1- لەپێناو بەرەوپێشبردنی سیستەمی خۆبەڕێوەبردنی دیموکراتی و بەجێکردنی، هەروەها تەوژمدان بە هێڵی سێیەم لە سیاسەتی دیموکراتیدا، بۆ ئەمەش بەڕێکخستن کردن و خۆبەڕێوەبردن دەکەینە بنەمای سەرەکی تێکۆشانی داهاتوومان.
2- لەپێناو چارەسەرکردنی کێشەکانی کۆمەڵگە و بەڕێکخستن کردنی، ئامانجمان ئاواکردنی کۆمیتەی ڕێکخستنی جەماوەری لە گوند و شارۆچکە و شارەدێ و گەڕەک و کۆڵانەکان و هەموو ئه و شوێنانەی تا ئێستا دەستمان پێنەگەیشتووه، هەروەها بە ڕێکخستنکرنی سەرجەم چین و توێژەکان.
3- لەبەرامبەر بۆشایی هزری و ئایدیۆلۆژیدا پەرەپێدان بەخەباتی پەروەردەیی و ڕۆشنبیری و ڕاگەیاندنی و چاندی پێکەوە ژیان لە هەرێمەکەماندا، بۆ ئەمەش هەموو ئەندامان پێویستە پەروەر‌دە ببینن‌.
4- لەسەر بنەمای پرەنسیبی پێکەوە ژیان و پێکەوە کارکردنی سیاسی لەگەڵ تەواوی پێکهاتەکانی #کەرکووک# و تەواوی لایەنە سیاسی و ڕێکخراوە مەدەنییەکان، کەسایەتییە دیموکرات و دەنگە ناڕازییەکان، خاوەنداریەتی لە پرسەکانی کۆمەڵگە دەکەین.
5- لەبەرامبەر ئه و توندوتیژییەیی کە لەبەرامبەر ژنان دەکرێ لە هەرێمەکەمان، بەهەموو هێز و توانامانەوە ڕووبەڕووی دەبینەوە و پشتگیری دەکەین بۆ ئەوەی ژن خۆی بگەیەنێتە ئاستی پێشەنگایەتی و خۆبەڕێکخستن کردن.
6- لەبەرامبەر ئه و پەراوێزخستن و بێکاری و بێهیوایی و کۆچی بەکۆمەڵەی گەنجان لە هەرێمەکەماندا، هۆشیارکردنەوه و پەروەردەکردن و بەڕێکخستن کردنیان دەکەینە ئامانجی سەرەکی خۆمان.
7- تێکۆشان دەکەین لەپێناو ئاشکراکردنی داهاتی سامانە‌ سروشتییەکان بەگشتی و بەتایبەتی سامانی نەوت و غاز، بۆ ئاوەدانکردنی هەرێمی کەرکووک تاکو ببێتە مایەی خۆشگوزەرانی گەلەکەی. هاندانی هاوڵاتیان بۆ زیاتر ئاوەدانکردنەوەی گوندەکانیان و پێشخستنی بەروبوومی خۆماڵی.
8- پاراستنی شوێنەوارە مێژوویی و مەزارگە پیرۆزەکان و پاراستنی ژینگه و سروشتی شارەکە بە وشیارکردنەوەی کۆمەڵگا بۆ زیادکردنی ڕوبەری سەوزایی لە پێناو تەندروستییەکی باشتر بۆ هاوڵاتیانی شارەکە.
9- کارکردن بۆ نەهێشتنی کاریگەرییەکانی 16ی ئۆکتۆبەر بە گەڕانەوەی متمانە لە نێوان پێکهاتەکانی شارەکە و بە هەوڵدان لە گەڵ لایەنی سیاسی و پێکهاتەکانی تر بۆ ئەنجامدانی هەڵبژاردنێکی دیموکراتیانە بۆ ئەنجومەنی پارێزگای کەرکووک.
#01-12-2018#

ماوەی چەند ڕۆژێکە لەناوچەکانی زینی وەرتێ لەلایەن #پارتی دیموکراتی کوردستان#ەوە جووڵە بەهێزەکانیان دەکەن بەبێ ئەوەی هیچ مەترسی یەک لە ئارادا بێت لەسەر ئەو ناوچانە ئەوەش بۆتەهۆی دروستبوونی دڵەڕاوکێ لە ناو خەڵکیدا هەردوولایەنی ناوچەکه (یەکێتی و #پەکەکە#)ش کراون بەبەشێک له و ئاڵۆزیانە.
ئێمە پێمانوایە لەئان وساتێکی وادا جوڵە کردن بەهێزی سەربازی لەلایەن هەرهێزێکەوە تەنها جێبەجێکردنی داخوازی داگیرکەرانی کوردستانە بەتایبەتی دەوڵەتی تورکیا کەهەمیشە لە هەوڵدایە ناکۆکی و شەڕی ناوخۆ و ئاژاوە لە باشوری کوردستان دا بنێتەوە، وەک تەڤگەری ئازادی داوادەکەین هێزەکانی پێشمەرگە مەترسی سەرهەڵدانەوەی #داعش# لە #کەرکووک# و #داقوق# و #خانەقین# و کوڵەجۆ ناوچەکانی دیکە کەم بکەنەوە کە پێش چەند ڕۆژێک حکومەتی هەرێم خۆی بانگەوازی بۆ ئەم مەترسییە کرد، نەک لەم کاتە هەستیارەدا کە گەلەکەمان ڕووبەڕووی کێشەو گرفتی جۆراو جۆر بووەتەوە، بە شەڕی ناوخۆ ئەوەندەی تر برینەکانمان قوڵ بکەنەوە، دەبێت بیرمان نەچێت هەر ئەوهێزەی کە ئێستا پارتی بە هەماهەنگی لەگەڵ تورکیا دەیەوێت هێرشی بۆ بکات لە پاراستنی مەخمور و کەرکووک و #گەرمیان# دا لە شەڕی داعشدا ڕۆڵێکی بەرچاوی هەبوو لەو پێناوەشدا چەند شەهیدیدا ئێستاش بە فڕۆکەی تورکیا هێرش دەکرێتە سەر گەریلاکانی پەکەکە و خەڵکی مەدەنی وەرتێ و قەسرێ و #چۆمان# و دە وروبەری دەکەنە ئامانج، هەمان ئەو فڕۆکانە پێش چەند ساڵێک لە شەڕی ناوخۆدا هێرشی دەکردە سەر پێشمەرگەکانی یەکێتی و زۆریشی لێ شەهیدکردن بۆیە تورکیا جیاوازی ناکات لە نێوان هیچ کوردێکدا.
بۆیە وەک تەڤگەری ئازادی بانگەوازی لە حکومەتی هەرێمی کوردستان و بەتایبەتی پارتی دیموکراتی کوردستان دەکەین بەهەستیاری بۆ ئه و دۆخە بڕوانن، دروست بوونی هەر ئاڵۆزییەک زیانی گەورە بەر گەلەکەمان دەکەوێت وەبانگەوازی لەتەواوی خەڵکی ڕۆشنبیرو وڵاتپارێز و پارتە سیاسی یەکانی کوردستا ئەکەین ڕێگری بکەین و نەهێڵین پیلانی داگیرکەرانی کوردستان سەربگرێت هەرچی زووە ببینە هێزێکی فشار لەسەر حکومەت و پەرلەمان.
#15-04-2020#

بۆ ڕایگشتی....
تەڤگەری ئازادیی بەدروشمی نا بۆ ئەنجامدانی #ڕیفراندۆم# پرۆژەیەکی جێگرەوەی بۆ چارەسەری پرسە هەنوکەیی و ستراتیژییەکان، پێشکەش بە گەلەکەمان و ڕای گشتی کرد، کە تیایدا وێڕای ئەوەی ئامانجە شاراوه و پڕ مەترسیدارەکانی پشتی ڕیفراندۆمی ئاشکرا کردووە، لە هەمان کاتدا پێشنیاری پێکهێنانی حکومەتێکی تەکنۆکراتی بێلایەنی کاتیمان کردبوو بۆ بەجێ کردنەوەی سیستم لە باشوری کوردستاندا، چونکە هەموومان دەزانین کە سیستم بونی نەماوە لە ئێستادا.
لە بواری ستراتیژی بەڕێوەبردنیشەوە تەڤگەری ئازادیی بۆ پێکەوە ژیانێکی دیوکراتییانە، وەکو ئەڵتەرناتیڤێک بژاردەی مۆدێلی خۆبەڕێوەبردنێکی دیموکراتیانەی هاوشێوەی شەنگال و ڕۆژئاوای کوردستان پێشکەش کردووە، چونکە چارەسەری پرسی کورد و پێکهاته و باوەڕیی و نەتەوە جیاوازەکانی کوردستان، تەنها لەم مۆدێلەدا خۆی دەبینێتەوه.
ئێمە بەردەوام دەبین لە ئاشناکردنی گەل بەم مۆدێلە چونکە بەدەر لەوە تەنها ناکۆکی و شەڕ و ئاژاوە لە هەرێمەکەدا قوڵتر دەبێتەوه و ناسەقامگیری دەبێتە دۆخی هەمیشەیی ناوچەکە، لە بەرامبەر پەیامی ئێمە کە نا بۆ ئەنجامدانی ڕیفراندۆم بوو هەتا ئێستا دەسەڵات سورە لەسەر ئەنجامدانی ڕیفراندۆم.
ئێمە وەکو هێزێکی سیاسی کۆمەڵایەتی باشوری کوردستان لە سۆنگەی دڵسۆزیی و خەمخۆریمانەوە بۆ گەلەکەمان و هەستکردنمان بە ئایندەیەکی مەترسیدار، بە پێویست دەبینین دەنگی خۆمان بگەیەنینە تەواوی گەلەکەمان لە باشوری کوردستان، له و چوارچێوەیەشدا بانگەوازی دەکەین کە هاوڵاتیان بە دەستی خۆیان شەڕ و ناکۆکی و گرانی و ماڵوێرانی نەهێنن بەڵکو بەهیچ جۆرێک نەچنە سەر سندوقەکانی دەنگدان و بژاردەی بایکۆت پەسەند بکەن.
بەواتای شەرعیەت نەدان بە پرۆسەیەکی ناشەرعی بایکۆت لە ئێستادا باشترین هەڵوێستە بەرامبەر بە دەسەڵاتێک هەرگیز باکی بە دەنگ و خواست و ژیانی خەڵکەکەی نەداوە جگە له و کاتانەی تەنگاوی سیاسی ڕووی لە خۆی و مانەوەی هەژمونی سیاسی حیزبی و بنەماڵەییان کردووه.
17-09-2017

لەکاتێکدا یادی 29ساڵەی ڕاپەرینی 5ی ئازاری 1991ی باشوری کوردستان دەکەینەوە کە لە دەروازەی ڕاپەرین لەشاری #ڕانیە#وە بڵێسەیدا و هەموو باشووری کوردستانی گرتەوە لەماوەیەکی کورتدا دەسەڵاتی دیکتاتۆری و ڕەشەکوژی بەعسی ڕاماڵی و داموو دەزگا سەرکوتکەرە ئەمنی و سەربازیەکانی ئەو ڕژێمە داپڵۆسێنەرە لەلایەن گەلەوە دەستیان بەسەرداگیرا و لەناو چوون، ئەو سەرکەوتنە بۆ گەلی کورد وەرچەرخانێکی مێژوویی بوو کە گۆرانکاری و دەرفەتی مەزن و بایەخداری بەدوای خۆی داهێنا، بێگومان ڕژێمەکەی سەدام لە شەری کەنداودا بەتەواوی گۆشەگیر و گەمارۆ دراوبوو، لەلایەن هێزی هاوپەیمانان بەسەرکردایەتی ئەمریکا بەهۆی سیاسەتە شەرنگێزیەکانی ڕووبەڕووی شکست و داروخانێکی گەورەی سەربازی و ئابووری ببۆوە ئەوەش بوە هۆی ڕەخساندنی دەرفەتێکی مێژوویی بۆ ڕزگاربوونی گەلی کورد لەستەم و زۆرداری و کۆمەڵکوژی و سیاسەتی شۆڤینیزمانەی ڕژێمی دکتاتۆری بەعس کە بۆماوەی 35 ساڵ بوو بە کوشتن و لەسێدارەدان و ڕاگواستن و تەعریب و کۆمەڵکوژکردن بە دڕندانەترین شێوە خۆی بەسەر گەلی کورد و گەلانی عێراقدا سەپاندبوو.
ڕاپەرین سەرەتای قۆناغێکی نوێی هێنایە کایەوە لە تێکۆشانی خەباتی ئازادیخوازانەی گەلی کورددا زەمینەی دەرەکی و ناوخۆیی گونجاوی ڕەخساند بۆ سەرخستن و چەسپاندنی مافەکانی گەلی کورد، مەخابن جۆش وخرۆشی ئەو سەرکەوتنانەی گەل هەر زوو کەوتە بەر زەبری دەسەڵاتخوازی و تاڵانکاری و دابەشکاری ناوچەگەری حیزبە دەست ڕۆیشتوەکان و لەسەر حسابی ڕەنجی گەل و خوێنی شەهیدەکان مۆڵبوون، ئیدی ساڵ لە دوای ساڵ دەسکەوتەکانی ڕاپەرینیان لەباربرد و گەلیان لەئامانجەکانی دوورخستەوە زۆری نەخایاند ڕێبەرایەتی ڕاپەرین لەدەستی گەل دەرخرا و کەوتە دەستی ئەو حیزب و کەسانەی کە لەشاخەکانی کوردستانیش مێژوویەکی پر لە شەرو یەکترکوشتن و ڕاوەدونانی یەکتریدا هەبوو، کورە ئازاو فیداکارەکانیان دەکردنە قوربانی بەرژەوەندیەکانیان، ئەوە بوو هەرزوو لەبەر هەڵپەیان بۆ دەسەڵات کەوتنە ململانیی یەکتری و تاڵانکردنی سامانی گشتی و ڕاکێشانی هێزی داگیرکەران بۆ سەرخاکی کورردستان و دەرئەنجام شەری ناوەخۆ و شەری شۆرشگێران و تێکۆشەرانی بەشەکانی دیکەی کوردستانیشی بەدواداهات.
لەئێستاشدا دوای چەندین ساڵ لەحوکمرانی و هاتنە کایەیی ڕووداو و گۆرانکاری کاریگەر لەناوچەکەدا تا دەگاتە ڕۆژی ئەمرۆ باشوری کوردستان نەبۆتە خاوەن دامەزراوەی نیشتیمانی و نەتەوەیی کە جێی باوەری گەل بێت، دامەزراوەی پەرلەمان پرۆسەی هەڵبژاردنی دیموکراتیانە بەهۆی ناپاکی و دەستتێوەردانی حیزبی بێ ڕۆڵ کراون، دەسەڵاتدارانی باشوری کوردستان بە پێچەوانەی ئامانجەکانی ڕاپەرین بە سیاسەتێکی نادیموکراتی و وابەستە بەداگیرکەران بەردەوامیان بە قۆرخکاری دەسەڵات و گەندەڵی و تاڵانی سامانی گشتیدا و بە شێوازی توند و تیژ و نادیموکراتیانە ڕووبەرووی نارەزایەتی و داخوازییەکانی کۆمەڵگا بووونەوە، ئەوعەقڵیەتە دەسەڵاتدار و بەرژەوەندیخوازە، باشوری کوردستانی ڕووبەروی بێ هیوایی و قەدەری نادیار کردۆتەوە، ڕووداوە لەبیرنەکراوەکانی شەری ناوخۆ و پێش سوپای داگیرکەران کەوتن و جێهێشتنی ئێزیدیەکان بە بێ پاراستن بۆ درندەکان و کۆمەڵکوژکردنیان لەلایەن #داعش#ەوە، بەهەدەردانی خوێنی هەزاران پێشمەرگەی شەهید و لەدەستدانی #کەرکووک# و نیوەی خاکی کوردستان و ئاواڵاکردنی سنوورەکان بەرووی سوپای داگیرکەران و تەراتێنی ئازادانە بۆ دەزگا سیخوری وهەواڵگریەکان، لەو لاشەوە پەرەگرتن بڵاوبوونەوەی مەترسیداری مادەی هۆشبەر لەناو گەنجان وبێکاری هەژاری و دەیان دەردی تر بەرۆکی خەڵکی گرتووە بووەتە هۆی تێکدانی شیرازەی کۆمەڵگاو و دابرینی تاک و کۆمەڵگا لە بەهاو ڕەنج وکلتوری ڕەسەنی خۆی.
لەم بۆنە مێژوویەدا کە لەئەنجامی یەکگرتووی هێزو ئیرادەی گەلدا ڕاپەرینی تیادا سەرکەوت بەردەوام ئەو ڕوحیەتەی تیادا زیندووە، سەلمێنەری ئەوەیە گەلی باشوری کوردستان دەست بەرداری ئەو ڕاپەرینە نەبووە و نابێت هەڵوێستە نەتەوەیی و پشتیوانیەکانی لە خۆڕاگری ڕۆژئاوای کوردستان لە بەرامبەر داگیرکاری دەوڵەتی تورکیا و تیرۆرستە هاوپەیمانەکانی و ڕاپەرینی شیلادزیێ دژی داگیرکاری سوپای تورک و چالاکیە جەماوەری دیموکراتیەکان لە باشوری کوردستان بۆ ئازادی ڕێبەر ئاپۆ و پشتیوانی لە هێزی گەریلا و بانگەوازیەکانی بۆ یەکێتی نەتەوەیی نارەزایەتیە بەردەوامەکانی بۆ ئازادی ودادپەروەری سەرچاوەکەی ووزە و ڕۆحیەتی یەکگرتوانەی ڕاپەینە، ئەوەش مانای ئەوەیە کە ئەو گەلە هێز و توانای ئەوەی هەیە ڕووبەرووی کیشە و قەیرانەکان ببێتەوە و سەرکەوتنیش مسۆگەر بکات، بۆیە وەک تەڤگەری ئازادی کۆمەڵگەی کوردستان پابەندبوونی خۆمان بە ڕۆحی شەهیدانی ڕاپەرین و سەرجەم شەهیدانی ڕێگای ئازادی کوردستان ڕادەگەیەنین لەسەر ڕێباز و ئامانجی ئەوان درێژە بەتێکۆشان ئەدەیین لەسەر ئەو بنەمایە داوا لە تەواوی چین و توێژەکانی کۆمەڵگا و ژنان و گەنجان، کەسانی ئازادیخواز دەکەین بە ڕۆحیەتی ڕاپەرینێکی نەتەوەیی و دیموکراتیانەوە خۆیان لە ئەنجومەنەکانی گەل و گروپ و دەستەکاندا ڕێک بخەن و بە ڕێبازو هزرێکی نوێوە پەرە بە تێکۆشانی دێموکراتیانە بدەن مسۆگەرە سەرکەوتن بەدوای خۆیدا دێنێت گەلی ئێمەش هەر شایەنی سەرفرازی و سەرکەوتنە.
نەمری بۆ شەهیدانی ڕاپەرین و سەرجەم گیان بەختکردووانی ڕێگای ئازادی سەرکەوتوو بێت خەباتی دیموکراتیانە و ئازدی خوازانەی گەلی کورد.
دەستەی بەڕێوەبەری #تەڤگەری ئازادیی کۆمەڵگەی کوردستان#
#05-03-2020#

16 ئازاری 1988 یەکێک لە گەورەترین تاوانەکانی سەدەی پڕ تاوان و کۆمەڵکوژیی سەدەی ڕابردووە کە لەسەر خاکی کوردستان لە بەرامبەر گەلی کورد و مرۆڤایەتی ئەنجامدراوە، ئەو کارەساتە ناخ هەژێنە لێکەوتەی شەڕێکی خوێناوی دوو دەوڵەت و دەسەڵاتی نەتەوەوەگەرا و مەزهەبگەرای بەعس و ڕژێمی ئێرانی بوو، کە ماکینەی شەڕیان بەچەک و جبەخانەی دەوڵەتانی ڕۆژئاوایی و ئەمریکاو ڕوسیا دەچەرخاو و کۆمەڵکوژی و تاوانی دژبەمرۆڤایەتیان پێئەنجام ئەدا.
#هەڵەبجە# و خەڵکەکەی سروشت و بنیادەکەی بەمرۆڤ و بوونەوەرەکانییەوە لەلایەن فڕۆکەکانی ڕژێمی بەعسەوە لە چەند خولەکێکدا بەچەکی قەدەغەکراوی کیمیای کۆمەڵکوژکران کە دیمەنی ئەوتاوانە کەم وێنەیە هەرگیز لەیادەوەریی مرۆڤی کورد و مرۆڤایەتیدا وون نابن، ئەو کۆمەڵکوژیە تەنها تاوانێک نیە بە تەوێڵی ڕژێمی نەتەوەگەرای بەعسی عێراقی ئەوسەردەمە، بەڵکو تاوانێکی هاوبەشی سیستەمی جیهانی و ئەودەوڵەتانەش کە ئەو چەکانەیان پێدان و لە ئاستی کارەساتەکەشدا بێدەنگ بێ هەڵوێست بوون.
لەمێژووی کۆن و نوێدا گەلی کورد لەلایەن ئەو دەوڵەتە داگیرکەرانەوە ڕووبەروی چەندین کۆمەڵکوژی و لەناوبردنی ڕەگەزی کراوەتەوە تاوانی ئەنفال کە بەدەیان هەزار ژن و منداڵی کوردی تیادا شوێن بزرکرا لەهەمان ساڵدا بوو کە کۆمەڵکوژی هەڵەبجەی تیادائەنجامدرا و تائێستاش ژن ومنداڵ و جێماوانی ئەو کارەساتە پێوەی دەناڵێنن، کۆمەڵکوژی گەلی #دەرسیم# و #سنە# و شەنگال و کۆبانی و #عەفرین# تادەگاتە ڕۆژی ئەمڕۆ بەردەوامە و ستەمکاران و داگیرکەران هەرگیز چاویان بەسروشتی ژیان و پێکەوەیی جوانی و ودەوڵەمەندی ئەم خاکە هەڵنایە وبەردەوام لە بۆسەدان. لەئێستاشدا دەوڵەتی داگیرکەری تورکیا و هاوکارە تیرۆریستیەکانی بەردەوامن لەپیلانگێڕی و کۆمەڵکوژی و داگیرکارییەکانی بەتایبەت لەسەر ڕۆژئاوای کوردستان.
ئیدی کاتی ئەوە هاتووە ساڕێژی ئەو برینە گەورانەی گەل بکرێت و ئە کۆمەڵکوژیانە ڕابگیرێت ئەویش بە گەرانەوە بۆ ڕاستینەی مێژووی هەزاران ساڵە و بەبنەماگرتنی بەرژەوەندییەکانی کۆمەڵگا و پێکەوەیی بوون و شکاندنی سنورەکانی پارچەگەری و پەرتبوون و دورکەوتنەوە لە بەرژەوەندخوازی و وابەستەیی بەداگیرکەران دەکرێت، گەرەنتی ئەوەش بە گەڕانەوە بۆ میراسی بەرخۆدانی هەزاران ساڵەی ئەو گەلە ی کەخۆی پێ پاراستووە و لەسەرپێیان ماوەتەوە و سەربەرزانە ژیانی کردوە و سەری بۆ هیچ ستەمکارێک نەوی نەکردووە ئەویش بەگەشاندنەوەی یەکیەتی نەتەوەیی دیموکراتیانە ی گەلی کوردو ڕاستاندنی هێزو ئیرادەی خۆفەرمانی گەل ئەنجامگیردەبێت، کە لەئەمرۆدا ئەو ڕوحیەت و ئیرادەیە لەرۆژئاوای کوردستان لەهەمووئاستەکانی بەرێوەبردن و پاراستنیدا بەپێشەنگایەتی ژن ومێری ئازاد لەبەرخۆدانێکی سەردەمیانەدا یە لەبەرامبەر تاریکترین هێزی تیرۆرستی و داگیرکاری فاشیزمی دەوڵەتی تورک، وەرن باهەموومان لەهەڵبجەی شەهیدان و نەورۆزی #قەندیل#ەو ە بانگی یەکیەتی نەتەوەیی بدەین و هێزو توانای مادی مەعنەویەکانی گەل بەبێ جیاوازی بخەینە خزمەت کۆمەڵگا خۆیەوە بەوەش هەم شەهیدانمان ئاسودە دەبن و هەم گەلەکەشمان سەربڵند وسەرفرازانە هەموو ئەو قەیران وکێشانە تێدەپەرێنیت کەبێهیوایی و نائومێدیان چاندووە و گەلیان ڕووبەروی قەدەری نادیارو کۆمەڵکوژی کردۆتەوە.
هەموودەزانن دۆخی ئێستای کوردستان و ناوچەکە پڕلە سەختی و گۆرانکارییە و چەندە هەڕەشەی داگیرکاری و کۆمەڵکوژی لەسەر گەلەکەمان هەیە. هەمانکات دەرفەت و زەمینەی زێڕینیش بۆ سەرکەوتن و گەیشتن بەئامانجەکانمان هەیە ئەوەی پێویستە درکی پێبکرێت ئەوەیە کەتەنیا بەیەکیەتی نەتەوەیی و یەکڕیزییەکی هەمەلایەن دەتوانرێت ئەو پێشهات و دەرفەتانە بەقازانجی سەرکەوتن و ئازادیی و گەلەکەمان ئاراستەگیر بکرێت.
لەئاستی شەهیدانی هەڵەبجەو سەرجەم شەهیدان سەری ڕێزو وەفاداری دائەنەوێنین و پەیمان ئەدەین بەردەوامی بدەین بە تێکۆشان تا گەل دەگات بەئازادی و خۆبەریوەبەری و ژیانێکی ئازاد.
#16-03-2019#

بەداخەوە لە 7ی ئایاردا ڕۆژێکی تری ڕەش لە مێژوی پەرلەمان تۆمارکرا، یاخود دەتوانین بڵێین جارێکی دیکە کودەتا بەسەر پەرلەمان و پڕۆسەی دیموکراسی لە هەرێمی کوردستاندا کرا.
جێگەی داخە دەبو ئێستا پەرلەمان و حکومەتی هەرێمی کوردستان سەرقاڵ بوایە بە چارەسەرکردنی ئەو کێشانەی کە دەسەڵاتدارانی ئەم هەرێمە دروستیان کردوەو بەهۆیەوە بار و گوزەرانی خەڵکیان بەتەواوەتی لە زۆر لایەنەوە تێکداوە، کەچی لە جێگەی ئەوە پارێزبەندی (حصانە) لە #سۆران عومەر# پەرلەمانتاری کۆمەڵی ئیسلامی دەسەنرێتەوە.
ئێمە وەک تەڤگەری ئازادی وێڕای ئیدانەکردنی ئەو بڕیارەی پەرلەمان پێمانوایە هۆکاری لێسەندنەوەی پارێزبەندی لە بەڕێزیان تەنهاو تەنها هەڵوێستەکانێتی، لەهەمانکاتدا سەربەخۆ نەبونی دادگاکانمان بۆ دەردەخات و هەروەها ئەم کارە تەنها بە هێرشێک نابینین بۆ سەر سۆران عومەر بەڵکو وەک تەڤگەری ئازادی ئەم کارە بە لێدان لە دیموکراسی و دەسپێکی قۆناغێکی مەترسیدار لە هەرێمی کوردستان دەبینین، لەبەرامبەر بەو عەقڵیەتەشدا پێشنیاری دروستکردنی بەرەیەکی فراوانی ئۆپۆزسیۆن دەکەین.
دەستەی هاوسەرۆکایەتی
تەڤگەری ئازادی کۆمەڵگەی کوردستان
#08-05-2020#

بۆ ڕای گشتی:
ئاشکرایە دەوڵەتی فاشستی تورکیا لە ژێر فەرمانی ئەردۆغان بۆ بە دیهێنانی خەونی ئیمپراتۆریەتی عوسمانی لە هیچ کردەوەیەکی قێزەون و دژە مرۆیانە لانادات و بە بەرچاوی جیهانەوە ڕۆژانە هێرش دەکاتە سەر گەلی کورد، لە بەرامبەر ئەم هێرشانە بێدەنگی ناوخۆیی و کۆمەڵگەی نێودەوڵەتی و ڕێکخراوە جیهانیەکانی مافی مرۆڤ لە کاتێکدا هەموو له و ڕاستیە ئاگادارە و بێدەنگن هاوکاریەکانی تورکیا لە گەڵ چەتەکانی داعش ئاشکرایە و لە بەرخۆدانی عەفریندا بە بەرچاوی هەمووان سڵیان لە هیچ کردەوەیەکی دڕندانە نەکردۆتەوە و نایەکەن.
لە ئاکامی بۆردوومانی فڕۆکە جەنگییەکانی ڕژێمی تورکیای فاشیست لە درێژەی تاوانە دژە مرۆیەکانی لە ڕۆژانی ڕابردوو سێ برای بە ناوەکانی (ڕەمەزان، مەجید و تاهیر محەمەد) لە گوندی نێروەی سیتۆی شیلادزێ، شەهیدکران و پاش گەڕان و هەوڵدانێکی زۆری کەسوکاری ئەم شەهیدانە سەرەنجام تەرمەکانیان دۆزرانەوە و تەرمی هەر سێ براکە بە ئامادەبوونی جەماوەرێکی زۆر وڵاتپارێز دەڤەرەکەوە لە گۆڕستانی شیلادزێ بەمەراسیمێکی جەماوەری هەزاران کەسی بەخاک سپێردران.
ئێمە وەک تەڤگەری ئازادیی بەتوندی هێرشی فاشیزمی ئاکەپە و مەهەپە شەرمەزاردەکەین، هەروەها بێ هەڵوێستی حکومەتی هەرێم و دام و دەزگا پەیوەندیدارەکان بە هاوکار دەبینین بۆ ئەو هێرشانەی دەکرێتە سەر گەلەکەمان، چونکە تا ئێستا نەیانتوانیوە بەرامبەر بەم هێرش و پالامارانه کە ڕۆژانە بەڕشتنی خوێنی ڕۆڵەکانی گەلەکەمان لە لایەن دەوڵەتی تورکیای فاشستەوە کاردانەوەیەکی بەرپرسیارانەی نەتەوەیی و دیموکراتییانە نیشان بدەن‌ نەیانتوانیوە سنوورێک بۆ ئەم هێرشە دڕندایەتیە دانێن و پرسیارمان ئەوەیە کە هۆکاری ئه و بێدەنگی و تەسلیم کاریە چییه و بۆچی لە وابەستەبوون و خۆ بە دەستەوەدان بەردەوامن؟ با ڕای گشتی و ویژدانە هوشیار و ئازادەکان بڕیار دەربن، چیتر هێرش و پەلاماری دەوڵەتی تورک بۆسەر گەلەکەمان مایەی قبوڵکردن نیە و بێ دەنگی و بێ هەڵوێستی مایەی شەرمەزاریە و بانگەوازی دەکەین گەلەکەمان خاوەن هەڵوێستی ڕادیکاڵ بێت بۆ کۆتایی هێنان بە هێرشەکان و ئەو بێدەنگیە بەچالاکی و هەڵوێستی شۆڕشگێرانە بشکێنرێت.
لە کۆتایدا وەک #تەڤگەری ئازادیی کۆمەڵگەی کوردستان# سەرەخۆشی خۆمان ئاڕاستەی سەرجەم گەلی بەرخودێری کورد و گەلەگەمان لە دەڤەری بادینان بە گشتی وبەتایبەت خانەوادەی هەر سێ برای شەهید (ڕەمەزان، مەجید، تاهیر) دەکەین وپەیمان دەدەین بە تێکۆشانمان نەهێلین خوێنی پیرۆزیان بە فیرۆ بچێت.
تەڤگەری ئازادیی کۆمەڵگەی کوردستان
#17-04-2018#

گەلی وڵاتپاریز و شۆڕشگێر، ژنان و گەنجانی تێکۆشەر و بنەماڵەی سەربەرزی شەهیدان
لەبەرەبەیانی 5ی ئازاری 1991دا گەلی کورد لەباشووری کوردستان لە ڕاپەڕینێکی میللی بەشکۆ دا کە لە دەڤەری ڕاپەرین دەستی پێکرد لە ماوەیەکی کورتدا سەرجەم دامودەزگا سەرکوتگەرەکانی ڕژێمی بەعسی خوێنرێژ کەوتنە دەستی خەڵک و دواتر بڵێسەی ڕاپەڕین سەرجەم شارو شارۆچکەکانی باشووری کوردستانی گرتەوە تاگەیشت بە شاری دێرینی کەرکووک، ئەو ڕاپەڕینە؛ وەرچەرخانێکی مێژووی گرنگ بوو لەخەباتی ڕزگاری وئازادیی خوازیماندا، دوای چەندین ساڵ لەسەرهەڵدان، بەرخۆدان.
سەرئەنجام لەوراپەڕینەدا کەهێزی گەل سەرچاوەکەی بوو بەشێکی گرنگ لەخاک و وڵاتی داگیرکراو پارچەکراو کەوتەوە دەستی کوردخۆی بۆ بەڕێوەبردن، بەڵام زۆری نەبرد ئەو جۆش وخرۆشەی خەڵکی بەرخۆدێری تینو بۆژیانێکی ئازاد کە توانیبوی بەرگەی ئەنفال وکیماباران وراگواستن وسیاسەتی قرکردنی بەعسیەکان بگرێت بێهیواکراو لەنیوەی ڕێگادا بەجێهێڵرا لەلایەن ئەو هێزانەوە کەهاتبوون لەسەر خوێن و تێکۆشانی گەلی ڕاپەڕیویی کوردستان سیاسەت و دەسەڵاتداری بکەن.
ئەوزهنیەتە دەسەڵاتخوازە لە جیاتی کاربکەن بۆجێبەجێکردنی بڕیارەکانی گەل و پاراستنی دەسکەوتەکان، بەپێچەوانەوەکەوتنە سەودا لەگەڵ بەعس و شەڕکردن بۆ گەیشتن بە دەسەڵات و ڕاکردن بۆباوەشی دەوڵەتانی داگیرکەری کوردستان و دابەشکردنی سامانی گشتی لەنێو دارودەستەمشەخۆرەکانی خۆیاندا، سەرئەنجامەکەشی بریتی بوو لە ڕاکردن لەبەردوژمن و بەدەستەوەدانی دووبارە ئەوخاکەی بەخوێنی هەزاران شەهید ئازادکرابوو، لەوەش خراپتری بەدواداهات، وەک نانەوەی شەڕی ناوخۆ، بەتاڵان بردنی سەروەت و سامانی گشتی و تێکدانی شیرازەی کۆمەڵگه و گەندەڵی و دەیان دەردی دیکەیان خستە جەستەی شەکەت و ماندوی کۆمەڵگەی باشووری کوردستان کەتادەگات بەرۆژی ئەمڕۆ بەردەوامی هەیە.
لەو یادە مێژوویەدا وەک تەڤگەری ئازادیی کۆمەڵگەی کوردستان بۆ دەربازکردنی گەلەکەمان لەوقەیرانە سیاسی وجڤاکی ئابوریەی بەسەری داسەپێنراوە، بۆپاراستنی دەسکەوت وسەوەریەکانی گەل و بەدیهێنانی ئامانجی شەهیدان بۆخاوەندەرکەوتن لەنرخ و بەها پیرۆزەکانی کۆمەڵگە و گێڕانەوەی ئیرادەو هێز بۆ تاک بەتاکی کۆمەڵگەکەمان بەگوروتین و جیهان بینیەکی نوێ و لەسەربنەمای هێڵی نەتەوەی دیموکراتی، بە پشت بەستن بە پێشەنگایەتی ژنان و گەنجان تێدەکۆشین بەڕۆحییەتی ئەو ڕۆژانەی کە ڕاپەڕینی پێنجی ئازاری تێدا سەرکەوت و ئەمڕۆش بەهێز وەرگرتن لەوئیرادە و بەرخۆدانە مەزنەی گەلی شۆڕشگێڕی عەفرین کەشکستی بە فاشیزمی دەوڵەتی تورکیا هێناوە تادێت ئاسۆی سەرکەوتنمان ڕوونتردەبێت بۆ بەدیهێنانی ئامانجی شەهیدانی ڕاپەڕین وسەرجەم شەهیدانی ئازادیی وسەرفرازی کوردستان.
#05-03-2018#

#04-04-2018#

بەبۆنەی جەژنی نەتەوەیی نەورۆزو سەری ساڵی نوێی کوردی پیرۆزبایی لەتەواوی گەلانی کوردستان و بنەماڵەی شەهیدانی ڕێگای ئازادی و زیندانیانی سیاسی و تەواوی ئازادی خوازان دەکەین.
جەژنی نەورۆز بۆ گەلی کورد واتایی تێکۆشان و شۆڕش و سەرکەوتن و ڕاپەرینە لەبەرامبەرستەمکاروزاڵماندا، جەژنی نەورۆز واتای بەرخۆدان و تێکۆشان بەرامبەر زوحاکەکانی سەردەم، کە لەئێستاشدا ئه و تێکۆشانە بەردەوامی هەیە، چونکە هێشتاش زوحاکەکانی سەردەم لەبەرگی خەڵکانی وەک ئەردۆغان هاوشێوەکانی ژیان دەکەن و هێشتاش گەلانی ناوچەکه و کوردستان پێویستیان بەتێکۆشانی کاوه ئاسایە، جەژنی نەورۆزمانای ڕووناکی و ئاشتی وئاشتبوونەوەی مرۆڤ وسروشتە، جەژنی نەورۆز بەهۆی ئەو تێکۆشان و قوربانی دانی گەلی کوردەوە بەهەمان واتاو هێمای سەرکەوتنیەوە بۆتە جەژنی سەرتاسەری گەلانی ڕۆژهەلاتی ناوین و تەنانەت لەئاستی جیهانیشدا یاد دەکرێتەوە، گەلی ئاشتیخوازو بەرخۆدێری کورد بە ڕەنج وتێکۆشانی سەدان ساڵەی داگیرکەرانی سەرکوردستانی ملکەچ کرد کە بەناچاری دان بە جەژنی نەورۆزدا بنێن سەرەڕای ئەوەش داگیرکەرانی وەک تورکیا و ئێران هەموو ساڵێک لەنەورۆزدا ترس دایان دەگرێت لەبەرامبەر جۆش وخرۆشی نەورۆزدا.
لەکاتێکدا بەئامادەکاری وجۆشێکی مەزنەوە گەلەکەمان چاوەرێی هاتنی ئەو ڕۆژە دەکات لە#قەندیل#، #ئامەد# و لە ڕۆژئاوا و لە ڕۆژهەڵات ئاهەنگی سەرکەوتن بگێرێت لەو کاتەدا بەڵایەکی سیستەمی فیرعەون و زوحاکە کانی سەردەم جیهانی خستۆتە ژێرهەڕەشەیەکی تەندرووستی جدییەوە و تەنانەت وەک چۆن ناتوانن له و گێژاوانەی بەرهەمیان هێناوە خۆیان قوتاربکەن، لەئێستاشدا خۆشیان کەوتوونە چاڵی بێچارەییەوە، ئەوسیستەم وزهنیەتەی مرۆڤی کردووە بەکرۆنای ژینگە و سروشتی لەپێناو مانەوەی خۆیدا تێکداوە، داگیرکاری ودەسەڵاتخوازیش پارچەیەکی دانەبراوە لێی ومرۆڤە کانی خستۆتە خزمەتی زانستگەرایی وهاوکێشەی زانست لەپێناومرۆڤایەتیدا شێواندووە، لەم باروودۆخە هەستیارەدا کە لەلایەک شەڕو داگیرکاریی و لەلایەک گەندەڵی و ستەمکاری لەسەر گەل بەڕێوەدەچێت، تەواوی کۆمەڵگه و بەتایبەتیش گەلانی ڕۆژهەڵاتی ناوین لەبەردەم هەڕەشەی تاریکستان و هەڵوەشان و کارەساتی گەورەدایە، هاتنی جەژنی نەورۆز بەواتای جوانی و نوێبوونەوەیەوە، لەئەمساڵدا بەهەمان واتای شۆڕشگێری وپەیوەست بوون بە ژیانی ئازاد و سروشتەوە با نەورۆز بکەینە جەژنی ئاشبوونەوە لەگەڵ سروشت لەگەڵ تەواوی گەلان لەگەڵ پێکهاتە جیاوازەکان هەروەک دوای تۆفانەکەی حەزرەتی نوح دەستپێبکەینەوە لەسەربنەمای کۆمەڵگەی ئەخلاقی و سروشتی هاوسەنگی دوور لە ستە م و قازانج پەرستی ودەسەڵاتداری کەلەرۆژگاری ئەمڕۆدا گەیشتووە بە گێژاوی قوڵ، ئەوسیستمە دژی مرۆڤ و تێکدەرە لەبێچارەییدا نەخۆشی ودەردی قەیراناوی زیاتر بەرهەم دەهێنێت، با نەورۆز بکەینە مەشخەڵی ڕووناککەرەوەی ڕێگای تێکۆشانمان بۆبەدیهێنانی سیستەمی کۆمەڵگایی جێگرەوە کە خۆی لە کۆنفیدرالیزمی دیموکراتی و خۆبەریوەبەری تەواوی پێهاتەو گەلاندا دەبینێتەوە، گەلی ئێمەش هێزوفکرو توانای ئەوەی هەیە پێشەنگایەتی ئەو شۆڕشە گەردوونی و مرۆڤایەتیە لەئەستۆبگرت، هەروەک چۆن جیهانی لە ڕەشەکوژی ودڕندەیی تیرۆرستانی #داعش# وفاشیزمی دەوڵەتی تورک پاراست، ئاواش ئەتوانێت گڕوتینی شۆڕشی نەورۆزیش بۆهەمیشە بەرز ڕابگرێت، ئیدی گەلی ئێمە سەلماندوویەتی کۆیلایەتی و داگیرکاری پەسند ناکات و هیچ بەربەستێک ناتوانێت ڕێگەی لێبگرێت تاگەیشتن بەسەرکەوتن.
تەڤگەری ئازادی له و جەژنی نەورۆزەدا بانگەوازی دەکات لەتەواوی گەلەکەمان بۆ یەکێتییەکی نەتەوەیی هەموو هەوڵەکانی بەکاربهێنێت و تەواوی ناکۆکییەکانمان وەلا نێین، ڕۆژێکی مێژووی بۆ گەلەکەمان هاتۆتە پێش دەبێت تەواوی هێزو لایەنەکان ئه و هەلە لەدەست نەدەن و چیتر خزمەت بەداگیرکەرانی کوردستان نەکەن.
هەروەها بانگەوازی لەتەواوی گەلانی ناوچەکە دەکەین بێ جیاوازی لەتێکۆشانێکی ئاشتی ودیموکراتی و پێکەوە ژیاندا دوور لە زهنییەتی نەتەوەپەرستی و دینگەرایی و مەزهەبگەرایی هەوڵەکانمان یەکخەین بۆ دەرباز بوون لەوگێژاوانەی بەهۆی هێزە دەسەڵاتخواز و نەژادپەرست وهەژموونگەراکانەوە ڕووبەڕووی ناوچەکە بۆتەوە، ئەوەش دەبێتە زیندوو ڕاگرتنی نەورۆز، چونکە زیندووڕاگرتنی نەورۆز زیندووبوونی ئاشتی پێکەوە ژیانی گەلانە لەهەمبەر زوحاکەکانی سەردەم.
نەورۆزی جەژنی گەلان و هێمای سەرکەوتنی گەلی کورد لە بنەماڵەی شەهیدانی ڕێگای ئازادی ودیموکراتی و شۆرشگێران وپارێزەرانی کوردستان پیرۆزدەکەین.
تەڤگەری ئازادی کۆمەڵگەی کوردستان
دەستەی بەڕێوەبەرایەتی
#20-03-2020#
⚠️ تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!