$باشووری کوردستان$
- لە بازگەی #دێگەڵە# لەسەر ڕێگای #کۆیە#-#هەولێر#، شەڕەتەقە لەنێوان چەند هاوڵاتییەک ڕوویداو پێنج کەس برینداربوون.[1]

- بەیانی ئەمڕۆ فیستیڤاڵی پێشبڕکێی نیشتیمانی بۆ کۆتری زاجل کە بە ناشیوناڵی باکور دەناسرێت لەکەرکوک ئەنجامدرا، بەشداربوانی پێشبڕکێکە داوا دەکەن حکومەتی عێراق لەچوارچێوەی لیژنەی ئۆڵۆمپیدا دانیان پێدابنێت.
- دژی دواخستنی بڕیاری دامەزراندنیان ئەمڕۆ دەرچووانی کۆلێجی پزیشکییەکان لەهەردوو شاری سلێمانی و هەولێر خۆپیشاندانێکیان ئەنجامدا و دەڵێن ماوەی دوو ساڵە چاوەڕوانی دامەزراندنن.[1]
- حەیدەر عەبادی‌ سەرۆک وەزیرانی‌ عیراق دەستپێکردنی‌ شەڕی‌ کۆنتڕۆڵکردنەوەی‌ خۆرئاوای‌ #موسڵ#ی‌ ڕاگەیاند، کە دوایین پێکەی‌ #داعش#ە لەشارەکە.[2]
- سەروان سابیر، لەکۆمپانیای کوردستان بۆرسە، بۆ ئاڵوگۆڕی دراو لەبازاڕی شاری هەولێر، بەخەندان-ی وت بەیانی ئەمڕۆ 100 دۆلار بە 127 هەزارو 700 دینارە، ئێوارەی دوێنێ 100 دۆلار بە 127 هەزارو 600 دیناربوو.
- نرخی زێڕ ئەمڕۆ لەبۆرسەی جیهانی و بازاڕەکانی ناوخۆ بەبەرزی‌ مایەوە، یەک ئۆنسە بە 1236 دۆلارەو و یەک مسقاڵ عەیاری 18 بە 189 هەزار دینارە.[3]

- لە سێ گوندی ناوچەی گەنچ سەر بە پارێزگای #بینگول#-ی باکوری کوردستان بە بیانووی بونی #پەکەکە#، قەدەغەی هاتوچۆ ڕاگەیەندراو سوپای تورکیا دەستی بەئەنجامدانی ئۆپەراسیۆن کردووە.[1]
- بەڕێوەبەری گشتی میراتی کلتووری و فەرهەنگی و گەشتیاریی پارێزگایی #سنە#ی ڕۆژهەڵاتی کوردستان ڕایگەیاند:لە کۆبوونەوەیەکدا لە بەڕێوەبەرایەتی میراتی فەرهەنگی و بە بەشداریی کۆمەڵێک لە مامۆستایان و شارەزایانی بواری میراتی فەرهەنگیی ئێران و نوێنەرانی 10 پارێزگا لە پارلەمان و هونەرمەندانی بواری هونەریی ناوچەکانی کوردستان وەکو دکتۆر حەمید ئەردەڵان و دکتۆر مەجید شاوەیسی و دکتۆر موختار هاشمی، دەف و ڕێورەسمی دەفژەنین، خرایە لیستی تۆماری نەتەوەییەوە.[2]

- بەڕێوەبەرایەتی‌ گشتی‌ پۆلیسی‌ #هەولێر#، دەستگیرکردنی‌ هەشت کەسی‌ بە تۆمەتی‌ شەڕ و تەقەکردن لە ناوشارەکە ڕاگەیاند.[1]
- ئاژانسی فورات نیوز بڵاویکردەوە، ئەمڕۆ سوپای تورکیا لە گوندەکانی (تانیەری، گزرە، گوڤەنلی و یەشیلۆزێن ناوچەی کەربۆران و یووموورتال، مارەنکا و دۆلووجایێن ناوچەی #میدیات#) قەدەغەکردنی هاتوچۆی ڕاگەیاند.
- ئاژانسی هاریکاری بەرگری و ئاسایشی سەر بە وەزارەتی بەرگری ئەمریکا پنتاگۆن ئاشکرایکرد کە وەزارەتی دەرەوەی ئەو وڵاتە ڕازامەندی داوە بۆ فرۆشتنی کەلوپەلی سەربازیی بە بڕی 295 ملیۆن و 600 هەزار دۆلار بەهێزەکانی پێشمەرگەی هەرێمی کوردستان.
- لە سنوری ناحیەی خازر کارمەندێکی دەزگای کاروباری مین بەناوی #ئەحمەد مەحمود عەبدولرەحمان# لەکاتی پرۆسەی پاکسازیی مین، بۆمبێکی چێندراوی پێدا تەقیەوە و دەستبەجێ گیانی لەدەستدا.
- نوسینگەی #مەسعود بارزانی# بە بۆنەی سەرکەوتنی ڕیفراندۆم بۆ هەموارکردنەوەی دەستوری تورکیا پەیامێکی پیرۆزبایی لەهەریەکە لەئەردۆغان و یڵدرم دەکات.
- #پارتی دیموکراتی کوردستان# هەوڵدەدات لە مانگی ئەیلولی ئەمساڵ #ڕیفراندۆم# بکرێت، لایەنەکانیش داوادەکەن لەمپەڕەکانی بەردەم ڕیفراندۆم چارەسەربکرێن، کۆمسیۆنیش دەڵێت پێویستمان بە شەش مانگە بۆ ڕیفراندۆم.[2]
- ئەو 300 زیندانییە کوردەی، کە ماوەی 63 ڕۆژ لەناو زیندانەکانی باکوری کوردستان و تورکیا مانیان لە خواردن گرتبوو، ئەمڕۆ لە ڕۆژی 64 هەمدا کۆتاییان بە مانگرتنەکەیان هێنا.
- پارێزگاری #کەرکووک# ڕایدەگەێنێت: ناکرێت چاوەڕوانی ڕزگارکردنی موسڵ بین، چونکە دۆخی #حەویجە# لە قۆناغێکی مەترسیداردایە، ڕۆژانە هاوڵاتی دەکوژرێت، بۆیە داوای ئازادکردنەوەی شارۆچکەی حەویجە دەکەین بەپەلە.
- ئێوارەی ئەمڕۆ لە هۆڵی عیزەدین مستەفا، لە ئوتێل شاری جوانی شاری سلێمانی، چلەی ماتەمینی #حەمەی مەلا کەریم# بەڕێوەچوو، سەرەتای مەراسیمی ماتەمینییەکە بە وەستان بۆ گیانی شەهیدانی ڕێگەی ڕزگاری کوردستان دەستی پێکرد، دواتر لەلایەن هاوڕێیان و دۆستانی کۆچکردووەوە مۆم داگیرسێنرا.
- هەندێک لە پەرلەمانتارانی هەرێمی کوردستان، کەمپەینێکیان بۆ ئازادکردنی پەرلەمانتارانی هەدەپە لە زیندانەکانی تورکیا ئەنجامدا و ڕایانگەیاند: پێویستە پەرلەمانتاران ئازاد بکرێن بۆ ئەوەی ئاشتی و دیموکراتی لە تورکیادا سەقامگیر بێت.[3]

- #نەوشیروان مستەفا# لە سلێمانی کۆچی دوایی کرد.
- #شۆڕش حاجی# وتەبێژی‌ بزوتنەوەی‌ گۆڕان بەمیدیای حزبەکەی ڕاگەیاندووە تەرمی‌ نەوشیروان مستەفا لەسەر وەسیەتی‌ خۆی‌ لە گردی‌ #زەرگەتە#ی‌ سلێمانی‌ دەنێژرێت.
- لەوتەیەکیدا بۆ ڕۆژنامەنوسان شۆرش حاجی‌، ئاماژەی‌ بەوەشکرد، سبەینێ‌ کاتژمێر 10:00 لەسلێمانی‌ تەرمی نەوشیروان مستەفا بەخاک دەسپێردرێت و پرسەکەی‌ بەڕێوەدەچێت و دووسبەی‌ لە مزگەوتی‌ سەواف لەهەولێر پرسەی‌ بۆ دادەنرێت.[1]
- #بەدران ئوزتورک#، پەرلەمانتاری شاری #ئاگری#ی پارتی دیموکراتی گەلان- #هەدەپە#، دەستگیر کرا.
- بەرەبەیانی ئەمڕۆ کاتژمێڕ 03:00 چەتەکانی سەربە دەوڵەتی تورک بەچەکی قورس هێرشیان کردە سەر گوندی ئیسکای سەربە ناوچەی شێراوا و شەڕڤانانی #یەپەگە# و #یەپەژە#ش وەڵامی ئەو هێرشانەیان دایەوە.[2]
- کۆنگرەی نەتەوەیی کوردستان- #کەنەکە#، بەبۆنەی کۆچی دوایی نەوشیروان مستەفا، ڕێکخەری گشتی بزووتنەوەی گۆڕان پەیامێکی سەرەخۆشی بڵاوکردەوە و ڕایگەیاند: لەدەستدانی نەوشیروان مستەفا بۆ باشوور و تەواوی کوردستان زیانێکی مەزنە.

- دایک و باوکی شەهید #عایشە دەنیز# کاراجەلی، کە بە مەبەستی بە خاک سپاردنی کچەکەیان چووبوونە کۆبانێ و پاشان گەڕابوونەوە، لەلایەن هێزەکانی پۆلیسی تورکەوە دەستگیرکران.
- هێزەکانی پاراستنی گەل – هەپەگە سەبارەت بە ئەنجامەکانی وەڵامدانەوەی گەریلاکان لە بەرامبەر ئۆپەراسیۆنی سەربازی سوپای تورک لە چەلێ کە لە ڕۆژی 16ی حوەزەیرانەوە دەستیپێکردووە، ڕاگەیەندراوێکی بڵاوکردەوە و کوژرانی 31 سەربازی تورکی لە 24 کاتژمێری ڕابردوودا ڕاگەیاند.
- هێزەکانی هاوپەیمانانی نێودەوڵەتی دژی داعش، سەبارەت بە خستنە خوارەوەی فڕۆکەیەکی جەنگی ڕژێمی سوریا کە بە سەر ئاسمانی تەبقادا دەسووڕایەوە ڕاگەیەندراوێکی بڵاوکردەوەو ڕایگەیاند کە، فڕۆکەکە بە ئاسمانی تەبقاوە سوڕاوەتەوە و هێرشی کردووەتە سەر شەڕڤانانی سوریا دیموکرات بۆیە خستوومانەتە خوارەوە.[1]
- نەجمەدین کەریم پارێزگاری‌ #کەرکووک# ڕایگەیاند، جموجوڵی‌ داعش لە ناوچەی‌ حەوزی‌ #حەمرین# ڕووی لە زیادبوونە، ئەوەش مەترسی‌ بۆسەر پارێزگاکانی‌ دیالە و سەڵاحەدین دروستدەکات.[2]
- لە #موسڵ#ی کۆن بۆمبێکی چێنراو بە ڕۆژنامەڤانێکی کورد‌ و سێ‌ ڕۆژنامەنووسی فەرنسیدا تەقیەوە، لە ئەنجامدا ڕۆژنامەڤانە کوردەکە کە ناوی #بەختیار حەداد# بوو گیانی لەدەستدا.
- لە ڕۆژئاوای کەرکووک بۆمبێکی چێندراوی داعش لە نزیک سەنگەرێکی پێشمەرگە تەقییەوە و بەهۆیەوە سێ پێشمەرگە بریندار بوون.[3]
- باڵیۆزی بریتانیا لە عێراق ڕایدەگەیەنێت، بەردەوام دەبین لەپشتیوانیکردنی حکومەتی هەرێم و خەڵکەکەی لەشەری دژ بە داعش و دەربارەی #ڕیفراندۆم#یش دەڵێت، دەبێت ڕیفراندۆم بە هەماهەنگی و ڕەزامەندی بەغدا بێت، ئەوکات سەرکەوتوو دەبێت.[4]

- بە ئامادەبوونی 150 ئەندام لە سەرتاسەری #شنگال# و ناوچەکانی ئێزدی، پارتی ئازادی دیموکراسی ئێزدیان- #پادێ#، یەکەمین کۆنگرەی خۆی بەست.[4]
- لە #ئامەد# و #ئەدەنە#، 8 پزیشک لەلایەن هێزە ئەمینییەکانی ڕژێمی تورکیاوە دەست گیرکراون، دکتۆر سەلجوق میزراکلی، سەرۆکی پێشووی سەندیکای پزیشکەکانی ئامەد، فورات تورسون، ئەندامی کۆنگرەی جڤاکی دیموکرات- کەجەدە، دکتۆر شەمسەدین کۆچ و نەجدەت ئیپەکیوز، هولیا ئالۆکمەن ئویانیک و مامۆستا سەدرەدین کایا ئەمڕۆ لە ئامەد دەستگیرکران، هەروەها دکتۆر عوسمان دۆغانیش لە ئەدەنە دەستگیرکرا. لە لایەکی دیکەوە، عەلی ڕەزا یورتسەڤەر، ئەندامی دەستەی بەڕێوەبەرایەتی کۆمەڵە سەرلەبەیانی ئەمڕۆ دەستگیرکرا.
-#د. میران محەمەد# بەڕێوەبەری فەرمانگەی گشتی تەندروستی سلێمانی، بڕیاری کردنەوەی بەشی پێشوازی لە نەخۆشخانەی شەهید شەوکەت، لە شارۆچکەی #سەیدسادق#. دەرکرد.[1]
-لە کۆبوونەوەی ئاسایی ژمارە 30ی خوێدا لە شاری #هەولێر#، #ئەنجومەنی وەزیرانی هەرێم# ئاماژەی بەوەکردووە، بڕیاریانداوە بە لێخۆش بوون لە سزای دارایی و سوودی بانکی لەسەر ئەو باجدەرانەی کە لەپێدانی باج دواکەوتوون بە مەرجێک لە ماوەی 90 ڕۆژ باجی بنەڕەتیی بدەن.
-ئەنجومەنی وەزیرانی حکومەتی هەرێم بڕیاریانداوە، بەپێدانی نازناوی زانستی وبەرزکردنەوەی زانستی بۆ هەڵگرانی بڕوانامەی ماستەر و دکتۆرا لە مامۆستایانی سەر بە میلاکی وەزارەتی پەروەردەی هەرێمی کوردستان پشت بەست بە یاسای پەرلەمانی کوردستان ژمارە 9 ی ساڵی 2012 و بەڕەچاوکردنی پێوەرەکانی وەزارەتی خوێندنی باڵا.[2]
-ئەمڕۆ بەپێی هەواڵی گەیشتوو بە ئاژانسی هەواڵدەریی کوردپا، ڕۆژی ڕابردوو، 27پووشپەڕ، 30 هێکتار لە داربەڕووەکان و پووش و پاوەنی شارۆچکەی بشیوە و پاتاقی شاری #سەرپێلی زەهاو# سەر بە پارێزگای #کرماشان# لە ئاگردا سووتان.[3]
-ئازادکردنی 4 پێشمەرگەی دیلی ژێردەستی #داعش# لەلایەن هێزەکانی سوپای عێراقەوە، لە بەشی چەپی #موسڵ#، بەناوەکانی:-ئەحمەد یاسین ڕەجەب، باپیر عیسا ئەحمەد، کامەران بەهجەت عەبدولمەجید، عەزیز جومعە ڕەمەزان مزوری.[4]
-مەکتەبی سیاسی یەکێتیی نیشتمانی کوردستان بەسەرپەرشتی جێگری سکرتێری گشتی لەبارەگای مەکتەبی سیاسی لەشاری سلێمانی کۆتایهات.[3]

$باشووری کوردستان$
- شەوی ڕابردوو لە شارۆچکەی #خورماتوو# هاوڵاتییەک لەلایەن ژمارەیەک چەکداری نەناسراوەوە کوژرا و برایەکیشیان ڕفاند.
- بەڕێوەبەری ڕاگەیاندن و پەیوەندییەکان لە کۆمسیۆنی هەڵبژاردن و ڕاپرسی هەرێم ڕاگەیاند لە 5 ئەیلول تاوەکو 22 ئەیلول دیاریکراوە بۆ بانگەشەکردن بۆ #ڕیفراندۆم#ی سەربەخۆیی کە بڕیارە لە 25 ئەیلولدا بەرێوە بچێت.
- بڕیاردەری لیژنەی دارایی ئەنجومەنی نوێنەرانی عێراق ئاشکرای دەکات، بەهۆی دیاریکردنی کاتی ڕیفراندۆمی هەرێمی کوردستان، بانکی ناوەندی عێراق کردنەوەی هەردوو لقی بانکەکەی لەشارەکانی هەولێر و سلێمانی ڕاگرتووە.[1]
- بە ئامانجی قسەکردن لەسەر پرسی هەڵبژاردن و چاکسازیی لە هەڵبژاردنەکاندا، ئەکادیمیای سیاسەت و هزری دیموکراسی، دووەمین کۆنفرانسی لەژێر ناونیشانی، چاکسازی لە پرسی هەڵبژاردناکاندا گەرەنتی بونیادی دیموکراسی ڕاستەقینەیە، ساز کرد.
$رۆژئاوای کوردستان$
- سوپای تورکیا کانتۆنی #شەهبا# تۆپباران دەکات و هاوکات فڕۆکە سیخوڕییەکانیشی بە سەر ئاسمانی شەهبادا دەسووڕێنەوە.[2]

$باکووری کوردستان$
- ناوەندی ڕاگەیاندنی هێزەکانی پاراستنی گەل- #هەپەگە# کوژرانی دوو سەربازی تورکی لە #بەدلیس# ڕاگەیاند و ئەوەشی خستەڕوو کە لە #مێردین# زەبری قورس لە سوپای تورک دراوە.[4]
$باشووری کوردستان$
- ئەنجومەنی پارێزگای #کەرکووک# بەزۆرینەی دەنگ بڕیارێکی پەرلەمانی عێراقی ڕەتکردەوە بۆ دوورخستنەوەی #نەجمەدین کەریم# پارێزگاری شارەکە.[1]
- #مەسعود بارزانی#، لە ئاهەنگی بانگەشەی ڕیفراندۆم لە #سۆران# ڕایگەیاند، تادوو سێ ڕۆژی دیکە چاوەڕێ دەکەن، بۆ ئەوەی ئەو بەدیلەی چاوەڕێی دەکەن، بۆ دواخستنی ڕیفراندۆم پێشکەشیان بکرێت.[3]
- فراکسیۆنی گۆڕان لە پەرلەمانی کوردستان #ڕابون مەعروف# لە ئەندامێتی فراکسیۆنەکەی دوردەخاتەوە.[1]
- ناوەندی سەربەخۆیی کوردستان، دژی بڕیاری پەرلەمانی عێراق بۆ ئەنجامنەدانی #ڕیفراندۆم#ی سەربەخۆیی هەرێمی کوردستان، لە بەردەم نووسینگەی ئەنجومەنی نوێنەرانی عێراق، لە شاری #سلێمانی# خۆپیشاندانێکی ناڕەزایەتییان ئەنجامدا.[2]
- جەبار لعێبی، وەزیری #نەوت#ی عێراق لە پەراوێزی کۆنفرانسی وزە لە ئیمارات، لە دیدارێکدا لەگەڵ کەناڵی (CNBC ARABIA) ئەمڕۆ ڕایگەیاند، ئامادەن لەگەڵ هەرێمی کوردستان بۆ چارەسەرکردنی دۆسیەی نەوت دانوستان دەستپێبکەن.[2]
- ڕابوون مەعروف، ئەندامی ئەنجومەنی جوڵانەوەی نەخێر، سەبارەت بەبڕیاری دورخستنەوەی لە #بزوتنەوەی گۆڕان#، دەڵێت، گەلەکۆمەکێی لێکراوە، و نەی ویستووە گۆڕان جێبهێڵێت.[3]
- نۆ حیزبی تورکمانی لە کۆنگرەیەکی ڕۆژنامەوانیدا داوایان لە هێزە ئەمنییەکانی کەرکووک و حەشدی شەعبیی تورکمانی و حکومەتی عێراقی کرد بارەگای حزبە تورکمانییەکان لە شارەکە بپارێزن.[1]
$رۆژئاوای کوردستان$
- شەڕڤانانی ئەنجومەنی سەربازی دێرەزۆر لە میحوەری ئەبو فاس لە هەڵمەتی گەردەلولی جزیرەدا سێ کیلۆمەتر لە سنوری دێرەزۆر پێشڕەوییان کرد.[4]

$باکووری کوردستان$
- بەهۆی ئۆپەراسیۆنێکی سوپای تورک لە شارۆچکەکانی سەربە #ئامەد#، لە 16 شارەدێ و دەیان گوندی ئەو پارێزگایە قەدەغەی هاتوچۆ ڕاگەیەندرا.[4]
$باشووری کوردستان$
- پاش ئەوەی #حەشدی شەعبی# لە هەندێک لە ناوچە داگیرکراوەکان کشایەوە، لە #خانەقین# و #کەرکووک# #ئاڵای کوردستان# هەڵکرایەوە.[1]
- ئێوارەی ئەمڕۆ لە خۆپیشاندانی هاوڵاتیانی خانەقین بۆ داواکردنی دەرچوونی پۆلیسی فیدراڵی لە شارۆچکەکە، خۆپیشاندەرێک بەناوی محەمەد نووری - #محەمەد دۆشمەچی# شەهید بوو و دەیان برینداریشی لێکەوتەوە.[1]
- ڕاوێژکاری ڕاگەیاندنی وەزارەتی ناوخۆی عێراق ڕایدەگەیەنێت، هێزە ئەمنییەکانی عێراق لەو شوێنانەی بۆی دیاریکراوە نەکشاونەتەوە.[1]
- ئەنجوومەنی باڵای دادوەری عێراق بڕیاری دەستگیرکردنی بۆ #کۆسرەت ڕەسول# عەلی، جێگری یەکەمی سکرتێری گشتیی یەکێتیی نیشتمانیی کوردستانی دەرکرد، ئەوەش بە تۆمەتی ناوبردنی هێزە عێراقییەکان بە هێزی داگیرکەر لە کەرکووک.[1]
- بەرپرسی #بەرەی تورکمانی# لەکەرکووک ڕایدەگەیەنێت، دۆخی کەرکووک لەرابردوو سەقامگیرترە و لەچەند هەفتەی داهاتووشدا ئیدارەیەکی نوێ پێکدەهینرێت و پۆستی پارێزگاریش دەدرێتەوە بە یەکێتی.[1]
- پنتاگۆن ڕایدەگەیەنێت، ویلایەتە یەکگرتووەکانی ئەمریکا پڕۆگرامە گەورەکەی لە مەشقپێکردن و پێدانی چەک بە هێزە عێراقییەکان دەوەستێنێت ئەگەر هێزەکەیان بەردەوامبێت لە هێرشکردنەسەر کوردانی هەرێمی کوردستان.[2]
- ئەندامێکی جڤاتی نیشتمانی #بزوتنەوەی گۆڕان# ئاشکرايدەکات، بەنیازن لە چەند ڕۆژی داهاتوودا لەگەڵ هێز و لایەنە سیاسیی و کەسایەتییەکان کابینەی هەشتی حکومەتی هەرێم هەڵبوەشێننەوە و حکومەتێکی کاتی پێکبهێنن.[2]
- ئەردۆغان ڕایگەیاند، لە هەر کاتێکدا دەکرێ سنوورەکانیان لەگەڵ هەرێمی کوردستان دابخەن، بەڵام بەو مەرجەی بەغدا بتوانێ هەموو پێداویستییەکانی باکووری عێراق دابینبکات و هەرێمی کوردستانیش دەروازەکانی ڕادەستی حکومەتی ناوەندی بکات.[3]
- بارەگای #بەرەی تورکمانی# عێراق لە شارەدێی پردێ سوتێنرا.[1]
- کەریم نوری، وتەبیژی دەستەی حەشدی شەعبی لەعێراق ئەمرۆ بە دواڕۆژی وت هیچ پلانیک بۆ پاشەکشێی هێزەکانی حەشدی شەعبی نییە لەکەرکووک و ناوچە کێشە لەسەرەکان، ئەوەشی هەیە تەنها دورخستنەوەیانە لەگەڕەکە کوردییەکانی کەرکووک و ناوچەکانی دیکە و جێگیرکردنیانە لەدەوروبەری شارەکە.[2]
- حەیدەر عەبادی، سەرۆک وەزیرانی عێراق، فەرمانی دەستگیرکردنی بۆ ژمارەیەک لە ئەندامانی پۆلیسی پارێزگای دیالە دەرکردووە لەبەرامبەر سوتاندنی #ئاڵای کوردستان# لە شارۆچکەی #خانەقین#.[2]
- جەبار عەلی لوعەیبی، وەزیری نەوتی عێراق ئەمڕۆ هۆشداریدایە سەرجەم دەوڵەت و کۆمپانیا نێودەوڵەتییەکان لە گرێبەستکردن یاخود ڕێککەوتن لەگەڵ هەر لایەنێک لەناو عێراق بەبێ گەڕانەوە بۆ حکومەتی فیدڕاڵی و وەزارەتی نەوت.[2]
- #عەلی قەڵای#، بەرپرسی ڕاگەیاندنی مەڵبەندی دووی کەرکووکی یەکێتی نیشمانی کوردستان، بە ڕۆژنیوزی ڕاگەیاند:ئەو پڕوپاگەندەی لە کەرکووک دەکرێت، کە گوایە هێرش کراوەتە سەر هێزە ئەمنییەکان دوورە لە ڕاستییەوە، نە هێرش هەیە نە ڕاپەڕین، کەناڵەکانی ڕاگەیاندنی پارتی دەورێکی خراپ دەبینن و دەیانەوێت ڕەوشەکە بشێوێنن.[4]
- #سەعدی ئەحمەد پیرە#، گوتەبێژی یەکێتیی نیشتمانیی کوردستان ڕایگەیاند، بارزانی و کۆسرەت ڕەسول ئاگاداری ڕێککەوتنی کەرکووک نەبوون. دەشڵێت یەک چەکداری حەشدی شەعبی لەناو کەرکووک نەماوە و دۆخی کەرکووک و شنگالیش ئارامە.[3]
- شێرکۆ میروەیس بەرپرسی مەڵبەندی خانەقینی یەکێتی لە شارۆچکەی خانەقین لەکۆنگرەیەکی ڕۆژنامەوانیدا ڕایگەیاند بەداخەوە چەند ڕۆژێکە دۆخێکی نەخوازراو ڕووی کردووە ناوچەکە و شارۆچکەکەمان بە هاتنی سوپای عێراق، ئەمەش هۆکاری هەڵەی سەرکردایەتی سیاسی کورد بوو ڕوویدا.[2]
- #ئاشتی هەورامی# وەزیری #سامانە سروشتییەکان#ی هەرێمی کوردستان داوا لە کۆمپانیا نێودەوڵەتییەکانی بەرهەمهێنانی #نەوت# دەکات، بەردەوام بن لە وەبەرهێنەرەکانیان لە هەرێمی کوردستان.[2]
- دوای ئەوەی ڕێگریی لە کۆبوونەوەی لیستی #نەوەی نوێ# کرا لە #پارکی ئازادی#، کۆمەڵێک هاوڵاتی بە مەبەستی ناڕەزایی دەربڕین شەقامی #کانی ئاسکان#ی شاری سلێمانیان داخست، ئاسایشی سلێمانی بە زەبری هێز بڵاوەی بە خۆپیشاندەران کرد و پەلامارانی هاوڵاتیان و ڕۆژنامەنووسانی دا لەنێویشیاندا پەلاماری پەیامنێری ڕۆژنیوزیش دراوە و لێیان داوە.[4]
- لە کەرکووک ئەفسەرێکی خانەنشینکراوی عەرەب بەناوی یاسین عەبدوڵڵا کە پێشتر ئەفسەری فڕۆکەوان بووە، لەلایەن ژمارەیەک چەکدارەوە بەدەستڕێژی گوللە کوژرا.[1]
- کۆمپانیای شیفرۆنی ئەمەریکیی ئەمڕۆ ڕایگەیاند کە بەشێوەیەکی کاتی چالاکیی هەڵکەندنی بۆ دۆزینەوەی نەوت و گاز لە هەریمی کوردستان ڕاگرتووە.[1]