Dr. Ebdullah Încekan (bi tirkî: Abdullah İncekan) germanîst, û nivîskarê çend pirtûkan e.

Încekan di sala 1977an de hat dinê. Wî dibistana ewil li gundê xwe xwend û dû re bi malbata xwe re koçê Almanyayê kir. Li wir wî li dû dibistana navîn û lîseyê li zanîngehê beşên Germanîstîk û Tirknasiyê xwendin. Di teza mastera bilind de wî hin xalên di zimanên kurdî û almanî de da berhev û ev xebat jî li eynî zanîngehê hat weşandin.
Wî beşên Almanî wek Zimanê Dudiyan û Pedagojiya Înterkulturel piştî herdu beşên ewil xwendin û di sala 2003yan de qedand. Ew niha li lîseyekê wek mamosteyê ziman û wêjeya almanî dixebite. Ebdullah Încekan di sala 2018yan de doktoraya xwe ya li zanîngeha Bambergê li Almanyayê di beşa General Linguistic de qedand û pileya Dr. wergirt.

Berhemên wî:
.Pirtûka wî ya yekem Verbvalenz im Kurdischen und Deutschen e.
.Pirtûka wî ya duyem Ez Kurdî Hîn Dibim - Pratik Kürtçe Dersleri ye.
.Pirtûka wî ya sêyem Kurdisch kompakt e.
.Pirtûka wî ya çarem Eine Hand voller Sterne im Unterricht e.
.Pirtûka wî ya pêncan Şivan Perwer - Efsaneya Zindî ye.
.Pirtûka wî ya şeşem Ez Kurdî Hîn Dibim - Gecisli Fiiller ve Ergativ e.
.Pirtûka wî ya heftem Compact Kurdish-Kurmanji ye.
.Pirtûka wî ya heştem Ji Şairekî Ciwan re Name werger ji Rainer Maria Rilke ye.
[1]