$باکووری کوردستان$
- دادگەیەکی دەوڵەتی تورک سزای ساڵێک و 6 مانگ زیندانیکردنی بۆ #محەمەد ئایدنەر# هاوسەرۆکی پارتیی دیموکراتیی گەلان (#هەدەپە#) له ناوچەی دۆغانشەهیر-ی سەر بە شاری مەڵەتیی باکووری کوردستان بڕیەوە.[4]
- سەرچاوەهەرێمییەکان ڕایانگەیاندووە کە لە بەرزاییەکانی ناوچەی ئومەریانی نسێبین شەڕهاتووەتە ئاراوە، بەپێی زانیارییەکان سوپای تورکیا و یەکە شاراوەکانی دەستیان کردووە بە ئۆپەراسیۆنێکی هاوبەش، لەو ئۆپەراسیۆنەدا دەیان زرێپۆشی سەربازیی بەشدارییان کردووە. لەناوچەکە شەڕهاتە ئاراوە. ئاگرلە هەرێمەکە کەوتووە و سەربازانی تورک ڕێگە نادەن کە ئاگرەکە بکوژێننەوە. گروپی هاوکاری بۆ کوژاندنەوەی ئاگرەکە بەنیازن بچنەهەرێمەکە بەڵام سوپای تورکیا ڕێگری دەکات.[4]
$رۆژهەڵاتی کوردستان$
- ئەمڕۆ لە گوندی زەلێی سەر بە شارۆچکەی #بانە#ی ڕۆژهەڵاتی کوردستان، لەسەر سنور کۆڵبەرێک بە ناوی محەمەد حسێن زادە، تەمەن 28 ساڵ، کە باوکی دوو منداڵە لە لایەن هێزەئەمنییەکانی ئێرانەوە تەقەی لێکراوە و بەو هۆیەوە گیانی لە دەستداوە.[2]
$باشووری کوردستان$
- جوتیارێک بەناوی ئیسماعیل بەکر، کە 9ی ئەم مانگە لە کۆمەڵگەی بۆرک-ی سەربە #شەنگال# لەکاتی کوژاندنەوەی ئاگر سووتابوو، دوای چوار ڕۆژ مانەوە لەنەخۆشخانەی #دهۆک# گیانی لەدەستدا، بڕیارە ئەمڕۆ لەشەنگال بەخاک بسپێردرێت.[1]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2019/286882/0005.JPG=KTML_ImageCaption_Title=لە چالاکییەکانی ئەمڕۆ: 13-06-2019=KTML_ImageCaption_CaptionStyle=000000=KTML_ImageCaption_Caption=لە چالاکییەکانی ئەمڕۆ: 13-06-2019=KTML_ImageCaption_End=
- حزبی شیوعی کوردستان و بزووتنەوەی دیموکراسی گەلی کوردستان، هێرش , بۆردمان و داگیرکارییەکانی دەوڵەتی تورکیایان بۆسەر خاکی باشووری کوردستان ئیدانەکرد و داوایان لە حکومەتی هەرێم کرد کە ڕێگا نەدات تورکیا هاووڵاتیانی هەرێمەکە بکاتە قوربانی.[1]
- هەرچەندە بڕیاربوو ئێوارەی ئەمڕۆ کاتژمێر 05:00، لە شارۆچکەی #کەلار#ی ناوەندی ئیدارەی #گەرمیان#، دژ بە داگیرکاریی بۆردوومانەکانی دەوڵەتی تورک بۆ سەر باشوری کوردستان و سووتانی دەغڵودانی جووتیاران و تەعریبکردن لە ناوچە دابڕاوەکان، گردبوونەوەی ناڕەزایی بەڕێوەبچێت، بەڵام ئاسایش ڕێگا بەو گردبوونەوەیە نادات.[2]
- لەلایەن دوو چەکدارەوە کەجلی سەربازییان لەبەردابووە تەقە لە خوێندنگەیەک لە دهۆک دەکرێت و خوێندکارێک بریندار دەکرێت.[1]
- دوای ئەوەی شەڕە تەقە لە نێوان هەردوو هۆزی زێباری و هەرکی لە شارۆچکەی #ئاکرێ# ڕوویدا، هێزێکی پێشمەرگەی زێرەڤانی گەیشتووە شوێنەکە و ژمارەی بریندارەکانیش بەرز بووەتەوە و چوار کەسی عەشرەتێکیان لەلایەن عەشیرەتەکەی ترەوە دەستگیرکراوە.[3] هەندێک سەرچاوەی تر باس لە سووتانی زۆرتر لە 10 خانووی گوندەکە دەکەن. یەک لە بریندارەکان منداڵێکە و باری تەندروستیی زۆر خراپە.[5]=KTML_ImageCaption_Begin==KTML_StyleDiv=width:30%;height:20%;float:left;=KTML_ImageCaption_Target_Link=https://www.kurdipedia.org/files/relatedfiles/2019/286882/0007.JPG=KTML_ImageCaption_Title=یەک لە بریندارەکانی شەڕەکەی ئاکرێ=KTML_ImageCaption_CaptionStyle=000000=KTML_ImageCaption_Caption=یەک لە بریندارەکانی شەڕەکەی ئاکرێ=KTML_ImageCaption_End=
- خوێندکارانی دەرچووی زانکۆ و پەیمانگاکان لە گەرمیان، گردبوونەوەیەکی ناڕەزایەتییان ئەنجامدا و داوای دامەزراندنیان کرد، بۆ ئەو مەبەستەش یاداشتێکی داواکارییان پێشکەش بە سەرپەرشتیاری ئیدارەی گەرمیان کرد.[2]
- لە شارەدێی #هەڵشۆ#ی سەر بە شارۆچکەی پشدەر، کچێک بەهۆی تەقەی نێوان دوو بنەماڵە لەسەر کێشەی زەویوزار کوژرا.[3]
- ئاگرێکی بەهێز سنوری گەرمیانی گرتەوە، بەڕێوەبەری بەرگری شارستانیش دەڵێت: زیاتر لە دوو هەزار دۆنمی لە بەرهەمی جوتیاران سوتاندووە.[3]