وەزارەتی بەرگریی ئەمریکا (پێنتاگۆن)، هاوشێوەی ساڵانی ڕابردوو لە بودجەی ساڵی 2019 دا بودجەی تایبەتی بۆ مەشق و پڕچەککردنی هێزەکانی پێشمەرگە تەرخانکرد. بودجەکەش 850 ملیۆن دۆلارە. ئەمە لەکاتێکدایە بۆ هەمان ساڵ بڕی 550 ملیۆن دۆلاری بۆ هەسەدەش تەرخانکردووە.
بەگوتەی بەرپرسانی باڵای ئەمریکا شەڕی دژی داعش نە لە عێراق و نە لە سووریا کۆتایی نەهاتووە، بۆیە دەبێت هاوکارییەکان بۆ هاوپەیمانەکانیان بەردەوامبن.
پێشمەرگە بەو هێزە ناسراوە لە 2014ەوە بەردەوام لەبری جیهان شەڕی دژی تیرۆر دەکات. بۆ ئەم مەبەستە ئەمریکا بە جیاو لە چوارچێوەی هاوپەیمانیی نێودەوڵەتیی دژی داعش پشتگیری لە پێشمەرگە کردووە.
ئەمجارە پشتگیرییەکان زیادیانکردووە و لە ڕاگەیاندنی پلانی بودجەی ساڵی 2019دا پنتاگۆن بڕی 850 ملیۆن دۆلاری بۆ پێشمەرگە تەرخانکردووە.
ئەم بڕە پارەیە لە کۆی ئەو ملیار و 400 ملیۆن دۆلارە دێت کە ئەمریکا بۆ پڕچەککردن و مەشقپێکردن بەو هێزانەی تەرخانکردووە، کە لە عێراق و سووریا شەڕی گرووپە چەکدارە تووندئاژۆکان دەکەن.
بەراورد بە 2018 ئەمریکا بڕی بودجەی بۆ پێشمەرگە زیادکردووە. لە 2018 دا بڕی 365 ملیۆن دۆلار بۆ پێشمەرگە تەرخانکرابوو، ئێستا بڕەکەی بۆ 850 ملیۆن دۆلار زیادکراوە، ئەمەش ئاماژەیەکە بۆ ئەوەی ئەمریکا هێشتا پێیوایە گرووپە چەکدارە تووندئاژۆکان مەترسین لەسەر ئاسایشی ناوچەکە.
جەیمس ماتیس، وەزیری بەرگریی ئەمریکا دەڵێت: یەکەمجار با ئاماژە بە کۆتاییهێنان بە خەلافەتە فیزیکییەکەی داعش بکەین، ئەمە هێشتا بەردەوامە، ئەوانەی لەگەڵ من لەنێو ئەم فڕۆکەیەن ئەمەیان بیرە کە گوتم شەڕی دژی داعش کۆتایی نەهاتووە.
دۆناڵد ترەمپ پێشتر بە قارەمان و جەنگاوەری بەتوانا وەسفی پێشمەرگەی کردووە، هەر لە سەرەتای دەستبەکاربوونییەوە بەباشی زانیوە پشتگیرییەکانیان بۆ پێشمەرگە زیادبکەن.
ترەمپ پێشتر لە وەڵامی پرسیارێکدا ڕایگەیاندبوو: ناوی کوردت هێنا؟ پێویستە لەگەڵ کورد کاربکەین و پێویستە پڕچەکیان بکەین، ئەوان سەلماندوویانە باشترین جەنگاوەرن، بەڕاستی سەلماندوویانە بۆ ئێمە وەفادارن. پێویستە پشتگیرییان بکەین، خاوەنی دڵی گەورەن، جەنگاوەری بەجەرگیشن، پێویستە زیاتر لە هەموو کاتێک هەماهەنگیمان لەگەڵیاندا هەبێت.
ئەم بڕە بودجەیەی پێنتاگۆن دەچێتە کۆنگرێسی ئەمریکا و پێویستە تاوەکو 1ی ئۆکتۆبەری ئەمساڵ پەسەندبکرێت.
هاوکات لەگەڵ پێشمەرگە، ئەمریکا بودجەی پێویستی بۆ هێزەکانی سووریای دیموکرات - هەسەدەش تەرخانکردووە. لە بەڵگەنامە پەیوەندیدارەکان بە بودجەی ئەمریکادا هاتووە، پێنتاگۆن لە بودجەی ساڵی 2018 دا نزیکەی 500 ملیۆن دۆلاری بۆ هاوپەیمانانی خۆی لە سووریا تەرخانکردبوو. ئەم ژمارەیە بۆ ساڵی 2019 بەرزکرایەوە بۆ 550 ملیۆن دۆلار.
هەسەدە دەیان هەزار شەڕڤانی هەیە و لە شەڕی سووریا بەهێزترین هاوپەیمانی ئەمریکایە. شەڕڤانانی یەکینەکانی پاراستنی گەل YPG بڕبڕەی پشتی هێزەکەن و هەم زۆرینەی هێزەکە پێکدێنن، هەم سەرکردایەتیشی دەکەن. هەسەدە و یەپەگە زۆربەی خاکی ڕۆژئاوای کوردستان و بەشێک لە ناوچەکانی سووریا، بەگشی زیاتر لە 25% ی خاکی ئەو وڵاتەیان لەژێر دەستە.
پێنتاگۆن لە بودجەی ساڵی 2018 دا بە کۆی گشتی داوای 606 ملیار دۆلاری کردبوو. بۆ ساڵی 2019 داوای زیادکردنی 80 ملیار دۆلاری دیکەی کرد و بەمەش بۆ ساڵی 2019 حکومەتی ئەمریکا پێویستی بە 686 ملیار دۆلارە.
ئەمریکا لە بودجەی ساڵی 2018 دا نزیکەی 65 ملیار و 800 ملیۆن دۆلاری بۆ بودجەی وەزارەتی بەرگریی دابینکردبوو، ئەم ژمارەیە لە ساڵی 2019 دا بۆ 89 ملیار دۆلار بەرزکراوەتەوە.[1]
#13-02-2018#

58 ئەندامی کۆنگرێسی ئەمریکا نامەیەک بە واژۆی خۆیانەوە لەبارەی #هەسەدە# و کشانەوەی هێزەکانی ئەمریکا لە ڕۆژئاوای کوردستان ئاراستەی دۆناڵد ترەمپ، سەرۆکی وڵاتەکەیان دەکەن.
جاسۆن کرۆو، ئەندامی ئەنجوومەنی نوێنەرانی ئەمریکا لە هەژماری تایبەتی خۆی لە تۆڕی کۆمەڵایەتی توویتەر نامەکەی بڵاوکردووەتەوەو نووسیوویەتی دوو شت لە زۆنی شەڕدا گرنگن: یەکەمین نابێت پشت لە هاوپەیمانەکانت بکەیت و هەروەها هەمیشە پلانێکیشت هەیە، من ئەوە دەزانم و خزمەتم کردووە
کرۆو دەڵێت: بڕیارەکەی ئەم دواییەی تۆ لە دژی ئەم دوو بنچینەیەن. دەشپرسێت، پلانی تۆ چییە؟
لە نامەکەدا نووسراوە، ئێمە لەو بڕوایەداین کە بڕیارەکەی تۆ بۆ کشاندنەوەی هێزەکانی ئەمریکا لە ناوچەکە گۆڕانکاری بەسەر هاوبەشەییەکەمان لەگەڵ هێزەکانی سووریای دیموکرات دەهێنێت و هەروەها هەوڵەکانی دژ بە #داعش# دەخاتە مەترسییەوە. بڕیارەکەی کۆدەبێتە هۆکاشکی سپی ڕی ناڕوونی زیاتر لە سیاسەتی دەرەوەی ئەمریکا و هەروەها پرسیاری متمانەکردن و جێباوەڕبوون بە ئەمریکا وەک هاوبەشێک لەلایەن هاوپەیمانەکانمان دروستدەکات.
کۆنگرێسمانەکان کە ئەندامی هەردوو پارتی کۆماری و دیموکراتی ئەمریکای تێدایە لە نامەکەیاندا بۆ دۆناڵد ترەمپ نووسیویانە، ناتوانن لەگەڵ هۆکاری ناسەقامگیری زیاتری ناوچەکەبن، بەتایبەتیش کە ئێستا 11 هەزار چەکداری داعش لە زیندانەکانی هەسەدەن لە باکووری سووریا.
هەروەها کۆنگرێسمانەکان لە نامەکەیاندا 10 پرسیاریان سەبارەت بە بڕیارەکەی، دۆخی باکووری ڕۆژهەڵاتی سووریا و ئۆپەراسیۆنە سەربازییەکەی تورکیا ئاراستەی دۆناڵد ترەمپ، سەرۆکی وڵاتەکەیان کردووەو داوای وەڵامدانەوەیان لێکردووە.[1]

بەشی سووریا- ئەمریکا هەمدیسان چەک و چۆڵی سەربازیی بۆ هێزەکانی سووریای دیموکراتیک بەڕێ کرد.
بە پێی هەواڵی کوردپرێس، لە درێژەی پشتیوانییە چەک و چۆڵییەکانی ویلایەتە یەکگرتووەکانی ئەمریکا لە شەڕڤانانی هەسەدە لە شەڕی دژ بە داعش، بە گوێرەی زانیارییە بە دەست گەیشتووەکان لە سەرچاوەگەلی خۆجێی شەوی ڕابردوو 70 ئۆتۆمبیلی بارهەڵگری جیهازاتی سەربازی و چەک و چۆڵی ئەمریکی گەیشتۆتە دەستی هێزەکانی سووریای دیموکراتیک.
ئەمریکا پێشتریش لە بەراوری 5ی جوون 60 ئۆتۆمبیلی بارهەڵگر، 12ی جوون 50 ئۆتۆمبیلی بارهەڵگر، 21 و 26ی ئایپرێڵ 120 ئۆتۆمبیلی بارهەڵگر، 5ی جووڵای 82 ئۆتۆمبیلی بارهەڵگر، 9ی جووڵای 102 ئۆتۆمبیلی بارهەڵگر، 13ی 95 جووڵای ئۆتۆمبیلی بارهەڵگر، 17ی جووڵای 100 ئۆتۆمبیلی بارهەڵگر، 22ی جووڵای 100 ئۆتۆمبیلی بارهەڵگر، 27ی جووڵای 80 ئۆتۆمبیلی بارهەڵگر، 31ی جووڵای 100 ئۆتۆمبیلی بارهەڵگر و 7ی 112 ئۆتۆمبیلی بارهەڵگر جیهازات و چەک و چۆڵی قورس و نیوەقورس ڕەوانەی شەڕڤانانی هەسەدە کراوە. شەوی ڕابردووش 70 ئۆتۆمبیلی بارهەڵگری دیکەش گەیشتۆتە حەسکە کە سەرجەم دەکاتە 1 هەزار و 21 ئۆتۆمبیلی بارهەڵگر چەکی ئەمریکایی دراوەتە هێزەکانی سووریای دیموکرات لە باکووری ئەو وڵاتە.
هەسەدە لە ئێستادا لە 2 بەرەی ڕەقە بە ئۆپەراسیۆنی تووڕەیی فورات و بەرەزور بە ئۆپەراسیۆنی باهۆزی جەزیرە خەریکی شەڕ لە گەڵ تیرۆریستانی داعشن.[1]
14-09-2017

لە 36ەمین ڕۆژی هێرشەکانی سوپای تورکیا و سوپای سووریای ئازاد بۆ سەر #عەفرین#، =KTML_Mark_Begin=سوپای تورکیا ڕایگەیاند هەزار و 1931 چەکداری یەپەگە کوژراون. بەپێی ئامارێکی هەسەدەش 889 سەربازی تورکیا و چەکدارانی سوپای سووریای ئازاد کوژراون=KTML_Mark_End=.
ئەمڕۆ شەممە 24-2-2018، سەرۆکایەتیی ئەرکانی گشتیی سوپای تورکیا لە 36ەمین ڕۆژی ئۆپەراسیۆنی چڵە زەیتووندا ڕایگەیاند، پێشڕەوییەکان لە پێنج میحوەرەوە بەردەوامن بەتایبەتی لە هەردوو میحوەری جندرێس و ڕەجۆ. یەکەکانی تۆپهاوێژ و فڕۆکە جەنگییەکان بەشێوەیەکی چڕ پێگەکانی یەپەگە تۆپباران و بۆردوومان کردووە و بەهۆیەوە 58 چەکداری یەپەگە کوژراون.
هەر بەپێی ڕاگەیێندراوەکەی سوپای تورکیا، لە ماوەی 36 ڕۆژی ئۆپەراسیۆنەکەدا ژمارەی ئه و #شەڕڤان#انەی یەپەگە کە لە عەفرین کوژراون، گەیشتووەتە هەزار و 931 شەڕڤان.
بەپێی ئاماری فەرماندەیی هەسەدە، 98 شەڕڤان، 889 سەرباز و چەکداری ئۆپۆزیسیۆن لە ئۆپەراسیۆنی عەفرین کوژراون. لە بەرامبەردا تورکیا کوژرانی 32 سەرباز و 69 چەکداری ئۆپۆزیسیۆن و برینداربوونی 170 سەرباز و 214 سەربازی ڕاگەیاندووە.
بەڕێوەبەرایەتیی تەندروستیی عەفرین ڕایگەیاندووە، لە 28 ڕۆژی ئۆپەراسیۆنەکەدا 170 کەسی سڤیل گیانیان لەدەستدا و 460 کەسی دیکەش برینداربوون. نزیکەی 140 کەس لە قوربانییەکان ژن و منداڵن. بەپێی ئاماری ئەنجوومەنی بەڕێوەبردنی هەرێمی عەفرین، 60 هەزار کەس لە عەفرین ئاوارەبوون.[1]
#24-02-2018#

فیدراسیۆنێکی سەربازییە، لەلایەن یەکینەکانی گەلەوە بەڕێوەدەبرێت. ئەم ڕێکخراوە جگە لە کوردی ڕۆژاوا ژمارەیەکی زۆری عەرەب و فەلەکانی ڕۆژاوای کوردستان لەخۆ دەگرێت. #هەسەدە# کە هەندێکجار بە #قەسەدە#ش ناودەبرێت، ڕووبەرێکی جوگرافیای گەورەی لەژێردەستدایە کە هەموو ڕۆژهەڵاتی ڕووباری فوڕات دەگرێتەوە. لە شەڕی #داعش#دا گەورەترین ڕۆڵیان هەبوو و لەگەڵ هاوپەیماناندا لەیەک بەرە دژی داعش شەڕیاندەکرد.

لە 04-10-2019 هێرشەکە دەستپێکرد، کە لە دێرکەوە دەستیپێکرد بۆ عامودا، دەرباسیە، سەرێ کانی، #گرێ سپی#، کوبانێ و عەین عیسا و هەموو گوندەکانیان.
ئاماری گشتی هەردوو ڕۆژی هێرشکردنەکە تا ئامادەکردنی ئەم هەواڵە بریتی بووە لە: کوژرانی 262 سەرباز و چەتەی سەربە سوپای تورکی داگیرکەر، شەهیدبوونی 22 #شەڕڤان#ی هێزەکانی سوریای دیموکرات، شەهیدبوونی ژمارەیەک خەڵکی سفیل بەهۆی تۆپباران و بۆمبارانەکان، زۆربەیان ژن و منداڵن.[1]

=KTML_Bold=عامود=KTML_End=
گروپە چەتەکانیی سوپای تورکی داگیرکەر لە گوندی مشێرفی سەر بە شاری عامود کاتێک خەریکی ئامادەکاری بوون بۆ هێرشکردن، تەقەمەنییان پێدا تەقیوەتەوەو بە پێی زانیارییەکان زیاتر لە 3 چەتە لە ئەنجامی تەقینەوەکەدا مردوون و ژمارەیەکیشیان بریندار بوون.
=KTML_Bold=عەین عیسا=KTML_End=
سوپای داگیرکەر و چەتەکانی، لە ناوچەی عەین عیسا و گوندەکانی دەوروبەری، هەروەها لەسەر ڕێگای (M4) بەردەوامن لە جموجۆڵی سەربازیدا. گروپە چەتەکان بە چەکی قوڕس هێرشی گوندەکانی بیرکینۆ و گەنتەری و کەفیفا و تروازی، هەروەها ناوچەکانی دەوروبەری ڕێگای (M4) کردووە. سوپای داگیرکەر بە چەکی قوڕس زیاتر لە 30 جار هێرشیان کردووەتە سەر گوندەکانی خربت باقەر و متمەشریج و خەفیا. لە ئەنجامی هێرشەکاندا زیانێکی زۆری ماددی بە موڵک و ماڵی هاوڵاتییانی مەدەنی کەوتووە. سوپای تورک بە هەموو هێزییەوە هەوڵدەدات ئەو ناوچانەی دەکەونە سەر ڕێگای M4 داگیری بکات.
سوپای تورکی داگیرکەر لە 17ی ئەم مانگەوە بە ئۆتۆمبیلی بارهەڵگری سەربازی، لە کۆگاکانی گەنم لە شەڕگراک دزی دەکەن. لە ماوەی 3 ڕۆژدا بە یارمەتی چەتەکانی، زۆربەی گەنمی ناو کۆگاکانیان بە تاڵان بردووە.
=KTML_Bold=دێرک=KTML_End=
سوپای تورکی داگیرکەر بە چەکی قوڕس هێرشی کردە سەر گوندەکانی عەتەب و دێرنائاخ و لە ئەنجامدا زیانێکی زۆر بەر ماڵ و موڵکی هاوڵاتییان کەوتووە.[1]

هەسەدە ڕایگەیاند ؛شەڕڤانانمان هلیکۆپتەرێکی سوپای تورکیایان خستووەتە خوارەوە وژمارێکی بەرچاو سەربازی سوپای تورکیا کوژراون.
$(ڕاجۆ)$
لە گوندی قودێ،شەڕڤانان هیلیکۆپتەرێکی سوپای تورکیایان خستە خوارەوە.
فڕۆکەکانی سوپای تورکیا ناوچەی ڕاجۆیان بۆردمان کرد کە لەم بۆردمانە فڕنی گەورەی نانی ڕاجۆ کرایە ئامانج و زیانی گەورەی پێکەیشتووە،بەجۆرێک کە فڕنەکە بەتەواوی لەکار کەوت.
لە کاتژمێر2ی دوانیوەرؤ لە نزیک گوندی قودێ شەڕڤانان بۆڵدەزێرێکی سوپای تورکیایان کردە ئامانج وبەتەواوی تێکیان شکاند.
دوێنێ ئێوارە لە کاتژمێر 4دا گوندی جێکا بە خەستی تۆپ باران کرا،هاوکات گوندی قودێ-ش بەفرؤکە کرایە ئامانج.
ئەمڕۆ لە گوندی قودی لە کاتژمێر 9ی بەیانیەوە شەڕێکی دژوار لەنێوان شەڕڤانانی ئێمە و سوپای تورکیا هاتە ئاراوە کە لە ئەنجامی ئەو شەڕەدا ژمارێکی زۆر سەرباز وچەتەی تورکیا کوژران.
لە کاتژمێر 1ی دوانیوەرؤ لە گوندی قودێ هێلیکۆپتەرەکانی سەپای تورکیا ناوچەکەیان تۆپ باران کرد.
$(شێی)$
دوێنێ لە کاتژمیر 3ی پاس نیوەڕۆ لە گوندی حاج بیلال لە نێوان شەڕڤانان و سوپای تورکیادا شەڕهاتە ئاراوە کە لە ئەنجامدا ژمارێکی زۆر سەرباز وچەتەی سوپای تورکیا کوژران.
کوژرانی 25 چەتە پشت ڕاس کراوەتەوە.
کاتژمێر 4ی دونیوەڕۆ فڕۆکەکانی سوپای تورکیا گوندەکانی ئەشکەفتا وتورموش-یان بۆردمان کرد کە لە ئەنجامی ئەو بۆردمانەدا دەرکەوت کە لە گوندی ئەشکەفتا کۆمەڵکوژی ڕویداوە و یەک بنەماڵە بونەتە ئامانجی فڕۆکە،دواتر تەرمەکانیان لەلایەن هاوڵاتیانەوە دەرهێنراون.
لە کاتژمێر 1و45 دەقەی پاش نیوەڕو فڕۆکەکانی تورکیا ناوچەی شێی-یان بۆردمان کرد.
شەڕڤانان لە نزیک گوندی حاجی بیلال چالاکیێکیان ئەنجام دا ولە ئەنجامدا پانزێڕێکی سوپای تورکیایان تێکشکامد.
$(جندرێس)$
لە کاتژمێر 4ی دوانیوەڕۆدا گوندی ئاخ چلێ چەندین جار بەفڕۆکە بۆردمان کرا،هەروەها گوندی کانی گەوەرکێ بەچەکی گران تۆپ باران کرا،
چەندین شوێنی چیای بریقەدار-ی گوندی حەمامێ بە چەکی قورس تۆپ باران کرا.
لە دیمەنەکاندا دەرکەوت کە تانکەکانی تورکیا لە ناوکەمپی پەنابەرانی ئاتمی، گوندەکانی دێربەلوت،ئاخچەلێ ەنزیک گەندی خەلیل تۆپ باران ئەکەن و سوپای تورکیا دانیشتوانی ئەو کەمپەی وەک قەڵگانی مرۆیی بەکار هاوردووە.
لە گوندی حاجی ئەسکەندەر لە نێوان شەڕڤانان وسەربازانی سوپای تورکیا شەڕێکی دژوار ڕویدا.
$(شێرا)$
سوپای تورکیا بە خەستی گوندە ئیزەدییەکانی بافلۆنێ و عەرەب وێرانیان تۆپ باران کرد.
لە کاتژمێر 1ی دوا نیوەڕۆدا سوپای تورکیا هێڵی باڵاوکردنەوەی ئاوی خواردنەوەی گوندی 'متینا-یان تۆپ باران کرد لە لەئانجامدا زیانێکی زۆر گەێشتە ئەو شوێنە.
کاتژمێر 1 فڕۆکەکانی سوپای تورکیا ماڵێکیان کردە ئامانج ولە ئەنجامدا یەک کەس شەهید و2 کەسی دیکە بریندار بوون.
$(بلبلێ)$
لە کاتژمێر 1ی پاش نیوەڕۆ فڕۆکەکانی سوپای تورکیا گوندی قستێل خدریا-یان کردە ئامانج.
لە کاتژمێر 9ی بەیانییەوە تاکو ئیستا شەڕێکی دژوار لەنێوان شەڕڤانان و سوپای تورکیا لەئارادایە.
لە کاتژمێر 11 فڕۆکەشەڕکەرەکان بەسەر ئاسمانی عەفریندا ئەگەڕان.
4 گولە تۆپ بەرگوندی موسانکێ-ی عەفرین کەوت.
#10-02-2018#

سوپای داگیرکەری تورک و چەتەکانی لە زۆربەی هەرێمەکان بەردەوامن لە جموجوڵە داگیرکەرییەکانیان و چەندین هێرشیان ئەنجامداوە.
سوپای داگیرکەری تورک بە چەکی قورس هێرشیان کردووەتە سەر گوندەکانی تل محەمەد سەربە تل تەمر و بابلخێر و مشرافەی سەربە ناوچەی زڕگان، هەروەها چەندین ناوچەیان بە تۆپ و هاوەن تۆپباران کردووە، لە ئەنجامدا زیان گەیشتووەتە مڵک و ماڵی هاوڵاتیان.
گروپە چەتەکانی سەربە سوپای داگیرکەری تورک بە چەکی قورس، گوندەکانی دەوروبەری شارۆچکەی عەین عیسایان تۆپباران کرد و ڕاستەوخۆ ناوچە مەدەنییەکانیان کردە ئامانج، لە ئەنجامی ئەو تۆپبارانانەدا لە گوندی بیر زنار هاوڵاتییەک کە لەناو زەوی خۆی کاری دەکرد، برینداربووە.[1]

هێزەکانی سوریای دیموکرات (#هەسەدە#) ئێوارەی چوارشەممە 09-10-2019 ڕایگەیاند: چەکدارەکانی پێکدادانی مەیدانییان لەگەڵ سوپای تورکیا ئەنجامداوە، پاش ئەوەی ئەو وڵاتە دەستپێکردنی پڕۆسەیەکی سەربازی لە دژیان لە ناوچەکانی باکوری ڕۆژهەڵاتی سوریا ڕاگەیاند.
ئاژانسی ڕۆیتەرز لەسەر زاری مەروان قامشلۆ، وتەبێژی هەسەدە ڕاگەیاند: چەکدارەکانیان لە سنوری نێوان هەردوو وڵات ڕووبەڕووی سوپای تورکیا بونەتەوە.
قامشلۆ وتیشی: پێکدادانەکان بەنزیکەیی بە درێژایی سنور لە ئارادایە و هێزەکانی سوریای دیموکرات وەڵامی هێرشەکان دەدەنەوە.
لای خۆیەوە مستەفا بالی بەڕێوەبەری سەنتەری ڕاگەیاندنی هەسەدە لە تویتەر ڕایگەیاند: هێزەکانی تورکیا شاری #کۆبانێ#-یان بۆردومان کردووە.[1]