ناو: هێمن
نازناو: هێمن هەورامی
ناوی باوک: ئەحمەد حەمەساڵح
ساڵی لەدایکبوون: 1976
شوێنی لەدایکبوون: شاری #هەڵەبجە#
$ژیاننامە$
ئەکادیمی و سیاسەتمەدار، ساڵی 1987 پەیوەندی بە ڕیزەکانی پارتییەوە کردووە، ساڵی 2010 لە کۆنگرەی سێزدەیە‌مدا بە ئەندامی ئەنجومەنی سەرکردایەتی پارتی دیموکراتی کوردستان هەڵبژێردراوە، ساڵی 2018 بە ئەندامی ئەنجومەنی نیشتمانی کوردستان بۆ خولی پێنجەم هەڵبژێردراوە و بووەتە جێگری یەکەمی سەرۆکی ئەنجومەنی نیشتمانی کوردستان.
هێمن هەورامی ساڵی 1976 لە شاری هەڵەبجە لەدایکبووە. ساڵانی (1986-1987) لەگەڵ خێزانەکەیدا وەک پەنابەر ڕووی لە‌ وڵاتی ئێران کردووە. ساڵی 1999 بەکالۆریۆسی زمان و ئەدەبی ئینگلیزی لە زانکۆی سەڵاحەدین-هەولێر وەرگرتووە، ساڵی 2021 بڕوانامەی دکتۆرای لە بەشی پەیوەندییە نێودەوڵەتییەکانی زانکۆی سۆران وەرگرتووە.‌ ساڵی 2018 بە ئەندامی ئەنجومەنی نیشتمانی کوردستان بۆ خولی پێنجەم هەڵبژێردراوە و بووەتە جێگری یەکەمی سەرۆکی ئەنجومەنی نیشتمانی کوردستان. شارەزای زمانەکانی کوردی، ئینگلیزی، فارسی و عەرەبییە.
$خەباتنامە$
هێمن هەورامی ساڵی 1987 پەیوەندی بە ڕیزەکانی پارتییەوە کردووە و ساڵی 1992 بەرپرسی لێژنەی ناوچەی هەڵەبجەی یەکێتی قوتابیانی کوردستان بووە.
ساڵانی 2004-2010 بووەتە بەڕێوەبەری گشتی لە ئەنجومەنی ئاساییشی هەرێمی کوردستان. ساڵی 2011 کراوەتە بەرپرسی مەکتەبی پەیوەندییەکانی دەرەوەی پارتی دیموکراتی کوردستان. ساڵی 2012‌ سەرپەرشتیاری دەستەی ڕاوێژکاریی ڕاگەیاندنی نووسینگەی تایبەتی سەرۆک و ساڵی 2017 بەرپرسی کاروباری سیاسی و پەیوەندییە گشتییەکانی نووسینگەی سەرۆک مەسعود بارزانی بووە.
ساڵی 2010 لە کۆنگرەی سێزدەیە‌مدا بە ئەندامی ئەنجومەنی سەرکردایەتی پارتی دیموکراتی کوردستان هەڵبژێردراوە.
ساڵی 2018 بە ئەندامی ئەنجومەنی نیشتمانی کوردستان بۆ خولی پێنجەم هەڵبژێردراوە و بووەتە جێگری یەکەمی سەرۆکی ئەنجومەنی نیشتمانی کوردستان. [1]

ئەمڕۆ یەکشەممە‌ #07-07-2024#، د. #هێمن هەورامی#، ئەندامی مەکتەبی سیاسی #پارتی دیموکراتی کورستان#، پێشوازیی لە ئەرمان تۆپچو، کونسوڵی گشتیی نوێی تورکیا لە #هەولێر# کرد.
لە دیدارێکدا، جێگر و یاریدەدەری کونسوڵ ئامادەبوون، د. هێمن هەورامی پیرۆزبایی لە کونسوڵی گشتیی تورکیا کرد بە بۆنەی دەستبەکاربوونی وەک کونسوڵی نوێی وڵاتەکەی لە هەرێمی کوردستان و هیوای سەرکەوتنی بۆ خواست لە ئەرکە تازەکەیدا.
تاوتوێی بارودۆخی سیاسی ئابووری و ئەمنی ئێراق و ناوچەکە هەڵبژاردنەکان و پێشکەوتنەکانی هەرێمی کوردستان و پەیوەندی دوولایەنە کرا. [1]

#هێمن هەورامی# ئەندامی مەکتەبی سیاسی #پارتی دیموکراتی کوردستان# و بەرپرسی بەشی ڕێکخستن، سەردانی لقی 19ی پارتی لە #چەمچەماڵ# کرد و لەلایەن بەرپرسی لق و ستافی لق پێیشوازیکرا، لە دوو کۆبوونەوەی جیادا، پەیامی سەرکردایەتیی گەیاندرایە کادیر و ئەندامانی پارتی، لە کۆبوونەوەکاندا لەگەڵ ستافی لق و کادیران و هەڤاڵانی سنوورەکە، پەیامی سەرۆک بارزانی و سەرکردایەتی پارتی گەیاندە ئەندام و کادیرانی پارتی لە سنوورەکە و داوایکرد هاوکاری و پشتیوانی سەرجەم کاندیدەکانی پارتی بن لە هەڵبژاردنی ئەنجوومەنی پارێزگاکانی عێراق.
لە بەشێکی دیکەی کۆبوونەوەکان تاوتوێی دواین پێشهاتەکان و کارەکانی ڕێکخستنەکانی پارتی و چۆنیەتی بەهێزترکردنی کاری ڕێکخستن لە سنووری ڕێکخستنەکانی لقی 19ی چەمچەماڵ لەئێستا و ئایندە کرایەوە و داوا کرا کە کادیر و ئەندامانی پارتی بە گیانێکی کوردانەی بەرز ڕووبەڕووی ڕووداوەکان ببنەوە و بەرژەندی باڵای وڵات و کوردستان بپارێزن. هەروەها گرنگی هەڵبژاردن و بەشداری فراوانی ئەندام و لایەنگرانی پارتی تەوەری کۆبوونەوەکان بوو. [1]

=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

بەبۆنەی چل و پێنجەمین ساڵەی دامەزراندنی یەکێتیی نیشتیمانیی کوردستان پیرۆزباییەکی گەرم ئاراستەی تەواوی هەڤاڵانی #یەکێتیی نیشتمانیی کوردستان# دەکەم، هیواخوازم سەرکەوتووبن.
‎یەکێتیی نیشتیمانیی کوردستان هاوبەش و هێزێکی کاریگەری سەر گۆڕەپانی هەرێمی کوردستانە و لەگەڵ #پارتی دیموکراتی کوردستان# و هێزەکانی دیکە لەهەموو وێستگەکان بەتەبایی و یەکڕیزییەوە توانیویانە دەسکەوت و مافی زیاتر بۆ خەڵکی کوردستان بەدەست بهێنن. لەم قۆناغە سەختەش کە بەهۆی لێکەوتە ئابوورییەکانی بڵابوونەوەی ڤایرۆسی کۆڕۆناو بارودۆخی ناوچەکەو سەرهەڵدانەوەی تیرۆرو مەترسییەکان لەناوچە کوردستانییەکانی دەرەوەی ئیدارەی هەرێم، کوردستان لەگەڵ کۆمەڵێک ئاستەنگ و چەسپاندنی ماف و داخوازییەکانی بەرەو ڕووە، بۆیە یەکڕیزی و یەکهەڵوێستی و گیانی تەبایی لەهەموو کات پێویستترەو پێویستە هەمووان بەو گیانە بەسەر ناکۆکی و سەختییەکان زاڵ بین.
جێبەجێکردنی یاسای چاکسازی ئەڵقەیەکی گرنگی پرۆسەی چاکسازیی هەمەلایەنەیەو چاودێری و بەدواداچوونی زیاتر وێستگەیەکی گرنگی دیکەی بەردەم هەرێمی کوردستانە کە لەسەر هەموو لایەک دەخوازێت ڕژدتر پشتیوان و هاوکاری ئەم پرۆسەیە بین.
‎جارێکی دیکە پیرۆزباییتان لێدەکەم و هیوای سەرکەوتنتان بۆ دەخوازم..
#هێمن هەورامی#
جێگری سەرۆکی #پەرلەمانی کوردستان#
#01-06-2020#

#هێمن هەورامی#، ئەندامی مەکتەبی سیاسی #پارتی دیموکراتی کوردستان# ڕایگەیاند، بەشداری پارتی لە هەڵبژاردنەکان بەتایبەتیی لە سنووری ناوچە کوردستانییەکانی دەرەوەی هەرێم، تەنیا ئامانجی حزبی نییە، بەڵکوو ئامانجی نەتەوەیی و نیشتمانی و پاراستنی ناسنامەی کوردستانیی بوونی ئەو ناوچانەیە.
هێمن هەورامی، لەمیانی کۆبوونەوەکاندا لەگەڵ بەشێک لە لایەنگر و جەماوەری پارتی لە #خورماتوو#، وتی: ئامانجی پارتی دیموکراتی کوردستان لەم هەڵبژاردنانە تەنیا ئامانجێکی حزبی نییە، واتە ئێمە تەنیا بۆ ئەوە بەشداری هەڵبژاردن ناکەین کە دەستکەوتێکی حزبیمان هەبێت و کەسێکمان لە ئەنجوومەنی پارێزگا هەبێت، بەشداری ئێمە وەک پارتی لەم هەڵبژاردنانە بەتایبەتیی لە ناوچە کوردستانییەکانی دەرەوەی ئیدارەی هەرێمی کوردستان، ئامانجێکی نیشتمانی و نەتەوەییمان هەیە، بۆ پاراستنی ناسنامەی کوردستانییەتی ئەم ناوچانە.

وتیشی: ئەرکی خەڵکی پارتی جیاوازترە لە لایەنەکانی دیکە، ئەگەر خەڵکی لایەنەکانی دیکە لە چوارچێوەی سیاسەتێکی تەسکی حزبی سەیری هەڵبژاردنەکان بکەن، دەبێت کادیر و ئەندامانی پارتی لەبەر ڕۆشنایی ڕێبازی پیرۆزی بارزانی، لە چوارچێوەی کوردستانیی بوونی ئەم ناوچانە مامەڵە لەگەڵ هەڵبژاردنەکان بکەن، سیاسەتی ئێمە لەو ناوچانە سیاسەتی پێکەوەژیان و ئاشتەوایی و پاراستنی ناسنامەی کوردستانی بوون و خاکە بەپێی دەستوور.
ئاماژەی بەوەشدا: لە دوزخورماتوو لە چوارچێوەی ئەنجوومەنی پارێزگای سەڵاحەدین وەک لیستی 219ی پارتی بە کاندیدێک لە دووزخورماتوو بەشدارین لە هەڵبژاردن.
هێمن هەورامی، ڕاشیگەیاند: وەکوو پارتی بەسەربەرزییەوە ڕایدەگەیەنین، سەرکەوتنی کورد و کوردستانییەکان زۆر لە سەرکەوتنی حزبەکان گرنگترە لەم هەڵبژاردنانە. [1]

ئەندامێکی مەکتەبی سیاسی پارتی دەڵێت: پارتی سوورە لەسەر ئەنجامدانی هەڵبژاردن و پێویستە لە کاتی خۆیدا ئەنجام بدرێت، دەشڵێت، دەبێت کێشەکان لە هەرێم چارەسەر بکرێن نەک لە بەغدا و چات هاوس.
#هێمن هەورامی#، ئەندامی مەکتەبی سیاسی پارتی لە دیمانەیەک ڕایگەیاند، پارتی سوورە لەسەر ئەنجامدانی هەڵبژاردن و پێویستە لە کاتی خۆیدا ئەنجام بدرێت.
وتیشی: نابێت بیانوو بۆ دواخستن و ئەنجام نەدانی هەڵبژاردن بهێنرێتەوە، هیچ بیانوویەکی تەکنیکی نییە بۆ ئەو بابەتە.
ئاماژەی بە ئەوەش کرد، دەبێت کێشەکان لە هەرێمی کوردستان چارەسەر بکرێن، نەک لە بەغدا و چات هاوس.
لەبارەی کۆبوونەوەی حزبەکەی لەگەڵ یەکێتی، هێمن هەورامی دەڵێت: تا ئێستا هیچ وادەیەک بۆ کوبوونەوەی دیکەی نێوان یەکێتی و پارتی دیارینەکراوە. [1]

=KTML_Bold=هێمن هەورامی، ئەندامی مەکتەبی سیاسی پارتی ڕایدەگەیەنێت پارتی لە کەرکووک کوردایەتی دەکات نەک حیزبایەتی.=KTML_End=

#هێمن هەورامی#، لە لێدوانێکی ڕۆژنامەوانیدا باس لە پارێزگاری داهاتووی #کەرکووک# دەکات و دەڵێت ئەوەی بەلای ئێمەوە گرنگە دوای هەڵبژاردن کوردێکی باش ببێتە پارێزگاری کەرکووک، پێمان وایە هەموو کوردێکی باش پارتییەکی باشیشە.
هەورامی وتیشی چاومان لەوەیە لەگەڵ هەموو هێزە کوردستانییەکان بە چاوێکی کوردانە مامەڵە لەگەڵ دۆخی کەرکووک بکەین. دوور بکەوینەوە لە دڕدۆنگ بوون بەرانبەر یەکتری. چونکە خەڵکی کەرکووک بێزارە لە بیری تەسکی حیزبایەتی.

ئەو ئەندامەی مەکتەبی سیاسی #پارتی دیموکراتی کوردستان# دەڵێت بابەتی کەرکووک پەیوەندی بە خاک و چارەنووسی نەتەوەیەکەوە هەیە. بۆیە داوا لە خەڵکی کەرکووک دەکەین، کوردستانیانە بیربکەنەوە و برۆن بۆ دەنگدان.
هێمن هەورامی ئەوەشی ئاشکرا کرد کە کورد لە هەموو هەڵبژاردنەکان زۆرینەی دەنگەکانی کەرکووکی بەدەست هێناوە و لەو ڕوەوە دەڵێت لە 2003ەوە هەر هەڵبژاردنێک لە کەرکووک کرابێت کورد زۆرینەی دەنگەکانی بەدەست هێناوە، بۆیە چاومان لەوەیە بە سەرجەم هێزە کوردییەکان زۆرینە کورسییەکانی ئەنجوومەنی پارێزگای کەرکووکیش ببەینەوە.
سەبارەت بە هەڵوێستی پارتی دیموکراتی کوردستان لەبارەی دواخستنی هەڵبژاردنی ئەنجوومەنی پارێزگای کەرکووک، ئەو ئەندامەی مەکتەبی سیاسی پارتی وتی بەهیچ شێوەیەک وەک پارتی لەگەڵ دواخستنی هەڵبژاردنی ئەنجوومەنی پارێزگای کەرکووک نین. دەمانەوێت هەڵبژاردنی ئەنجوومەنی پارێزگای کەرکووک بەڕێوەبچێت بۆ ئەوەی ئەو دۆخەی لە 16ی ئۆکتۆبەری 2017 بەسەر کەرکووک هێنراوە بگۆڕێت. [1]

سەرکەوتنی گەورەی پارتی و پرۆسەی هەڵبژاردن بە گەرمی لە سەرۆک #مەسعود بارزانی# و تێکڕای کادرو ئەندام و لایەنگرو جەماوەری سەربەرزی پارتی و #پێشمەرگە# قارەمانەکان و کەسوکاری سەربەرزی شەهیدان، پیرۆز دەکەم. سەرکەوتنی لیستی 183 بە دەنگێکی زۆر و شایستە، بە پێی ئەنجامە نافەرمیەکان، پارتی بەربەستی 40 کورسی ناوپەرلەمان تێپەڕاندووە و بە پشتیوانی خوای گەورە، ئەنجامێکی باش بەدەستهاتووە. لە ناخی دڵمەوە، سوپاسێکی زۆر بۆ جەماوەری سەربەرزی پارتی لە سەرانسەری کوردستان، کە وەک کاندیدی ژمارە یەک و سەرۆکی لیستی پارتی، متمانەیەکی زۆر گەورەتان پێبەخشیم و لە بەردەم یار و نەیاری پارتیدا سەربەرز و سەرفرازتان کردین. پشتیوان بە خوای گەورە، دواتر وردەکاری ژمارەکانی تێکڕای ناوچە جیاجیاکانی کوردستان بڵاودەکەینەوە.
دەمەوێت سوپاسێکی زۆرم ئاراستەی کۆمیسیۆنی باڵای سەربەخۆی هەڵبژاردن و ڕاپرسی بکەم، وێڕای هەندێ کەم و کوڕی، سەرکەوتووانە و پیشەییانە کارەکانیان بەڕێوەبرد. سوپاسێکی زۆر زۆر بۆ ئازیزانی وڵات، هێزە ئەمنییەکان، کە ئارامی و سەقامگیری پرۆسەکەیان پاراست. سوپاسی زۆر بۆ سەرجەم لایەنە سیاسییە بەڕێزەکان کە بەشداری هەڵبژاردن بوون و پێکەوە سەرکەوتنی کوردستانمان تۆمارکرد و ئیرادەی گەلەکەمان سەرخست.
#01-10-2018#

دوا بە دوای بابەتی پەیوەست بە دۆسیەی مەجید ئیبراهیم هەروتی، لیژنەی پێشمەرگەی پەرلەمانی کوردستان و لیژنەی کاروباری کۆمەڵایەتی دوای کۆبوونەوەیان، دەستەی سەرۆکایەتی پەرلەمانیان ئاگادار کردەوە کە لیژنەی لاوەکی پێکدێنن بە پێی ماددەی 30 بڕگەی یەکەم بۆ بە دواداچوونی ئه و کەیسە. بە پێی ماددەی 19 بڕگەی سییەم، ئەرکی سەرپەرشتیکردن و بەدواداچوونی لیژنە هەمیشەییەکانی کوردستان دەسەڵاتی جێگری سەرۆکی پەرلەمانی کوردستانە. دوای ڕەزامەندی دەربڕینمان، ڕامانسپاردن کە لیژنە لاوەکیەکان هەماهەنگی بکەن و سەردانی لایەنی پەیوەندییدار بکەن کە لە دۆسییەدا ئاسایشی گشتی بوو لە #هەولێر#.
چەند جارێک بە دواداچوونمان کردوە بۆ کاری لیژنەلاوەکیەکە و ئەندامەکانی پێیان ڕاگەیاندبووین کە کارەکانیان بە باشی بەڕێوە دەچێت و بەرپرسانی ئاسایشی گشتی زۆر هاوکارن و هەماهەنگن و هەموو ڕوونکردنەوەیەکیان خستۆتە بەردەمیان و لە ڕووی مەیدانیشەوە سەردانی شوێنەکان و پزیشکی دادوەر و ئاسایشی #شەقلاوە# کراوە.
دیارە ئەمڕۆ 30 ی 1ی 2020 هەردوو لیژنەی لاوەکی کۆبوونەوەیان هەبووە بۆ گفتوگۆ لەسەر ئامادەکردنی دوا ڕاپۆرتی کارەکانیان و بەرزکردنەوەی بۆ دەستەی سەرۆکایەتی پەرلەمانی کوردستان. وە لەلایەن بەڕێز سەرۆکی لیژنەی کاروباری کۆمەڵایەتی و ئەندامانی لیژنە ئاگاداری ئێمەیان کردەوە کە هەفتەی ئایندە ڕاپۆرتەکەیان تەواو دەبێت و لە ناوخۆشایندا لە کۆبوونەوەکە باسیان کردوە کە پوختەیەک وەک هەواڵ لەسەر بەرئەنجامی سەردانەکەیان و بەدواداچوون بۆ کەیسەکە لە ئاسایشی گشتی لە هەولێر دەدەنە ماڵپەڕی فەرمی پەرلەمانی کوردستان وئێمەش لاریمان نەبووە. تێکڕای لیژنە هەمیشەییەکان و لیژنە لاوەکیەکانیش، لە ڕووی کۆبوونەوه و کارو چالاکیانەوە دەسەڵاتی لیژنەکانە ڕاپۆرتی چالاکی و تەنانەت ڕاگەیەنراوی لیژنەکەشیان لە ماڵپەڕی پەرلەمان بڵاوبکەنەوە.
بۆ ڕای گشتی ڕادەگەیەنین، کە پەرلەمانی کوردستان لیژنەی تایبەتی لێکۆڵینەوەی دروست نەکردوە چونکە ئەم بابەتە بە پێی پەیڕەوی ناوخۆ ماددەی 43 بڕگەی یەکەم دەبێت لە سەر داوای 1/4 ی ئەندامان یان سەرۆکی پەرلەمان بێت و بە ڕەزامەندی و دەنگدانی ئەندامانی پەرلەمانی کوردستان دروست بکرێت.
ئه و نوسینەی لیژنە لاوەکیەکان خستنەرووی هێڵە گشتیەکانی بەرئەنجامی کاری لیژنەکایان بووه و هیچ پێچەوانەی عورفی کاری لیژنەکان نەبووە.
دەمەوێ ئەوەش ڕوونبکەمەوە، بە داخەوە هەر لە سەرەتاوە لێدوانی جیاجیا لەسەر ئەم دۆسیەیە و تۆمەتبارکردنی ئاسایشی گشتی و #پارتی دیموکراتی کوردستان# بە کوشتنی مەجید ئیبراهیم و هەوڵەکانی بەلاریدا بردنی دۆسیەکە و بە حیزبی کردن و بە سیاسیکردنی، سەرەتایەکی خراپی کاری بە دواداچوون بوو بۆ گەیشتنە ڕاستیەکان.
هیمن هەورامی
#30-01-2020#
⚠️ تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!

=KTML_Bold=سەرۆکی پەڕڵەمانی کوردستان نهێنییەک لەبارەی کاراکردنەوەی کۆمیسیۆنی هەڵبژاردنەکان ئاشکرادەکات.=KTML_End=

ئەمڕۆ شەممە #27-05-2023# د.#ڕێواز فایەق# سەرۆکی پەڕڵەمانی کوردستان ڕایگەیاند، لە بەردەم ئێمەدا #هێمن هەورامی# تەلەفۆنێکی بۆ هات و وتی جەنابی سەرۆک (#مەسعود بارزانی#) دەڵێت دەبێت بڕگەی کاراکردنەوەی کۆمیسیۆنی هەڵبژاردنەکان بۆ دانیشتنی پەڕڵەمان زیاد بکرێت.
وتیشی ئەوەی لە پەڕڵەمان ڕوویدا نا یاسایی و نا پەیڕەوییە و ناکرێت هەڵبژاردنمان بەسەردا بسەپێنن بەو یاسایەی پێشتر داوای گۆڕینیمان کردووە.
بەوتەی ڕێواز فایەق کۆمیسیۆن بەمردوویی لەدایک بووە، بەداخەوە وەزارەتی داد ئیرادەی ڕاگرتنی ئەو دانیشتنەی نەبوو. [1]