$خارج از کردستان$
جمهوری اسلامی ایران، چهار زندانی سیاسی کرد را به نام های محسن مظلوم 27 ساله، محمد فرامرزی 28 ساله، وفا آذربار 26 ساله و پژمان فاتحی 29 ساله، در زندان قزلحصار کرج اعدام کرد. [1] [2] [3]

$باشووری کوردستان$
- کاتژمێر 01:35 فڕۆکە جەنگییەکانی داگیرکەری تورک، بۆردوومانی خانووی هاووڵاتییەکی مەدەنیان کرد لە باسکی قەلێ لە گوندی گەڵاڵە لە شارۆچکەی #ماوەت# و خانووەکە بە تەواوەتی خاپورکراوە.[2] (بڕوانە فایلی پەیوەندیدار)
$دەرەوەی کوردستان$
- داگیرکەری فارس، چوار بەندکراوی سیاسیی کوردی بە ناوەکانی #موحسین مەزڵووم# 27 ساڵ، #محەمەد فەرامەرزی# 28 ساڵ، #وەفا ئازەربار# 26 ساڵ و #پژمان فاتیحی# 29 ساڵ، لە بەندیخانەی قزڵحیساری شاری کەرەج لە سێدارەدا. [1][2]
- فڕۆکەیەکی جەنگی ئیسرائیل بارەگایەکی ڕاوێژکاریی #سوپای پاسداران# ی داگیرکەری فارسی لە ناوچەی سەیدە زەینەب لە شاری دیمەشقی سووریا بۆردومانکرد وکوژراو و برینداری لێکەوتووەتەوە.[2]

بە مەبەستی یەکخستنەوەی هێزەکانی پێشمەرگە، بۆ تێکشکاندنی یەکجارەکیی #داعش#، هەرێمى کوردستان و وەزارەتى بەرگریى ئەمەریکا لەسەر پابەندبوونی هاوبەشی درێژخایەن رێککەوتن.
=KTML_Bold=دەقی راگەیێندراوی هاوبەشی پێنتاگۆن و سەرۆکایەتیی هەرێمی کوردستان:=KTML_End=
بەرپرسانى باڵاى وەزارەتی بەرگریی ئەمریکا و هەرێمی کوردستانى عێراق، #29-01-2024#، کۆبوونەوەی کۆمیتەى بەڕێوەبەری جێبەجێکارییان بۆ پرسی پێشمەرگە لە سەرۆکایەتیی هەرێمی کوردستان لە #هەولێر# ئەنجام دا.
کۆبوونەوەکە بۆ هەڵسەنگاندنى ئه و پێشکەوتنانە بوو کە لە پرۆسەی چاکسازی لە هێزی پێشمەرگەدا بەدیهاتوون‌ لە چوارچێوەى یاداشتنامەی لێکگەیشتنی نێوان وەزارەتی بەرگریی ئەمریکا و وەزارەتی کاروباری پێشمەرگەى #حکومەتی هەرێمی کوردستان#دا و ئەیلوولی 2022 نوێ کراوەتەوە.
کۆمیتەکە ئه و پێشکەوتنانەى خستەڕوو کە بۆ چاکسازیی لە هێزى پێشمەرگەدا بەدەستهاتوون، هەروەها لەسەر خاڵە سەرەکییەکان بۆ ساڵی داهاتوو رێککەوتن وەک بەشێک لە پابەندیی هاوبەش و درێژخایەن بۆ یەکخستنی هێزی پێشمەرگە لە چوارچێوەى وەزارەتی کاروباری پێشمەرگەى حکوومەتى هەرێمى کوردستاندا و بنیاتنانی هێزێکی پیشەیی کە بتوانێت تێکشکاندنی یەکجارەکیی داعش مسۆگەر بکات.
وەزارەتی کاروباری پێشمەرگە پێشکەوتنی بەرچاوی لە پرسی چاکسازی لە پێکهاتەی دارایی و هێزەکاندا بەدەستهێناوە. وەزارەتی بەرگریی ئەمریکا و وەزارەتی کاروباری پێشمەرگە بە خۆشحاڵییەوە دەڕواننە بەردەوامیی هەوڵەکانی چاکسازی کە لە یاداشتنامەی لێکگەیشتنی نێوان وەزارەتی بەرگریی ئەمریکا و وەزارەتی کاروباری پێشمەرگەى حکوومەتى هەرێمى کوردستان لە 2022دا هاتووە. وڵاتە یەکگرتووەکانی ئەمریکا پشتگیرى لە گەلی عێراق بە هەرێمی کوردستانیشەوە دەکات بۆ بنیاتنانی عێراقێکی بەهێز و سەقامگیر و خاوەن سەروەری. [1]
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

ئەمڕۆ دووشەممە #29-01-2024#، سەرۆکی #حکومەتی هەرێمی کوردستان# پەیامێکی بڵاو کردەوە و لە پەیامەکەیدا سەرکۆنەی هێرشێکی سەر هێزەکانی ئەمریکای لە ئوردن کرد.
#مەسرور بارزانی# لە تۆڕی کۆمەڵایەتیی (ئێکس) بڵاوی کردەوە، بە توندترین شێوە ھێرشی ترسنۆکانەی دوێنێ بۆ سەر ھیزەکانی ئەمریکا لە ئوردن سەرکۆنە دەکەم.
سەرۆکی حکوومەت لە پەیامەکەیدا ئەوەشی خستە ڕوو، هاوخەمم لەگەڵ حکوومەت و خەڵکی ئەمریکا لەم کاتە سەختەدا. [1]

=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

مەکتەبی سیاسیی پارتی دیموکراتی کوردستان، پرسەنامەیەکی ئاراستەی خانەوادەی خوالێخۆشبوو عەلی عەبدولرەحمان عەبدولقادر باوەکۆچەکی دەکات.
=KTML_Bold=ئەمەی خوارەوە دەقی پرسەنامەکەیە:=KTML_End=
بەڕێز خانەوادەی خوالێخۆشبوو (عەلی عەبدولرەحمان عەبدولقادر باوەکۆچەکی)
بە داخ و پەژارەیەکی زۆرەوە ھەواڵی کۆچی دوایی پێشمەرگەی دێرینی شۆڕشی ئەیلوول، خوالێخۆشبوو (عەلی عەبدولرەحمان عەبدولقادر باوەکۆچەکی)مان بیست، بە خەمناکییەوە پرسەو سەرەخۆشی خۆمان ئاراستەی ئێوە و کەسوکار و بنەماڵە تێکۆشەرەکەتان دەکەین، خۆمان بە ھاوبەشی خەمتان دەزانین.
ئومێدەوارین دڵنەوایی و ھاوخەمی ھەڤاڵ و دۆست و ئازیز و خزمانی خوالێخۆشبوو ببێتە مایەی سەبووری و ئارامگرتنتان و لە خەم و خەفەتتان کەم بکاتەوە، دووبارە پرسەو سەرەخۆشی خۆمان دووپات دەکەینەوە، داواکارین لە خوای گەورە خوالێخۆشبوو بە بەھەشتی بەرین شاد بکات و ئێوەش لە کۆستی دیکە بە دوور بگرێت. [1]

مەکتەبی سیاسیی #پارتی دیموکراتی کوردستان#
#29-01-2024#
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

سەرۆکی هەرێمی کوردستان، بە تووندی سەرکۆنەی هێرشی سەر هێزەکانی ئەمریکا لە ئوردن دەکات کە بووە هۆی کوژرانی سێ سەربازی وڵاتەکە.
بەرەبەیانی ڕۆژی دووشەممە، #29-01-20247#، #نێچیرڤان بارزانی#، سەرۆکی هەرێمی کوردستان ڕایگەیاند، بە تووندی سەرکۆنەی هێرشە تیرۆریستییەکەی سەر هێزەکانی ئەمریکا لە باکووری ڕۆژهەڵاتی ئوردن دەکەم و سەرەخۆشی لە خێزانی سەربازە کوژراوەکان دەکەم.
سەرۆکی هەرێمی کوردستان ئاماژە بەوە دەکات، لەم کاتە سەختەدا لەگەڵ گەلی ئەمریکا دەوەستینەوە. هیوای چاکبوونەوەی خێرا بۆ برینداران دەکەین. [1]

=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=