گەز: دارێکی جوانی گەڵاباریک و نووک تیژە، دارێکی بەتەمەنە له لێواری زێ و زەوییه شێدارەکانی ناوچە گەرمەکان زۆر دەڕوێت، گەڵاکەی بەتەڕیش دەسووتێ، ڕەگەکە ی زۆر بەقوڵایی زەویدا دەچێتە خوار، باڵای (10-15) مەتر دەبێت. بێجگه له حوشتر ئاژەڵان حەز به خواردنی ناکەن.[1]
گەز Tamarix
لە کوردستاندا، لە نزیک کانیاو و بە چڕی لە کەناری ڕووباردا هەیە دار و دەوەنی بچووکن، لقەکانیان ورد و باریک و درێژن، گەڵاکان شێوە دەرزی یان پەڕپەڕی بچووکن، گوڵی زۆر و وردی هەیە، ئەگەر بە قەڵەم بچێندرێ چەندین قەدی لێ دەبێتەوە، بەڵام ئەگەر بە تۆو بێت تەنیا یەک قەدی دەبێت ئەم جۆرە زوو گەشە دەکات و بەرگەی وشکی و شۆرەکات دەگرێت ئەم جۆرە لە عێراق و کوردستان ڕەسەنە، زیاد کردنی بە شێوەیەکی سروشتی بە تۆو زیاد دەکرێت، لە نەمامگەشدا بە قەڵەم زیاد دەکرێت.[2]