$باکووری کوردستان$
- ئێوارەی ئەمڕۆ بومەلەرزەیەکی بەهێز بە گوڕی 5.1 پلە بە پێوەری ڕێختەر و لە قوڵایی 10 کیلۆمەتر ژێر زەوی خۆرئاوای شاری مەلاتێی باکووری کوردستانی هەژاند.[1][2]
$رۆژئاوای کوردستان$
- سەرەڕای کارەساتە گەورەکانی بوومەلەرزەی باکوور و ڕۆژاوا، داگیرکەری تورک ئەمڕۆ ڕۆژاوای کوردستانی بۆمبارانکرد.[2]

#بافڵ تاڵەبانی#، سەرۆکی یەکێتیی نیشتمانیی کوردستان لە دەباشان پێشوازی لە دکتۆر #عەبدوللەتیف ئەحمەد مستەفا# کرد.
لە دیدارێکدا گفتوگۆ لەبارەی قووڵکردنەوە و پەرەپێدانی گیانی تەبایی و پێکەوەژیان کرا و جەخت لە هەماهەنگی و هاریکاری زیاتر کرایەوە لەپێناو گەشەپێدانی ئەو ئاشتەوایی و پێکەوەییەی لەنێوان نەتەوە و پێکهاتە جیاوازەکاندا هەیە و پارێزگاریکردن لەو بەها باڵایانەی پەیوەستن بە کایەکانی ژیانەوە.
سەرۆک بافڵ بە گرنگییەوە ئاماژەی بە ڕۆڵی مامۆستایانی ئایینی کرد لە هۆشیارکردنەوەی کۆمەڵگە و ئاڕاستەکردنی هاووڵاتیان بەرەو تەبایی و پێکەوەژیان و ڕایگەیاند، مامۆستایانی ئایینی لە شۆڕشەکانی کورددا ڕۆڵێکی گرنگیان گێڕاوە و فاکتەرێکی گرنگی سەرخستنی شۆڕش بوون، ئەمڕۆش دەبێت بە هەمان ڕۆحیەتی کوردانە و مرۆڤدۆستانەوە بەردەوامبن لە ڕێنوێنیکردنی کۆمەڵگە بە ئاڕاستەی چاکە، دوورکەوتنەوە لەبیری توندڕەوی و قووڵکردنەوەی تەبایی لەنێو کۆمەڵگەدا.[1]

ئەمڕۆ یەکشەممە #12-02-2023# بەڕێز #نێچیرڤان بارزانی#، سەرۆکی هەرێمی کوردستان، لە کونسولخانەی گشتیی تورکیا لە #هەولێر#، بەشداری لە پرسەی قوربانییانی بوومەلەرزەکەی شەشی ئەم مانگەدا کرد کە لە تورکیا و #سووریا# بە هەزاران قوربانیی لێکەوتەوە.
نێچیرڤان بارزانی لە تۆماری پرسەدا پەیامێکی سەرەخۆشی و هاوخەمی تۆمار کرد و تیایدا بە ناوى خۆیان و هەرێمى کوردستانەوە، سەرەخۆشى و هاوخەمى و هاوسۆزیى قووڵی خۆیانی پێشکەش بە گەل و حکوومەت و سەرکردایەتیى تورکیا کرد، بۆ ئەو کارەساتە ناخ هەژێنەى لە ئەنجامى بوومەلەرزەیەکى وێرانکەر، دە پارێزگاى تورکیا و چەند شارێکی سووریای گرتەوە.

بەڕێزیان دووپاتی کردەوە کە‌ لە هەرێمى کوردستان لەگەڵ تەواوى مرۆڤایەتى، بە دڵ و دەروونێکى خەمناکەوە، بیر و دڵمان لاى گەلى تورکیا و خێزان و کەسوکارى ئەو هەزاران قوربانییەیە کە هەرگیز وێنە دڵتەزێنەکانیان و دیمەنى ڕووخان و وێرانبوونى شار و ئاوەدانییەکان لە بیر ناچنەوە و ناخ و دەروونى مرۆڤ دەهەژێنن.
هەروەها لە یەزدانى مەزن داواکارەکە گیانى قوربانییان بە بەزەیى و میهرەبانیى خۆى شاد بکات و ئارامى و دڵنەوایى بە خێزان و کەسوکاریان ببەخشێت، هیواى زوو چاکبوونەوەش بۆ برینداران دەخوازێت.
بەڕێزیان دووپاتیان کردەوە کە هەرچى لە توانادا بێت هەرێمی کوردستان بۆ هاوکارى و یارمەتیدان ئامادەیە.
لای خۆیە بەڕێز کونسولی گشتیی تورکیا، سوپاس و پێزانینی وڵاتەکەی بۆ بەشداری و هاوبەشیی سەرۆک نێچیرڤان بارزانی لە پرسەکەدا و بۆ هەڵوێستی هەرێمی کوردستان بە گەل و حکوومەتەوە بۆ بەهاناوەچوون و یارمەتیدانی لێقەوماوان دەربڕی. [1]
=KTML_Bold=تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!=KTML_End=

ڕوونکردنەوەیەک لە بەڕێوەبەرایەتی پۆلیسی پارێزگای هەولێرەوە
شەوی ڕابردوو دوای ئەنجامدانی ڕووداوێکی تەقەکردن لە گەڕەکی (سەربەستی) ، دەستبەجێ هێزەکانی بەڕێوەبەرایەتی پۆلیسی پارێزگای هەولێر گەیشتنە شوێنی ڕووداو دەرکەوت کەوا هاووڵاتییەک لەلایەن ماڵی خەزورانی تەقەی لێکراوە بەناوی (#فەرمان عەبدولخالق ساڵح#) تەمەن (32) ساڵ، لەسەر کێشەیەکی کۆمەڵاییەتی لە ئاکامدا (5) گوللەی بەرکەوتووە و زامدار بووە، دوای گەیاندنی لەلایەن هێزەکانی بەڕێوەبەرایەتی پۆلیسی پارێزگای هەولێرەوە بۆ نەخۆشخانەی ئێمرجێنسی ناوبراو لەبەر سەختی برینەکەی گیان لەدەست دەدات.
هێزەکانمان لە لێکۆڵینەوەکانیاندا بۆیان دەرکەوت کە لەلایەن (ب. ڕ. ز.) تەقەکە ئاڕاستەی کەسی کوژراو کراوە ئێستاش پەڕاوی لێکۆڵینەوە ڕێکخراوە و ئاڕاستەی دادگای لێکۆڵینەوەی هەولێر کراوە.[1]