$باکووری کوردستان$
- مارتینا ئەندرسۆن پەرلەمانتاری ئیرلەندی لە پەرلەمانی ئەوروپا، سەردانی #لەیلا گوڤەن# هاوسەرۆکی #کەجەدە#ی کرد، کە ماوەی 105 ڕۆژە لە چالاکیی مانگرتندایە.[2]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2019/182390/0006.JPG=KTML_ImageCaption_Title=پەرلەمانتارێکی ئیرلەندی سەردانی لەیلا گوڤەنی کرد=KTML_ImageCaption_CaptionStyle=000000=KTML_ImageCaption_Caption=پەرلەمانتارێکی ئیرلەندی سەردانی لەیلا گوڤەنی کرد=KTML_ImageCaption_End=
- سوپای تورکی داگیرکەر لە بەیانیی ئەمڕۆوە سەرباز و ئۆتۆمبێلی زرێپۆش دەنێرێتە گوندی مارینە-ی سەر بە ناوچەی نسێبین-ی مێردین. بە گوێرەی زانیارییەکان کە لە گوندنشینان وەرگیراون، گوندەکە کە لە بناری چیای باگۆک هەڵکەوتووە لە لایەن 16 ئۆتۆمبێلی سەربازی و پۆلیسی، هەروەها 2 ئۆتۆمبێلی زرێپۆش و چەندین ئۆتۆمبێلی مەدەنی گەمارۆ دراوە.[4]
- پارێزگاری شاری #وان#، چالاکیی ڕۆژی جیهانیی زمانی دایکیی بە بیانووی (ئاڵۆزی) قەدەغە کرد.[4]
$رۆژهەڵاتی کوردستان$
- هێزە ئەمنییەکانی ئێران گروپێک لە کۆڵبەرانیان لە لەسەرسنوورە دەستکردەکانی نێوان ڕۆژهەڵات و باشوری کوردستان لە ناوچەی سنووری هەنگەژاڵەی #بانە# دایە بەر دەستڕێژی گوللە، لە ئەنجامی ئەو هێرشە کۆڵبەرێک بەناوی 'غەریب تاجی' تەمەن 28 ساڵ برینداربوو.[2]
- بە بۆنەی ڕۆژی جیهانیی زمانی دایکی، ئەنجومەنی فەرهەنگی ئەدەبیی #مەریوان#، سیمینارێک لە ژێر ناوی زمانی کوردی و جیهانی مودێڕن بۆ دوکتور بەختیار سەججادی سەرۆکی بەشی زمان و وێژەی کوردیی زانستگەی کوردستان ساز کرد.[6]
$باشووری کوردستان$
- لە #هەولێر# پێشانگای نێودەوڵەتی خۆرهەڵاتی ناوەڕاست بۆ ماڵی نمونەیی بە بەشداری 70 کۆمپانیای ناوخۆیی و بیانی دەکرێتەوە.[1]
- پاش کۆتاییهاتنی کۆبوونەوە فراوانەکەی یەکێتی لە تەلاری هونەری لە #سلێمانی# #لەتیف شێخ عومەر# وتەبێژی #یەکێتیی نیشتمانیی کوردستان# ڕایگەیاند: قۆناغێکی تازە هاتۆتە پێشەوە و یەکێتی قسەی جیاوازی دەبێت. لەتیف شێخ عومەر وتیشی: یەکێتی دوای هەڵبژاردنی دەستەی سەرۆکایەتی پەرلەمان قسەی جیاوازی دەبێت و پێداگری لەسەر بەرنامە گشتگیرییەکەی خۆی دەکات.[3]
- لەناو ئاسایشی ئێزیدخاندا بەشێکی تایبەت کرایەوە کە لەلایەن ژنانەوە بەڕێوە دەبرێت، بە هاوبەشی لەگەڵ ئاسایشی ئێزیدخان دەستیان بە کارکردن کرد.[2]=KTML_Photo_Begin=https://www.kurdipedia.org/files/relatedfiles/2019/182390/0010.JPG=KTML_Photo_Alt=پێشانگای نێودەوڵەتی خۆرهەڵاتی ناوەڕاست بۆ ماڵی نمونەیی=KTML_Style=width:30%;height:20%;float:left;=KTML_Photo_Target_Link=https://www.kurdipedia.org/files/relatedfiles/2019/182390/0010.JPG=KTML_Photo_End=
- ئەمڕۆ لە قوتابخانەی ئاوێسەری بنەڕەتی لە شارەدێی #خورماڵ#-ی سەر بەپارێزگای #هەڵەبجە#، فێستیڤاڵی خواردنی میوە بۆ خوێندکاران بەڕێوەچوو.[2]
- لە کاتی گردبوونەوەیەکدا بۆ ئازادکردنی دەستیگرکراوانی خۆپیشاندانەکانی #شیلادزێ# و #دهۆک#، نۆ ئەندامی #نەوەی نوێ# و ڕۆژنامەنووسێک لە دهۆک دەستگیرکران.[4]
- هێزەکانی بنکەی پۆلیسی بەختیاری لە سلێمانی تۆمەتبارێکیان دەستگیرکرد کە ساڵی ڕابردوو هاوسەرەکەی خۆیی کوشتوە.[3]
- دوای تێپەڕبوونی 31 ساڵ بەسەر ونبوونی منداڵێکی هەڵەبجەیی لە کاتی کیمیابارانی هەڵەبجەدا، ئێوارەی ئەمڕۆ بە کەسوکارە ڕاستەقینەکەی شادبوویەوە. ئه و منداڵەی دۆزراوەتەوە لەلای خێزانە ڕاستەقینەکەی ناوی خەلیل-ه و لە ئێران ناوی محەمەد بووە، لە ئێستادا هاوسەرگیری کردووە و کچێکی هەیە و خوێندنی تەواوکردووە و خاوەنی بڕوانامەی دکتۆرایە لە بواری پزیشکی دادوەریدا.[5]
- ئێوارەی ئەمڕۆ لە کۆتایی شەقامی عەبدولڕەحمان لە گەڕەکی یەکی حوزەیران لە شاری #کەرکووک#، لەلایەن هەواڵگری #حەشدی شەعبی# چاودێری سەرچەتەیەکی داعش کرا، کە پلەی ئەمیرە لەناو داعش و هەوڵی دەستگیرکردنی درا، بەڵام ئەو چەتەیە تەقەی لە چەکدارانی حەشدی شەعبی کرد و هەڵات و چەکدارێکی حەشدی شەعبی کوژرا.[2]
$رۆژئاوای کوردستان$
- لە شاری #کۆبانێ# دووەمین کۆنفرانسی گەنجانی ڕۆژهەڵاتی ناوەڕاست، لە هۆڵی جاند و هونەر لە شارکە دەستی بەکارەکانی کرد، میوانانی گەنج لە نەتەوەکانی کورد، عەرەب، ئەرمەن، سوریان، فارس، ئەفغان و تورک کە بانگهێشتکراون و بەشدارن لە کۆنفرانسەکەدا. کۆنفرانسەکە بە دروشمی بە پێشەنگایەتی گەنجان بەرەو ڕۆژهەڵاتی ناوەڕاستی فرەڕەنگ و دیموکراتیک بەڕێوە دەچێت و بڕیارە سێ ڕۆژ بخایەنێت.[2]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2019/182390/0013.JPG=KTML_ImageCaption_Title=دووەمین کۆنفرانسی گەنجانی ڕۆژهەڵاتی ناوەڕاست لە کۆبانی=KTML_ImageCaption_CaptionStyle=000000=KTML_ImageCaption_Caption=دووەمین کۆنفرانسی گەنجانی ڕۆژهەڵاتی ناوەڕاست لە کۆبانی=KTML_ImageCaption_End=
- منداڵێکی تەمەن 16 ساڵان بە ناوی عەبدوڵا شیلاش لە کاتێکدا لە گوندی خربەت بەنات-ی ناوچەی #سەرێکانی#ی سەر بە هەرێمی جزیر مەڕەکانی دەلەوەڕاند، مینێکی پێدا تەقییەوە کە پێشتر لە لایەن چەتەکانی #داعش# جێگیر کرابوو. لە ئەنجامی تەقینەوەکە شیلاش برینداربوو و ڕەوانەی نەخۆشخانەی سەرێکانی کرا. ڕاگەیەنرا بەهۆی سەختیی برینەکەی، ناوبراو گوازراوەتەوە بۆ نەخۆشخانەی #قامیشلۆ#.[4]
$دەرەوەی کوردستان$
- کوردێکی دانیشتووی ئەڵمانیا بە ناوی ئووغوور شاکار کە تەمەنی 40 ساڵانە و خەڵکی شاری دێرسم-ی باکووری کوردستانە، کاتژمێر 10ی ئەمڕۆ له بەردەم دادگەی شاری کریفێلد بۆ ئیدانەکردنی گۆشەگیریی سەر #عەبدوڵڵا ئۆجەلان# خۆی سووتاند. بە گوێرەی زانیارییەکان، شاکار لە بەردەم دادگە بەنزینی بەخۆیدا کردووە و خۆی سووتاندووە. ناوبراو ڕەوانەی نەخۆشخانە کراوە و باری تەندرووستی ناجێگیرە.[4]
- لە ئەنجامی تەقینەوەیەک لە کۆگەیەکی چەک و تەقەمەنیی بارەگەی سەربازیی ساریکایا لە ناوچەی پۆڵاتی ئەنقەرە 5 کەس بریندار بوون. وەزارەتی بەرگریی میللی تەقینەوەکەی پشتڕاست کردەوە و ڕایگەیاند، 5 سەرباز بریندار بوون.[4]

چالاکییەکانی هێزەکانی ڕزگاریی #عەفرین# لە دژی سوپای تورکی داگیرکەر و چەتەکانی لە عەفرین و دەوروبەری بەردەوامن. هێزەکانی ڕزگاریی عەفرین دەربارەی دوایین چالاکییەکانی ئەمڕۆ ڕاگەیەنراوێکی بڵاوکردەوە.
لە ڕاگەیەنراوەکەدا هاتووە: (ڕۆژی 17ی شوبات\28ی ڕێبەندان #شەڕڤان#انی ئێمە لە دژی گرووپێکی چەتەکانی فیرقەی هەمزە کە لەنێوان گوندەکانی کورزێلێ و باسووت-ی سەر بە عەفرین جێگیربووبوون، چالاکییەکی کاریگەریان ئەنجام دا. لەم چالاکییەدا لەنێوان هێزەکانمان و چەتەکاندا شەڕ ڕوویدا. لە ئەنجامی شەڕدا 3 چەتە کوژران و 5ی دیکەش بریندار بوون.)
(لە لایەکی دیکەوە، لە ڕاگەیەنراوی 18ی شوبات\29ی ڕێبەندان-دا ڕامانگەیاندبوو کە ڕۆژی 17ی شوبات\28ی ڕێبەندان شەڕڤانانی ئێمە لە ناوچەی بلبلێ-ی عەفرین دژی ئۆتۆمبێلێکی دەوریەی سەرباز و چەتەکانی دەوڵەتی تورکی داگیرکەر چالاکییەکیان ئەنجام داوە و سەربازێک و 2 چەتە بەسەختی بریندار بوون. زانرا کە ئه و سەربازەی بریندار بووە و ناوی ئوموت ئۆزنوورئۆغلوو-وە ڕۆژی 18ی شوبات\29ی ڕێبەندان مردووە.)[1]
#20-02-2019#

‎بەیانیتان باش هەڤاڵانی خۆشەویست
‎ئامادەبووانی بەڕێز
‎خۆشحاڵم لەگەڵتان کۆدەبینەوە لەکات و سەردەمێکدا کە قۆناغێکێ زۆر زۆر هەستیارە، کە میللەتەکەمان پێیدا تێپەڕ دەکا، هەروەها یەکێتی نیشتمانی کوردستان لەو قۆناغە هەستیارە ئەرکی سەرشانی قوڕسە، لەبەرئەوە دەمەوێ پێتان بڵێم کە ئێمە وەک یەکێتییەکان ئەرکە لەسەرمان یەکێتی ناو یەکێتی بپارێزین و هەموومان بەیەکەوە بۆ یەکێتی نیشتمانی کوردستان کاربکەین، ئەو یەکێتییەی کە خوالێخۆشبووان #مام جەلال# و کاک نەوشیروان و. برادەرانی تر مێژوویەکی گەورەیان بۆ جێهێشتین و ئێمەش دەبێ بیپارێزین و گەشەی پێ بدەین، گەشەپێدانی ئەو دۆخەی ئێستا هەیە ئەرکی سەرشانی هەموومانە، کە ئیشی تێدا بکەین و ئێستای یەکێتی بارودۆخی زۆرباشە، چەند ساڵێک پێش ئێستا دەیانگوت یەکێتی دەبێتە دوو کەرت و ئینشقاق دەکا، بەڵام دەرکەوت یەکێتی نیشتمانی کوردستان ئەو هێزە نییە بەهیچ کەسێک بشکێت و بەهیچ کەسێکیش ناشکێت، وەک مام جەلال فەرموویەتی سەفین لەبن بێ یەکێتی لەبن نایە.
‎هەڤاڵانی بەڕێز...
‎هیوادارم یەکەم شت وەحدەتی خۆمان بپارێزین لە هەموو شوێنەکان، پاراستنی یەکڕیزی خۆمان نیشانەت سەرکەوتنمانە، ئێوەش هەمووتان لێپرسراون لە ناوچەکان و ئێستا لە سەرانسەری کوردستان لەهەموو مەڵبەندەکان لەو کۆبوونەوەیە بەشدارن، هیوادارین ڕۆڵی خۆتان ببینن و هەموومان ئیش بکەین بۆ ئەوەی یەکێتی نیشتمانی کوردستان بخەینەوە شوێنی خۆی و یەکێتی بکەوێتەوە سەر سکەی خۆی، لای ئێمە مەسەلەی یەکدەنگی و یەکگوتاری یەکێتی لە هەموو شتێک گرنگترە.
‎جێگای شانازییە کە ئەو میراتەی بۆ ئێمەیان جێهێشتووە، یەکێتی مێژووێکی گەورەیەو لە هەموو دنیا ناسراوە لە ئاستی ناوەوەو دەرەوە، ئەمانە هەمووی نیشانەی ئەوەن کە یەکێتی نیشتمانی کوردستان هێزێکی زیندووەو هەر دەشمێنێ، ئێمە لەسەر دۆخی مفاوەزاتی نێوان خۆمان و برادەرانی پارتی بۆ پێکهێنانی حکومەتی نوێ، ئەو مەسەلەیە زۆر درێژەی کێشا، ئێمە بۆ ئەوەی یەکێتی ڕیزەکانی گەلی کورد بپارێزین شانبەشانی یەکڕیزی ناو یەکێتی ئێمە ئەنجامی هەڵبژاردنمان قبوڵکرد لەپێناو یەکڕیزی و نەمانویست ئێمە هەڵوێستێکمان هەبێ و پارتی هەڵوێستێکی هەبێ، ئێمە هەردوولا هێزی سەرەکین و دوو هەڵوێستی جیاوازمان هەبێ زەرەر دەکەین، بەڵام بەداخەوە ئەوان بە نەفەسی تۆڵەکردنەوە و ڕق دەستیان بە کارەکان کرد، لەسەر ئەوەی سەرۆک کۆمار بۆ یەکێتی بووە، دوێنێ کۆبوونەوەی پەرلەمانیان کرد بەبێ یەکێتی، پێموایە ئەوەی دەیەوێ جارێکی تر دووبەرەکی و شەڕی ناوخۆ لەکوردستان دروست بکا، ئێمە دژی ئەو سیاسەتەین، چونکە یەکێتی نیشتمانی کوردستان یەکێتی خەڵکە، یەکێتی ناو ڕیزەکانی میللەتەکەمانە، لەبەرئەوە کەس ناتوانێ یەکێتی نیشتمانی کوردستان بشکێنێ یان فەرامۆش ناکرێ، یەکێتییەکان ئێمە دڵنیاتان دەکەینەوە لەگەڵ هیچ لایەنێک سازش ناکەین و ئەگەر ڕێککەوتنەکان تەوازنی تێدا نەبێ و حسابی خەبات و ماندووبوونی یەکێتی نەکات کە ئەوە بۆ ئێمە زۆر گرنگە نایکەین، دڵنیاتان دەکەینەوە و بەڵێنتان پێ دەدەین لەناوخۆمان وەزعی خۆمان چاک دەکەین، هەریەک لەئێوە بەراوردی ئێستا بەساڵێک پێشوو بکا جیاوازی زۆر زۆر هەیە، ئەو جیاوازییەش دەبێ بکەینە عەمەلی و هەموومان بەیەکەوە ئیشی تێدا بکەین.
‎بۆ کۆنگرەش، دڵنیاتان دەکەین کە کۆنگرە دەبەستین لەکاتێکی زۆر نزیکدا، بەڵام کاتێک بێ ئەو دۆخەی کوردستان تێپەڕببێ و یەکلابێتەوەو بزانین چی لێ دێ، کۆنگرە دەبەستین و وەڵامی ئەوانە دەدەینەوە کە دەڵێن ناتوانن کۆنگرە ببەستن، کۆنگرەیەک ئەنجام دەدەین یەکێتییانە بێ، نەک وەک خەڵکی تر، یەکێتیانەیەک لەئاست ڕۆڵی ئازایەتی و پیاوەتی و جوامێری و قارەمانێتی پێشمەرگەو کادیرەکان بێ، ئەوانە هەموویان شایستەی ئەوەن ڕێزیان لێ بگیرێت و دەنگیان بدرێتێ.
‎ئامادەبووانی خۆشەویست...
‎ئێمە خۆمان دەمانەوێ پاکسازی بکەین لەناو دەزگاکانی حکومەتی هەرێمی کوردستان، ئەوەی سنووری دەسەڵاتی ئەو ناوچەیەیەو یان ئەوانەی لێپرسراوەکان بەقسەیان دەکەن، دەبێ مەسەلەی فەسادو گەندەڵی نەهێڵین لەناو خەڵک، چونکە بەڕاستی ئەوە شتێکی زۆر زۆر خراپە، لە هەر شوێنێک گەندەڵی و دزی زۆر بوو، تەجاوز لەسەر موڵکی حکومەت زۆربوو ئەوا ئەو شوێنە وەزعی خراپ دەبێ، لەبەرئەوە دڵنیاتان دەکەم وەک یەکێتی سیاسەتی سەرکردایەتی و مەکتەب سیاسی ئەوەیە هاوکاری ئەو دام و دەزگایانە بکەین کە لەلایەن حکومەتەوە تەرخانکراون و لەگەل دام و دەزگاکانیش هەوڵ بدەین کە بە زووترین کات دەست بە چاکسازی و پاکسازی بکەین لەناو دام و دەزگاکانمان، ئەوەش بەوە دەکرێ هەرکەسەو لای خۆیەوە دەست پێ بکا، چونکە ئەگەر لای خۆمانەوە دەست پێ نەکەین ناتوانین داوا لە خەڵکی تر بکەین.
‎لەکۆتاییدا جارێکی تر سوپاستان دەکەم بۆ بەشداریکردنتان لەو کۆبوونەوەیە، بۆ ئەوەی ئاگاداربن لە مەرجەکانی ئێمەو پارتی لە کۆبوونەوەکان، حاکم قادر بەدرێژی بۆتان باس دەکا.
‎جارێکی تریش بەخێربێن
‎هەربژین بۆ کوردو کوردستان
‎بژی #یەکێتیی نیشتمانیی کوردستان#
#20-02-2019#