ئا خورماوې شمە واردې، ئېمە بە پېشەکاشا کېڵې کەرمې
ئی پەندې بە تەرزێ تەریچ هەنە، وەڵیناما واتەن؛ ئا خورماوې تۊ واردە، پېشەکەش ئینا باخەڵەو منەنە، یانی هەر چېوێ، هەرمانێ، کارێ، تۊ گەرەکتەن بکەریش من هاگام چەنەشەن و چۆسەرشۆ مەوە، من بېئاگا نییەنا چانەی تۊ خەریکشەنی.
یانی ئا هەرمانی، ئا باس و بابەتە هەکە شمە کەرېندېش و خەریکې کەرڎەیشەندې و ئەجۊتا ئېمە بې هاگێنمې چەنەش، دڵتا پانەی وەش نەبۊ و بەرەجیۊتا بېخەبەرېنمې چەنەش، دلېگەرەکەش و لایەنە پەنامەکییەکېش ئینێ لاو ئېمۆو بە ئەقڵو وېما ژڵېۋنمېشا و مارمېشا و بەرمېشا. ئینە وەنەشنیەیێوە فرە بەهېزا، باسەکە یا هەرمانەکې شنیێنە بەخورماوی و جەوهەرەکەش شنیان بەپېشەکاش، یەرې لایەنې وەنەشنییەکەی باس نەکریێنې بەکەسێوە یان کەسانێوەش ماچا هەکە سەرگەرمو هەرمانێوە یان بابەتێوەن بە دزییۆ ئەجۊش کەسی پەنە نەزانان و پې قسې چڵاکیۊرەو خەفەتش پەنە مەوەرۊن.[1]