ئەنجامی لێکۆڵینەوەیەکی نوێ کە لەلایەن توێژەرانی سەر بە زانکۆی ماساچوستس و ناوەندی پزیشکیی جۆن هۆبکنز ئەنجامدراوە ئەوەی دەرخستوە، پەیڕەوکردنی سیستەمێکی خۆراکیی دەوڵەمەند بە سەوزە و میوە بۆ ماوەی 8 هەفتە ئەگەری تووشبوون بە نەخۆشییەکانی دڵ بە ڕێژەی 10٪ کەمدەکاتەوە.
بەگوێرەی ئەنجامی ئەو لێکۆڵینەوەیە کە ئەمێریکان جۆڕاڵ ئۆف کاردیۆلۆجی بڵاویکردۆتەوە، خۆراکی تەندرووست ستراتیژێکی سەرەکییە بۆ کەمکردنەوەی ئەگەری تووشبوون بە نەخۆشییەکانی دڵ، وەک بەرزبوونەوەی فشار و کۆلیسترۆڵ، هەروەهاڕێگریکردن لە ڕەقبوونی خوێنبەرەکان.
لێکۆڵینەوەکە کاریگەریی 3 سیستەمی خۆراکی بەراورد کردووە، یەکەمیان بۆ کەمکردنەوەی بەرزە پەستانی خوێن، دووەمیان دەوڵەمەندە بە سەوزە و میوە، سێیەمیش ڕێجیمێکە کە ڕێژەیەکی زۆر چەوری و سۆدیۆم و کەم سەوزە و میوەیە.
توێژینەوەکە دەریخستوە، خانمان زیاتر سوودمەندبوون لەڕێجیمی نزمکردنەوەی پەستانی خوێن، کە بەهۆیەوە ئەگەری تووشبوونیان بە نەخۆشییەکانی دڵ بە ڕێژەی لە سەدا 13 کەمکردووە، ئەم سیستەمە بەشێکی باشی گەنمەشامی و دانەوێڵەی تەواو و سەوزە و میوە لەخۆدەگرێت.
دەریشکەوتوە، سیستەمى خۆراکیی دەوڵەمەند بە سەوزە و میوەکان تەندرووستیی دڵ باشتردەکەن و مەترسیی تووشبوون بە نەخۆشییەکانی وەک بەرزبوونەوەی کۆلیسترۆڵ و پەستانی خوێن کەمدەکەنەوە. [1]
Kurdipedia is niet verantwoordelijk voor de inhoud van deze opname en de eigenaar is daarvoor verantwoordelijk. Kurdipedia nam het op voor archiefdoeleinden.
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 1,407 keer bekeken
Schrijf uw commentaar over dit item!