خەندان، خۆشناو حسێن
ویلایەتە یەکگرتووەکانی ئەمەریکا بەردەوامە لە هاوکاریکردنی هێزەکانی سوریای دیموکرات و بەپێی ئاژانسێکی تورکی، شەوی ڕابردوو 70 بارهەڵگر هاوکاریی سەربازیی ناردوە بو شەڕڤانان لە باکوری شاری ڕەققە.
بە پێی ئاژانسی ئەنادۆڵی تورکی، ئەمەریکا بە شەوی ڕابردوو 70 بارهەڵگر هاوکاریی سەربازیی لە ڕێگای دەروازەی سێمالکا لە هەرێمی کوردستانەوە گواستووەتەوە بۆ ڕۆژئاوای کوردستان.
هەروەها ئاماژە بەوەشکراوە کە بارهەڵگرەکان 30 ئۆتومبێلی سەربازیان هەڵگرتبوو و بەشێکی تریشیان چەک و تەقەمەنیان پێ بووە.
بە پێی ئاژانسەکە لە 13،17، 21-ی ئاب و 3 ئەم مانگە بە گشتیی 330 بارهەڵگر هاوکاری لە هەرێمی کوردستانەوە گەیشتوەتە ڕۆژئاوای کوردستان و لە ڕێگای حەسەکەوە بەرەو ڕەققە ڕۆیشتووە.
پێش ئەوەش لەرۆژانی 5، 12، 16، 21-26 حوزیران و لە 5، 9،13،17،27،31 تەمووز و تا 7 ئاب بە گشتی 1021 بارهەڵگر هاوکاریی سەربازیی گەیشتووەتە هێزەکانی سوریای دیموکرات لە ڕەققە، ئەوەش بە پێی ئاژانسەکە.
بە پێی ئەو بەڵگەنامانەی کە لە وەزارەتی بەرگری ئەمەریکا دەست ئاژانسەکە کەوتووە، لەو هاوکاریانە 12 هەزار کلاشینکوف و شەش هەزار چەکی مامناوەند و 3 هەزار و 50 چەکی قورس و 3 هەزار ئاربیجی -7 جۆری ئەمەریکی و هەزار چەکی جۆری (AT-4) ئەمەریکی و جۆریSPG-9 تانکساڤاری ڕوسی بووە.
هەر بە پێی ئەو بەڵگانە، لە ناو ئەو چەکانەدا 235 تۆپی هاوەن و 100 قەناس و 450 دووربینی شەوی جۆری PV-7 و 150 دوربینی لیزەری گەیشتووە دەستی شەرڤانان.
وەزارەتی بەرگری تورکیا پێشتر ڕاگەیاندبوو کە وەزارەتی بەرگری ئەمەریکا لە بارەی ناردنی هاوکاریەکانی سەربازی بو هێزەکانی سوریای دیموکرات زانیاریی دەداتە تورکیا.[1]
10-09-2017

بەپێی ئەنجامی حەڤدەیەمین ڕۆژی بەرخۆدانی سەردەم لە #عەفرین# کە قەسەدە ڕایگەیاندووە، ئەمڕۆ شەڕڤانان گورزی تووندیان لە سوپای تورک و چەتەکانی وەشاندووە و 17 سەرباز کوژراون و تانکێکیشیان لەلایەن شەڕڤانانەوە تێکشکاندراوە.
ئێوارەی ئەمڕۆ، ناوەندی ڕاگەیاندن و چاپەمەنیی هێزەکانی سوریای دیموکرات-قەسەدە، ئەنجامی حەڤدەیەمین ڕۆژی بەرخۆدانی سەردەمی لە عەفرین ڕاگەیاند.
لە ڕاگەیەندراوەکەدا هاتووە: لە دەوروبەری گوندی بیلال-ی سەر بە شارۆچکەی شیێ، سوپای تورک و چەتەکانی هەوڵی پێشەڕەوییان دا، بەڵام لەلایەن شەڕڤانانمانەوە وەڵامدرانەوە و شەڕێکی سەخت دروستبوو لە ئەنجامدا سوپای تورک و چەتەکانی پاشەکشەیان کرد.
هەرەوەها، هاتووە: هەر لە دەوروبەری گوندی بیلال، شەرڤانانمان ئۆپەراسیۆنێکی پاککردنەوەیان ئەنجامدا و لە ئەنجامدا 8 سەربازی سوپای تورک کوژران.
لەبەشێکی دیکەی ڕاگەیەندراوەکەدا، هاتووە: لە کاتژمێر 02:00 ی دوانیوەڕۆی ئەمڕۆوە، سوپای تورک و چەتەکانی هێرشیان کردووەتە سەر گوندی دیکمەداش و گردەکەی، شەڕڤانانمان وەڵامی هێرشەکەیان داوەتەوە و تاوەکو ئێستا شەڕ بە سەختیی بەردەوامە.
ئەوەش خراوەتەوە ڕوو: تیمەکانی گەردەلولی یەپەژە چالاکییەکی سەربازییان لەدژی سەربازانی سوپای تورک ئەنجامدا، لە ئەنجامدا 4 سەرباز کوژران و ژمارەیەکی زۆر سەربازی دیکەیش بریندرابوون.
هەر لە ڕاگەیەندراوەکەی قەسەدە-دا هاتووە: لە دەوروبەری کاتژمێر 11:00 ی پێشنیوەڕۆ، شەرڤانانمان لە گردی گوندی بێکێ-ی سەر بە شرۆچکەی بلبلێ، تانکێکی سوپای تورکیان بەئامانج گرت و لەئەنجامدا ئەو سەربازانەی کە لەناو تانکەکەدا بوون هەموویان کوژران، هەروەها شەڕڤانانمان هەر لە گردی گوندی بێکێ، کۆبوونەوەیەکی سەربازانی سوپای تورکیان کردە ئامانج و بەهۆیەوە لانیکەم 5 سەرباز کوژران.
قەسەدە ڕاشیگەیاندووە: لە دەوروبەری گوندی حەسیرکا-ی سەر بە جندرێس، هێزەکانمان چالاکییەکیان ئەنجامدا و لەئەنجامدا تانکێکی سوپای تورکیان تێکشکاند، هەروەها لە گوندی قەستەل جیندەر-ی سەر بە شارۆچکەی شیێ، کۆبوونەوەیەکی سەربازانی سوپای تورکیان بە موشەک کردە ئامانج.
لەکۆتایی ڕاگەیەندراوەکەدا، ئاماژە بەوەش کراوە: سوپای تورک و چەتەکانی، گوندی خەلیل و سەنتەری شارۆچکەی ڕاجۆیان بەچەکی گورس بۆردوومان کرد، هەروەها گوندی جۆلەقا-یش لە شارۆچکەی بلبلێ بە سەختیی لەلایەن سوپای تورکەوە تۆپباران کرا و بەهۆیەوە 3 ماڵی هاوڵاتی مەدەنی ڕووخان.[1]
#05-02-2018#

لەماوەی‌ هەفتەی‌ ڕابردوو، ویلایەتە یەکگرتووەکانی‌ ئەمەریکا، 120بارهەڵگر هاوکاری سەربازی گەیاندووەتە هێزەکانی‌ #سوریا#ی‌ دیموکرات لەباکووری #ڕەققە#.
بەپێی‌ ئاژانسی‌ ئەنادۆڵ، ئەمەریکا بەردەوامە لە هاوکارییە سەربازییەکانی بۆ #ڕۆژئاوای‌ کوردستان# و لەهەفتەی ڕابردوودا بە دوو کاروان نزیکەی 120بارهەڵگر هاوکاری سەربازی بۆ هێزەکانی‌ سوریای‌ دیموکرات لە باکووری ڕەققە نێردراوە.
ئاماژەبەوەکراوە، لە ڕۆژانی 21 و 26ی حوزەیران، 120بارهەڵگر چەک و تەقەمەنی و کەلوپەلی سەربازی بۆ پەیەدە نێردراوە.
هەروەها لە 5ی حوزەیراندا پێنج بارهەڵگرو، لە 12ی حوزەیراندا 20 بارهەڵگر بۆ ناوچەکانی ژێر دەسەڵاتی پەیەدە نێردراوە.
دوای بڕیاری‌ دۆناڵد ترەمپ سەرۆکی ئەمەریکا، بۆ پڕچەککردنی شەڕڤانان جێبەجێکرا، لە 15ی ئایارەوە لانی کەم 468 بارهەڵگر هاوکاری سەربازی گەیەندراوەتە ناوچەکە.
لەئێستادا شەڕڤانان بە هاوکاری‌ ئەمەریکا، ئۆپەراسیۆنی‌ کۆنتڕۆڵکردنەوەی‌ ناوەندی‌ شاری‌ ڕەققە بەڕێوەدەبەن لە دەستی‌ داعش و بەشێکی‌ شارەکەیان کۆنتڕۆڵکردووەتەوە.
30-06-2017

Este artículo según Kurdipedia de Normas no está terminado todavía!

#تەڤگەری ئازادیی ژنانی ئێزدی - تاژێ#، ڕاگەیەندراوێکی بڵاوکردەوەو ئاشکرایکرد، کە هێزەکانی سوریای دیموکرات و هێزەکانی هاوپەیمانانی نێودەوڵەتی تا ئێستا 500 ژن و منداڵی ئێزدییان لە چنگی چەتەکانی داعش ڕزگارکردووە.
ئەمڕۆ تاژێ بە بڵاوکردنەوەی ڕاگەیەندراوێک ئاماری ئەو ژنە ومنداڵە ئێزدییە ڕزگارکراوانەی بڵاوکردەوە کە لە کاتی فەرمانەکەی سەر شەنگال لەلایەن چەتەکانی داعشەوە بەدیل گیرابوون.
تاژێ ڕایگەیاند: لە ئەنجامی ئۆپەراسیۆنەکانی هێزەکانی سوریای دیموکرت لە دژی داعش لە باکوری سوریادا و بەتایبەتی لە ڕەقە و دێرەزۆر، نزیکەی 500 ژن و منداڵی ئێزدی لە چنگی چەتەکانی داعش ڕزگارکراون، کە دواتر دەستەی ژنانی ڕۆژئاوا ئەو ڕزگارکراوانەیان ڕادەستی خانەوادەکانیان کردوونەتەوە، ئێمەش وەک تاژێ پشتگیریی ئەو ژن و منداڵانە دەکەین و تا ئێستاش هاوکاری پێویستمان داونەتێ.
تاژێ ڕاشیگەیاند: ڕزگارکراوانمان ڕادەستی خانەوادەکانیان کردووە، وە ئەو منداڵانەی خانەوادەکانیان نەماون لەلایەن دەستەی ژنانی ڕۆژئاوا وە هاوکاری و پشتگیرییان کراوە.
لە بەردەوامیدا ئاماژە دراوە: ناسنامەی هەمو ڕزگارکراوان تۆمارکراوە و ئێستا لە دەستی ئێمەدایە، ئێمە ئەو ئەرشیڤەمان بە ڕێکخراوە نێودەوڵەتییەکان ڕاگەیاندووە، بەڵام تا ئێستا هیچ ڕێکخراوێکی نێودەوڵەتی هیچ هەڵوێستێکی پیشاندا نەداوە.
هۆشداریشیداوە: هەندێک لە سەر ئەو باوەڕەن کە منداڵە ڕزگارکراوەکان بنێردرێن بۆ ئەوروپا، ئێمە لەگەڵ ئەو بۆچوونە نین و پێمانوایە کە هاوکاری و پشتگیریی گونجاو لە سەر خاک و لە ناو کۆمەڵگای خۆیاندا لەو منداڵانە دەکرێت.[1]
#10-01-2018#

Este artículo según Kurdipedia de Normas no está terminado todavía!

[1]

#شەڕڤان#انی #یەپەژە# و #یەپەگە# بەردەوامن لە چالاکییەکانی قۆناغی دووەمی بەرخۆدانی سەردەم لە دژی داگیرکەرانی #عەفرین# و لە ئەنجامی سێ چالکییاندا، پێنج چەتە کوژران.
ئەمڕۆ ناوەندی ڕاگەیاندنی یەکینەکانی پاراستنی گەل- یەپەگە، بەبڵاوەکردنەوەی ڕاگەیەندراوێک ئەنجامەکانی سێ چالاکیی شەڕڤانانی لە شەرا و ڕاجۆی عەفرین خستەڕوو.
لە ڕاگەیەندراوەکەدا هاتووە: دوێنێ شەڕڤانانمان لەسەر ڕێگای گوندی دێر سوان - شەرا، لە دژی چەتەکانی فرقەی حەمزە چالاکییان ئەنجامدا، لەو چالاکییەدا سێ چەتە کوژران و چەکەکانیان کەوتە دەستی شەڕڤانانەوە.
لە بەردەوامیدا یەپەگە ڕایگەیاندووە: هەر دوێنێ شەڕڤانان لە گوندی حەج خەلیلی سەربە ڕاجۆی عەفرین چالاکییان ئەنجامدا، لەو چالاکییەدا چەتەیەک کوژرا.
لە کۆتایی ڕاگەیەندراوی یەپەگەدا هاتووە: ئەمڕۆ لە گوندی نەبی حوری سەر بە شەرا لە دژی چەتەیەکی سوڵتان عەبدولحەمید چالاکییەکی بەقەناس ئەنجامدرا، لە ئەنجامی ئەو چالاکییەدا چەتەیەک بەناوی عەلی عومەر کە خەڵکی حەلەبە کوژرا.[1]
#25-09-2018#

بۆبەڕێزان:
- سەرۆکایەتی‌ هەرێمی‌ کوردستان
- سەرۆکایەتی‌ پەرلەمانی‌ کوردستان
- سەرۆکایەتی‌ ئەنجومەنی‌ وەزیرانی‌ هەرێمی‌ کوردستان
- وەزارەتی‌ کاروباری‌ پێشمەرگە
- وەزارەتی‌ شەهیدان و ئەنفالکراوەکان
- تەواوی‌ دانیشتوانی‌ شەنگال و دەوروبەری‌
وەک هەموان دەزانین ئەمڕۆ ڕێکەوتی‌ 12-11-2015 ئۆپراسیۆنی‌ ڕزگارکردنی‌ قەزای‌ شەنگال و دەوروبەری‌، لە چنگی‌ ڕەشی‌ تیرۆریستانی‌ دەوڵەتی‌ ئیسلامی‌ "داعش" دەستی‌ پێکرد، زانیارییەکانیش ئەوە پشتڕاست دەکەنەوە، کە تائێستا هێزی‌ پێشمەرگەی‌ کوردستان و شەڕڤانان، بەپشتیوانی‌ هێزی‌ ئاسمانی‌ هاوپەیمانی‌، بەرێژەیەکی‌ بەرچاوسەرکەوتنیان بەدەست هێناوەو نزیکن لە ڕزگارکردنی‌ تەواوەتی‌ شەنگال و دەوروبەری‌، ئەمەش یەکێکە لە ئامانجە گرنگ و پیرۆزەکانی‌ جەنگی‌ دژی‌ داعش و لەناخەوە هەموان دڵخۆش دەکات.

هەروەک دەشزانین داعش لە سەرەتای‌ مانگی‌ 8-2014وە کە قەزای‌ شەنگال و دەوروبەری‌ داگیرکردوە، چەندین تاوانی‌ وەک "تاوانی‌ جینۆساید، تاوانی‌ مرۆیی‌، تاوانی‌ جەنگ"ی‌ ئەنجامداوە، سەرەڕای‌ ئەوەی‌ تا ئێستا کۆمەڵێک بەڵگەی‌ گرنگی‌ تاوانەکانی‌ داعش لەبەردەستن، بەڵام هێشتا لەسەرەتاین و دڵنیاین لەوەی‌ لەناو قەزای‌ شنگال و دەوروبەری‌، بەهەزاران بەڵگەنامەی‌ تایبەت بە تاوانەکانی‌ داعش بوونیان هەیەو تەنیا ئەو بەڵگەنامانەش دەتوانن تاوانەکانی‌ داعشمان بە تەواوی‌ بۆ ساغ بکەنەوە.

بۆیە ئێمە لەدەزگای‌ لێکۆڵینەوە بۆ جینۆسایدو ئەنفال، بانگەوازی‌ هەموولایەک دەکەین، بەتایبەت هێزی‌ پێشمەرگەی‌ داعش بەزێن و دانیشتوانی‌ ناوچەکە، هەر بەڵگەنامەیەک "نوسراو، بیستراو، بینراو، کەل و پەلی‌ جۆراوجۆر، شوێنی‌ گۆڕی‌ بەکۆمەڵ، ئاسەوارەکانی‌ تاوانەکان، زانیاری‌ هەموجۆر، جل و بەرگی‌ قوربانیەکان، ناسنامەو وێنەی‌ قوربانیەکان، ناوو شوێنی‌ نیشتەجێبونی‌ تاوانبارو تاوانکارەکانی‌ داعش و ناسنامەکانیان، کاسێتی‌ دەنگی‌، کاسێتی‌ ڤیدۆیی‌" و هتد وەک بیلبیلەی‌ چاویان بپارێزن و ڕێگری‌ بکەن لە فەوتان و لەناوچونیان، چونکە ئەو بەڵگەنامەو کەرەستەو زەخیرانەیە سبەینێ‌ و داهاتوو، دەبنە ناسنامەی‌ ڕاستەقینەی‌ تاوانەکە.

هەروەک ئەرکی‌ پلەیەکی‌ سەرۆکایەتی‌ هەرێمی‌ کوردستان، سەرۆکایەتی‌ پەرلەمانی‌ کوردستان، سەرۆکایەتی‌ ئەنجومەنی‌ وەزیرانی‌ هەرێمی‌ کوردستان، هەردوو وەزارەتی‌ شەهیدان و ئەنفالکراوان و وەزارەتی‌ پێشمەرگەیە، بە پێی‌ پلان و بەرنامەی‌ پێش وەخت، ئەم ئەرکە مێژوویی‌ و نەتەوەییە بخەنە ئەستۆی‌ خۆیان و ئاگادارنامەی‌ پێویستی‌ لەبارەوە بگەیەننە بەرەکانی‌ جەنگ و ئەوانەشی‌ دوای‌ ڕزگارکردنی‌ هەرناوچەیەک وەک دانیشتوانی‌ ناوچەکە دەگەڕێنەوە شوێنی‌ خۆیان.

بەرەو ڕزگارکردنی‌ تەواوەتی‌ شەنگال و دەوروبەری‌.. بەرەو پاراستنی‌ ئاسەوارەکانی‌ تاوانەکانی‌ داعش، لەپێناو ناساندنیان وەک "تاوانی‌ جەنگ، تاوانی‌ مرۆیی‌، تاوانی‌ جەنگ" لەسەرئاستی‌ ناوخۆو هەرێمایەتی‌ و نێودەوڵەتی‌.

دەزگای‌ لێکۆڵێنەوە بۆ جینۆسایدو ئەنفال
12-11-2015 کوردستان، هەولێر

ئەمڕۆ ڕۆژێکی مێژوویی گرنگە بۆ گەلی کورد لەسەرتاسەر دونیا، بە ئازادکردنی شەنگال لەدەستی تیرۆرستانی داعش. بەو بۆنەیەوە، بەناوی خۆم و پەرلەمانی کوردستانەوە، پیرۆزباییەکی گەرم ئاراستەی خوشک و برایانی کوردی ئێزیدی دەکەین، هیوادارین ئەم سەرکەوتنە کەمێک لە برینیان ساڕێژ بکات. هەروەها سوپاسی بێ پایانی قارەمانێتی هێزی پێشمەرگەی کوردستان و شەڕڤانان و گەریلا دەکەم، کە شانبەشانی یەکتر توانییان ئەم سەرکەوتنە تۆمار بکەن، جێگەی خۆیەتی لێرەدا قارەمانێتی پێشمەرگە ئێزییدیەکان و شەرڤانان بەرز بنرخێنین کە لە ساتەوەختی کەوتن و داگیرکردنی شەنگالدا، لە چیای شەنگال قارەمانانە بەرگرییان لە پیرۆزییەکانی گەلەکەمان و هاوڵاتی ئێزیدی کوردی ناوچەکە کرد.
ئازادکردنی شەنگال بۆ هەمو گەلی کوردستان لە هەرچوارپارچەی کوردستان، چرکەساتێکی مێژوویی گرنگە، چونکە شەنگال بووەتە سیمبولێکی دیکەی مەزلومیەتی گەلەکەمان و جینۆساید کردنی، شەنگال بویە هێمای بەرەنگاربونەوەی دڕندەیی گروپی تاریکبینی داعش، کە لەکاتی داگیرکردنیدا سەدان منداڵ و ژن و کچی بێتاوانی ئێزیدیان ڕفاند.
ڕزگارکردنی شەنگال، پەیامێکی گرنگی تێدایە بۆ هەموان، کە ئەویش هاوکاری و تەبایی نێوان لایەنەکانی هەر چوار پارچەی کوردستان، دەتوانێت پارێزگاریی لە شوناسی نەتەوەیی و مانەوەی میللەتەکەمان بکات و، ببێتە مایەی سەرکەوتن لە بەرامبەر دوژمناندا. هەر بۆیە ئێستا و لە بەرامبەر ڕووداوەکانی ناوچەکەدا پێویستمان بە تەبایی نێوان لایەنە جیاوازەکانی هەر چوارپارچەی کوردستان هەیە.
لەم ڕۆژەدا بە پێویستی دەزانین، سوپاسی هێزی هاوپەیمانان بکەین، کە پشتیوانێکی سەرەکی بوون بۆ ڕزگارکردنی شەنگال. ئەرکی حکومەتی هەرێم و عێراق و کۆمەڵگەی نیودەوڵەتیشە دوای ئازادکردنی ئەم شارە، هەڵمەتی ئاوەدانکردنەوەو بونیادنانی دەستپێبکەن و برینی ئێزیدییەکان و هاوڵاتیانی شەنگال بە ئاوەدانی شارەکە ساڕێژ بکەن.
نەمری و سەربەرزی بۆ شەهیدانی گەلەکەمان، بەتایبەت شەهیدانی ڕێگای بەرەنگاربونەوەی تیرۆرستان.
د.یوسف محەمەد سادق
سەرۆکی پەرلەمانی کوردستان
13-11-2015