ناڤ: محەمەد
ناسناڤ: وەستا حەمەدی نەجاڕ
ناڤێ بابی: ئەمین
ناڤی دایک: زولێخا
ڕوژا ژدایکبوونێ: #01-07-1925#
ڕوژا وەغەرا داویێ :#20-11-1996#
جهێ ژدایکبوون: #کۆیە#
جهێ وەغەرا داویێ : کۆیە
$ژیاننامە$
ناڤی وی (محەمەد ئەمین محەمەد سولەیمان) بەرنیاس ب وەستا حەمەدی نەجاڕ، ساڵا 1925 ل تاخێ (قەڵات) ل کۆیە ژدایکبوویە، ل بابی خوە ئەمین نەجاڕ پیشەیا دارتاشیێ (نەجاڕ) فێربوویە، ب زاروکی دەچیتە حوجرە ل مزگەفتا مەلا #مەعسوم هەورامی# خوەندییە و شارەزایی ل زمانێ فارسی و عەرەبیدا هەبوویە و گوڵستانا سەعدیێ شیرازییش خوەندییە، دایکا وی زوو وەغەرا داویێ کرییە و ب بێ دایکی ژیایە، یەک برای ل دایکا خوە ب ناڤێ (قادر ئەمین) هەبوویە، دەمێ کوو دەگەهتە تەمەنێ سەربازیێ دبیتە سەرباز ل سوپایێ ئیراقێ و ل وێرێ زامدار دبیت و پییەکێ خوە لدەست ددەت ژبەر ڤێ چەندێ ئیدی ناچتە سەر ئەرکێ خوە، پشترە ل کۆیە دەف بابێ خوە دەست دکەتە پیشەیا نەجاڕی، ل دەستپێکا ساڵێن پێنجەها ب بیری کوردایەتیێ و ب نهێنی و ئاشکرا کارێ ڕێکخراوەیی دگەل (#عەلی عەبدوڵڵا# و خالید حەمەسەعید–#دکتۆر خالید#)دا کرییە و ل ساڵا 1959 بەشدارییا خوەپشاندانێن کۆیە دژبەری حکومەتێ دکەت، ل ساڵا 1963 ژبەر هەڵوێستا کوردپەروەرانە (2) دوو ساڵان ل #کەرکووک#ێ دهێتە زیندانی کرن، ل ساڵێن حەفتێ (70) یا سەد ساڵا بیستەم دبیتە ئەندام ل ناوچەیا کۆیە یا #پارتی دیموکراتی کوردستان# دگەل (حەمید خدر عەبدولڕەحمان گۆمەشینی و حەمەتایەر گۆمەشینی و خاڵە دێوە و عەلی نەجاڕ).
ل ساڵا 1984 کوڕەکێ ب ناڤێ (دلێر محەمەد ئەمین) ل کۆیە ب ئەگەرا بۆردوومانا فڕۆکەیێن جەنگی ئێن ئیرانێ شەهید بوویە، پشترە ل ڕاپەڕینا کۆیە ل ڕێکەفتا #09-03-1991# د دەمێ ئێرش برنا سەر بارەگەهێ ( مەنزومەی کۆیە) یا حزبا #بەعس# کوڕەکێ وی ب ناڤێ (#کاوە محەمەد ئەمین محەمەد# ) دبیتە ئێکەم شەهیدێ ناڤ باژێڕوکێ کۆیه، هەر ب ڤێ هەلکەفتێ #مەسعود بارزانی# سەردانا وەستا حەمەدی نەجاڕی کر ل کۆیە، ب سەربەرزی د ناڤ کاسبکار و نیشتمانپەروەران دا ژیان بسەربرییە و ل ڕێکەفتا 20-11-1996 وەغەرا داویێ کر و ل گۆڕستانا عارەبیان (شەهیدان) ل کۆیە هاتە بخاک سپاردن. [1] [2]