دلێگە (ناوەند)و یاۋنەری و چاپەمەنی هێزەکانو پارێزنای گەلی-#هەپەگە#، جەی بارەۋە ۋەڵاکریاش دان و ئاشکراش کەردەن:
16و ئابی سەعات 7و سائبی، جە دەڤەرو گۆڤەندی کە سەر بە ناوچەو شەمزینان-و پارێزگەو جۆلەمێرگ-یەن، گەریلا هێرشش دژ بە سەنگەرەکانو سەربازە داگیرکەرەکانو تورکیای جە بەرزایی دەریێ پانێ ئەنجام دان و گورزی فرە قورسش ۋنە دێنێ. بەڵام سەبارەت بە زیانە گیانی و مادیەکان زانیاری تەمام بەدەست نەۋزیان.
13و ئابی جە دەڤەرو کزل کیلیسە-ی کە سەر بە ناوچه و قاقزمان-و پارێزگەو قارس-یەن و هامسنورەن چەنی ئەرمینیای و جۆرجیای، سپا داگیرکەرەکەو تورکیای ئۆپەراسیۆنش ئەنجام دابێ. سەرسەبای 14و ئابی دوژمن بە فڕۆکێ و هەلیکۆپتەرێ جەنگیێ ناوچەکەش بۆردومان کەردەن. 2 یەکینێ دوژمنی کە گەرەکشان بێ بیاۋانە دەڤەرێ بە نامێ کەڤرێ قوڵی، جە دمانیمەڕۆنە گەریلای جە 2 قۆڵێۋە کەردێنێ ئامانج و جە ئاکامشەنە لانی کەم 7 سەربازێ داگیرکەرێ کوشیێنێ و دەرەنجام جە 15و ئابی، دوژمنی ئۆپەراسیۆنکار ناچار بە پاشەکشێ کریان.
13و ئابی جە ناوچەو باگۆکێ کە سەر بە پارێزگەو مێردین-یەن، دوژمن بە پەشتیۋانی فڕۆکەی بێفڕۆکەۋانی ئۆپەراسیۆنی فراۋانش ئەنجام دان، بەڵام جە 16و ئابی بێ بەدەست ۋستەی ئەنجامی دمارە گێڵانەۋە.
6و ئابی جە دەڤەرو دەشتێ کە بە ناوچەو قسڵە-و پارێزگەو دێرسیم-یەن، گەریلا و دوژمن ڕووبەڕووێ بیێنێ و گژیێنێ و گورزی فرە قورس جە دوژمنی دریان و ژمارێۋی فرێ سەربازێ کوشیێنێ و بریندارێ بیێنێ. بەڵام جەی بارەوە ئامارێ ورد و دروست بەدەست نەۋزیان. جە ڕووبەرووبیەکەیەنە 1 گەریلا جە دمای جەنگ و مدرامانی قارەمانانەی شەهید بیەن، کە دماتەر شناسنامەکەش ئاشکرا مەکریۆنە.[1]
#17-08-2018#
Questo articolo è stato scritto in (هەورامی) lingua, fare clic sull'icona
per aprire l'articolo in lingua originale!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
Questo oggetto è stato visto volte 4,592
Scrivi il tuo commento su questo articolo!