هێمن عەساف
سەرۆککۆماری تورکیا دوای کۆبوونەوەی لەگەڵ سەرۆکی ئێران، ڕایگەیاند لە پرسی بەرەنگاربوونەوەی تیرۆر، پێداگیرییان لە پشتیووانیی زیاتری ئێران کردووە، هەروەها جەختیان لە پەرەپێدانی زیاتری هاوکاری و هاوئاهەنگی لە پرسی بەرەنگاربوونەوەی هاوبەشی دژ بە پەکەکە، پەیەدە، یەپەگە و پژاک کردووە.
ئێوارەی ئەمڕۆ (چوارشەممە، 24-01-2024) ڕەجەب تەیب ئەردۆغان، سەرۆککۆماری تورکیا و ئیبراهیم ڕەئیسی سەرۆککۆماری ئێران دوای کۆبوونەوەی دوو قۆڵی و سەرۆکایەتیکردنی کۆبوونەوەی شاندە هاوبەشەکەی نێوانیان، کۆنگرەیەکی ڕۆژنامەڤانییان کرد.
ڕەجەب تەیب ئەردۆغان لە دەسپێکی قسەکانیدا ئاماژەی بە تەقینەوەکانی شاری کرمان کرد، کە ڕۆژی سێی ئەم مانگە لە نزیک گۆڕی قاسم سلێمانی ڕوویاندا وم وتی تورکیا لەپاڵ ئێرانە لە خەباتی بەرەنگاربوونەوەی دژی تیرۆر.
ئەردۆغان باسی لەوەکرد، بایەخ بە پەیوەندییەکانیان لەگەڵ ئێرانی دراوسێ و دۆست دەدەن لەسەر بنەمای متمانە و بەرژەوەندی قوڵی هاوبەش. جەختی لەوەشکردەوە کە ئەو بڕیارانەی لە کۆبوونەوە هاوبەشەکانیاندا داویانە، تەنیا لە بەرژەوەندیی هەردوو وڵات نابێت، بەڵکوو بۆ سەقامگیری و خۆشگوزەرانی ناوچەکەش گرنگە.
سەرۆککۆماری تورکیا وتی لە پرسی بەرەنگاربوونەوەی تیرۆردا، پێداگریمان لە پشتیووانیی زیاتری ئێرانی دراوسێمان کرد. جەختمان لە پەرەپێدانی زیاتری هاوکاری و هاوئاهەنگییەکانمان کرد لە پرسی بەرەنگاربوونەوەی هاوبەش دژی پەکەکە، پەیەدە، یەپەگە و پژاک، کە ئاساییش و سەقامگیریی ناوچەکەمانیان کردووەتە ئامانج.
قەبارەی ئاڵوگۆڕی بازرگانیی نێوان تورکیا و ئێران پرسێکی دیکەی دیداری ڕەئیسی -ئەردۆغان بوو.
ئەردۆغان لە کۆنگرە ڕۆژنامەڤانییەکەدا، وتی قەبارەی ئاڵوگۆڕی بازرگانیمان سەرووی 30 ملیار دۆلارە و پێمانوایە دەبێت بەرەو باشتر هەنگاو بنێین. پێکەوە باسمان لەو کێشە و ئاستەنگانە کرد کە کاریگەرییان لەسەر بازرگانیی نێوانمان هەیە و لە ڕێگەی وەزارەتەکانمانەوە بڕیاری چارەسەرکردنیان درا.
وەزیرانی دەرەوە، ڕێگەوبان و شارسازی، بازرگانی، نەوت، کارەبا و وزە، ناوخۆ و بەرگری لەگەڵ ژمارەیەک ڕاوێژکار و ڕاگەیاندنکارانی ئێران، یاوەریی ئیبراهیم ڕەئیسی بوون لە سەردانەکەی بۆ ئەنقەرە.
هاوکات، شاندی باڵای تاران -ئەنقەرە، واژۆیان لەسەر 10 ڕێککەوتننامەی هاوبەش لە بوارەکانی کولتوور، زانست، ڕاگەیاندن، ناوخۆ، گواستنەوە و گەیاندن، بازرگانی و ئابووری کرد.
ئەردۆغان وتی بەردەوام کاردەکەین لەپێناو پاراستنی بەرژەوەندییە هاوبەشە باڵاکانی نێوانمان.
لە کۆبوونەوەی شاندی هاوبەشدا بڕیار لەسەر کردنەوەی دوو دەروازەی نوێ درا و ژمارەی دەروازە و خاڵە گومرگییەکان بۆ پێنج دەروازە زیاد دەکرێن.
دەروازەی گومرگیی گوربوڵاک لە پارێزگای ئاگری، ئەسەندەرە لە پارێزگای جۆلەمێرگ، دیلئوجو لە پارێزگای ئیدر لە باکووری کوردستانن. جگە لەمەش دەروازەی وان هەیە کە گەشتیارانی ڕۆژهەڵاتی کوردستان و ئێران لێیەوە سەردانی وان و پارێزگەکانی دیکەی باکووری کوردستان دەکەن.
ئەگەر ئێران ڕەزامەندی بدات، دەروازەیەکی دیکەش لەنێوان وان و ڕۆژهەڵاتی کوردستان دەکرێتەوە. ئەم پێشنیازەی تورکیا لە کاتێکدایە ساڵی ڕابردوو 2.3 ملیۆن گەشتیار لە ئێرانەوە سەردانی تورکیایان کردبوو. لە بەرانبەردا 357 هەزار گەشتیار لە تورکیاوە سەردانی ئێرانیان کردبوو.
لە 2014ەوە، لووتکەی کۆبوونەوەکانی ئەنجوومەنی باڵای هاوئاهەنگی لەسەر ئاستی سەرۆکایەتی کۆماری هەردوو وڵات دەکرێت.
بڕیار بوو ئیبراهیم ڕەئیسی ڕۆژی 04-01 2024، سەردانی ئەنقەرە بکات، بەڵام ڕۆژێک پێشتر و لە 3ی مانگ لە نزیک گۆڕی قاسم سلێمانی، فەرماندەی پێشووی فەیلەقی قودسی سوپای پاسداران دوو تەقینەوە ڕوویاندا و بوونە هۆی کوژرانی 92 کەس و برینداربوونی دەیان کەسی دیکە، بەمەش سەردانەکە هەڵوەشایەوە.
ئەو کۆبوونەوەیە لەکاتێکدایە، ڕۆژی 18-07-2022، ڕەجەب تەیب ئەردۆغان، لەسەر بانگهێشتی فەرمیی ئیبراهیم ڕەئیسی، سەردانی تارانی کردبوو.[1]

ئەنجامنامەی دووەمین کۆنفڕانسی پژاک لە ئەوروپا ڕاگەیەنرا
#26-06-2023#
ئەمڕۆ ئەنجامنامەی دووەمین کۆنفڕانسی پژاک لە ئەوروپا، کە لە ڕۆژانی 24 و 25ی ئەم مانگە لە شاری ستۆکهۆڵمی پایتەختی سوید بەڕێوەچوو، بە کۆمەڵێک بڕیار و ڕاسپاردەوە ڕاگەیەنرا و تێیدا جەختکراوەتەوە، لە تێدەکۆشان دژی گۆشەگیریی سەر ئیمرالی و کارکردن بۆ ئازادی جەستەیی ڕێبەر ئاپۆ.
ئەمڕۆ، ئەنجامنامەی دووەمین کۆنفڕانسی پژاک لە ئەوروپا، کە لە ڕۆژانی 24 و 25ی ئەم مانگە لە شاری ستۆکهۆڵمی پایتەختی سوید بەڕێوەچوو، بە کۆمەڵێک بڕیار و ڕاسپاردەوە ڕاگەیەنرا.
لە ڕاگەیەنراوەکەدا هاتووە، لە دوەمین کونفرانسی ڕێکخستنەکانی ئەوروپای پارتی ژیانی ئازادی کوردستان - پژاک، بە بەشداری ژمارەیەکی زۆر لە ئەندامی ئۆرگانە جیاوازەکانی ئەو پارتە بەتایبەتی ژنان و گەنجان، بەڕێوەچووە و ماوەى دوو ڕۆژی خایاند.
، لە کۆنفراسەکەدا، دۆخی هەنوکەیی ڕۆژهەڵاتی کوردستان و ئێران و ناوچەکە، شۆڕشی ژن ژیان ئازادی، خەبات و تێکۆشانی پژاک بەگشتی و بەتایبەتی لە ئەوروپا چ لە ڕابردوو چ لە ئێستا و ئاییندەدا بەفراوانی تاوتوێ کران و گفتوگۆی چڕیان لەسەر کرا.
باس لەوەشکراوە، لە بارودۆخێکدا، کە گەلی کورد و کوردستان بە گشتی کەوتووەتە بەر هێرشی داگیرکەرانی کوردستان، لە سەرووی هەمووشیانەوە ئێران و تورکیا، ئێمە دووەمین کۆنفڕانسی پژاکمان لە ئەورووپا بەڕێوە برد و تێیدا جیا لە ئەندامانى ڕێکخستنەکانی پژاک لەدەرەوەی وڵات، کۆمەڵێک کەسایەتی وڵاتپارێز و دڵسۆزی گەلەکەمان بانگهێشت کرابوون، زۆربەیان توانییان بەشداری کۆنفڕانسەکە ببن.
بەشێکی گرنگ لەو بڕیار و ئەنجامنامەی دووەمین کۆنفڕانسی پژاک لە ئەوروپا دەچوون ئەمانەن:-
یەکەم- تێکۆشانی هەمەلایەنە لەدەرەوەی وڵات لە دژی داگیرکاری لە کوردستاندا.
دووەم- تێکۆشانی هەمەلایەنە بۆ کۆکردنەوەی هێزی پاڵپشتی لە شۆڕشی ژن، ژیان، ئازادی لە ڕۆژهەڵاتی کوردستان و ئێراندا.
سێیەم- تێکۆشان دژی گۆشەگیری لە ئیمرالی و کارکردن بۆ ئازادی جەستەیی ڕێبەر ئاپۆ.
چوارەم- بەرەو پێشبردنی هەموو جورە کارو خەباتێک بۆ ئەوەی، کە کورد لە دیاسپۆرا دا هەم ببێت بە هێزی پاڵپشتی شۆڕشی ناوخۆی وڵات و هەم ئەوەی، کە ڕەوەندی کوردی لە دیاسپۆرا بە ناسنامەی ڕاستەقینەی نەتەوەیی و نرخە کۆمەڵایەتی، دیموکراتیک و سەردەمیانەی خۆیەوە بناسێندرێت و بژیت.
پێنجەم- جیا لەو چالاکییانەی، کە پژاک لە ئاستی کوردستان بەگشتی و ڕۆژهەڵاتی کوردستان بەتایبەتی خۆی بەڕێوەیان دەبات، هەوڵبدات بۆ چالاکی هاوبەشی نەتەوەیی و بە شێوەیەکی پتەو بەشداری چالاکییە نەتەوەییەکان ببێت.
شەشەم- لە گۆڕەپانی هاوبەشی گەلانی ئێران و هێزە دیمۆکراتیکەکاندا هەوڵ بدرێت بۆ نزیکبوونەوە و پێشخستنی چالاکی هاوبەش و پێشخستنی چارەسەی دیمۆکراتیک لەسەر بنەمای پێکەوە ژیانی دیمۆکراتیک و ئازادانەی گەلان.
حەوتەم- لە چوارچێوەی بڕیارەکانی کۆنگرەی شەشەمی پژاک و کۆنگرەی یەکەمی پژاک لە ئەورووپا لە ماوەی ساڵی داهاتوودا گوڕ بە پەروەردە، ڕێکخستن و چالاکی بدرێت.
جیا لەو خاڵە گرنگانە، کۆمەڵێک خاڵی دیکە و کرداری لە بڕیارنامەی کۆتایی کۆنفڕانسدا هەن، ئاماژە بەوە کراوە، کە پێویستە ڕێکخستنەکانی پژاک لە ساڵی داهاتوودا هەوڵ بۆ بە کرداری کردنیان بدات.
کۆنفرانسەکە دروشمی فەلسەفەی “ژن، ژیان، ئازادی پەرە بە ڕێکخستن دەدەین؛ لە کوردستان و ئێران شۆڕشی گەلان سەردەخەین” وەک دروشمی کۆنفڕانسی پەسەند کرد و کۆنفڕانسەکە بە جۆش و خرۆشێکی زۆرەوە، بە وتنەوەی دروشمی ژن، ژیان، ئازادی کۆتایی پێهات.[1]

$ئەنجامنامەی دووەمین کۆنگرەی ئەوروپای #پژاک# بڵاوکرایەوە$

=KTML_Bold=ناوەرۆک:=KTML_End=
ئەنجامنامەی دووەمین کۆنگرەی =KTML_Bold=پارتی ژیانی ئازادی کوردستان-پژاک=KTML_End= بڵاوکرایەوە و تێیدا هاتووە: تێکۆشان بۆ ئازادی ڕێبەر ئاپۆ ناوەندی کار و خەباتی ئێمە دەبێت.
ئەنجامنامەی دووەمین کۆنگرەی ئەوروپای پژاک
لەپاش کۆتایی هاتنی دووەمین کۆنگرەی پارتی ژیانی ئازادی کوردستان (پژاک)، ئەنجامنامەیەک بڵاوکرایەوە و چەند بڕیارێک پەسەند کرا، تێیدا هاتووە: ئازادی ڕێبەر ئاپۆ، ئازادی ئیرادەی کوردی ئازادە و کلیلی چارەسەری پرسی دیموکراسی و پێکەوەژیانە لە کوردستان و ڕۆژهەڵاتی ناوەڕاستدا. بەو پێیەش تێکۆشان بۆ ئازادی ڕێبەر ئاپۆ ناوەندی کار و خەباتی ئێمە دەبێت.
پژاک لە ڕاگەیاندراوەکەیدا دەڵێت: لە سەردەمێکدا دووەمین کۆنگرەی پارتی ژیانی ئازادی کوردستان (پژاک) دەبەسترێت، کە ناوچەکە لە ڕەوشێکی هەستیاری سیاسیدا خۆی دەبینێتەوە و ڕەوشی نادیاری سیاسی باڵی کێشاوە بەسەر ئەم ناوچەیەدا و لە هەموو لایەکەوە دەستتێوەردان، بووەتە هەوێنی ئاکتەرانی ناونەتەوەیی و ناوچەیی و دەستێوەردانەکان و شەڕی پڕۆکسی لە ئاجێندای ڕۆژانەی ئەو هێزانەدایە.
دەستێوەردانەکانی ئێران و تورکییە لە ناوچەکە، دۆخێکی هەستیاری ساز کردووە کە ئەو دۆخە بەرەو شەڕێکی بەرفراوانی ناوچەیی دەڕوات و ڕێگا خۆشکەر دەبێت بۆ دەستێوەردانی بەرفراوان تری ئاکتەرانی ناونەتەوەیی. شەڕی غەزە لە پانتاییەکی بەرفراوان و لە چوارچێوەی ئاجێندای خۆیدا خەڵکی سیڤیلی لە ڕەوشێکی نالەباردا ڕاگرتووە و هاوکات پلان و دەستێوەردانەکانی تورکییە بە هاوکاری و چاوساخی ڕاستەوخۆی پاڕتی دیمۆکڕات و بنەماڵەی بارزانی لە ڕۆژاوای کوردستان و بەتایبەت باشووری کوردستان، ئەو دۆخەی چەندین بەرابەر مەترسیدارتر کردووە بۆ داهاتو و چارەنووسی گەلی کورد. ئەو ئامادەکاریەی تورکییە بۆ باشووری کوردستان و هێرش بۆ سەر پێگەکانی گەریلا، وەک پیلانێکی نەگریس بۆ سەر داهاتوی کوردستان دەنرخێندرێت و ڕەوش، ئەوەندەی کە هەیە ئاڵۆزتر دەکات.
هەڵبژاردنی سەرۆککۆماری لە ئێران دوای کوژرانی گوماناوی سەرۆککۆمار و وەزیری دەرەوەی ئێران، نیشانی دا کە گەلانی ئێران دوای شۆڕشی ژن، ژیان، ئازادی ئیتر هیچ مەشروعیەتێک بۆ دەستەڵاتدارانی کۆماری ئیسلامی ئێران قایل نابن و سیناریۆکانی پێشوی ئەو دەستەڵاتە، لەناو خەڵکدا جێگە و پێگەی نەماوە و ڕێژەی بەشداریکردنی دەوری یەکەم ئەو ئیدعایەی نیشانیدا، هەرچەند بە شێواز و میتۆدی جودا هەوڵیان داوە ڕێژەی دەنگەکان زیادە نیشان بدەن و بە موهەندسی کردنی هەڵبژاردن و دانانی مەسعودی پزشکیان وەک سەرۆککۆماری ئێران، سیگناڵێکی ڕاستەوخۆیان بۆ موعتەدل نیشاندانی ئەو دەستەڵاتە لە بەرانبەر هێژمۆنی جیهانی نیشان دەدات تاکوو لە بواری ناودەوڵەتی شەرعیەتێک بۆ خۆیان بەدەست بهێنن و هاوکات چەکەرەیەکی ڕیفۆرمخوازی لە دڵی گەلانی ئێراندا بچێنن، بەڵام ئەو تەرفەند و میتۆدانە لەسەر گەل هیچ باندۆرێکی نەماوە. لاوازی و بێ پلانی دەستەڵاتدارانی کۆماری ئیسلامی ئێران لە چارەسەری کێشە کۆمەڵایەتی و ئابووریەکانی ئێران و سیاسەتی سەرکوت و برسی کردنی گەل، بووەتە هۆی سەرهەڵدانی گەڵان و ڕادیکاڵ بوونەوەی خواستی چین و توێژەکانی کۆمەڵگەی ڕۆژهەڵاتی کوردستان و ئێران. هەژاری، بێکاری، نەبوونی ئازادیە سیاسی و کۆمەڵایەتییەکان، قووڵبوونەوەی قەیرانەکانی ئابووری، دیپلۆماسی ناکارامە، سەرکوتی سیستەماتیکی ژنان، گەندەڵیی سیاسی و ئیداری و سەرکوتی بیرمەندانی ئایینە جیاوازەکان و درێژەدانی سیاسەتی گرتن و ئەشکنجە و کوشتن، بووەتە هۆی نارەزایەتی بەربڵاوی گەلانی ئێران و بە شێوازی گۆڕینی ڕوکەشی سەرۆککۆمارێک ناتوانن ئیتر فریودانی خەڵک بە شێوازی پێشو درێژە پێبدەن.
لە کەشوهەوایەکی ئاوادا ئەکتەرە سەرەکییەکانی بەشدار لە گۆرانکاریەکانی ناوچەکەدا، خۆیان بۆ قۆناغێکی نوێ ئامادە دەکەن، گەلانی ئێرانیش لە گەڕان بەدوای مۆدێلی ژیانێکی ئازاد و شایستە دان. ڕێکخستنەکانی پارتی ژیانی ئازادی کوردستان -پژاک لە ئەوروپا بە هەستکردن بە هەستیارییی دۆخەکە خۆی بۆ قۆناغی نوێ ئامادە دەکات. لەو چوارچێوەدا لە ڕۆژانی 28-29-30|2024، کۆنگرەی دووەمینی خەباتی خۆی لە ئەوروپا بەڕێوە برد.
لەو کۆنگرەیەدا بە چڕوپڕی لەسەر ڕەوشی سیاسەتی جیهانی، ناوچەیی و بەتایبەت ئەو بابەتانەی کە ڕاستەوخۆ و یا ناڕاستەوخۆ پەیوەندیان بە کوردستان بەگشتی و ڕۆژهەڵاتی کوردستان بە تایبەتیی هەیە، گفتوگوی لەسەر کرا.
لەسەر توکمەکردنی تێکۆشان لە ڕۆژهەڵاتی کوردستان و ئێران بە گشتی و بۆ پێشخستنی خەباتی هاوبەش لەگەڵ تەڤگەری شۆڕشگێڕی، دیموکراتیک و ئازادیخوازی نەتەوەیی گەلانی ئێران، ژنان، کرێکاران و زەحمەتکێشان لە کۆنگرەدا باس و گفتگۆی لەسەر کرا.
کۆنگرە بە پێی ئەو دۆخەی کە لە کوردستان و ناوچەکەدا تێپەڕدەبێت و پێویستی تێکۆشان لە هەموو مەیدانەکانی خەباتدا، هەروەها لەناو کۆنگرەدا بۆ وڵامدەربوون بە ئەم دۆخە، باسێکی بەرفراوانی لەسەر پێویستی پتەوکردنی ڕێکخستن کرا. پێداگری لەسەر ئەوە کرا کە پێشخستنی ڕێکخستن و بەرزکردنەوەی ئاستی ڕوحی شۆڕشگێڕی ڕێگەچارەی هەنوکەیی تێکۆشانی ڕزگاری نەتەوەیی و کۆمەڵایەتییە.
کۆنگرە بە ڕوحی شۆڕشگێڕی و بە شەفافیەتەوە باس و گفتگۆی لەسەر لاوازیەکانی پێشووتری خەباتی پژاک لە ئەوروپادا کرد. بایەخدان بە ئەو هەوڵ و تێکۆشان و دەستکەوتانەی کە تا ئێستا لە خەباتی پژاکی ئەوروپادا وە دەست هاتون باسی لێوەکرا و بەرز نرخێندران. ڕێز لە هەموو ئەندام و دۆست و وڵاتپارێزانە گیرا کە بوونەتە هێز و وزەی تێکۆشانی پارتەکەمان لە دەرەوەی وڵات.
کۆنگرە لە دوای شرۆڤە کردنی ڕەوشی ڕابردوی خەباتی پژاک لە دەرەوەی وڵات و دیاریکردنی لاوازی و دەستکەوتەکان، دەرفەت و لەمپەڕەکان و پێویستییەکانی تێکۆشانی داهاتووی خەباتی پژاکی لە دەرەوەی وڵات دەستنیشان کرد و بەوردی دیاسپۆرای کوردی خستە بەر شیکردنەوە.
کۆنگرە نرخاندنی لە ڕەوشی کوردان کرد کە حاشاهەڵنەگرە کە کۆچبەربوونی کوردان بۆ دەرەوەی وڵات، ڕاستەوخۆ یا ناڕاستەوخۆ پەیوەندی بەو پرسە نەتەوەیی، سیاسی، ئابووری و کۆمەڵایەتیانەوە هەیە کە لە ئاکامی سیاسەتی داگیرکەرانی کوردستاندا خوڵقاون و زۆربەی هەرە زۆری کوردانی دەرەوەی وڵات ڕاستەوخۆ ڕووبەڕووی ئەو زۆری و زەحمەتی و توندوتیژیەی کە بەسەر گەلەکەماندا سەپاوە، بوونەتەوە.
ئەو بارودۆخە لەگەڵ هەموو ئازارەکان، هەگبەیەکی پڕی لە هەستی نیشتمانپەروەری، ماتەوزە (پتانسیڵ)، ئەزموون و تواناییشی خولقاندووە کە ئەگەر باش هەڵبسەنگێندرێ و بیری لێبکرێتەوە و ئۆرگانیزە بکردرێت، دەتوانێت هەم ببێتە پاڵپشتی شۆڕشی ناوخۆ، هەمیش ببێتە هێزی ئاواکردنی کۆمەڵگەیەکی ئازاد و دیموکراتیکی کوردان لە هەندەران، تا تاک و کۆمەڵگەی کورد لە هەندەران بتوانێت وێڕای کەڵک وەگرتن لە دەرفەتەکان و باشیەکانی کۆمەڵگەی خانەخوێ، لە نرخە ئەرێنییەکانی کولتووری کوردی و ناسنامەی کوردی دانەبڕدرێت.
ئەوروپا ژمارەیەکی بەرچاوی کوردی هەرچوارپارچەی کوردستان و ماتەوزەی بەرچاوی کاروخەباتی تێدایە کە ئێمە تا ئێستا نەمانتوانییوە بە باشی ئەو ماتەوزە بخەینە گەڕ. بەشێک لەو کەمووکۆڕیانە کە نەیانهێشتووە ئێمە وەک ڕێکخستنی پژاک لە ئەوروپا بەباشی ئەو ئیمکانانە بخەینە گەڕ، لە کۆنگرەدا دەستنیشان کران و ڕێبازی چارەسەرییان تاوتوێ کراو. قووڵبوونەوە بۆ شێوازی نوێ و دۆزینەوەی ڕێبازی گونجاو بۆ پێشانگەیەتییەکی ڕاست خرایە بەرباس. بۆ ئەم مەبەستە کۆنگرە بە شرۆڤەیەکی ورد و هەمەلایەنە کۆمەڵێک بڕیار‌ی گرنگی لە کەشوهەوایەکی گەرم و شۆڕشگێرانەدا پەسند کرد لەژێرەوە چەند بڕیارێک ئاماژەیان پێکراوە:
1) ئازادی ڕێبەر ئاپۆ، ئازادی ئیرادەی کوردی ئازادە و کلیلی چارەسەری پرسی دیموکراسی و پێکەوەژیانە لە کوردستان و ڕۆژهەڵاتی ناوەڕاستدا. بەو پێیەش تێکۆشان بۆ ئازادی ڕێبەر ئاپۆ ناوەندی کار و خەباتی ئێمە دەبێت.
2) لەژێر فەلسەفەی ئازادی ژندا، تێکۆشان دژی زێهنییەتی جنسییەت پارێز بە بنەما دەگرین.
3) پاراستنی کولتوری ئەرێنی کۆمەڵایەتی و ئەخلاقی کۆمەڵایەتی، وەک هەوێنی کاری ڕێکخستنی بە بنەما دەگیرێت.
4) ژیانی هاوبەشی گەلان و پەرەپێدان بە کولتوری پێکەوە ژیان و ناسینی جیاوازییەکان لە بەرانبەر کۆمەڵگەی هۆمۆژێنی دەوڵەت-نەتەوە بە بنەما دەگیردرێت.
5) دیپلۆماسی وەک ئامرازی ئاشتی و نزیکایەتی دۆستانەی گەلان دەبینرێت. لەو چوارچێوەدا دیپلۆماسی گەل بەبنەما دەگیرێت و پەیوەندی لەگەڵ ڕێکخراوە مەدەنی و کۆمەڵایەتییەکانی گەلانی تر ئەولەویەتی کارمان دەبێت.
کۆنگرە چەندین بابەتی دیکەی لە خۆ گرت، وەک مژاری گەنجان، ژنان، ژینگە. بە پلاننامەیەکی توکمە و بە درووشمی ئازادی جەستەیی ڕێبەر ئاپۆ مسۆگەر دەکەین، نەتەوەی دیمۆکراتیک بوونیاد دەنێین لە کەشوهەوایەکی پڕ لە جۆش و خرۆشدا و بە مۆراڵی بەرز کۆتایی بە کارەکانی خۆی هێنا.
[1]

چەند ڕۆژ لەمەوبەر بەرنامەی تەلەڤزیۆنی هێڵی سێیەم لە (ئاریەن تیڤی) پەخشکرا و لەو چوارچێوەیەدا ژمارەیەک پرسی مێژوویی شیکاریان بۆکرا. بەهۆی هەستیاربوونی بابەتی بەرنامەکە، شیکردنەوەی مێژوویی بابەتەکە بووەتە هۆی هەڵە تێگەیشتن لەلای هەندێک لایەنگر و دۆستانی بەڕێز و هێژا. پارتەکەمان پژاک لە چوارچێوەی سیستمی دیموکراتی خۆی، ڕێز لە بۆچوون و هەستیاری گشتی و بە تایبەتی دۆستانی دەگرێت.

لەم ڕۆژانەی دواییدا لە بارەی پژاک و ئامانجە دیموکراتەکانی و پرسە جوراوجورەکان لە بەرنامەی تەلەڤزیۆنی هێڵی سێیەمدا هەندێک دانووستان و بیروڕا ئاڵۆگوڕکران. بێگومان و بە شێوەیەکی ڕوون و ئاشکرا ڕایدەگەیەنین کە ئامانجی ئێمە بەرگریکردنە لە مافی دیموکراتی گەلەکەمان و هەموو گەلانی نێو کۆمەڵگا. هەموو بۆچوون، باوەڕ و ڕای جیاوازی کۆمەڵگا بۆ ئێمە جێگەی بایەخن و هیچ کاتێک سیاسەتی ڕەتکردنەوە ناگرینەبەر.

#پارتی ژیانی ئازادی کوردستان - پژاک# بەردەوامی بە تێکۆشانی فیداکارانەی خۆی دەدات و بە تەنیا بیر لە دیموکراتیزەکردنی کۆمەڵگا و ئازادی کۆمەڵگا دەکاتەوە. هەموو کاتێک لە بیروڕا و هزر و شێوەکانی تێکۆشان، ڕوون و ڕاستگۆ بووین و بەم شێوەیەش دەمێنینەوە. ئاشکرای دەکەین کە خەباتمان بۆ بەدیهێنانی کۆمەڵگایەتی دیموکرات و سکولار بەردەوامە و پێمان وایە کە کۆمەڵگا بەم شێوەیە دەتوانێت پێشکەوتن و گەشەسەندنی ئازادی بەدەست بهێنێت.

هەموو ڕەنگەکان، جۆر و چینەکانی کۆمەڵگا و گەلان بۆ ئێمە جێگەی بایەخن و لەگەڵ هەموو بیروبۆچوونەکانی دیموکرات و سکولار هەڵسوکەوتمان کردووەتەوە و بەردەوامین. هەوڵی پارتەکەمان ئەمەیە کە کۆمەڵگا بگاتە سیستمێکی سکولار و دیموکرات و هەموو چین و توێژێک بە شێوەیەکی فراوان بەشداری تێدا بکەن. بێگۆمان بە پشتگیری گەلەکەمان و بە تێکۆشانی فیداکارانە، ئازادی و دیموکراسی دەستەبەر دەکەین. [1]
مەجلیسی پارتی ژیانی ئازادی کوردستان - پژاک

پارتی ژیانی ئازادی کوردستان (پژاک یان PJAK) گروپێکی چەکداری کوردیی نەتەوەییە کە بنکە سەرەکییەکەی لە باکووری عێراق (باشووری کوردستان)ە و چەندین هێرشی کردۆتە سەر پارێزگای کوردستان لە ئێران و ناوچە کوردنشینەکانی تر.
پژاک ئەندامی کۆنفیدراسیۆنی دیموکراتیی کوردستانە (#کۆما چڤاکێن کورستان# - KCK)، کە هاوپەیمانێتیەکی گروپە نایاساییە کوردەکان و کۆمەڵەکانە و لەلایەن ئەنجومەنێکی جێبەجێکاریی هەڵبژێردراوەوەسەرکردایتی ئەکرێت. پەکەکەش، کە لە لایەن چەند دەوڵەت و دامەزراوەیەکەوە لەسەر ئاستی جیهانیی – لەوانە ئەمریکا، ناتۆ و یەکێتی ئەوروپا، بەدامەزراوەیەکی تیرۆریست لە قەڵەم دراوە، ئەندامی KCK یە. بەپێی وتارێکی نوێی نیویۆرک تایمس پژاک و پەکەکەبەئەگەرێکی زۆر یەکێکن، و یەک ئامانجیان هەیە: هەڵمەتی شەڕ بۆ دەستکەوتنی ئۆتۆنۆمی و مافەکانی کورد لەئێران و تورکیا. سەرکردایەتییان هاوبەشە، هەروەها لۆجستیک و وەفادارییان بۆ عەبدولڵا ئۆجەلان، سەرکردەی پەکەکەکە ئێستا لە ئیمرالی زیندانییە.
سیاسەت و پێکهاتە:
سەرکردەی ئێستای ڕێکخراوەکە #حاجی ئەحمەدی#یە. بەگوێرەی واشینگتۆن تایمس، نیوەی ئەندامانی پژاک ژنن، زۆرێک لەوانە لە تەمەنی هەرزەکارییدان، و یەکێک لەو ژنانەی کەلەئەنجومەنی سەرکردایەتییە، گولستان دوگانە کە دەرچووی بەشی دەرونناسییە لە زانکۆی تاران. ئەمەبەپێی ئەو ڕاستییەی کەپژاک پشتگیرێکی بەهێزی مافەکانی ژنانە. پژاک بڕوای وایەژنان ئەبێت ڕۆڵی بەهێزی خۆیان ببین لەدەسەڵاتدا و یەکسان بن لەگەڵ پیاودا لەپلەکانی سەرکردایەتییدا.
پژاک ئەندامی کۆنفیدراسیۆنی دیموکراتیی کوردستانە(کۆما چڤاکێن کورستان KCK). ژمارەیەک لە گروپ و کۆمەڵەکوردییەکان و لەژێر چەتری KCK ەی دان، کە لە لایەن کۆمیتەیەکی هەڵبژێردراوی جێبەجێکارییەوە سەرکردایەتی دەکرێت. KCK ی بەرپرسە لە چەند بڕیارێک و زۆر جار لەجیاتی ئەندامەکانی لێدوانی ڕۆژنامەنووسی ئەدات. پژاکیش چەند بەشێکی هەیە. باڵی سەربازیی پژاک ناوی ڕێکخراوی هێزەکانی ڕۆژهەڵاتی کوردستان (هێزێن ڕۆژهەڵاتا کوردستان – HRK). پژاک باڵێکی ژنانیشی هەیە، تایبەتەبەکارکردن بۆ بەرژەوەندی ژنان لەناو گروپەکەدا و بەرژەوەندی ژنان بە گشتی، ناوی ئەم باڵەیەرجەریکایە.
وەکو ئامانجە هەنووکەییەکانی پەکەکە لە تورکیا، سەرکردەکانی پژاک ئەڵێن ئامانجە درێژخایەنەکانمان دامەزراندنی هەرێمێکی ئۆتۆنۆمە بۆ کورد لەناو دەوڵەتی ئێراندا. بایەخی تایبەتیان لەسەر لابردنی دەوڵەتی دینییە لە ئێران و دانانی حکومەتێکی دیموکرات و فیدراڵ لەجێگەکەی، کەتیایدا خود-کارگێڕی بۆ دەستەبەر کرێت بۆ هەموو کەمینەنەتەوەییەکانی ئێران، بە عەرەب و ئازەری و کوردییشەوە.
پێکدادانی چەکداریی و دەستگیرکردنەکان:
لە تۆڵەی ئەو 10 کوردەی لە خۆپیشاندانەکەی ماکۆ لەلایەن هێزە ئەمنییەکانی ئێرانەوە کوژران، لە 3ی ئەپریلی 2006 دا، پژاک 24 ئەندامی هێزەئەمنییەکانی ئێرانی کوشت. لە10ی ئەپریلی 2006، 7 ئەندامی پژاک لە ئێران دەستگیر کران، بە گومانی ئەوەی کەبکوژی 3 کەسی هێزەئەمنییەکانی ئێران بن. جیهان نیوس ئەیجنسیی چاپی ئەستەمبوڵ باس لە کوژرانی زیاد لە 120 ئەندامی هێزەئەمنییەکانی ئێران دەکات لە 2005 دا لەلایەن پژاکەوە.
پژاک لە 8ی مەی 2006 لە کرماشان بۆمبێکی تەقاندەوە و بووەهۆی بریندار بوونی 5 کەس لەناو بینایەکی دەوڵەتییدا.
لە شەش مانگی یەکەمی 2006دا، هێزەئەمنییەکانی ئێران چەند جارێک ڕووبەڕووی گەریلاکانی پژاک بوونەتەوە لەسەر سنوور و ناو خاکی ئێراندا. لەوکاتەوە، کەناڵی هەواڵی ئەمریکی MSNBC باس لەوە دەکات کە سوپای ئێران بەدرێژایی سنوور بۆمبارانی بۆ سەر دێهاتە کوردییەکانی ناو خاکی عێراق – کە لەلایەن ئەمریکاوە دەستی بەسەردا گیراوە، دەست پێکردووە، ئەمە لە کاتێکدایە بە وتەی خۆیان مەبەستی سەرەکییان چەکدارانی پژاکە. ژمارەیەک خەڵکی سیڤیل کوژران. پژاک بانگەشەی ئەوە دەکات کە گەریلاکانی لە ناو خاکی عێراقدا چالاکی شەڕ دەکەن، لە ئۆگەستی 2007، کاریان کرد بۆ خستنەخوارەوەی هەلیکۆپتەرێکی سەربازیی ئێرانی کەخەریکی بۆمبارانی ناوچەکەبوو.
پەیوەندی بە دەوڵەتی ئەمریکا و پێکهاتەی سەربازیی:
پژاک زۆر نزیکە لە پارتی کرێکارانی کوردستانەوە (پەکەکە، پێیشی دەڵێن کادەک، کۆنگرەی گەل و KGK)، کە بە ڕێکخراوێکی تیرۆریستی بیانی لەلایەن وەزارەتی دەرەوەی ئەمریکاوە لە قەڵەم دراوە.
لە 16ی ئەپریلی 2006، دێنیس کەسینیچ-ی ئەندامی کۆنگرێسی ئەمریکی نامەیەکی بۆ جۆرج دەبلیو بوش نارد تیایدا بیروبۆچوونی خۆی دەبڕیبوە کە دەبێ ئەمریکا پشتگیری و هاوکاری پژاک بکات چونکە پژاک لەناو خاکی عێراقدایە و عێراقیش لەژێر دەسەڵاتی هێزەکانی سوپای ئەمریکادایە.
لە نۆڤەمبەری 2006، سیمۆر هێرشی ڕۆژنامەنووس لە زەنیویۆرکەر، پشتگیریی ئەم بۆچوونەی کرد بەوەی کەسوپای ئەمریکا و ئیسرائیلییەکان هاوکارییان دەکەن لەرووی ماددیەوە، ڕاهێنانیان پێ دەکەن و زانیارییان دەدەنێ لەسەر ئامانجەکانیان، بەمەبەستی دروستکردنی فشارێکی ناوخۆیی لەسەر ئێران.
ئەمەلەلایەن ئەمریکا و پژاکیشەوەرەتکرایەوە. لەچاوپێکەوتنێکدا لەگەڵ سلەیت مەگازین لە جونی 2006، وتەبێژی پژاک ئیحسان وریا لێدوانێکی دا کەپژاک خۆشحاڵ دەبوو ئەگەر بەکرێگیراوی ئەمریکا بووایە، و نائومێدەلەوەی واشنتۆن تا ئێستا هیچ پەیوەندییەکی پێوەنەکردوون. وتارەکەی سلەیت بەردەوامە، باس لەوە دەکات پژاک هیوادارە لەلایەن ئەمریکاوە یارمەتی بدرێت و کاری لەگەڵدا بکات بۆ لە کارلادانی دەوڵەتی ئێران، بەو شێوەیەی هاوکاری حزبە کوردییەکانی کردوەلەعێراق بۆ لە کارلادانی دەوڵەتی عێراق لە ماوەی ساڵانی پێشووی جەنگی عێراق.
لە ئۆگەستی 2007، سەرکردەی پژاک سەردانی واشنتۆن دی.سی کرد بۆ دەستخستنی یارمەتی ئاشکرای زۆرتری ئەمریکی لەهەردوو ڕووی سیاسی و سەربازییەوە، بەڵام دواتر ئاشکرای کرد کە چەند پەیوەندییەکی سنوورداری لەگەڵ بەرپرسەکانی واشنتۆندا کردووە. یەکێک لە بەرپرسە باڵاکانی پەکەکە لە لێدوانێکدا لە کۆتاییەکانی 2006 ڕایگەیاند ئەگەر ئەمریکا پژاکی بەلاوە پەسەند بێت، ئەبێت پەکەکەشی بەلاوەپەسەند بێت بەئاماژەدان بۆ ئەو هاوپەیمانێتییەی لە نێوان ئەو دوو گروپەدا هەیە و هەروەها ئەندامێتییان لە کۆنفیدراسیۆنی دیموکراتیی کوردستان – KCK.

بۆ ڕای گشتی...

دوابەدوای سەفەرە زەنجیرەیەکانی کاربەدەستانی ئاسایشی کۆماری ئیسلامی ئێران بۆ باشووری کوردستان و بەرنامەرێژی قۆناخێکی نوێ لە شەڕی تایبەت دژی بزووتنەوەی ئازادیخوازی ئاپۆیی لە ڕۆژهەڵاتی کوردستان و ئەحزابی گرێدراوی بارزانی لە ڕۆژهەڵاتی کوردستان (حدکا، حدک) بوونەتە‌ کەرەستەیەکی ئەساسی ئەم شەڕە تایبەتە.

ئەم ئەحزابە زەردانە کە تەجروبەیەکی دەمدرێژیان لە بە فیڕۆدانی وزەی کۆمەڵگای کوردی و تکهەڵچوون لەگەڵ تێکۆشەرانی کورد هەیە، دەیانەوێت تا بە فەرهەنگی فالانژیستی، کۆمەڵگای کوردستان بەرەو‌ گۆڕەپانێکی بیرتەسکانە و مۆغرەزانە ڕابکێشن، ئەم ئەحزابانە لەم ماوە درێژە لە پاسیڤ بوون و کەمپنشینی خۆیان بوونەتە‌ حەوانگەی سیخوری چەند لایەنە و مۆرەی وەزارەتی ئیتڵاعات و سوپای پاسداران.

یەکێک لە ڕێگا ئەساسیەکانی شەڕی تایبەت، ڕەشکردنی ئەو کەسانەیە کە بیروڕای جیاوازیان هەیە و ئەو کەسانەی کە لە چوارچێوەی سیاسەتە هاوبەشەکانی دەوڵەت و ئەم ئەحزابانە جێ ناگرن.

لەم ڕۆژانەی دواییدا بەشێک لەم کەسانە کە ئەندامێتی ئەوان لە ناوەندە ئیتڵاعاتیەکان و ئاسایشی ڕژیم ئاشکرایە و لەهەمان کاتدا خۆیان وەک پشتیوانانی ئەحزابی زەرد نیشان دەدەن و پدەچێت کە کارتی ئەندامێتی ئەم ئەحزابانەشیان له گیرفانیاندا بێت، هێرشێکی بەرفراوانیان بۆ بەدناوکردنی کەسایەتییە مەدەنییەکان و وڵاتپارێزانی کورد دەستپێکردووە.

بێگومان ئەم کردەوە نا ئەخلاقیانەی مۆرەکانی ڕژێم ناتوانن ئەم کەسایەتییە تێکۆشەرو وڵاتپارێزانە ڕەش بکەن، هەروەها ناتوانن ئەو سەرکەوتنانەی‌ کە گەلی تێکۆشەری کورد ڕۆژبەرۆژ بەدەستی دێنێت، کەمڕەنگ بکەنەوە.

لەم ڕێگایەوە سەرەنجی ڕای گشتی کوردستان بۆ‌ سەر ئەم نەخشە چەپەڵه ڕادەکێشین، هەروەها ئەم مۆرانە و پشتیوانانیان وشیار دەکەینەوە کە هەوڵی تاقیکردنەوەی ئاستی سەبری بزوتنەوەی ئاپۆیی و گەلی وڵاتپارێز کوردستان نەدەن.

مەجلسی پارتی ژیانی ئازادی کوردستان

لە کەسایەتی شۆڕشگێری گەورە هەڤاڵ #قاسم ئەنگین#دا یادی هەموو شەهیدانی ئازادی دەکەینەوە و هێرشی سەر گەلی کورد، #شەڕڤان#انی ئازادی کە بە دەستی ڕژێمی داگیرکەری تورک و هاوکارە خایینەکانی ئەنجام دەدرێن، بە توندی شەرمەزار دەکەین و ڕایدەگەیەنین کە لێپرسینەوە لە هەر جۆرە توندوتیژی، تاڵان، قڕکردن و زوڵم یەک بە یەک دەکەینەوە و ئێمەش وەک #پژاک# وابەستەبوونی خۆمان بە ڕێگای شەهیدانی ئازادی و داواکاری و ئامانجەکانی دووبارە دەکەینەوە.
دەوڵەتی داگیرکەری تورک بە هاوکاری هێزە خایین و نۆکەرەکانی لەم ساڵانەی دواییدا لە باشووری کوردستان هێرشەکانی لەبەرانبەر شۆرشگێرانی ئازادی زیاد کردووە و لەو نێوەندەدا گوندەکانی باشووری کوردستان بۆردومان دەکات و کەسانی مەدەنیش شەهید دەکات، جۆگرافیای کوردستان تاڵان دەکرێت و زیان بەر گەلەکەمان دەکەوێت. ئەوەش بەشێکە لە سیاسەتی قڕکردنی داگیرکەری فاشیزمی دەوڵەتی تورک. لە باکووری کوردستان دەوڵەتی فاشیست بەهۆی بەرخۆدان و تێکۆشانی گەورەی گەریلا ڕووبەڕووی ئاستەنگێکی گەورە هاتووە، سیستمی سیاسی و ئابوری تورکیا لەناو قەیران و گێژاوێکی قوڵ دایە. لە دۆخێکی بەم شێوەیەدا، تورکیا لە هەرێمەکە لەسەر ڕۆژئاوا و باشووری کوردستان هەوڵی داگیرکردن دەدات. ئەو هێزەی لەبەرانبەر ئەم فاشیزمە دەوەستێتەوە گەلی کورد و پێشەنگەکانی ئازادین. لە لایەکەوە دەیەوێت شۆرشی ئازادی گەلان لە ڕۆژئاوا لەناوبەرێت، بەو هۆیەشەوە هاوکاری قێزەون لەگەڵ هێزە نێنەتەوەییەکان دەکات و چەتە دڕندەکانی کە خۆی پەروەردەی کردووە لە هەرێمی کوردان جێگیر دەکات و هەموو ڕۆژێک قڕکردن ئەنجام دەدات. لە لایەکی ترەوە لە باشووری کوردستان دەستکەوت و میراس و کۆکراوەکان کە بە خوێنی هەزاران شەهید بەدەستهاتوون، بەهۆی نزیکایەتی هاوکاری و نۆکەری هێزە کوردیەکان لەناو دەبات. دەیەوێت هێزە کوردیەکان بێنێتە ڕووبەڕووی یەکتری و ئاگری شەڕی ناوخۆی خۆش دەکات. لە هەرێمی ئاسۆسی سەر بە ماوەتی سەر بە #سلێمانی# لە 26ی ئایاردا هێرشێک لە لایەن فڕۆکە بێفرۆکەوانەکان ئەنجامدرا و لە ئەنجامدا دوو هەڤاڵی گەریلای یەرەکەمان و 3 وڵاتپارێزمان شەهید بوون. ئەم هێرشەی پیشانیدا کە ئامانجی فاشیزمی تورک بە تەنها گەریلاکانی #پەکەکە# نییە و هەموو کوردێکی ئازادخواز و تێکۆشەری کردووەتە ئامانج.
گەریلاکانی ئازادی کوردستان چۆن لە سەردەمی هێرشەکانی #داعش#دا خاکی پیرۆزی نیشتیمان و گەلی کورد و هەرێمەکەیان پاراست و خاوەنداریان لێکرد، بە هەمان بڕوا و تەئکیدکردنەوە و جۆش و خڕۆشەوە لە ناو بەرخۆدانی گەورەدا جێی خۆیان دەگرن و بۆ ئەوەی بستێک خاکی وڵات لەناو پەنجەکانی قێزەونی داگیرکەران دە نەمێنێت، تێکۆشانیان تا سەرکەوتن بەردەوام دەکەن. دەبینرێت کە هەلی باشووری کوردستانیش ئاگاداری بەها گرانبەهاکانی گەریلاکانی ئازادیداتە. گەریلا وەک پارێزەری ئاسایشی خۆیان دەبینن و لە بەرانبەر دەوڵەتی فاشیستی تورک هەڵویستێکی شەرەفمەندانەی بەرخۆدێن پیشان دەدەن. بەڵام پێویستە ئەم تێکۆشانە بگاتە ئاستێک کە کۆتایی لە بارەگا و ناوەندە سیخۆڕیەکانی میتی تورکیای فاشیست بهێنرێت.
هەروەک چۆن لە ڕووداوەکانی پێشوودا، لە ڕووداوی شەهیدانی ئاسۆسدا بەرپرسانی هەرێمەکە بێدەنگ بوون و وڵامی هیچ بانگەوازێکیان نەدایەوە و چاوەکان و گوێکانیان بەرانبەر داواکاری گەل و ڕێکخراوەکانی ئازادیخواز داخست. بەڵام پێویستە ئێدی بەرپرسیاری خۆیان جێبەجێ بکەن. ئەگەر لە ئێستا بەدواوە هێزەکانی هەرێمی کوردستان و دەوڵەتی عێراق لە بەرانبەر ئەم هێرشانە و داگیرکەری تورکیا بێدەنگ نەبن، ئەم بێدەنگیە قبوڵ ناکرێت و وەک هاوکاریکردن لەقەڵەمدەدرێت. بۆیە سەرەتا هێزەکانی باشووری کوردستان، پارت و ڕێکخستنەکان پێویستە خاوەن هەڵوێست و وڵام بن. بەرپرسیاری خۆیان جێبەجێ بکەن و بۆ ئەوەی ڕووداوی تیرۆر لە باشووری کوردستان دووبارە نەبن، دەوڵەتی تورک لە خاکی باشووری کوردستان دەربکەن.
هەڵوێست و نزیکایەتی دەوڵەتی ئێرانیش لەو ڕووداوانە جیا نییە و لە ناو هەموو پلانێکی دژی کورد و بزوتنەوەی ئازادیخوازی کورددا جێی خۆی دەگرێت. ئەو کردەوانە لە کەسایەتی زیندانی سیاسی کورددا دیار بوو. لەم ڕۆژەی دواییدا بڵاوبوونەوەی ڤایرۆسی کۆرۆنا لە زیندانەکانی ئێران دڕندەیی ڕژێمی ئێران جارێکیتر پیشاندا. دوای دوورخستنەوەی زەینەب جەلالیان لە زیندانی خۆی بۆ زیندانی قەرچەک وەرامین و تووشبوونی زیندانی سیاسی کورد و زیندانیانی سیاسی تر، ڕای گشتی ناڕەزایی دەربڕی. پژاک ئەم دۆخە وەک دۆخێکی نامرۆڤی دەبینێت و پێویستە دەوڵەتی ئێران بە زوترین کات بۆ دەرمانکردن و ئازادکردن ئەو هەڤاڵانە دەست بەکار بکات. هەروەها هەموو ڕێکخستنەکانی مافەکانی مرۆڤ و ڕای گشتی بۆ ئازادی زیندانیانی سیاسی کە لە دۆخێکی نالەباردان، دەست بە هەوڵدان بکەن.
هەروەها هەموو گەلەکەمان، گەلەکەمان لە ڕۆژهەڵاتی کوردستان بە خاوەنداریکردن لە بەها، بیرەوەری و بەرخۆدانی زیندانیان لە هەر چوار بەشی کوردستان و ئامانجی شەهیدان، ئەرکی وڵاتپارێزی خۆیان جێبەجێ بکەن. هەڤاڵ قاسم ئەنگین لە تێکۆشانی ئازادی گەلی کورددا خاوەند ڕەنج، وزە و بەرهەمێکی زۆر گەورەیە. لە هەموو ساتەکانی ژیانی خۆیدا باسی لە خۆشەویستی و وابەستەبوونی خۆی بە خاک، مێژوو و ڕاستی وڵاتەکەی دەکرد. ئێمەش لە هەموو گۆرەپانەکانی تێکۆشاندا بە وابەستەبوون لەسەر ڕێچکەی شۆڕشگێر و فەرماندە قاسم ئەنگین، ئەرکی خۆمان کە کوردستانێکی ئازاد و یەکێتی نەتەوەی ڕۆژهەڵاتی ناوینی دیموکراتە جێبەجێ دەکەین.
#10-06-2020#

سڵاو لە بەرخۆدانی گەل لە ڕۆژهەڵاتی کوردستان
کۆماری ئیسلامی ئێران لە کارنامەی 40 ساڵەی خۆیدا بە هەزاران جینایەت و کاولکاری بە دیاری بۆ گەلانی ئێران لە گەڵ خۆی هێناوە. بێکاری، گەندەڵی، فەحشا، قرکردن و ئاسیمیلاسیۆن و لە کۆتاییش دا داڕمانی ئابوری لە سایەی سیاسەتی دژەخەلکی و هەناردەکردنی ئیسلامی شیعەی شوۆنیستی خۆی بۆ وڵاتانی دەرەوە، کەوتۆتە ناو بازنەیەکی بێ ئەنجام کە هەموی ئەم تاوانانە لە سایەی سیاسەتی ناکارامەی مەلاکاندا کراوە، کۆماری ئیسلامی ئێران تاوانەکەی بە سەری گەلانی ئێراندا دەشکێنێتەوە. لە ماوەی ئەم 40 ساڵە دا بەردەوام ئێعدام و ئەشکەنجە و زیندان بەشی خەڵکی ئێران بوە و سود و بەرهەمی وڵاتەکە بۆ هەناردەکردنی ئیسلامی شیعەی شوۆنیستی بۆ وڵاتانی ناوچەکە و هاوکات بۆ کۆمەڵێک مرۆڤی گەندەڵ و بنەماڵەکانیان تەرخان کراوە.
لە ماوەی ئەم 40 سالەی ژیانی خەفەقان و کوشتن و ئێعدام لە ئێران، خەڵکانی مافخواز و ئازادیخواز کە ئێعترازیان دەربڕیوە، هەمو جارێک بە گرتن و ترساندن، خەلکیان لە خۆپێشاندان و داخوازی مافەکانیان ترساندوە و پێشیان گرتون لە دەربرینی ویست و داخوازی ڕەوای خۆیان و بەم شێوەیە ڕژیمی فاشیستی ئێران خۆی بە سەر گەل دا سەپاندوە. ئیتر سەبری گەل گەییشتۆتە قۆناخێک کە چیتر ئەم شێوە ژیانە هەڵنابژێرن و بە هەمو شێوازێک ڕوبەڕوی هەر چەشنە زوڵم و بی حورمەتی و کاولکاری دەبنەوە.
گەلی کورد لە ڕۆژهەڵاتی کوردستان لە دەستپێکی هاتنەسەرکاری کۆماری ئیسلامی ئێران، لەگەڵ ئەو سیستمە ناکۆک بون و کۆماری ئیسلامی ئێرانیش بە هەمو شێوەیەک بۆ قرکردن و ئاسیمیلاسیۆنی ئیتنیکی و ئائینی ڕانەوەستا و دەستیکرد بە کاولکاری و تەنانەت ژینۆسایدی سپی، کە وزە و پوتانسیەلی شۆڕش لەم بەشە لە کوردستان بێ کاریگەر بکات، بەڵام بەداخەوە شوۆنیزم و دیکتاتۆران باش بزانن گەلی کورد سەرەڕای هەمو پیلانگێڕیەکانی کۆنەپەرەستان و داگیرکەران لە سەر پێیان دەمێنێت و بە ڕوحێکی زیندو بە بەرخۆدانی کۆبانی هەمو داگیرکارو کۆنەپەرەستان تێکدەشکێنێت.
لە سەر ئەم ئەساسە کە گەلی کورد لە ڕۆژهەڵاتی کوردستان خاوەن ئیرادەیە و بە تێگەییشتن بە مافە ئازادیخوازەکانی خۆی و تێکۆشان بۆ گەییشتن بە ئازادی لە گەڵ هەمو گەلانی ئازادیخواز هاوڕاستایە و شان بە شانی هەمو تێکۆشەران و مافخوازان لە ئێران و ناوچەکە تێکۆشان دەکات بۆ بنبڕکردنی دیکتاتۆریەت و لە پێش هەمویاندا سیستمی کۆنەپەرەست و فاشیستی ئێران. بۆیە داوا لە هەمو ئازادیخواز و مافخواز و تێکۆشەرێکی ئێران دەکەین لە هەمبەر سەرکوت و کوشتاری خەلک بێدەنگ و بێ هەڵویست نەبن و دەنگ و ئێعتڕازی خۆیان بەرز بکەنەوە و تێکۆشان بگەیەننە لوتکەی خۆی.
لە سەر ئەم ئەساسە، داوا لە هەموو گەلی کورد لە هەر چوار پارچەی کوردستان دەکەین پشتیوانی لە تێکۆشانی گەلەکەمان لە ڕۆژهەڵاتی کوردستان بکەن، با گەلی ئێمە لە ڕؤژهەڵاتی کوردستان بزانێت کە لە تێکۆشان دژی دیکتاتۆریەت و فاشیزم و گەییشتن بە ئازادی تەنیا نیە. لەم قۆناخە هەستیارەدا پێویستە هەمو کەس بە هەستیاری و بە بەرپرسیاریەتیەوە نزێک ببێتەوە و بە ڕوحێکی یەکگرتویی و نیشتیمانپەروەری بەرەو قۆناخی نوێ و گەییشتن بە ئازادی هەڵوێست بگیردرێت.
سەرکەوتن بۆ ئازادی و گەلە
مەجلسی پاڕتی ژیانی ئازادی کوردستان(پژاک)
#16-11-2019#

به دنبال سفرهای زنجیره‌ای مقامات امنیتی جمهوری اسلامی ایران به جنوب کوردستان و برنامه‌ریزی مرحله‌ای نوین از جنگ ویژه علیه جنبش آزادی‌بخش آپویی در شرق کوردستان، احزاب اقماری بارزانی در شرق کوردستان(حدکا و حدک) به ابزار اصلی این جنگ ویژه مبدل گشته‌اند. این احزاب زرد که سابقه‌ی طولانی در به هدر دادن انرژی جامعه‌ی کورد و درگیری با مبارزین کورد را دارند برآنند تا با اشاعه‌ی فرهنگ فالانژیستی، جامعه‌ی کوردستان را به میدان رقابت‌های تنگ‌نظرانه و مغرضانه‌مبدل نمایند. این احزاب در طی مدت طویل انفعال و کمپ‌نشینی خود به جولانگاه جاسوسان چندمنظوره و مهره‌های وزارت اطلاعات و سپاه پاسداران مبدل گشته‌اند.
یکی از روش‌های اصلی جنگ ویژه، بدنام‌سازی افراد دگراندیش و شخصیت‌هایی است که در محدوده‌ی سیاست‌های مشترک دولت و این احزاب جای نمی‌گیرند. در روزهای اخیر نیز برخی از اشخاص که عضویت آن‌ها در نهادهای اطلاعات و امنیتی رژیم محرز است و در عین حال خود را طرفدار دو‌آتشه‌ی احزاب زرد نشان می‌دهند و چه بسا که کارت عضویت این احزاب را نیز در جیب داشته باشند حمله‌ی گسترده‌ای را جهت بدنام‌سازی شخصیت‌های مدنی و میهن‌دوست کورد آغاز نمو‌ده‌اند.
بدون‌شک اقدامات غیراخلاقی این مهره‌های رژیم نمی‌تواند وجهه‌ی شخصیت‌های مبارز و میهن‌دوست را خدشه‌دار نموده و همچنین قادر به سایه‌اندازی بر پیروزی‌های روزافزون ملت مبارز کورد نیست. ما بدین‌وسیله افکار عمومی کردستان را از چنین نقشه‌ی پلیدی آگاه نموده و به این مهره‌ها و حامیان‌شان هشدار می‌دهیم که درصدد آزمودن میزان صبر جنبش آپویی و مردم میهن‌دوست کوردستان برنیایند.
پیشتر:
خردادماه سال جاری، یک درگیری مسلحانه میان تعدادی از پیشمرگه‌های حدکا و نیروهای وابسته به پ.ک.ک روی داد.
در نتیجه درگیری میان نیروهای پیشمرگه‌های حزب دمکرات کردستان ایران و حزب کارگران کردستان، یکی از پیشمرگه‌های حزب دمکرات جان باخته و سه پیشمرگه دیگر زخمی شدند.
دفتر سیاسی حزب دمکرات کردستان ایران در بیانیه‌ای رسمی، حزب کارگران کردستان را به حمله یکجانبه به پیشمرگه‌های حزب دمکرات متهم کرد.
به دنبال این درگیری، شماری از احزاب کُرد و ایرانی طی بیانیه‌هایی جداگانه حمایت خود را از حزب دمکرات اعلام و این حرکت پ.ک.ک و دخالت در سایر بخش‌های کردستان را محکوم کردند.
حضور نیروهای حدکا در مناطق مرزی کردستان ایران، تا کنون واکنش‌های مختلفی از سوی حزب کارگران کردستان و دیگر شاخه‌های این حزب را در پی داشته است.
هیات‌های حدکا و پ.ک.ک تا کنون در این رابطه نشست‌های را برای حل تنش‌های پیش آمده انجام داده‌اند.
این نشست‌ها تا کنون نتیجه‌ی مشخصی را در پی نداشته است.

#پژاک# ڕایگەیاند، دەسەڵاتی ئێران بەرپرسە لە تەندروستی جەستەیی و دەرونی هەموو زیندانیانی سیاسی، پێویستە بۆ مسۆگەربوونی مافی زیندانیانی سیاسی بەپێی پەیماننامە و پێوەرە نێونەتەوەییەکان (کە ئێرانیش تێیاندا ئەندامە)، بەرپرسیارانە و بە دوور لە بەرژەوەندییەکانی دەسەلاتی خۆی هەڵسوکەوت بکات.
ڕاگەیەنراوەکەی پژاک بەم شێوەیەیە:
ڕوانینی زاڵ بەسەر سیاسەتی ناوخۆیی ئێران لەسەر بنەمای ئەمە دانراوە کە دەتوانێت هەڕەشەکان بکاتە دەرفەت، شایەنی باسە کە لەم تێڕوانیینەدا تەنها بەرژەوەندییەکانی تاکلایەنەی دەوڵەت و دەسەڵات جێی پێدراوە و بەرژەوەندی گەل هیچ جێگایەکی نییە، بۆ هەمووان ئاشکرایە کە مەودایەکی گەورە کەوتووەتە نێوان کۆمەڵگا و دەسەڵات، کە دەسەڵات بەردەوام بە دروشمە ویشک و بێ ناوەڕۆکەکان هەوڵەدەدات ئەو مەودایە و لێکەوتەکانی پڕبکاتەوە و بیشارێتەوە، قەیرانی کۆرۆنا لە وڵاتەکەماندا، بێگومان ئەنجامی بەڕیوبەرایەتی هەڵە و هەوڵدان بۆ گەڕانەوەی ڕەوایەتی لەدەستچووی دەسەڵاتە، دەسەڵات بەردەوام کێشەکان لە ڕوانگەی سیاسیی و ئەمنییەتییەوە دەبینێت و ڕێکارەکانیشی هەر لەم چوارچێوەیەدایە، هەبوونی هەمیشەیی ئەم ڕوانگەیەش بۆ لە ئەستۆنەگرتنی ئەرکەکانیەتی، بەم دواییانەش دەبینین کە پێچەوانەی هەموو پێوانە نێونەتەوەیی و مرۆڤدۆستانەکان، مافی سەرەتایی زیندانیان نەک تەنها ڕەچاو ناکرێت، گەیشتووەتە قۆناغێکی قەیراناوی و مەترسیدار، لەگەڵ دۆخی خراپ و کارەساتباری زیندانەکانی ڕژێم بە تایبەت لە بواری پاکوخاوێنی و تەندروستیدا، ئەمکارە نیگەرانییەکی قووڵی لەناو کۆمەڵگا، خانەوادەی زیندانیانی سیاسی و چالاکوانانی مافەکانی مرۆڤ لە ئاستی ئێران و جیهان دروست کردووە.
ڕوانینی زاڵ بەسەر سیاسەتی ناوخۆیی ئێران لەسەر بنەمای ئەمە دانراوە کە دەتوانێت هەڕەشەکان بکاتە دەرفەت، شایەنی باسە کە لەم تێڕوانیینەدا تەنها بەرژەوەندییەکانی تاکلایەنەی دەوڵەت و دەسەڵات جێی پێدراوە و بەرژەوەندی گەل هیچ جێگایەکی نییە، بۆ هەمووان ئاشکرایە کە مەودایەکی گەورە کەوتووەتە نێوان کۆمەڵگا و دەسەڵات، کە دەسەڵات بەردەوام بە دروشمە ویشک و بێ ناوەڕۆکەکان هەوڵەدەدات ئەو مەودایە و لێکەوتەکانی پڕبکاتەوە و بیشارێتەوە، قەیرانی کۆرۆنا لە وڵاتەکەماندا، بێگومان ئەنجامی بەڕیوبەرایەتی هەڵە و هەوڵدان بۆ گەڕانەوەی ڕەوایەتی لەدەستچووی دەسەڵاتە، دەسەڵات بەردەوام کێشەکان لە ڕوانگەی سیاسیی و ئەمنییەتییەوە دەبینێت و ڕێکارەکانیشی هەر لەم چوارچێوەیەدایە، هەبوونی هەمیشەیی ئەم ڕوانگەیەش بۆ لە ئەستۆنەگرتنی ئەرکەکانیەتی، بەم دواییانەش دەبینین کە پێچەوانەی هەموو پێوانە نێونەتەوەیی و مرۆڤدۆستانەکان، مافی سەرەتایی زیندانیان نەک تەنها ڕەچاو ناکرێت، گەیشتووەتە قۆناغێکی قەیراناوی و مەترسیدار، لەگەڵ دۆخی خراپ و کارەساتباری زیندانەکانی ڕژێم بە تایبەت لە بواری پاکوخاوێنی و تەندروستیدا، ئەمکارە نیگەرانییەکی قووڵی لەناو کۆمەڵگا، خانەوادەی زیندانیانی سیاسی و چالاکوانانی مافەکانی مرۆڤ لە ئاستی ئێران و جیهان دروست کردووە.
بەرپرسیارێتی هەر چەشنە ڕووداوێک کە تەندروستی و ژیانی زیندانیانی سیاسی بخاتە مەترسییەوە لە ئەستۆی ڕژێمی ئیراندایە و ئەوان چاوپۆشیی لێناکەن، هەروەها داوا لە هەموو لایەنەکان، چالاکوانانی مەدەنی و مافەکانی مرۆڤ و خانەوادەی زیندانیانی سیاسی دەکات کە لەم بابەتەدا هۆشیارانە و مرۆڤدۆستانە کار بکەن.[1]
#30-03-2020#