خەندان - ڕەهێل سەمەد
لە چوارچێوەی هەڵمەتی نیشتیمانی کوتانی منداڵان دژی نەخۆشی ئیفلیجی منداڵان کە بڕیارە سبەی دەست پێبکات، 13 هەزار منداڵ لە ئاوارەکانی ڕۆژئاوا لە هەرێمی کوردستان دەکوترێن.
د.خاڵس قادر وتەبێژی وەزارەتی تەندروستی حکومەتی هەرێمی کوردستان بە خەندانی ڕاگەیاند: بڕیارە سبەی (6ی نیسانی 2014) هەڵمەتی نیشتیمانی کوتان دژی نەخۆشی ئیفلیجی منداڵان دەست پێدەکات و ماوەی چوار ڕۆژ بەردەوام دەبێت.
د. خالس قادر وتی: "له و هەڵمەتەدا 690 هەزار منداڵ تەمەن خوار پێنج ساڵ (کوترابن یان نەکوترابن) دەکوترێن".
ئاماژەشی بەوەدا کە هاوکات 13 هەزار منداڵی تر لە ئاوارەکانی ڕۆژئاوا لە هەرێمی کوردستان له و هەڵمەتەدا دەکوترێن.
سەبارەت به و نەخۆشیە، وتەبێژی وەزارەتی تەندروستی وتی: "ماوەی 14 ساڵە ئه و نەخۆشییە لە هەرێمی کوردستان تۆمار نەکراوە، بەڵام بەهۆی هاتنی ئاوارەکانی ڕۆژئاوای کوردستان و ناوچەکانی تری عیراق مەترسی سەرهەڵدانەوەی ئه و نەخۆشییە لە هەرێمی کوردستان دەکرێت، بۆیە وەزارەتی تەندروستی ڕێوشوێنی پێویست دەگرێتەبەر".
- 05-04-2014
Denna post har skrivits in (کوردیی ناوەڕاست) språk, klicka på ikonen
för att öppna objektet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 13,489 gånger
Skriv din kommentar om den här artikeln !