$ژیاننامە$
ناڤێ من (هاوڕێ قادر ڕەسوڵ) ە.
خودێ ژێ ڕازی باپیرێ من # ڕەسوڵە خڕە# ل ساڵێن بیستا یێن سەدەیا 20ێ ڕە و پشتی ژدەستدانا تەڤایا ماڵباتا خوە د ڕیدانێکێ دە ل پشدەرێ هاتییە سلێمانی یێ. ژیانا خوە و ماڵباتا خوە یا مەزن ب هوستاییا خشت و کارێن قوڕێ و باخداریێ بڕێڤە برییە.
خودێ ژێ ڕازی بابێ من هوستا #قادر ڕەسوڵ مەحمود# ل سلێمانیێ ژدایک بوویە و ژبو هەیامەکێ زور هوستایێ بیناسازی و پشتڕە کارێ مقاولاتێ کرییە. پشکا هەرە زورا گەرماڤێن سلێمانی و #سینەمایا دڵشاد# کارێ دەستێ وی بخوەنە. ب مخابنیڤە ل ژیانێدە نەمایە.
دەیکا من قومری شەمەیی ژیک هەر ل سلێمانیێ ژدایک بوویە. خودێ ژێ ڕازی باڤێ وێ (حەمە شەمەیی) ل ساڵێن سیها یا سەدەیا بیستێ ل شارەزوورێ هاتییە سلێمانی یێ و پیشەیا وی کوتاڵفروشی و بارزگارنیا تووتنێ بییە.
ل ڕوژا 28ی فێبریوەرییا ساڵا 1966 ل تاخا #گۆیژە# یا باژێڕێ #سلێمانی#ێ ژدایک بوویمە.
$جهێ نیشتەجهی و بارێ خێزانی$
ڕوژا 5یا مارتا 1992 من وەڵات بەرەڤ سووریا و پشتڕە لوبنان تەرک کر و ل دوماهیکا وێ ساڵێدە ل وڵاتێ هۆڵەندایێ دژیم. لوی دەمەی ڕە تەڤی #بەناز جۆڵا# یا هەڤژینا خوە لەوێرێ دژین و کوڕەک و کچکەک من هەنە بناڤێن (میتان و ئارتین) .
$خوەندن$
• هەر ل سلێمانی یێ خوەندنا سەرەتایی و ئامادەیی – د بوارێ وێژەیی من تمام کرییە.
• ساڵا 1984 چوویمە پشکا یاسایا کولیژا یاسا و ڕامیاریی یا #زانینگەها موسڵ#ێ. ساڵا 1986 لبەر پشکداری نەکرنێ د خولا ڕاهێنانا سەربازییا داگیرکەرا بەعس، ژبو ماوێ 2 ساڵان لە زانینگەهێ هاتم دوورخستن و ساڵا 1988 ێ ژبو جارەک دن دەست ب خوەندنێ کر و ل ساڵا 1990دا باوەڕناما کولیژا یاسا بدەست خوەڤە ئینا. هەر ل هەمان ساڵێشدە بوومە پارێزەر و پشتی دەمەکێ کورت من واز لێئینا.
• لیسانسا ئای تی ل هۆڵندایێ.
• ب دەهان ڕاهێنان و باوەڕنامە ل بوارێن: ئای تی، ڕێڤەبرنا زانیاری، ڕێڤەبرنا پڕۆژە و پڕۆژەیێن ئای تی یێن پەیوەندیدار ب کاروبارێن یاسایی و دادگەهێن نێڤ نەتەوی.
$نڤیسین و کارێ ڕوژنامەگەری$
ل ژیێ زاروکی ڕە خولیایێ خوەندن و نڤیسینا هەلبەستان بویمە، لێ هەیا نها یەک دێڕا هەلبەستان من بەڵاڤ نەکرییە. هاڤینا 1978 هندەک ل ماڵا مە شەوتیا و دەفتەرا هەلبەستێن من ژی تەڤی وێ پشکا مال شەوتیا و لوێ دەمی هەیا نها من هەلبەست نەنڤیسینە.=KTML_Photo_Begin=https://www.kurdipedia.org/files/photos/2010/10757.JPG=KTML_Photo_Alt=هاوڕێنامە بۆ مێژووی کوردستان و کورد=KTML_Style=width:300px;height:25%;float:left;=KTML_Photo_Target_Link=https://www.kurdipedia.org/files/photos/2010/10757.JPG=KTML_Photo_End=

پشتڕە من خوەندنا چڕ یا دیروکی و ڕامیاری دەست پێکر و ئێکەمین ڤەکولینا دیروکی ل ساڵا 1986 نڤیسی. ئەڤ دیڤچوونا من ل دەستپێکا ئەنفالێدە تەڤی دەفتەرا بیرەرەوەرییا پێشمەرگایەتیا من ل گوندێ #شەمە# یا #شارەزوور#ێ حەشار دا و لێ ب مخابنیڤە ئەو ژی وەندا بوون.
$چالاکی یێن سیاسی$
ل ناڤەڕاستا ساڵێن هەشتێ یا بوومە ئەندامێ #پاسۆک#، هەم وەکە ڕێکخستن و هەم وەکە پێشمەرگە. ل پاسۆکێدە ناسناڤێ من (ئامانج) بوو. هنەک جاران ئەز گەلەکێ چالاک بووم و هنەک جاران ژی سست. لێ بەری کوو پاسۆک تەڤی هنەک حزبێن تر تێکهەل بیت من واز ل پاسۆکێ هینا.
$کار$
• ل 1998 هەیا 2003 ل چەند کۆمپانیای یێن هۆڵندی و ئنتەرناسیۆناڵ وەکە پرۆگرامەر کارێ خوە کرییە.
• ماوێ 12 ساڵان کارمەندێ ڕێکخراوا نەتەوەیێن هەڤگرتی بووم و ئەخیر پۆستێ من ل دادگەها لاهای سەروکێ پشکا پشتگیرییا دادگەهێ بوو.
• پشترە بو ماوێ دوو ساڵان ل دادگەها کۆسۆڤۆ ڕێڤەبەرێ بەرنامەیا Legal Workflow بووم.
• ل ساڵا 2021 ێڕە هەمی دەمێ خوە من ژبو کوردیپێدیایێ دانایە.
$بەڵاڤوکێن من$
• ڤەکولین لسەر ڕاپەڕینا بەهارا 1991یا باشوورێ کوردستانێ - چاپا ئێکێ - هۆڵەندا - 1994.
• پڕۆژەیا پارتیا نەتەویی یا کورد - چاپا ئێکێ - هۆڵەندا - 1994. چاپا ددویان - هۆڵەندا - 1995. چاپا سێهەم - هەڤلێر - 2002 – ل بەڵاڤکرنا ڕوژنامەیا میدیا - چاپخانەیا ئۆفسێتا هەڤلێرێ.
• کوردستان... نیشتمانا ئێکەمین یا سۆمەرییان - چاپا ئێکێ - هۆڵەندا - 1996. چاپا ددوویان - دەزگەها چاپ و بەڵاڤ کرنا ئاراس - کوردستان هەڤلێر - چاپخانەیا وەزارەتا پەروەردە - ژمارەیا سپاردن: 91 - 2003.
• هاوڕێنامە بو مێژوویا کوردستان و کورد (ئێکەمین کڕۆنۆلۆژیایا زانستی ژبو کوردستان و کورد) - چاپا ئێکێ - بنگەها چاپ و پەخشا سەردەم - زنجیرەیا (16) - چاپخانەیا ڕوون - سلێمانی - 1999.
• ئاڵای کورد بۆچی نا؟! تاکوکەی؟! - چاپا ئێکێ - دەزگەها چاپ و پەخشا سەردەم - زنجیرەیا (117) - سلێمانی - 2001.
• ڕۆژی شۆڕش یان ڕۆژی تیرۆر - چاپا ئێکێ - ئۆکتۆبەرا 2003 - چاپخانەیا وەزارەتا ڕەوشنبیری - ژمارەیا سپاردن: 301 - کوردستان - هەڤلێر.
• وشە پەڕتەوازەکان - بەرگی 1 - کومکریا 100 گوتار و کوورتە لێکۆڵین کو د ناڤبەرا ساڵێن 1995 و 2005دا ل گوڤار و ڕوژنامە و ماڵپەڕێن کوردی و بیانی ل کوردستان و هەندەرانێدە هاتینە بەڵاڤکرن - ژمارەیا سپاردن (1994) یا ساڵا (2008) ی وەرگرتییە - چاپخانەیا سیما - 2009 - کوردستان - سلێمانی.
• وشە پەڕتەوازەکان - بەرگی 2 - چاپا ئەلکترونی.
• وشە پەڕتەوازەکان - بەرگی 3 - چاپا ئەلەکترونی.
• وشە پەڕتەوازەکان - بەرگی 4 - چاپ ئەلەکترونی.
• ئەدەبیاتی کاژیک - کۆمکریا بەڵاڤوکێن کاژیک - چاپا ئەلەکترونی.
• بەراووردەکانی ژیان - پرس و ڕایەکە بەراووردکارییە ژبو بەرەڤ نەتەویی بوونێ - 2009 - چاپا ئەلەکترونی.
• دەستوورم واهی خوێندەوە - کۆمەک ڕەخنە و تێبینیی یێن یاسایی، زمانەوانی و لۆجیکییە لسەر پڕۆژەیا دەستووری یا هەرێما کوردستانێ - 2009 - چاپا ئەلەکترونی.
• زمانی کورد، بگونجێنە بۆ 0 و 1 - 2014 - چاپا ئەلەکترونی.
• ڕۆڵی ڕووداوەکانی شنگال لە پێشخستنی دۆزی کورد - 2016 - چاپا ئەلەکترونی.
• دور احداث شنکال في تطوير القضية الکردية، ترجمة ميران حسين - 2016 - چاپا ئەلەکترونی.
• من و کوردایەتی؛ (دەستپێکەک ژبو گفتوگۆیا ئەفسانەیێن کوردایەتی) - 2018 - چاپا ئەلەکترونی.
د دەهان پڕۆژەیێن ئەرشیڤیی یێن مەزندە پشکدارێ سەرەکە بوویە و کو ل بەڵاڤوکێن کوردیپێدیایێدە هاتینە پەخش کرن. (سەرا ل بابەتێن پەیوەستکری بدە – پەڕتووکخانە)
هەروەسا گەلەک ل وتار و کوورتە لێکولین کو ل ڕوژنامە و گوڤار و ماڵپەڕێن کوردی و بیانی دە ل 1995 هەیا نها هاتینە بەڵاڤ کرن.
$کوردیپێدیا$
من ل ساڵا 2008دە #ڕێکخراوا کوردیپێدیا# دامەزراندییە.
$پەیوەندی$
=KTML_Link_External_Begin=http://www.bakhawan.com=KTML_Link_External_Between=http://www.bakhawan.com=KTML_Link_External_End=
=KTML_Link_Facebook_Begin=https://www.facebook.com/bakhawan=KTML_Link_Facebook_Between=فەیسبووکا هاوڕێ باخەوان=KTML_Link_Facebook_End=
=KTML_Email_Begin=hawreh@bakhawan.com=KTML_Email_Between=hawreh@msn.com=KTML_Email_End=
=KTML_Tel_Link_Begin=0031654710293=KTML_Tel_Link_Between=0031654710293=KTML_Tel_Link_End=
=KTML_Tel_Link_Begin=009647706324576=KTML_Tel_Link_Between=009647706324576=KTML_Tel_Link_End=