خوەندەکارەکێ کورد ل هۆڵەندا خەڵاتا سپاتوڵایا زێڕین پێ هات بەخشین کو خەڵاتەک تایبەتە ب بوارێ زانستێ کیمیایە و ژ ئالێ کۆمەڵەیا کیمیاییا شاهانە یا هۆڵەندا دهێتە بەخشین.
(سپاتوڵایا زێڕین -Gouden Spatel) ب واتایا کەفچکێ زێڕین دهێت.
ئەڤ خوەندەکارە کوردێ کو ئیساڵ (2024) خەڵات پێهاتییە بەخشین ناڤێ وی میتان باخەوانە، وی خوەندنا بەکالۆریۆس ب پلەیا نایاب ل قوتابخانەیا باڵایا باژێڕێ نایمێخن تمام کرییە و ناڤێ وی چوویە لیستا 10 باشترین خوەندەکارێن کو تێزا نایاب لسەر زانستێ کیمیا ئامادە کربوو.
ئامادە کرنا ئەوێ تێزێ وەکە پێداویستییەک سەرەکە ژبو دەستڤە ئانینا باوەڕنامەیا بەکالۆریۆسێ یە.
تێزا میتان باخەوان دەربارێ پێشڤەبرنا ڕەوتێ کارێ چەوری ژبو ناسین و ژماردنا فۆسفۆلیپیدییان بو بکارئانینا جودا کرنا چالاک بوویا ئەلکترۆنی و کرۆماتۆگرافیا شل - سپێکترۆمێترا بارستەیی -Development of a Lipidomic Workflow to Identify and Quantify Phospholipids using Electron-Activated Dissociation and Liquid Chromatography Time-of-Flight Mass Spectrometry، بوویە.
ئەڤان 10 خوەندەکارێن کو بەرهەمێن وانا هاتبوون هەلبژێراردن، هەڵسەنگاندن ژبوی هاتە کرن و سێ خوەندەڤان ماینە، ل ناڤ ئەڤان سێ کەسان ژی، میتان پلەیا ئێکەم بدەستڤە ئانییە. =KTML_Embed_Begin=width:20%;height:20%;float:right;=KTML_Embed_Alt=خوەندەکارەکێ کورد ل هۆڵەندا خەڵاتا سپاتوڵای زێڕین بەدەست دهینیت=KTML_Embed_Source=https://www.kurdipedia.org/files/relatedfiles/2024/606517/0001.MP4=KTML_Embed_End=
کۆمەڵەیا کیمیاییا شاهانەیا هۆڵەندا (KNCV) ل ساڵا 1903 هەتیە دامەزراندن، مەزنترین کۆمەڵەیا پیشەییا کیمیاییە ل وڵاتێ هۆڵەندا. ئەندامێن وێ ل کەسانەک پێکدێت کو حەزا پیشەیی ژبو مۆلیکوڵیان هەیە و کیمیاکاران، زانایێن زیندەزانی، تەکنەلۆجیستەکانی پرۆسێسا کیمایی و زانایێن بایۆ-مۆلیکیوڵەکان لخوە دگریت.
کومەڵەکە نێزی 8500 ئەندام هەنە کو بەردەوام کاردکەن ژبو بەرهەمئانینا هەمەجور و دەولەمەندێن بوارێ گەردیلەیی. هەروەسا ل بوارێن بازرگانی، پەروەردە و فەرمانگەهێن حکومی کاردکەن ئانکو ل زانینگەهان و فەرمانگەهێن خوەندنا بڵند ل هۆڵەندا دخوینن.
ئەڤ کومەڵەیە ل ساڵا 1982 ژبو هاندانا زۆرترا خوەندەکارێن بوارێ کیمیا و پێشخستنا زانستێ کیمیا ل وڵاتێ هۆڵەندا، ساڵانە خەڵاتێن زێڕین و پاداشتێن ماددی ژبو ئێکەم باشترین تیزێن خوەندنا کیمیا ل زانینگەهان دبەخشیتە خوەندەڤانان.
دەستەیا سەرپەرشتیارێن تێزا میتان کو ل سێ پڕۆفیسۆران پێکهاتبوون، ژێڕی ڕاگهاندبوو کو تێزا وی ئێکەک بوویە ل بابەتێن ئاڵۆز یێن بوارێ کیمیاگەری و نڤیسینا تیزێ لڤی بابەتەی کارەک سانا نەبوویە ژبو ئاستی زانستیێ خوەندەکارەکێ بەکالۆریۆسێ.
ڕێکەفتا #10-10-2024# ل ئاهەنگەک مەزندا خەڵات هاتن دابەشکرن، خەڵاتا ئێکەم کو ناڤێ وێ سپاتوڵای زێڕین بوو دایە میتان.
نها (2024) میتان مژویلی باوەڕنامەیا ماستەرێیە ل کیمیایا ئەندامی ل زانینگەها ئەمستەردام ل هۆڵەندا.
[1]