ئەڤرۆ نیوز ، نەوزاد ھلۆری:
ماوەیێ چوار سالایە ڕێکخراوەکا پارێزگەھا #دھۆک#ێ ب شێوەیەکێ مەیدانی کار لسەر نەھێلانا سونەتکرنا کچ و ژنان ل ھەرێما کوردستانێ ب گشتی و پارێزگەھا دھۆکێ ب تایبەتی دکەت ،ل گورەی زانیاریێن ئەوێ ڕێکخراوێ ھێشتا ل پارێزگەھا دھوکێ ب ڕێژا 3-2% ژ کچ و ژنان دھێنە سونەتکرن.
دڤی واریدا “شێرزاد پیرس موسا ” سەرۆکێ ڕێکخراوا ئەلند بو دیموکراسیکرنا گەنجان تایبەت بو ئەڤرۆ نیوز گۆت: ( ل سالا 2014 ھەتا نھا ڕێکخراوا مە ب ھەڤکاری ل گەل ڕێکخراوا وادی یا ئەلمانی و یونسێف و کونسولگەریا ھولەندا ل ھەولێر و چەند ڕێکخراوەکێن دن کار دکەین ژ بوو نەھێلانا سونەتکرنا کچ و ژنان ل کوردستانێ ب گشتی و پارێزگەھا دھۆک ب تایبەتی و ھەتا نھا مە شیاینە ڕێژەیەکا زورا کچ و ژنان ل سونەتکرنێ دویر بگرین)
زێدەتر گۆت: (ل گورەی ئەوان ڕاپورت و سەرەدانێن مە ب مەیدانی ئەنجامدای جوداھیەکا زور ژلایێ دەڤەران ڤە ھەیە بو سونەتکرنا کچ و ژنان لگورەی ئەو زانیاریێن کو یونسێف و ھارتلاند ھاتینە بەلاڤکرن ، و ل دوڤ ئەو کارێن کو مە سەرپەرشتی بو کرین ل ھەموو دەڤەرێن ھەرێما کوردستانێ سونەتکرنا کچ و ژنان ھەیە و ڕێژەیەکا زور یا ئەو ئافرەتێن کو ب ئەرکێ سونەتکرنێ ڕادبوون لسەر دەستی َمە کارێ خوە ھێلایە ، ھەر چەندە ل گورەی قانونا ھژمار 8 یا سالا 2008 سونەتکرنا کچ و ژنان نابیت بھێتەکرن بەلێ ئەم ب ئاشکرای دبێژین سونەتکرنا وان یا ھەیی ، ھەر بوو نموونە نھا ڕێژا سونەتکرنا کچ و ژنان ل پارێزگەھا دھۆکێ دگەھیتە 3-2% کو ئەڤ یەک ژی ڕێژەیەک زورە )
ناڤبری دیارکر ژی کو پرانیا وان کچ و ژنێن دھێنە سونەتکرن دکەڤنە گوندان و بەلێ ل باژێران ژی ھەیە و ھندەک ژ وان کچ و ژنێن کو ھاتینە سونەتکرن خودان باوەرنامەیێن بلندێن زانکو و پەیمانگەھانن و گۆت ژی: ( ئەگەرێن سەرەکیێن زوربوون و مانا سونەتکرنا وان دزڤریت بو داب و نەریتێن جڤاکی ، ھندەک ئەگەرێن ئاینی و ھندەک ژی بوو شەرمێ دزڤریت ئەگەر نەھێنە سونەتکرن ، و پرانیا ئەو کچ و ژنێن کو ھاتینە سونەتکرن ژی دناڤبەرا ژیێ پێنج سالی بو 10 سالی بووینە بەلێ ئەڤ ژییە ناکەڤنە پارێزگەھا دھوکێ)
سەرۆکێ ڕێکخراوا ناڤبری دیارکر ژی کو ئەوان سێ تیمێن گەروک پێکیناینە بو سەرەدانا گوند و باژێران و ھوشیارکرنا کچ و ژنان و گۆت ژی: (ھەر تیمەکا مە ژ سێ کەسان پێکدھێت کو ئەو ژی پێدڤی یە ئافرەت بیت و دەرچویێن پشکا ڤەکولەرێن جڤاکی بن و سەربوور و شارەزایی دوارێ سونەتکرنا کچ و ژنان ھەبیت ، ئەڤ تیمە ژ نێزیک و ب شێوازەکی َمەیدانی سەرەدانا ئەوان جھان دکەن کو گومان ھەیە سونەتکرنا کچ و ژنان بھێتەکرن ب تایبەتی بو گوندان کو مەرەم ژی ئەوە ھوشیاریا وەلاتیان بھێتەکرن داکو ژ ڕوویێ جڤاکی و ساخلەمی و دەروونی و ئاینی ڤە بھێنە پاراستن ل گوەری قانونا ھژمار 8 سالا 2011)
ئەو گوندێن کو ڕێکخراوا ناڤبری ل بەرە ژ نێزیک سەرەدانێ بو بکەت 600 گوندن کو زێدەتری 13 ھزار کەسان ب خوڤە دگریت و شێرزادی گوت ژی: ( پێدڤی یە خزمەتگوزاریێن مینا ئاڤا پاقژ و بنگەھێن ساخلەمیێ و قوتابخانە بھێنە چێکرن ب تایبەتی بو گوندان داکو پتر بھێنە پاراستن)
دھێتە زانین کو ڕێکخراوا ناڤبری پشتی مەھەکا دن دی َھەموو ھورکاریێن د ڕاپورتەکێ دا بەلاڤ کەن.[1]
Kurdipedia is niet verantwoordelijk voor de inhoud van deze opname en de eigenaar is daarvoor verantwoordelijk. Kurdipedia nam het op voor archiefdoeleinden.
Dit item werd in het (کرمانجی) geschreven, klik op het pictogram
om het item te openen in de originele taal!
ئەڤ بابەت ب زمانێ (کرمانجی) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب وی زمانێ کو پێ هاتیە نڤیساندن!
Dit item is 1,547 keer bekeken
Schrijf uw commentaar over dit item!