ئا بەڼە بەتۊ وانمەڎریۊ
بەڼ؛ یام پەنەش ماچمې نەی، پەی کڵاش چنییەی و چېو وراستەی بەکارمێ. پەی ئانەی بەڼەکە خاو و زاییف نەبۊن، سەرێش مەگیرنا میانو پەنجا قاچی و بە دەسې سەرەکەی تەریش وا مڎان، ئیتر پا تەرزە هەم قاییمە مەبۊن و هەم کرژە مەبۊوە. پېسە پەند و مۊچیاریێ کەسێ بە کەسێتەریش ماچۊ:
یانی ئا هەرمانې کە تۊ دەسپەنەکەردېنەو لوانۍ چېرش، قورسەنەو بەتۊ نمەیاوۊ مەرام، هەرمانێ، کارێ، مەسەلێوە ئینا دلېنەو مەشیوم کریۊو تەمامیۊنەو بییاوۊ بە مەرامو وېش بەهەر نییەتێوە بۊ، کەسێ دەسش پەنەکەرۊو خەریکشەن، چۆلاوە کەسێتەر هەکە هاگاڎارو ورد و دشتو چېوەکەین و ئانەی مشۊن هەکە پەنەیچش وەشنەبۊن ئا کەسە چېوەکەی ژڵیونۊن، ئی واتېشە پەنە ماچۊن. واتەکېچش بڕێجار پېسە تالېقدایەن و بڕێ جاریچ پېسە دڵسۊزیشەن کە پەی ئانەی کەسی وەراوەر نەگنۊ دلۍ هیلاکی و دماتەریچ مایېش نەبۊن، ڕاسەکېش پەی بەرمەوزۊن.[1]