی ئەمڕۆ گەیشتە کەرکووک و لەگەڵ حزب و لایەینە سیاسییەکان، پێکهاتەکان، بەرپرسانی پێشمەرگە، ئەنجومەنی پارێزگا و پارێزگاری ئەو شارە لەسەر پرسی ڕیفراندۆم کۆبووەوە و ڕایگەیاند: هیچ بایەخێک بە هەڕەشە نادەین و ڕێنماییان دەکەین کە پێش ئەوانیش خەڵکێکی زۆر هەڕەشەی کرد، بەڵام سەرکەوتوو نەبوو.[1]
- لە تەلاری #پاسپۆرت#ی سلێمانی و لە مەراسیمێکدا سیستمی نوێی پاسپۆرت ڕاگەیەنرا و بەڕێوەبەری پاسۆرتیش دەڵێت ئەو سیستمە نوێیە کارئاسنی زۆرباش بۆ هاوڵاتیان دەکات و هەموو کێشەکان چارەسەرکراون.[6]
- جووتیارانی سنووری شارۆچکەی #پێنجوێن#، ئەمڕۆ ڕێگای سەرەکی (سلێمانی –پێنجوێن)یان بەرووی هاتوچۆی شۆفێراندا داخست و داوای وەستانی هاوردەکردنی #تەماتە#ی ئێرانی لەهەردوو مەرزی #سەیرانبەند# و #باشماخ# دەکەن و قائیمقامی پێنجوێنیش، دەڵێتسەرباری بڕیارە نوێیەکەی #وەزارەتی کشتوکاڵ# بۆ زیادکردنی باج لەسەر هاوردەی تەماتەی ئێرانی، بەڵام بەردەوام تەماتەیەکی زۆر دێتە هەرێمەوە.[6]
- سەرۆک وەزیرانی عێراق هەناردەکردنی نەوتی کەرکووک لەلایەن هەرێمەوە بە پێچەوانەی دەستور ناودەبات و داواش لە بەرپرسانی کورد دەکات سەردانی بەغدا بکەن.[1]
- #شاسوار عەبدولواحید# ویستی لە پەڕلەمانی بەریتانیا سیمینارێک بۆ کەمپینی نەخێر لە ئێستادا ڕێکبخات، بەڵام ئامادەبووان بە بەڵێ بەرەوڕووی بوونەوە و سیمینارەکە بەڕێوەنەچوو.[1]
$رۆژئاوای کوردستان$
- لە گەڕەکەکانی ڕەودا و ئەمین، لە نیوان شەڕڤانانی سوریای دیموکرات و چەتەکانی #داعش#دا شەڕێکی سەخت بەڕێوەدەچێت و 15 چەتەی داعش کوژراون.[2]
- #جیهان شێخ ئەحمەد#، وتەبێژی ئۆپەراسیۆنی توڕەیی فورات ڕایگەیاند: شەڕڤانانی هێزەکانی سوریای دیموکرات گەڕەکی سەکەنە-یان ڕزگارکردووەو شەڕ لە گەڕەکەکانی مرور، ئەمین و مەنسور بەردەوامە، لەم نزیکانەشدا مزگێنی گەورە ڕادەگەیەنین.[2]