ڤیدیۆ: ئاهەنگی کچەکەی #مەلا بەختیار# ماریا مەلا بەختیار لەگەڵ هاوڕێ مەلا ستار لە باخەکەی خۆیان لە (مێرگەپان - #سلێمانی#)
ساڵ: 2022
[1]

دەقی ڕاگەیێندراوەکەی بزووتنەوەی گۆڕان:
رووونکردنەوەیەک لە بزوتنەوەی گۆڕانەوە بۆ ڕای گشتیی کوردستان
دوای بڵاوبونەوەی کتێبی (لەبری بیرەوەری) مەلا بەختیار، کە کۆمەڵێک تۆمەت و بوختان و حیکایەتی بێ بنەمای داوەتە پاڵ ڕەوانشاد نەوشیروان مستەفا، کە مێژوو سەلماندویەتی یەکێک بوە لە ڕابەرە هەرە دیارو کاریگەرەکانی بزوتنەوەی ڕزگاری خوازی کوردستان و قەڵەمێکی بەبڕشت و ڕاستگۆی دنیای ئەدەب و فکر و ڕۆشنبیری و سیاسەت بووە، لەمیدیا و تۆڕە کۆمەڵایەتیەکاندا خەڵکی ڕاستگۆو پێشمەرگە دێرینە تێکۆشەرەکان و شاهید حاڵی ڕوداوەکان وخەڵکانی دڵسۆز و بەئەمەک، ئەم حیکایەتە ساختەی ناوەڕۆکی کتێبەکە و چاوپێکەوتنەکەی ناوبراویان لە کەناڵی ڕوداو پێ قبوڵ نەکراو، هەر یەکە بەشێوازی تایبەتی خۆی، هەوڵی ڕاستکردنەوەیان دا.
نەوشیروان مستەفا یەکێکە لە ڕابەر و سەرکردە گەورەکانی میلەتەکەمان و لە هەموو قۆناغەکانی ژیانیدا، خەمخۆرانەو ڕاستگۆیانەو خۆنەویستانە، کاری بۆ ئازادی و عەدالەت و ڕزگاری کردوە. ئەو چ لە قۆناغی شاخدا، وەک سەرکردەیەکی کارامەی یەکێتی نیشتمانی کوردستان و کۆمەڵە، وەک ئەندازیار و ڕابەری ڕاپەڕینی 1991، وەک پلاندانەری پرۆسەی ئاشتی و ڕێکەوتنەکانی نێوان دوو هێزی شەڕکەری یەکێتی و پارتی، وەک کەسایەتیەکی سەرەکی لە گفتوگۆکانی دوای ڕاپەڕین و دوای ڕوخانی ڕژێمی بەعس و نوسینەوەی دەستور و پەیکەری نوێی عێراق، وە چ لە قۆناغی دامەزراندن و بەڕێخستنی بزوتنەوەی چاکسازی و گۆڕانخوازی، بزوتنەوەی گۆڕان، هەمیشە لە خەمی بنیاتنانی کۆمەڵگایەکی مەدەنی دیموکرات و مۆدێرندا بوە لەسەر بنەماکانی عەدالەت و ڕێز لە مافی مرۆڤ. بۆیە وەستانەوە بە ڕوی ئەو چەواشەکاری و ناڕاستی و بوختان و حیکایەت داتاشینەی مەلا بەختیار و هاوچەشنەکانی، کە دەیانەوێت لەپاڵ باسکردنی مێژوویەکی ناڕاست و خەیاڵپڵاوانەی خۆیاندا، لە پرۆژە فکری و سیاسیە گەورەکەی بدەن و پەرێزی خۆیان لە دادگای گەل و مێژوو و ویژداندا پاکبکەنەوە، بە ئەرکی هەمو مرۆڤێکی ڕاستگۆ و بەویژدانی ئەم نیشتمانەی ئەزانین، چونکە جورئەتکردن و نەسڵەمینەوە لە هۆنینەوەی کۆمەڵێک بوختانی بێبنەماو تەشهیرکردن بەسەرکردەیەکی دەستپاک و مێژوو پاکی وەک نەوشیروان مستەفا، وە خۆنەپاراستن لە بێڕیزی کردن و ناوزڕاندنی کۆمەڵێک کاراکتەری سەربازی و سیاسی میلەتەکەمان لە قۆناغەکانی ڕابردودا، سەرەتایەکی مەترسیدارە گەر ڕوبەروی نەوەستینەوە.
ئێمە وەک بزوتنەوەی گۆڕان، وێڕای دەستخۆشی و پێزانینمان بۆ خەمخۆرانی نەوشیروان مستەفا و مێژووە پڕشانازیەکەی و خەباتی هاوسەنگەر و هاوڕێیانی، لەهەمانکاتدا ڕایدەگەیەنین کە بزوتنەوەی گۆڕان و هەموو گۆڕانخوازان و کەسانی دڵسۆز و ڕاستگۆو خەمخۆری نیشتمان، بەهەموو توانایەکەوە، ئەو هەوڵە ڕیسوائەکەن و بەرپەرچی ئەدەنەوە، هەم لەرێگەی خستنەروو و دەرخستنی ڕاستیەکان و هەمیش لە ڕێگای ئەو هەموو بەڵگانەی لەبەردەستدا هەن و لە ئایندەیەکی نزیکدا بڵاوئەکرێنەوە.
دواجار دەبێ ئەو ڕاستیە بزانین، کە ئەو ڕقە پەنگخواردوەی مەلا بەختیار، تەنها پەیوەست نیە بە مێژووەوە، بەڵکو بەشێکە لە هەڵمەتەکانی دژ بە بزوتنەوەی چاکسازی و پرۆسەی ڕیفۆرم و عەدالەتخوازی. بۆیە بە ئەرکێکی سیاسی و ئەخلاقی خۆمان و هەمو دڵسۆزان و هاوڕێ و یاوەرانی کاک نەوشیروانی ئەزانین، لە دەرفەتێکی نزیکدا، کۆی چەواشەکاریەکان بۆ خەڵکی کوردستان و مێژوو ڕونبکەینەوەو ڕاستی نیەتی مەلا بەختیار دەربخەین.
بزوتنەوەی گۆڕان
21/9/2020[1]

=KTML_Bold=مەلا بەختیار، بۆ مامۆستایانی خۆپیشاندەر:
سوپاس کە دروشمەکانتان زەق و ڕەق دژی (گەندەڵی) و (دزی) و (تلیاک و مەیی) و (غروری دەسەڵات) بوون=KTML_End=

#مەلا بەختیار#، ئەندامی پێشووی ئەنجومەنی باڵای بەرژەوەندییەکانی #یەکێتیی نیشتمانیی کوردستان# لە وتارێکدا کە لە لاپەڕەی خۆی لە تۆڕی کۆمەڵایەتی فەیسبووک بڵاویکردووەتەوە سوپاسی مامۆستایانی خۆپیشیاندەر لەبەرامبەر ئەنجامدانی خۆپیشاندانێکی مەدەنیانە.
=KTML_Bold=ئەمەی خوارەوە دەقی نوسینەکەی مەلا بەختیارە:=KTML_End=
سەربەرزن.. مامۆستایانی مەدەنی
ئەمڕۆ هەزاران مامۆستا، لە ناو سۆز و پشتیوانی ڕای گشتی دا، خۆپێشاندانی مەدەنیانەیان کرد و داکۆکیان لە مافە پیشەییە ڕەواکانیان کرد.
پڕ بە دڵ دەستخۆشیان لێدەکەم. دڵنیام ئەم خەباتە پیشەیی – مەدەنی یە، لە دوا ئەنجامدا تەواوی مافەکانیان بەدی دێنێ.
زۆریش گرنگ بوو خۆپێشاندانەکە بە تەواوەتی مەدەنی و هێمن بوو، ڕێگەتان نەدا ئاراستەکەی لە خەباتی پیشەییەوە بۆ سیاسی هیچ لایەنێک بگۆڕدرێ. دروشمەکان زەق و ڕەق دژی (گەندەڵی) و (دزی) و ( تلیاک و مەیی ) و (غروری دەسەڵات) بوون.
ئەم دروشمانە هەڵقوڵاوی ناخی مامۆستا و تاک بە تاکی دڵسۆزانی کوردستان بوون. بە دڵنیایەوە سەرەتای ، ڕاچلەکینی خەباتی فراوانتری مەدەنی و پیشەیی دەبێ.. بەرەو سیستەمێکی دیموکرات و دادپەروەر.
هەربژین مامۆستایانی مەدەنی..
بۆ پێشەوە.. چین و توێژەکانی تریش هەمان ڕێبازی مەدەنی دەگرنە بەر. [1]

=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

[1]

بەهادین نوری
پاش 10 ساڵ لە دامەزراندنی (یەکێتی) یەکەم لەتبوونی گەورەی بەخۆیەوە دی جیا بوونەوەی ئاش لە ساڵی 985 دا.
یەکەم پرسیار کە لێرەدا دێتە پێش :هۆکاری ئەم جیابوونەوە چیبوو؟ خیلافاتی ئەوانە لەگەڵ یەکێتی چیبوو؟ ڕەگو ڕیشەی خیلافات و لەتبوونی ئاش دەگەڕێتەوە بۆساڵانی حەفتاکان، ئەو کاتە کە شانە سەرەتایيەکانی کۆمەڵەی مارکسی لینینی لە کوردستاندا دامەزرێنرا. لە هێندێ کەسم بیستبوو کە تاڵەبانی خۆی دامەزرێنەری کۆمەڵەیە، بەڵام لە گوماندابووم کە ئەمە ڕاستبێ تا ساڵی 1986 کە چوومە بارەگای تاڵەبانی لە یاخسەمەر شارباژێڕ لە گفتوگۆیەکی دووقۆڵی باسمان لەسەر زۆرشت کرد. لەو دانیشتنەدا تاڵەبانی وتی : (منیش ماوەیەک ماوی بووم).
لەوقسەیەوە گەیشتمە یەقین کە ڕاستە، تاڵەبانی خۆی دامەزرێنەری کۆمەڵە بووە لە ژێر کاریگەری بیرو بۆچونی ماویزمدا. نازانم بۆ چەند ساڵ تاڵەبانی بە فکری ماویزمەوە مایەوە، بەڵام دڵنیام ئەوکاتە پەیوەندی ڕوحی لەگەڵ ماویزم نەمابوو، چونکە لەو کاتەدا مه لا به ختيار کە بەرپرسی ئاش بوو لە پارێزگای #سلێمانی# لە خودی یاخسەمەر بەند کرابوو. (دواتر باسی ئەمە دەکەم).
شایانی باسە لەوکاتەدا که تاڵەبانی لە پێگەی فکری نەتەوەییەوە گواستیەوە بۆ پێگەی مارکسی ماوی چەندین حیزب و کۆڕو کۆمەڵ لە وڵاتانی جیاجیا دا ئەم جۆرە گواستنەوەیان ئەنجام دابوو. لە شەستەکان و حەفتاکانی سەدەی بیستەم دا. نمونەی ئەمەش فیدڵ کاسترۆ لە کوبا، حیزبی سۆشیالیست لە باشوری یەمەن، بەرەی میللی و بەرەی دیموکراسی لە ناو فەلەستینیەکاندا، هێندێ لە ناسریەکان لە عێراق و وڵاتی دیکەشدا.... هتد. لەناو کوردیشدا تاڵەبانی و باڵێ لەحیزبی دیموکراتی کوردی ڕۆژهەڵات و پ ک ک و.... هتد.
کە تاڵەبانی کۆمەڵەی مارکسی لینینی کوردستانی دامەزراند نەیوویست خۆی بخاتە ڕوو. وەهای پێباش بوو خۆی لە پشتی پەردەوە بێ وەکو سکرتیری یەکێتی کە لە 3 بەش پێکهاتبوو، کۆمەڵە کە #نەوشیروان مستەفا# سکرتێری بوو + شۆڕشگێڕان کە د. فوئاد معصوم سکرتێری بوو + خەتی پان کە ڕیخستنی تێدا نەبوو، کۆمەڵێ ئاغاو شەخسیات بوون تەرتیبێکی پێکهێنابوو بۆ پەیوەندی لەگەڵ هەرکەسەو بەشێوەیەک. کاتێ کە ماوی بوو تاڵەبانی هیوای زۆری خسبووە سەر کۆمەڵە، نەوشیروان مستەفای کردبوو بە سکرتێری.
لە نیوزەنگ ساڵی 981 لەگەڵ نەوشیروان لە خێوەتەکەی ئەو دوو قۆڵی دانیشتبووین. لێمپرسی : تۆ وەکو سکرتێری کۆمەڵە ڕات چیە بەو ڕێکخراوە، چۆنی هە ڵدە سەنگێنیت؟ من قەناعەتم بەم ئیشە نییە نەوشیروان وتی ئەمە #مام جەلال# سەپاندویەتی بەسەرمدا. منیش قەناعەتم کرد کە ڕاستی کرد. دەیویست خۆی تەرخانکات بەس بۆ کوردایەتی.
، ،
لە حەفتاکاندا کە کۆمەڵە دامەزرێنرا ژمارەیەکی زۆر لە لاوانی کورد بە حەماسێکی بەرزەوە چوونە ڕیزەکانی کۆمەڵەی مارکسی لینینی
هۆکاری ئەمەش دەگەرێتەوە بۆ :
1 هەڵویستی چەوتی حزبی شیوعی عێراق پاش هەڵبژاردنی عزیز محمد بە سکرتێر لە 964 دا و خۆبەستنەوە بە بەرە کلکایەتییەکەی لە حەفتاکاندا لەگەڵ ڕژێمی سەدام و پشتکردنە میللەتی کورد لە ڕۆژانی سەختی ئاشبەتاڵی 975 دا... هتد
2 کاردانەوەی لاوانی کورد دژ بە داڕمانەکەی 975 و حەزو ئارەزوویان لەوە کە کوردایەتی و زیندوکردنەوەی خەباتی چەکداری داڕماو گرێدەن لەگەڵ خەباتی هەژاران لە پێناوی یەکسانی و عەدالەت لەسایەی ڕژێمی سۆشیالیستیدا.
هیچ ئامادەکاریەکی جدی لە یەکێتیدا نەبوو بۆ تەسقیفی ئەو لاوانەی دەهاتنە ناو کۆمەڵەو خۆشیان هیچ شارەزاییەکیان نە بوو لە تیۆری مارکسیدا. هەرئەوەندەیان دەزانی کە ئامانجی کۆتایی مارکسيستەکان دامەزراندنی سۆسیالیزمە. تاکو تروکێکیان نەبێ کە بۆیان ڕێکەوتبوو شت فێرببن و شت بخوێننەوە.
بەهەر حاڵبێ ئەو لاوانە بە ئاسانی ڕاکێشران بۆ ڕیزی، کۆمەڵە خۆیان خۆبەخشانە دەهاتن، بەڵام کەس نەیدە توانی بەهەمان ئاسانی دایانبڕێ لە کۆمەڵە. لێرەوە کێشەی کۆمەڵە لەگەڵ سەرکردایەتی یەکێتی (یان لەگەڵ تاڵەبانی) پەیدا بوو، لێرەوە ڕەگو ڕیشەی خیلافات هاتە ئاراو فکری جیابوونەوە کەوتە نەشونما. #مەلا بەختیار# کە بەرپرسی ڕێکخراوی کۆمەڵە بوو لە پارێزگای سلێمانی هەر خۆیشی بەرپرسی چالاکیەکان بوو لە هەوڵی جیا بوونەوەدا. یەکێ لە ئیشەباشەکانی مەلا بەختیار لە 983 دا ئەوە بوو کە بە ئاسانی لەگەڵ مندا ڕێکەوتین کە یاخی ببین هەرکەس لە سەرکردایەتی خۆی و پێشمەرگەکانمان ڕاپێچی ئەو شەڕە نەکەین.
بێگومان ڕێکەوتنەکەمان بەدەرنەبوو لەوە کە هەردوکمان چەپخوازبووین، لە ڕوانگەی چەپایەتیشەوە ئەو هەڵوێستەمان وەرگرت و هەردوکیشمان سزا دراین. ئەو سزایەش پاڵنەربوو بۆ مه لا به ختيار کە لە یەکیەتی جیاببێتەوە. دیارە کە لە 985 دا کە بە خێزانەوە گواستیەوە بۆ گوندی تەکیە لە قەرەداخ، پرۆژەی جیابوونەوەی لە مێشکی خۆیدا گەڵاڵە کردبوو. بەڵام من هیچ زانیاریەکی کۆنکرێتیم نەبوو لەسەر پرۆژەکەی هەتا سەفەرێکی کرد بۆسەرکردایەتی خۆیان و بە ڕویەکی خۆشەوە هاتەوە، وتی : ڕێکەوتین لەگەڵ سەرکردایەتی یەکیەتی. ئێمە لە ڕووی ڕێکخستنەوە جیادەبینەوە، لەڕووی سەربازیەوە هیچ جیابوونەوەیەک ناکرێ. گۆڤارێ دەردەکەین بە ناوی ئاڵای شۆڕش.
لیژنەی سەرکردایەتیمان 3 کەسن، من و پشکۆ و شێخ علی (خولە کەشکۆڵ). دیاربوو مەلا بەختیار زۆر دڵخۆش بوو بەم ڕێکەوتنە. منیش پیرۆزبایم لێکرد. شتێکی ئاساییە کراوە ئەگەر شتێ لە دیموکراسی هەبێ. بەڵام لەگەڵ نەبوونی دیموکراسیدا جیابوونەوە لە حیزب تاوانە و سزای قورسی بەدوادا دێت. ئەو ڕۆژە کە مه لابه ختيار سەرگەرمی چاپکردنی (ئاڵای شۆڕش) و گواستنەوە بوو بەرەو شارباژێڕ، بۆ بارەگای حیزبی تازەی لە پڕ هێزی چەکداری مەڵبەند بە سەرۆکایەتی جەبار فەرمان و شەوکەتی حاجی موشیر هاتنە تەکێ و ئابڵوقەی ماڵی ناوبراویان داو گرتیان و دەستیان گرت بەسەر هەموو شتێکیدا لەو گوندە.
نامەیەکیشیان پێنووسی بۆ مەفرەزەکەی کە چەکەکانیان ڕادەستی یەکێتی بکەن. بەم شێوەیە ڕێکەوتنەکەی مەلا بەختیارو سەرکردایەتی ینک پێشێلکراو دەرکەوت کە جیابونەوە لە ینک (وەک لە پارتی و لە حشعیش) قەدەغەیە. لەو ڕۆژانەدا دەنگۆیەکیش هاتە ئارا کە نەوشیروان مستەفا لەسەرەتاوە ئاگای لەم ڕێکەوتنە نەبوو، دوایی کە پێیزانی هەڵیوەشاندەوە.
کە لە 986 چوومە لای تاڵەبانی گلەیم لێیکرد لەسەرگرتنی مەلا بەختيار و هەردوو هاوڕێکەی پشکۆ و خولە کەشکۆڵ، وتم : بەناهەق ئەوانەتان گرتووە. بەقسەی مه لابه ختيار ئەوان ڕێکەوتبوون لەگەڵتان کە جیاببنەوەو ئاڵای شۆڕش دروستبکەن وەکو حیزبێ بۆخۆیان و هیچ هێزی چەکدار جیانەکەنەوە. هێز بە یەکگرتوویی بمێنێ لای ینک. جیابوونەوەی حیزبی مافێکی سروشتی خۆیانە. تاڵەبانی وەڵامی دایەوە، وتی : مەلا بەختیار داوادەکات بەریدەین و بیبەینە وڵاتێکی ئەوروپی و دوای ئەوەش مووچەی مانگانەی لەسەر ئێمەبێت.
ڕێگەم بدە بچمە لای و قسەی لەگەڵ بکەم من داوام کرد. تاڵەبانیش یەکێکی بانگکردو فەرمانیدا بمبەن بۆسەردانی مەلا بەختيار. پاش 10 خولەک گەیشتمە لای. لە ژورێک کە مەترێک خۆڵی کرابووە سەر لەسەیتەرەی بارەگای خودی تاڵەبانی. لەو ژوورەدا دووقۆڵی کەوتینە قسە، پێموت : سەرکردایەتی یەکیەتی ژمارەیەکی زۆری لەنامەکەت فۆتۆ کۆپی کردووەو ناردویەتی بۆ ئەم و ئەو. ئەگەر ئەوەمان نەکردایە ئیعدامیان دەکردین. جا توخوا ئەبو سەلام پیاو لە پێناوی چیدا ئیعدام بکرێ؟ ئەم وەڵامە نالۆژیکیە زۆر پەستی کردم.
، ،
بەڵام من لێرەدا لەگەڵ حەپسێکدا قسەدەکەم کە بە ناهەق گیراوە. جگە لەمەش خۆی حیزبەکەی خۆی ینک باش دەناسێت و دەزانێت پیاو کوشتن لەلایان ئاساییە.
بابەتی قسەم گۆڕی، پرسیم : -مامەڵەيان لە گەڵتدا چۆنە؟ زۆر باشە، هیچ عەیبی تێدا نیە. تاڵەبانی دەڵێ : م ب دەیەوێ بیبەینە وڵاتێکی ئەوروپا و لەوێش مووچەی مانگانەی بدەینێ، ئێمە بەخێویکەین. شتی وەهام نەوتووە. با لەم دەرگایەوە بمکەنەدەرەوەو پارەی خواردنی ئەم ماوەیەی سجنیشم لیوەرگرنەوە.
چوومەوە لای تاڵەبانی و هەموو قسەکانی م ب م بۆ گێڕایەوە. تاڵەبانی وتی : ڕاستی ئەوەیە نەوشیروان پێیداکوتاوە. بڕۆ قەناعەتی پێبکەو هەر ئیستە بەری بدەن. پاش مانگێ مەلا بەختیارو سالار عەزیز یەکتر دەدەنە بەرشەق و هەڵدەوەشێنەوە. ڕۆژی دواتر چووم بۆ بارەگای نەوشیروان لە گوندی بەرگەڵوو.
داوای بەردانی مەلا بەختیارم لێکرد، هەوڵ و مناقەشەیەکی زۆرم کرد بێ سوود بوو، وتی : بەری نادەین، باوەڕی پێناکەم چونکە درۆی زۆر لەگەڵ کردوین. پێموت ئەم هەڵوێستە زۆر نابەجێیە و ناهەقە. گەڕامەو هیچم پێنەکرا. ئەمەو من خۆم ڕازی نەبووم لە هەڵوێستی مەلا بەختیار، پێموابوو ئەگەر ئەو نامەی پاکانەشی نەنوسیایە ئیعدامیان نەدەکرد. ئەگەر ئیعدامیش بکرایە نە دەبوو نامەکەی بنووسیایە.
سەرنج: ئەم بابەتە بەشێک لە بیرەوەرییەکانی بەهادین نورییە.[1]

فێستیڤاڵتان باش..
بەخێربێن بەسەرچاو، میوانان، دۆستان، خەڵکی شارە حەیاتەکەو کوردستان..
بەدڵخۆشی نەیاران و بەئازادکردنی گەردنی نەیارانی فێستیڤاڵ، وا فێستیڤاڵمان گەیاندە، چوارهەمین فێستیڤاڵ..!
هەموو ساڵێک جۆرێک لەگرفت بۆ فێستیڤاڵ دروستدەکرێ، ئەمساڵ بەجۆرێک، ویسترا پیشان بدرێ کە کێشەی یاسایی هەیە، ئەویشمان تیپەڕاند بە بێئەوەی هیچ و کەس و دەزگایەکیش لەخۆمان بتۆرێنین. ئێستاش دەیڵێین: ئێوە بێباک بن و ئێمەش بێباکین، ئەوە هەموو ئەرشیفی فێستیڤاڵ لەبەردەستاندایە. ئێمە باوەشمان بۆ هەمووتان کراوەیە.
ئامادەبوان..
ئێمە وتمان تا شەشەمین فێستیڤاڵ لەگەڵ ئەم فێستیڤاڵە دەبین، بەندە دوو فێستیڤاڵی تر قەرزارم کە لەگەڵیاندا بم. دڵنیابن دەیگەیەنینە شەشەمین فێستیڤاڵ و لەشەشەمین فێستیڤاڵدا، فێستیڤاڵ لەخەمدەڕەخسێ و ئیتر هیچ کۆسپ و تەگەرەیەک ناتوانێ، ڕایبگرێت. بەڵکو دەروازەکانی جیهانیشی بۆ دەکرێتەوە.
دەوترێ، فیلممان نییە، فێستیڤاڵمان بۆ چییە؟! ئەی ئەم هەموو پێشانگەی ئۆتۆمبێلەمان بۆچییە کە ناتوانین پایسکیلێکیش دروستبکەین. ئەی ئەم هەموو پێشانگەیەمان بۆ چییە بۆ گیرفان! لەکاتێکدا فێستیڤاڵ بۆ ویژدانە. ئەمیش تێدەپەڕێنین.
سینەما شوناسێکی جیهانی هەیە، کولتوری جیهانییە، سینەما ڕۆشنگەرییە، سینەما شارستانیەتە، نە ڕۆشنگەریی و نە شارستانی قۆرغ ناکرێ و تەلبەند ناکرێ بە ئەقڵە دواکەوتووەکان. فێستیڤاڵ بەردەوام دەبێت و مێژووی سینەمای کوردیش دەوڵەمەند دەکات، بەمێژوییەکی دەوڵەمەندتر و نەمریش دەبێ. سینەماسازان و هونەرمەندانی کوردستان، نەمرن.
ئامادەبوان، تەمەنی دەسەڵات، سیاسەت، دوو هەزار ساڵ پتر پێش زاینە، بەڵام تەمەنی سینەما بۆ سەدو پەنجا ساڵێک دەڕوا، با بزانین ملیۆنەها سیاسەتمەدارو دەسەڵاتداری ملهور لەمێژوودا نەمرن، یا هونەرمەندەکان لەمێژوودا نەمرن؟ کامیان نەمرن!
ئێمە ئومێدەوارین، بەهاتنی ئەم میوانە ئازیزانە، لەئێران، لەوڵاتانی ڕۆژئاوا، لەوڵاتانی عەرەبی، دراوسێکانمان، هزری هونەری سینەمازانی کوردستانیش موتوربە بکەن و توانای داهێنانیان بگەشێننەوە. ڕۆژگاریش یارمەتیدەرمانە، ئەگەر خۆمان یارمەتیدەری خۆمان بین. هەلومەرجی جیهانی، تەکنیک و تەکنەلۆجیای جیهانی، نەمانی سنورەکان وەکو بەربەست لەبەردەمماندا، هەموو ئەمانە یارمەتیدەرمانن کە ئێمە لەسەردەمی جیهانگیریدا، قەرەبوی سەردەمە تاریکەکانی ڕابردوو بکەینەوەو ببین بەخاوەن سینەماو فێستیڤاڵی باشتر لەمە.
خۆشحاڵین بەئامادەبوونتان، میوانانی بەڕێز..
بێڕادەش سوپاسی هەموو ئەو بەڕێزانە دەکەین، کە تائێستا بودجەی فێستیڤاڵ سەرف نەکراوە، بەڵام نەیانهێشت فێستیڤاڵ پەکی بکەوێ. بە پەکنەخستنی فێستیڤاڵ، لەلایەن ئاسیا سێڵ و جەنابی کاک فاروق و هەموو ئەو جەنابانەی یارمەتیانداوین کە دوای باس دەکرێن، جارێکی تر سەلمێنرایەوە: ئەم شارە، هەر شاری هەڵمەت و قوربانی نییە، هەر بەڕاستی شاری داهێنان و پایتەختی ڕووناکبیرییە.
زۆر سوپاس بۆ ئامادەبونتان، نامەوێ کاتتان لەم فێستیڤاڵەدا بەقسەی تر بکوژم، بەڵام تەنها ئەوەندە دەڵێم:
ئەگەر ئێوە لەمن ڕادەبینن، بەردەوام بم، ئەوا دڵنیابن لەخزمەتی هەموو بوارەکانی هونەردا دەبم، هەر سەربەرز بن[1].
#01-10-2019#

#سەعدی ئەحمەد پیرە#، ئەندامی مەکتەبی سیاسی #یەکێتیی نیشتمانیی کوردستان#، لە وتووێژێکدا لەگەڵ بەشی کوردی دەنگی ئەمەریکا بە توندی هێرشی کردە سەر #مەلا بەختیار# دوای بڵاوبوونەوەی تۆمارێکی دەنگی کە دەگوترێت هی مەلا بەختیارە و تێیدا چەند سەرکردەیەکی یەکێتی بە گەندەڵی و خیانەت تۆمەتبارکراون.
سەعدی پیرە ڕایگەیاند، پێم وایە کاک بەختیار کای کۆن بەبا دەکات؛ ئەو بابەتانە پێشتر قسەی لەسەر کراوە. لە سەرکردایەتی یەکێتی قسەی لەسەر کراوە و پلینێومێکی لەسەر گیراوە هەریەکە سزای خۆی وەرگرت. ئەوەی ڕاست بوو سزایان وەرگرت و ئەوەی ڕاست نەبوو دەستبەکاربوون، بەتایبەتیی ئەو سێ کەسەی کە ئەو ناوی هێناون.
تۆمارە دەنگیەکە، کە دەنگی ئەمەریکا ناتوانێت سەربەخۆ پشتڕاستی بکاتەوە، زیاتر لە سێ خولەک و نیوە و تێیدا چەند سەرکردەیەکی باڵای یەکێتی، لەنێوانیاندا سەعدی پیرە، تۆمەتبارکراون بەوەی کە گوایە فایلی بەعسیبوونیان هەبووە و پێشتر موچەیان لە ڕژێمی بەعس وەرگرتووە.
تا ئێستا یەکێتی هیچ هەڵوێستێکی فەڕمی لەسەر ئەم تۆمارە دەرنەبڕیوە و هەوڵەکانی دەنگی ئەمەریکا بۆ وەرگرتنی لێدوانی مەلا بەختیار سەرکەوتوو نەبوون.
سەعدی پیرە بە دەنگی ئەمەریکای ڕاگەیاند کە ئەو سکاڵای یاسایی لە دژی مەلا بەختیار تۆمار نەکردووە بەهۆی ئەوەی بابەتەکە کەسی نییە و دەیەوێت لە ڕێگای حیزبەکەیەوە یەکلایی بکرێتەوە.
بەڵام لە هەموو حاڵەتەکان مەلا بەختیار ناتوانین جارێکی تر وەکوو پیاوێکی هاوسەنگیی مەعقول سەیری بکەین.
هەروەها وتی، هەرچی بڵێم بە کاک مەلا بەختیار کەمه.‌ بەڵام مەلا بەختیار تەوازنی تێکچووە و تووشی هیستریایەک بووە، دەیەوێت ناوی خۆی بێنێتە ناو ناوان. پێم وایە دەیەوێت دەستە چەورەکەی خۆی بەسەر ئەوانی تردا بسڕێتەوە. هەموو ئەو شتانەی باسی دەکات ئەگەر لەسەر ئەو موناقشەی لەسەر بکەین لە هیچیان دەرناچێت. [1]

شوێن: باشوری کوردستان
رۆژ یان ساڵی گیرانی وێنەکە: هەشتاکانی سەدەی بیستەم
کەسایەتییەکانی ناو وێنەکە: شەهید هاوڕێ کاوە مەخموری و #مەلا بەختیار#
وەرگیراوە لە پەڕەی: پێشمەرگە هیوای گەلێک[1]

شوێن: #سلێمانی#
ڤیدیو: #عەبدوللەتیف ئەحمەد مستەفا# وەڵامی #مەلا بەختیار# دەداتەوە.
ڕۆژ و ساڵ: #08-09-2022#
[1]

[1]