دوێنێ وەزیری دەرەوە بە تەلەفۆن قسەی لەگەڵ سەرۆک وەزیرانی عێراق حەیدەر ئەلعەبادی کرد بۆ دووپاتکردنەوەی پشگتیریی وویلایەتە یەکگرتووەکانی ئەمریکا لە گەلی عێراق و شەڕی هاوبەشی هەردوولا لە دژی داعش. وویلایەتە یەکگرتووەکانی ئەمریکا و عێراق بەتەواوەتی پابەندن بە شەراکەتی گشتگیری نێوانیان کە لەسەر بنەمای ڕێزگرتن لە یەکتر خۆی دەبینێتەوە و هەروەها بناغەکەی بریتیە لە ڕێکەوتنی ستراتیجیی چوار چێوەی کاری نێوان عێراق و وویلایەتە یەکگرتووەکانی ئەمریکا، کە لەم چوارچێوەیەدا دەستەبەری هاوکاریی سیاسیی و ئابووریی و کلتوریی و ئاساییش کراوە.
پاشان وەزیری دەروە بە تەلەفۆن قسەی لەگەڵ سەرۆکی هەرێمی کوردستانی عێراق #مەسعود بارزانی# کرد بۆ تاوتوێکردنی دوایین پێشهاتە سیاسیی و ئەمنیەکانی عێراق. لە پەیوەندیە تەلەفۆنیەکەدا وەزیری دەروە ستایشی ئازایەتی پێشمەرگەی کرد و سوپاسی کردن بۆ ڕۆڵی سەرەکیان لە شکستپێهێنانی داعش لە موسڵ.
وەزیری دەرەوە جەختی کردەوە لە بەرهەڵستی وویلایەتە یەکگرتووەکانی ئەمریکا لە #ڕیفراندۆم# بۆ سەربەخۆیی وپەیامی پشتگیریی بەردەوامی وویلایەتە یەکگرتووەکانی ئەمریکای گەیاند بۆ عێراقێکی دیموکراتیی فیدراڵیی یەکگرتوو. وەزیری دەرەوە هانی سەرۆک وەزیران عەبادی و سەرۆک بارزانی دا بۆ بەشداریکردنی هەردوولا لە گفتوگۆی دروستەکەر لەسەر تەواوی بابەت و کێشەکان.
لە میانەی هەردوو پەیوەندیە تەلەفۆنیەکەدا، وەزیری دەرەوە پشتگریی وویلایەتە یەکگرتووەکانی ئەمریکای بۆ گەلی عێراق و شەڕی هاوبەشی هەردوولا دژی داعش دووپات کردەوە و دوبارەی کردەوە لە پێویستیی بەردەوامیی هاوکاریی بەهێزی نێوان بەغداد و عێراق لە شەڕی داهاتووی نزیکیان لە دژی داعش لە #تەلەعفەر# و #حەویجە#.
سەرۆکایەتیی هەرێمی کوردستان
05-08-2017