ئەمڕۆ بە دەستپێشخەری بەڕێوەبەرایەتی گەشتوگوازاری #سلێمانی#، و بە ئامادەبوونی کارمەندانی شارەوانی و هاوڵاتیان، 300 نەمام چێندرا.
لە کاتی چاندنی نەمامەکاندا، بەرپرسانی گەشتوگوزار ڕایانگەیاند، کە 21 ئەم مانگە دیدارێکی گەشتیاری لە شاری سلێمانی بەڕێوەدەچێت.
باسیان لەوەشکرد، کە پێویستیان بە هاوکاریی شارەوانی و پارێزگاری لە سلێمانی هەیە، بۆ ئەوەی سەرچنار ڕێکبخەنەوە، ئاماژەیان بەوەشکرد، چاندنی ئەو نەمامانە دەستپێکی چالاکییەکانیانە بۆ گەڕانەوەی جوانییەکانی سەرچنار.
گەڕەکی سەرچنار لە شاری سلێمانی، وێڕای هەبوونی شوێنی نیشتەجێبوون، بە یەکێک لە سەیرانگا جوان و دێرینەکانی شاری سلێمانی دادەنرێت و بەردەوام هاوڵاتییان لە شارە جیاوازەکانەوە سەردانی دەکەن.[1]
#12-02-2019#

ناونیشانی پەڕتووک: توانستەکانی پەرەپێدانی گەشتوگوزاری ئایینی لە هەرێمی کوردستان دا
ناوی نووسەر: عەدنان عەلی محەمەد
شوێنی چاپ: #سلێمانی#
چاپخانە: زانکۆی سلێمانی، کۆلێژی زانستە مرۆڤایەتییەکان
ساڵی چاپ: 2023
[1]

ناونیشان: دوایین ئاماری گەشتوگوزاری شوێنەوارەکانی کوردستان لە ساڵی 2022
ئامادەکردنی: #سارا سەردار#
گەشتوگوزاری شوێنەواری لە هەرێمی کوردستان
لە هەرێمی کوردستان زیاتر لە 3500 شوێنەوار هەن، ژمارەیەک لەم شوێنەوارانە گرنگن بۆ گەشتوگوزار، وەک #قەڵای هەولێر#، #قەڵای خانزاد#، #قەڵای دێرێ#، #قەڵای دوین#، #قەڵای سارتکە#، #قەڵای ئاکرێ#، قەڵای ئامێدی، ڕواندز، قەڵای شێروانە، قەڵای بەرزنجە.=KTML_Quote_Begin==KTML_Style=width:30%;float:right;=KTML_Quote_Icon=❞=KTML_Quote_Content=لە هەرێمی کوردستان زیاتر لە 3500 شوێنەوار هەیە!=KTML_Quote_End=
هەروەها ژمارەیەک هەڵکۆڵدراویش هەن وەک: #قسقاپان#، #خنس#، #هەڵامتا#. لەگەڵ ژمارەیەک پەیکەری هەڵکۆڵدراو وەک: #هەریر#، #دەربەندی بێلولە#، #دەربەندی گاور#، #میرقولی#.
هەروەها ژمارەیەک ئەشکەوتی شوێنەواری گرنگیش لە کوردستاندا هەن وەک: #ئەشکەوتی شانەدەر# کە مرۆڤی نیاندەرتاڵی تێدا ژیاوە و زیاتر لە 9 ئێسکە پەیکەری لێدۆزراوەتەوە و مێژووی بۆ 60 هەزار ساڵ بەر لە زایین دەگەڕێتەوە، ئەشکەوتی #چوار ئەستون# کە پەرستگای ئایینی زەردەشت بووە، چەند وێنەی هەڵکۆڵدراوی لەسەرە، #ئەشکەوتی بەستون# و هەودیان، #چەمی ڕەزان# و #ئەشکەوتی هەزارمێرد# و #ئەشکەوتی زەرزی#، کە کەلوپەلی شوێنەواریان لێ دۆزراوتەوە.
مۆزەخانە لە شارەکانی: #مۆزەخانەی سلێمانی# و #مۆزەخانەی شارستانیی هەولێر#، #مۆزەخانەی نیشتمانیی دهۆک# هەیە و هەزاران پارچەی شوێنەواریان تێدایە و ژیانی کشتوکاڵی 10 هەزار ساڵ بەر لە زایین لە گوندی زویا چەمی و 7 هەزار ساڵ بەر لە زایین لە #گوندی چەرمۆ# دەستی پێکردووە. شوێنەوارەکان ئامادەن بۆ پێشوازیی لە گەشتیاران لە هەموو وەرزەکان.
[1]

وتەبێژی‌ دەستەی‌ گەشتوگوزاری‌ هەرێمی‌ کوردستان ڕایدەگەیەنێت ئەوان لە ئامادەباشیدان بۆ پێشوزایکردن لە هاتنی‌ گەشتیاران بۆ ڕۆژانی‌ جەژنی‌ ڕەمەزان، ئاماژە بەوەش دەکات قەیرانی‌ دارایی و شەڕی‌ داعش کاریگەریی‌ دەبێت لەسەر ڕێژەی‌ هاتنی‌ گەشتیاران و پێیوایە ڕێژەیەکی‌ کەمتر لە ساڵانی‌ ڕابردوو ڕوو لە ناوچە گەشتیارییەکان دەکەن.
نادر ڕۆستی‌ وتەبێژی‌ دەستەی‌ گەشتوگوزاری‌ هەرێمی‌ کوردستان بە خەندانی‌ ڕاگەیاند: "لەگەڵ ئەوەی‌ ئەوان وەک دەستەی‌ گەشتوگوزاری‌ هەرێمی‌ کوردستان هەموو کات لە ئامادەباشیدان بۆپێشوازیکردن لە گەشتیاران بۆ شوێنە گەشتیارییەکانی‌ کوردستان لە ڕۆژانی‌ جەژنی‌ ڕەمەزان، بەڵام بەهۆی‌ شەڕ داعش و قەیرانی دارایی پێشبینی‌ هاتنی‌ گەشتیارێکی‌ زۆر ناکرێت".
رۆستی‌ وتیشی‌: "ئەوەی‌ زیاتر پێشبنی‌ دەکرێت هاتنی‌ گەشتیارانی‌ ناوەڕاست و خوارووی‌ عیراقە بۆ سنووری‌ پارێزگای‌ سلێمانی‌، بەوپێیەی‌ ڕێگاکانی‌ هاتوچۆ بۆ ئه و پارێزگایە ئاسانتر و سەلامەتترە لەوەی‌ بۆ هەولێر و دهۆک".
لەبارەی‌ هاتنی‌ ئاوارەکان و کاریگەری‌ لەسەر کەرتی‌ گەشتیاری‌ وتی‌: "هاتنی‌ ئاوارەکان زیانی‌ بۆ شوێنە گەشیارییەکان هەیە نەوەک سوودی‌ هەبێت، چونکە ئاوارە ئه و پارەیە خەرج ناکات کە گەشتیار خەرجی‌ دەکات، بەڵکو بە گیرفانی‌ بەتاڵ بۆ ماوەیەکی‌ نادیار له و شوێنانە نیشەجێ دەبن، هەروەها تاڕادەیەک کاریگەری‌ کردووەتە سەر تایبەتمەندی‌ شوێنە گەشتیارییەکان".
وتەکانی‌ وتەبێژی‌ دەستەی‌ گەشتوگوزار لەکاتێکدایە لە ساڵانی‌ ڕابردوو ژمارەیەکی‌ زۆر لە گەشتیارانی‌ ناوەڕاست و خوارووی‌ عیراق هەروەها وڵاتانی‌ دەوروبەر تەنانەت وڵاتانی‌ دەرەوە ڕوویان لە شوێنە گەشتیارییەکانی‌ هەرێمی‌ کوردستان دەکرد.
- 11-07-2015

زیانەکانی کەرتی گەشتوگوزاری تورکیا لەساڵی 2016دا، ئاستی "خراپترین سیناریۆ" تێدەپەڕێنێت و پێدەچێت هەتا کۆتایی ئەمساڵ زیانەکانی ئه و وڵاتە بۆ (112) ملیار دۆلار بەرزبێتەوە.
بەپێی هەواڵێکی سایتی حوڕییەت دەیلی نیوز، یوسف حاجی سولەیمان، جێگری کۆمەڵەی بەڕێوەبەرانی هۆتێلە گەشتیارییەکانی سەرکەناری دەریای ناوەڕاست (AKTOB)، ڕایگەیاند دوای ڕووداوی خستنەخوارەوەی فڕۆکە ڕوسیەکە لەلایەن تورکیاوە، پێشبینییان دەکرد هاتنی نزیکەی چوار ملیۆن گەشتیاری ڕوسیا بۆ تورکیا کەمبکات، بەڵام ئێستا زۆر خراپترە لەوەی پێشتر پێشبینییان کردبوو.
ڕونیشیکردەوە ئێستا تورکیا بەهۆی کەمبوونەوەی ژمارەی گەشتیارانی ئەوروپی و بارودۆخی ئەمنی تورکیاوە، چاوەڕوان دەکرێت ئاستی زیانەکانی کەرتی گەشتوگوزاریی ئه و وڵاتە بۆ (12) ملیار دۆلار بەرزببێتەوە.
لەلایەکی ترەوە، داود چەتین، سەرۆکی ژووری بازرگانی و پیشەسازی شاری ئەنتاڵیای گەشتوگوزاری تورکیا، ڕایگەیاندووە: "کێشەکانی ئێستا، کە لەسەروبەندی خراپبوونی ڕەوشی ئاسایش و کەمبوونەوەی بەرچاوی ژمارەی گەشتیارانی ڕوسیادا سەریهەڵداوە، ڕەنگە کاریگەریی هەبێت لەسەر کەرتەکانی دیکەی وەکو کشتوکاڵ و ڕێژەی بێکاریی لە سەرانسەری وڵاتدا زیاتردەکات."
چەتین ڕونیشیکردۆتەوە ئەمساڵ ژمارەی گەشتیارانی ڕوسیا لە ئاستی سفر نزیکبۆتەوە و پێشبینی دەکرێت ژمارەی گەشتیارانی ئەوروپی بە تایبەتی ئەڵمانیا بە شێوەیەکی بەرچاو کەمبکات، دوای زنجیرە تەقینەوە تیرۆریستیەکانی ئەمدواییەی تورکیا."
ئاماژەشیکرد بەوەی دوای ئاڵۆزبوونی پەیوەندییەکانی نێوان تورکیا و ڕوسیا، چەندین سیناریۆی ئاراستەی حکومەت کردووە بەڵام حکومەت هەر سیناریۆ گەشبینەکەیان بۆ ڕای گشتی بڵاوکردۆتەوە.
چەتین ئاشکراشیکرد ئەمساڵ زۆربەی هۆتێلەکان دەرگاکانیان دادەخەن و بەهۆیەوە پێشبینی دەکرێت تەنها لە شاری ئەنتالیادا (80-100) هەزار کەس بێکار ببن.
- 22-03-2016

سەرۆک کۆمار دکتۆر #لەتیف ڕەشید#، ئەمڕۆ دووشەممە #27-02-2023#، لە کۆشکی #بەغدا#، پێشوازیی لە سەرۆک و ئەندامانی دەستەی گەشتوگوزاری هەرێمی کوردستان کرد بە سەرۆکایەتی ئەمەل جەلال .
لە دیدارەکەدا، سەرۆک کۆمار ئاماژەی بە پێویستیی دامەزراندنی ناوەندێکی ڕۆشنبیریی کوردی عەرەبی لە #سلێمانی# کرد، لەگەڵ گرنگیدان بە مۆنیۆمێنت و شوێنەوارەکان و مۆزەخانە و شوێنە گەشتیارییەکان و پێشکەشکردنی خزمەتگوزاریی بە گەشتیاران بەشێوەیەک لەگەڵ پێگەی هونەریی وشارستانیەتی ئێراقدا بگونجێت.
سەرۆک کۆمار ئاماژەی بە پێویستیی سوودوەرگرتن لە وێنە و تابلۆ هونەرییەکانی هونەرمەندانی ئێراقی لە شوێنی گەشتیاریی و هۆتێلەکان کرد، بۆ ناساندنی ڕەسەنایەتی هونەری ئێراق و شارستانیەتەکەی.
لای خۆیەوە، خاتوو ئەمەل جەلال سوپاس و پێزانینی خۆی بۆ سەرۆک کۆمار دەربڕی بۆ ئەو پێشوازییە گەرمە و ئاماژەی بەوەدا کە دەستەکەیان پلانی بۆ پەرەپێدانی کەرتی گەشتیاریی لە هەرێمی کوردستان و ئەنجامدانی ڤیستیڤاڵ هەیە. [1]

ناونیشانی بابەت: گەشتوگوزاری تاریکی چییە؟
ئامادەکردن و نووسین: #کارێز ڕەسوڵ نەبی#

=KTML_Bold=سەرەتا:=KTML_End=
گەشتوگوزاری تاریکی چییە؟
گەشتوگوزاری تاریکی (بە عەرەبی: سياحة الظلام، بە ئینگلیزی: Dark Tourism)
گەشتوگوزاری تاریکی بریتییە لە گەشتکردنی گەشتیاران بۆ ئەو ناوچە و شوێنانەی کە لە ڕابردوودا دووچاری کارەساتێکی سرووشتی وەک: (بوومەلەزە، تەقینەوەی گڕکانەکان، تسۆنامی، با، لافا و تۆفان) یان کارەساتێکی مرۆیی وەک: (ئەو شوێن و ناوچانەی کە مافەکانی مرۆڤی تیادا پێشێلکراوە وەکوو ئازار و ئەشکەنجەدان، لەسێدارەدان، زیندانیکردن، جینۆساید و کۆمەڵکوژی و زیندە بەچاڵکردن) .
گەشتوگوزاری تاڕیکی لقێکی گرینگە لە لقەکانی گەشتوگوزار، ھەرچەندە دیاردەیەکی نوێ نییە، بەڵام بەکارھێنانی ئەم چەمک و زاراوەیە (ناونانی) نوێیە.
=KTML_Bold=ناوەرۆک:=KTML_End=
● سەرەتا
● چەمک و زاراوەی گەشتوگوزاری تاریکی و چۆنییەتی گەشەپێدانی
● پلە بەندی گەشتوگوزاری تاریکی
● بنەما سرووشتی و مرۆییەکانی گەشەپێدانی گەشتوگوزاری تاریکی
● گەشەپێدانی گەشتوگوزاری تاریکی لە ھەرێمی کوردستان
● لیستی سەرچاوەکان
چەمک و زاراوەی گەشتوگوزاری تاریکی و چۆنییەتی گەشەپێدانی:
● گەشتوگوزاری تاریکی (Dark Tourism) :
لە چەمک و دەستەواژە نوێیەکان دادەنرێت کە لە توێژینەوە ئەکادیمییەکانی گەشتوگوزار بەکاردێت، ئەم چەمکە بۆ یەکەم جار لە ساڵانی نەوەتەکانی سەدەی ڕابردوو لەلایەن ھەریەک لە (جون لینون John Lennon) و (مالکولم فولی Malcolm Foley) بەکارھێنراوە.
(سیتۆن Seaton) لە توێژینەوەیەکیدا بەناوی (Guided by dark: From thanatopsis to than tourism) دەستەواژە و چەمکی (Than Tourism) ی داڕشت، وشەی (Thanatourism) وەرگیراوە لە وشەیەکی یۆنانی کۆن (تاناتوس Tanatos) کە بە واتای بەرجەستەکردنی مردن دێت، (کریس ڕۆجێک Chris Rojek) یش دەستەواژە و چەمکی (خاڵی ڕەش Blak Spots) ی بەکارھێناوە لە جیاتی چەمکی گەشتوگوزاری تاریکی.
کەواتە، گەشتوگوزاری تاریکی: بریتییە لە گەشتکردن بۆ ئەو ناوچە و شوێنانەی کە لە ڕابردوودا دووچاری کارەساتێکی سرووشتی یان مرۆیی بوونەتەوە یان بریتییە لە دیاردەی (پیشاندان و بەکارھێنان) لەلایەن سەردانیکەرانەوە بۆ ئەو شوێن و ناوچانەی کە لە ڕابردوودا دووچاری کارەساتێکی ڕاستەقینە و دوژمنکارانە بوونەتەوە.
● پلە بەندی گەشتوگوزاری تاریکی:
گەشتوگوزاری تاریکی جیاوازییەک لە خۆ دەگرێت کە ناسراوە بە (سێبەر یان ناڕوونی، توندیەتی تاریکایی Shades of intensity of darkness) یان (پلەکانی تووندی تاریکایی Degress of intensity of darkness) کە خۆی دەبینێتەوە لەنێوان (زۆر تاریک Darkest) و (کەم تاریک Lightest) بەم جۆرەش گەشتوگوزاری تاریکی پلە بەندی ھەیە لەنێوان (ھەرە زۆر) و (ھەرە کەم) ی دەربڕینەکانی مردن، جۆری یەکەم بەوە جیادەکرێتەوە کە (زۆر تاریکە) بەو مانایەی کە ئەو ناوچەیە زۆر بە تووندی ئازاری چەشتووە وەک: شوێنی جینۆسایدکردن و گۆڕە بە کۆمەڵەکان، گرینگترینیان کوشتنی بەکۆمەڵ (Mass - Murde) یان کارەسات (Disasters) . جۆری دووەمیان (سوکتر و کزترە) بە بەراورد لەگەڵ جۆری یەکەم، جۆری دووەم پەیوەستە بە شوێن و ناوچەکانی ڕابواردنی ڕۆشنبیری وەک: (مۆزەخانەی Dracula Museums) کە ئەو ماڵانە و دانیشتووانەکانیان و گۆڕەکانیان، گۆڕی کەسە بەناوبانگەکانی تیایە.
● بنەما سرووشتی و مرۆییەکانی گەشەپێدانی گەشتوگوزاری تاریکی:
1- بنەما سرووشتییەکان: بریتین لەو بنەمایانەی کە لە ڕابردوودا ناوچەیەک یان شوێنێک دووچاری کارەساتێکی سرووشتی بوونەتەوە وەک: (بوومەلەزەر، تسۆنامی، تەقینەوەی گرکانەکان، با، باران و تۆفان) نموونە وەکوو (پۆمپی Pompeii) شارێکی ڕۆمانی کۆنە دەکەوێتە نزیک شاری ناپۆڵی لە ئیتاڵیا لە ساڵی 1979 تەقینەوەیەکی گڕکانی لە چیای فیزۆف ڕوویدا و بە تەواوی شاری پۆمپی وێرانکرد، تەقینەوەی ئەم گڕکانە بووە ھۆکاری لەناوچوون و مردنی ھەموو دانیشتووانی شارەکە یان دیاردەی ڕوودانی تسۆنامی لە وڵاتی ژاپۆن.
2- بنەما مرۆییەکان: بریتین لەو بنەمایانەی کە لە ڕابردوودا ناوچەیەک یان شوێنێک دووچاری کارەساتێکی مرۆیی بووەتەوە، وەکوو ئەو ناوچانەی مافەکانی مرۆڤی تیادا پێشێلکراوە کە خۆی دەبینێتەوە لە (گرتووخانە نھێنیەکان و ئازاردان و ئەشکەنجەدانی گیراوانی گرتووخانەکان، ئەو شوێن و ناوچانەی کە شەڕ (جەنگ) ی تیادا ڕوویداوە و بووەتە مایەی لەناوچوونی سەدان ھەزار سەرباز، گۆڕی بەکۆمەڵ (زیندە بە چاڵ) ، (جینۆساید) گرینگترینیشیان کێڵگەکانی کوشتن لە کەمبۆدیا (Killing Fields) ، سەربازگەکانی دەستگیردن و لەناوبردن (جینۆساید) لە ئۆشفیتز لە پۆڵەندا، مۆزەخانەی قوربانیانی جینۆسایدی بە کۆمەڵ لە (ڤیلینیۆس Vilnius) لە لیتوانیا.
● گەشەپێدانی گەشتوگوزاری تاریکی لە ھەرێمی کوردستان:
ھەرێمی کوردستان بێ بەش نەبووە لەو شوێن و ناوچانەی کە لە ڕابردوودا دووچاری کارەساتێکی مرۆیی بوونەتەوە و بووەتە مایەی زیندانی کردن و ئەشکەنجەدان و جینۆسایدکردن و کۆمەڵکوژی و ئەنفالکردنی خەڵکی ھەرێمی کوردستان لە گرینگترینیان بریتین لە:
1- مۆنۆمێنتی #ھەڵەبجە# کە دەکەوێتە بەشی ڕۆژاوای پارێزگاکە، لە سەردەمی ڕژێمی پێشووی ئێراق ئەم پارێزگایە لە 16ی ئازاری 1988 کیماباران کرا، دەرەئەنجام بووە ھۆی مردنی دەیان ھەزار کەس و جگە لەوەی بەشی زۆری خەڵکی ئەم شارە دووچاری نەخۆشی وەک: تەنگەنەفەسی (ھەناسە تووندی) ، کوێر بوون بوونەتەوە، بۆیە ساڵانە لە کاتی یادکردنەوەی ئەم کارەساتە زیاتر لە (80000) گەشتیار سەردانی مۆنۆمێنتی ھەڵەبجە دەکەن کە زۆربەیان گەشتیاری بیانین.
2- گرتووخانەی زیندانیان و سزادانی شۆڕشگێڕانی کورد لە سەردەمی ڕژێمی #بەعس# کە بە سەدان کەسی تیدا لە سێدارە دراوە و کوژراوە و ئازار و ئەشکەنجەدراوە، ئەو گرتووخانەیە ناسراوە بە (ئەمنە سوورەکە) لە پارێزگای #سلێمانی#.
3- ئەنفال کردن و زیندە بەچاڵکردنی بارزانیەکان.
4- گۆڕی بە کۆمەڵی قوربانیانی (#داعش#) کوردانی ئێزدی لە #شەنگال#.
5- ئەو ناوچە و شوێنانەی کە ھێزی چەکدارانی بزووتنەوەی ئیسلامی داعش کردەوەی تیرۆرستیان تیادا ئەنجام داوە، بە تایبەتیی سنووری پارێزگای #کەرکووک# و موسڵ و حەویجە و گوندە دوورە دەستەکان.
=KTML_Bold=لیستی سەرچاوەکان:=KTML_End=
1- توانستەکانی گەشتوگوزاری تاریکی و چۆنییەتی گەشەپێدانی لە پارێزگای ھەڵەبجە (لێکۆڵینەوەیەک لە جوگرافیا گەشتوگوزار)
ئامادەکردن: عەلی ڕەسوڵ بایەزید، محەمەد بورھان ساڵح
بە سەرپەرشتی: پ.ی.د. ئامانج ئەحمەد حەمەدمین، 2022.
2-
https://www.nationalgeographic.co.uk/travel/2018/02/dark-tourism-when-tragedy-meets-tourism
[1]

ناونیشانی بابەت: گەشتوگوزاری ژینگەیی ئیکۆتوریزم
ئامادەکردن و نووسین: #محەمەد عەبدولفەتاح عەبدولخالق# [1]
=KTML_Link_External_Begin=https://www.kurdipedia.org/docviewer.aspx?id=520926&document=0001.PDF=KTML_Link_External_Between=کلیک بکە بۆ خوێندنەوەی گەشتوگوزاری ژینگەیی ئیکۆتوریزم=KTML_Link_External_End=

تاوەکو دووەم ڕۆژی جەژن 40 هەزار گەشتیار ڕوویان لە سنووری پارێزگای #سلێمانی# کردووە، کە سێ بەشیان خەڵکی شارەکانی ناوەڕاست و باشووری عێراقن و، بۆ بەسەربردنی کاتێکی خۆش ڕوو لە سەیرانگەکانی سلێمانی و #هەڵەبجە# دەکەن.
گەشتوگوزاری سلێمانی هاتنی ئەو ژمارەیەی گەشتیاران بە دڵخۆشکەر دادەنێت و دەڵێ بەراورد بە ساڵی ڕابردوو ژمارەکە زۆر زیادی کردووە. سروشت و هاوینەوارەکانی سلێمانی ژمارەیەکی زۆر گەشتیاریان بۆ خۆیان ڕاکێشاوە.
سەرهەنگ خالید، گەشتیارە و دەڵێ من لەشاری #هەولێر#ەوە بە ماتۆڕ هاتووەم بۆ گەشتکردن، سەرەتا چوومە سلێمانی دواتر هەڵەبجە، پاشان سەردانی #بیارە# و هاوینەهەواری #ئاوێسەر#م کرد، ئێستاش لە هاوینەهەواری #ئەحمەد ئاوا#م، بۆیە بەماتۆڕ هاتووم، چونکە ئەو چێژەی لە بینینی دیمەنەکان و سرووشتدا لەماتۆڕدا دەیبینم، لەئۆتۆمبێلدا نایبنم.
عەلی عەونی، گەشتیارێکی عەرەبە و دەڵێ من لە#دەشتی نەینەوا#وە هاتووم، ئێرە شوێنێکی ئارام و خۆشە، هیچ کێشەیەکی ئەمنی نییە، داوا لە#حکومەتی کوردستان# دەکەم گرنگی زیاتر بەم ناوچانە بدات بۆ ئەوەی گەشتیاری زیاتر بۆلای خۆی ڕابکێشێت.
ئەو گەشیارانەی لەماوەی تەنیا دوو ڕۆژدا ڕوویان لە سنووری پارێزگای سلێمانی کردووە، نزیکبووتەوە لە ژمارەی ئەو گەشتیارانەی لە جەژنی ڕەمەزانی ساڵی ڕابردوودا سەردانی هەمان پارێزگایان کردووە، هاوکات گەشتوگوزاری سلێمانی، پێشبینی دەکات ژمارەکە بۆ دووهێندەی ساڵی ڕابردوو بەرزبێتەوە.
ئارام شوانی، گوتەبێژی گەشتوگوزاری سلێمانی دەڵێ ئەو ڕێژە گەشتیارییە ڕێژەیەکی دڵخۆشەکەرە کە سەردانی سلێمانیان کردووە، بەراورد بە ساڵی ڕابردوو، زۆر زیادی کردووە، چاوەڕوانیش دەکەین دووبەرامبەر بەرزبێتەوە.
بەپێی ئامارەکانی گەشتوگوزاری سلێمانی، تاوەکو دووەم ڕۆژی جەژن، زیاتر لە 40 هەزار گەشتیار ڕوویان لەپارێزگای سلێمانی کردووە، ڕێژەی 75%ی ئەو گەشتیارانەش لە شارەکانی ناوەڕاست و باشووری عێراقەوە هاتوون.
ئەمە لەکاتێکدایە لە جەژنی ڕەمەزانی ساڵی ڕابردوو، لە ڕۆژانی جەژن دوای جەژنیش تەنیا 45 هەزار گەشتیار سەردانی پارێزگای سلێمانیان کردبوو.
27-06-2017

دواڕۆژ، هۆگر کەمال
وتەبێژی گەشتوگوزاری سلێمانی ئاشکرای دەکات کە تا ئەمڕۆ یەکەم ڕۆژی نەورۆز، زیاتر لە 30 هەزار گەشتیار ڕوویان لە پارێزگاکەمان کردووە کە زۆرینەیان بە ڕەگەز عەرەبن.
ئارام شوانی، وتەبێژی گەشتوگوزاری سلێمانی، بە دواڕۆژی وت لە ڕۆژی 15ی ئازارەوە تاوەکو ئەمڕۆ یەکەم ڕۆژی نەورۆز، زیاتر لە 30 هەزار گەشتیار ڕوویان لە پارێزگای سلێمانی کردووە.
وتیشی لە 60%ی ئەو گەشتیارانە عەرەبن و لە 40%یشیان ئێرانین کە لە ڕێگەی فڕۆکەخانەی سلێمانی و مەرزی باشماخ و دەروازەکانی (عەربەت و تاسڵوجە و کەڵەوانان)ەوە هاتوون.
ئاماژەی بەوەشدا تا چوار ڕۆژی دیکە ئاماری هاتنی گەشتیاران وەردەگرین، ئەگەری ئەوە هەیە لە کۆتا ئاماردا هاتنی گەشتیار لەمساڵدا بەراورد بە ساڵی ڕابردوو ببێتە دوو ئەوەندە کە پارساڵ بە هەموو ڕۆژەکانی نەورۆز 27 هەزار گەشتیار هاتبوون.
ئارام شوانی، باسی لەوەشکرد گەشتیاران هیچ گرفتێکیان نەبووە و سەرجەم هۆتێلەکان کراونەتەوە و بەشی پێویستیش ڕێستۆرانت و چێشتخانەکان کراونەتەوە، ئەوانەشی نەیانکردۆتەوە بەهۆی ئەوەیە زۆرینەی کارمەندەکانیان کوردن و پێویستیان بە پشووە و نانەواخانە و عەلوە و قەسابخانە نین.
وتەبێژی گەشتوگوزاری سلێمانی، ئەوەشی خستەڕوو پێش نەورۆز لە ڕێگەی کارمەندەکانمانەوە لە شار و شارۆچکەکان سەیرانگە و شوێنە گەشتیارییەکانمان پاککردۆتەوە و ئامادەمان کردووە بۆ گەشتیاران و سەیرانکەران.
21-03-2017