18ی مانگ پارتی ئامادەیە، ئەی یەکێتی؟
هێڤیدار ئەحمەد
11-02-2019

ڕۆژی 02-10-2014 گەرمەی شەڕی دژی داعش بوو، من لەو ڕۆژەدا لەسەر (کەشتیی بوش) بووم لە کەنداو، فڕۆکەکانی ئەمریکا بۆ لێدانی داعش لەسەر ئەو کەشتییە دەفڕین. تاوەکوو گەیشتمە سەر کەشتییەکە، ئەدمیڕال ئادەم میللەر، فەرماندەی یەکەمی کەشتیگەلی پێنجەمی دەریاوانی ئەمریکا کە لەسەر کەشتییەکە بوو، پێیگوتم پێش ئەوەی بڕیار بدەین بەشدار بین لە لێدانی داعش، ڕاپۆرتێک لەلایەن حکومەتی ئەمریکاوە بۆ ئێمە هات، تێیدا باسی ئەوەی کرد کە لە هەرێمی کوردستان، دیموکراسی هەیە و هەر چوار ساڵ جارێ هەڵبژاردن دەکرێ و دەستاو دەستکردنی دەسەڵات هەیە و... ئەدمیڕاڵەکە بە منی گوت لەسەر ئەم بنەمایە هاتین و بەرگریمان لە کوردستان کرد.
بایەخی پەڕڵەمانی کوردستان
هەموو ڕێگەکانی دیموکراسی بە پەڕڵەماندا تێدەپەڕن، شەرعییەتدان بە دەسەڵات، گۆڕینی یاساکان، وەرگرتنی بڕیاری نیشتمانی هەموویان دەبێ مۆری پەڕڵەمانیان لەسەربێت. پێویستە لەسەر هەموو حیزبە کوردستانییەکان، بەتایبەت پارتی و یەکێتی کە دوو حیزبی دەسەڵاتدارن لە هەرێمی کوردستان، ڕۆڵی پەڕڵەمان کارابکەنەوە، هاوپەیمانەکانیش لە ڕێگەی دیموکراسییەوە، ئینجاش لە ڕوانگەی نەوت و جیوپۆلیتیکەوە سەیری کوردستان دەکەن، بۆیە حکومەتی ئەمریکا سەربازانی خۆی بەوە ڕازیکرد کە پشتی کورد بگرن، چونکە لە هەرێمی کوردستان، دیموکراسی هەیە!.

05-02-2019 پارتی و یەکێتی کۆبوونەوە و بڕیاریاندا دوای تێپەڕبوونی سێ مانگ بەسەر سوێندخواردنی پەڕڵەمانتارانی خولی پێنجەم، ڕۆژی 18ی ئەو مانگە پەڕڵەمان کۆببێتەوە. خەڵک ئەم جارە زۆر بە ئومێدەوە دەنگیاندا بۆ هەڵبژاردنی پەڕڵەمانێکی نوێ، بەڵام خەریکە نائومێدی درووستدەبێ. ئێستا نیازی باش پەیدابوونە و بڕیارە ڕۆژی 18-02-2019 پەڕڵەمانی کوردستان کۆببێتەوە، ئەم جارە بۆ هەڵبژاردنی دەستەی سەرۆکایەتی پەڕڵەمانە، پێش کۆبوونەوەی پارتی و یەکێتیش بە ڕۆژێک، پارتی و بزووتنەوەی گۆڕانیش دوور لە چاوی میدیا لەسەر هەمان پرس کۆبوونەوە.
کێبڕکێی دوو باڵەکە
بەربژێری یەکێتی بۆ پۆستی سەرۆکی پەڕڵەمان هێشتا لەنێوان بەڕێزان بێگەرد تاڵەبانی و د.رێواس فایق کە هەردووکیان ئەندامی سەرکردایەتی حیزبەکەیانن و ئەندامی خولی پێشوو و ئێستای پەڕڵەمانی کوردستانن، ساخنەبووەتەوە، هەردووکیان و هەردوو باڵە پشتیوانەکەشیان تاوەکوو سەر ئیسقان کێبڕکێی یەکتر دەکەن بۆ وەرگرتنی پۆستی یەکەمی پەڕڵەمانی کوردستان بۆ چوار ساڵی دیکە. بەڵام پۆستی جێگری سەرۆکی حکومەت 100% بو بەڕێز قوباد تاڵەبانی یەکلابووەتەوە، هەرچەندە باڵەکەی بەرانبەر باڵی ماڵی تاڵەبانی هێشتا ملی بۆ نادات.

زۆر گرنگە یەکێتی لەسەر کاندیدی سەرۆکی پەڕڵەمان ، خۆی و پارتی ئیحراج نەکات و بەیەک بەربژێر بێتە نێو پەڕڵەمان. پارتیش مامەڵە لەگەڵ ئەو ناوە دەکات کە مەکتەبی سیاسی و سەرکردایەتی یەکێتی وەک بەربژێری خۆی بۆ پۆستی سەرۆکی پەڕڵەمان پێشکێشی دەکات.

ئایا پێش (18/2/2019) پۆستی سەرۆکی پەڕڵەمان لەنێو یەکێتیدا یەکلایی دەبێتەوە! گومانێک هەیە کە ئەم کێشمەکێشە درێژە بکێشێ و ببێتە ئەگەری دواخستنی کۆبوونەوەی پەڕڵەمان. بەڵام خۆ ئەو گومانەم نییە یەکێتی کۆبوونەوەی پەڕڵەمان دوابخات، چونکە پێکەوە لەگەڵ پارتی ئەو بڕیارەیان داوە و هەر خۆشی تەحەمولی هەموو بڕیارێکی پێچەوانەی ئەو بڕیارە دەکات .
پارتی و گۆڕان؛ چوار ساڵ
پارتی هەر زوو لەگەڵ بزووتنەوەی گۆڕان گەیشتە ڕێککەوتن. پارتی ڕێکە لەگەڵ سەرکردایەتی گۆڕان بۆ پێکەوە کارکردنێکی چوار ساڵە کە لە بەرژەوەندی کوردستان بێت و لە دژی یەکێتی نەبێت. بەڵام ئەوەی ڕاستی بێ، پارتی و گۆڕان و هەموو خەڵکی کوردستان زیاتر لە سێ مانگە چاوەڕوانی یەکێتی دەکەن کە خۆی ساخ بکاتەوە .

ڕۆژی 07-02-2019 بەڕێز کۆسرەت ڕەسوڵ، جێگری یەکەمی سکرتێری گشتی یەکێتی دوور لە چاوی ڕاگەیاندن، لەگەڵ جەنابی سەرۆک بارزانی کۆبووەوە. بەپێی قسەی برادەرانی یەکێتی کۆبوونەوەیەکی سەرکەوتوو بوو .

ڕۆژی 18-02-2019 جگە لە هەڵبژاردنی دەستەی سەرۆکایەتی پەڕڵەمان، لە شاری هەولێر کۆبوونەوەی ئەنجوومەنی پارێزگای کەرکووکیش دەکرێت، مەبەستی سەرەکی لەو کۆبوونەوەیە ئەوەیە کە داوا لە بەغدا بکرێت ، کەرکووک لە شارێکی سەربازییەوە بگۆڕێت بۆ شارێکی خاوەن دەسەڵاتێکی مەدەنی ، هەروەک گوتەبێژی یەکێتیش لە دوایین پرێسکۆنفرانسدا وتی .
هەگبەی چارەسەرکار لە بەغدا
یەکێتی ساڵێک و چوار مانگ دوای ڕووداوەکانی 16ی ئوکتۆبەر هەوڵیدا بەتەنیا لەگەڵ بەغدا و بەبێ پارتی دۆسیەی کەرکووک لەگەڵ بەغدا یەکلاییبکاتەوە، بەڵام نەیتوانی . بەغداش ئەم دۆسیەیە زیاتر لەگەڵ پارتی چارەسەر دەکات . دۆسیەی کەرکووک بەشێکی سەرەکی بوو لە مژارەکانی سەردانی بەڕێز نێچیرڤان بارزانی، سەرۆکوەزیرانی کوردستان بۆ بەغدا . ئەو کەسەی بەوە ناسراوە کە هەمیشە گرێیە ئاڵۆزەکان دەکاتەوە. نێچیرڤان بارزانی لە ڕۆژی 07-02-2019 لەگەڵ عادل عەبدولمەهدی، سەرۆکوەزیرانی ئێراق کۆبووەوە ، بەرەو چارەسەر ڕۆیشتن لە سیمای کۆبوونەوەکە و لە قسەکانی دوای کۆبوونەوەکەش بۆ ئێمە ئاشکرا بوو.

بڕیارە دوای کۆبوونەوەی یەکەمی (هەولێر) ، ئەنجوومەنی پارێزگای کەرکووک لە پردێ یان شارۆچکەیەکی دیکەی سەر بە کەرکووک کۆببێتەوە و تورکمان و عەرەبیش تێیدا بەشدار بن. پارتی نایشارێتەوە کە پۆستی پارێزگاری کەرکووک پشکی کوردە و نایەوێت لەسەر ئەو پۆستەش لەگەڵ یەکێتی بیکاتە کێشە، بەڵام دەبێ یەکێتیش تەفەهومی ئەوە بکات کە دەبێ کەسێک بۆ ئەو پۆستە دابنێت پارتیش پێی ڕازیبێت.

وەرگرتنی پۆستی پارێزگار و وەزیری داد لە بەغدا ، خواستی یەکێتین بۆ کۆبوونەوەی 18ی ئەم مانگەی پەڕڵەمانی کوردستان، بۆیە یەکێتی دەیەوێ پێش ئەو وادەیە پارتی ڕازی بکات بە پێدانی هەردوو پۆستەکە. ئەمەش جەوهەر و بناغەیەکی ئەو ڕێککەوتنە سیاسییە دەبێ کە یەکێتی دەیەوێ بۆ چوار ساڵی دیکەی حوکمڕانی لەگەڵ پارتی دایبنێت.
بارزانی بڕیار دەدات
یەکێتی داوای شەش وەزارەت دەکات لە حکومەتی هەرێمی کوردستاندا ، بزووتنەوەی گۆڕان داوای چوار وەزارەت دەکات، ئەگەر بە داوای یەکێتی و گۆڕان بێت، بەهەردووکیان لە پارتی زیاتر پۆستەکانی حکومەتیان بەردەکەوێت. یەکێتی 21 کورسی لە پەڕڵەمان هەیە، بزووتنەوەی گۆڕانیش 12، بەڵام پارتی بەتەنیا 45 کورسی هەیە . واتە یەکێتی و گۆڕان 12 کورسییان لە پارتی کەمترە . ئەگەر بە جوگرافیاش بێت وەک یەکێتی دەڵێت: مەعقول نییە، پشکی ئیدارەی یەکێتی لە هەردوو پارێزگای هەولێر و دهۆک زیاتر بێت .

ئەوەی ڕوون و ئاشکرایە، ماوەی 27 ساڵە قەت لە هیچ حکومەتێکدا پارتی داوای لە هیچ حیزبێک نەکردووە لە پشکی خۆی پۆستێک بداتە پارتی ، ئەوە هەمیشە حیزبەکانی دیکەن، بەتایبەت یەکێتی لە هەولێر و بەغدا جگە لە مافی خۆیان داوای پۆستی پارتیش دەکەن، پارتی هەمیشە مەرد بووە و پۆستی بەخشیوە، نەک بۆ ئەوەی بڵێن پارتی بەخشندەیە، بەڵکوو لەپێناو سەقامگیری دۆخی سیاسی، کۆمەڵایەتی و ئابووری کوردستان بووە. هەرچەندە ئەم جارە لەسەر ئاستی قاعیدە ناڕەزاییەک هەیە کە نابێ ئەم جارە سەرکردایەتی پارتی لە پشکی خۆی پۆست ببەخشێتە لایەنەکانی دیکە، بەتایبەت یەکێتی، بەڵام قسەی کۆتایی لەسەر دابەشکردنی پۆستەکان لای جەنابی سەرۆک بارزانییە.

چونکە ئەگەر بە دیموکراسی بێ، وەک ئەو ئەفسەرەی لەسەر کەشتیی بووش کە پشتگیری کوردستان دەکات، پارتی و هاوپەیمانەکانی دەتوانن بەبێ یەکێتی حکومەت و پەڕڵەمان پێکبێنن، بەڵام حکومەتێک بەبێ یەکێتی ئاسان نییە، بگرە هیچ کەسێک لەم هەرێمەدا ئیسراحەت ناکات. ئەم جۆرە وێنەیە لەسەر یەکێتی (باش نییە و بگرە زۆر خراپیشە) بەڵام پێویستە برادەرانی یەکێتی هەست بەوە بکەن کە پارتی بەبێ یەکێتی حکومەت پێکناهێنێ، ئەوانیش چیدی باش نییە یاری بە کات بکەن.

من وێنەیەکی نێو پەڕڵەمان پێشانی ئێوەی بەڕێز دەدەم. وەک فراکسیۆنەکان بەردەوام لەگەڵ یەکدی دادەنیشین، باسی پێکهێنانی حکومەت دەکەین و نایشارینەوە کە دڵگرانین لە دواکەوتنی پێکهێنانی حکومەت، بێگومان ئەمە لەلای برادەرانی یەکێتی، گۆڕان و حیزبەکانی دیکەش بەدیدەکرێت . هەموومان کۆکین لەسەر ئەوەی خولی چوارەمی پەڕڵەمانی کوردستان بەهیچ شێوەیەک دووبارە نەکەینەوە، کێشەکان چەندە گەورەبن، لەنێو پەڕڵەمان بچووکیان بکەینەوە. [1]

26 پارتی سیاسی کورد لە ڕاگەیاندراوێک داوای یەکریزی و یەکهەڵوێستیان کرد، هەروەها بانگەوازیان بۆ هەموو هێزە کوردستانییەکان، ڕێکخراوە کلتوورییەکان، دەزگاکانی چاپەمەنی، کەسایەتییە ئاینییەکان، کەسایەتییە کۆمەلایەتییەکان و هەموو گەلی کورد کرد کە ڕۆلی ڕاستەقینەی خۆیان بگێڕن بۆ پێکهێنانی یەکێتی و یەکریزی گەلی کورد.
لە بەشێکی ڕاگەیەندراوەکەیاندا هاتووە:
'هێرشەکانی دەوڵەتی تورک بەردەوامن'
گەلی کورد لە سوریا بەتایبەتی و لە هەرێمەکە بە گشتی، بە هەلومەرجێکی سەخت و قۆناغێکی مێژوویدا تێدەپەڕێت، بەتایبەتیش دوای داگیرکردنی شاری #عەفرین# لەلایەن دەوڵەتی تورکەوە، #سەرێکانی# و #گرێ سپی# و ناوچەکانی دیکەش بە بیانووی درۆ و دەلەسەوە، هەروەها بە بەردەوامی ئاکەپە هەڕەشەی تەواوکردنی پیلانەکانی دەکات لە داگیرکردنی هێڵی سنوور تا دەگاتە سنوورەکانی هەرێمی کوردستانی عێراق، بەو شێوەیەش دەوڵەتی تورک ئامانجە سەرەکییەکەی لەناوبردنی تروسکایی هیواکانی گەلی کوردە بۆ بەدەستهێنانی مافە نێونەتەوەیی و نیشتیمانییەکانی لە سوریا، هەروەها هەوڵی گۆرینی دیموگرافی دەدات لەو ناوچانەی کورد لێی نیشتەجێن، ئەوەش لەپێناو ئەوەیە کە ئەجندا نەژادپەرستییەکانی جێبەجێ بکات، جموجۆڵەکانی سوپای تورک لەو چاورچێوەیەدان، تەنانەت گەیشتوەتە ئاستێک کە دەوڵەتی تورک دیداری ترسناک لەگەڵ هێزە هەرێمییەکان و نێودەوڵەتییەکان و ڕژێمی سوریا دەکات بە ئامانجی جێبەجێکردنی ئامانجەکەی و لێدانی دۆزی کورد لە سوریا.
'بەبێ پێشمەرج کۆ ببنەوە و ڕێگەچارە بدۆزنەوە'
گەلی کورد بە دەسپێشخەریی فەرماندەیی گشتی هێزەکانی سوریای دیموکرات (#قەسەدە#) بۆ پێکهێنان و ڕێککەوتنی کوردی - کوردی پێشوازیان کرد، هەلبەتە پێشوازی لە هەر کار و خەباتێک لەوبارەیەوە دەکەن و باوەری بە بزووتنەوەی سیاسی کورد دەگەڕێنێتەوە، هەروەها هیوای گەل لەنوێوە زیندوو دەکاتەوە.
بانگەوازی بۆ حزبە سیاسییەکان لە سوریا دەکەین کە بەبێ پێشمەرج کۆ ببنەوە و کێشەکانی خۆیان چارەسەر بکەن، بە ڕۆحی بەرپرسیارییەتی کێشەکان چارەسەری بکەن، بۆ دروستکردنی مەرجەعێکی سیاسی کوردی بۆ یەکێتی کوردی، هەڵوێستی کورد لەبارەی دۆزە ستراتیژییەکان خەبات بکەن.
'بانگەوازی بۆ هەموو کەسێک دەکەین کە ڕۆلی خۆیان بکێڕن'
بانگەوازیمان بۆ هەموو هێزە کوردستانییەکان، ڕێکخراوە کلتوورییەکان، دەزگاکانی چاپەمەنی، کەسایەتییە ئاینییەکان، کەسایەتییە کۆمەلایەتییەکان و هەموو گەلی کورد کرد کە ڕۆلی ڕاستەقینەی خۆیان بگێڕن بۆ پێکهێنانی یەکتی و یەکریزی گەلی کورد.
حزب و لایەنە سیاسییەکان ئەمانەن:
1. پارتی داهاتووی سوریا.
2. پارتی یەکێتی دیموکرات-پەیەدە.
3. پارتی ئاشتی دیموکراتی کوردستانی.
4. یەکێتی لیبرالی کوردستانی.
5. حزبی شیوعی کوردستانی.
6. #پارتی دیموکراتی کوردستان#- سوریا.
7. پارتی دیموکراتی کوردی سوری.
8. پارتی چەپی کوردی سوریا.
9. پارتی چەپی دیموکراتی کوردی سوریا.
10. پارتی کۆمەڵگەی دیموکراتی کوردستانی.
11. پارتی گۆڕانی دیموکراتی کوردستانی.
12. پارتی نوێبوونەوەی کوردستانی.
13. پارتی ڕەنجدەرانی کوردستانی.
14. پارتی سەوزی کوردستانی.
15. پارتی ویفاقی دیموکراتی کوردستانی سوری.
16. حزبی یەکێتی دیموکراتی سوریا (یەکێتی)
17. بزووتنەوەی چاکسازی- سوریا
18. پارتی دیموکراتی کورد لە سوریا (ئەلپارتی)
19. پارتی برایەتی کوردی.
20. پارتی ڕۆژ-ی دیموکراتی کوردی سوریا.
21. یەکێتی نیشتیمانی ئازاد- ڕۆژئاوا.
22. ڕەوتی ئایندەی کوردستان.
23. بزووتنەوەی کۆمەڵگەی دیموکراتی.
24. کۆنگرەی ستار.
25. پارتی خەباتی دیموکراتی.
26. پارتی کۆماری کوردستان.[1]
#16-01-2020#

265 کەس لە نوێنەرانی پەرلەمانی بەکێتی ئەوروپا ڕاگەیاندراوێکی هاوبەشیان دژی پێشێلکارییەکانی مافی مرۆڤ لە ئێران بڵاوکردەوە، ڕاشیانگەیاندوە کە زۆرترین لەسێدارەدانی لە جیهان، لە ئێران ئەنجامدەدرێت.
265 ئەندامی پەرلەمانی ئەوروپا، بەیاننامەیەکیان دژی پێشێلکارییەکانی مافی مرۆڤ لە ئێران بڵاو کردەوە.
نوێنەرانی واژۆکار بەدەربڕینی دڵگرانی وپەرۆشی لەڕێژەی هەرەزۆری لەسێدارەدانەکان لەئێران جەختایان کردەوە کەپترلە300کەس لەیەکەم خولی سەرۆک کۆماری حەسەن ڕۆحانی لەسێدارە دراون.
ڕاگەیاندراوەکە ئاماژەی بە ڕاپۆڕتی لێبوردەیی نێودەوڵەتی کردوە کە وتوویەتی، لە ساڵی 2016، 55% لەسێداردانەکانی هەموو جیهانی ئەنجامداوە و لە ڕیزی هەرەپێشەوەدایە.
هەروەها ئەوەش هاتووە کە ئێران خاوەنی پلەی یەکەمە لەلەسێدارەدانی زیندانیان سیاسی، کە لەکاتی دەستبەسەرییدا تەمەنیان لە 18ساڵ کەمتر بووە.
دەقی بەیانییەکە ئاماژە بە لێدوانەکانی ئاشکرای ڕۆحانی دەکات کە لە تەلەفزیۆنی ئێرانەوە بڵاوکرابووەوە، کە تێیدا ڕۆحانی لەسێدارەدانەکانی بەیاسایەکی گونجاو یاسای خودا شوبهاندبوو.
لەبەشێک لە ڕاگەیاندراوەکەدا داوا لەکۆمەڵگای نێودەوڵەتی کراوە کەپێش بەدرێژەی تاوانکارییەکانی ئێران لەعێراق وسوریا بگرن.
27-06-2017

کۆساری ئەو شاعیرەی #بزووتنەوەی ئیسلامیی کوردستان# شانازی پێوە دەکرد، بەڵام 29 ساڵ پێش ئێستا2022 لە ڕێکەوتی #27-12-1993# لەلایەن #یەکێتیی نیشتمانیی کوردستان#ەوە کوژرا.
#خدر کۆساری# ناوی خدر محەمەد ڕەشیدە و ساڵی 1967 لە #ڕانیە# هاتووەتە دنیاوە و تا پۆلی یەکەمی ناوەندی خوێندوویەتی، ساڵی 1986 خێزانی پێکەوەناوە و بووە بە خاوەنی کچ و کوڕێک بەناوەکانی (بەنان و شەیدا)، ساڵی 1987 تێکەڵی ڕابوونی ئیسلامیی بووە، لە ڕاپەڕینی ئاداری 1991دا ڕۆڵی بەرچاوی بینیوە و لە بڵندگۆی مزگەوتی گەورەی ڕانیەوە، شیعری حەماسی خوێندوونەتەوە و جۆش و خرۆشی بە ڕاپەڕین و جەماوەری ڕاپەڕیو داوە.
کۆساری جگە لە کۆڕە تایبەت و گشتییەکان، ساڵی 1992 بەشی یەکەم و ساڵی 1993 بەشی دووەمی شیعرەکانی بە ناوی (سەدای کۆساری) تۆمار و بڵاو کردوونەتەوە. شاعیر بە دەنگە دلێر و زوڵاڵەکەی و زەینی بەهێز و ڕوون و لەبەربوونی سەرجەم شیعرەکانی و خوێندنەوەیان و وێناکردنی مانا و مەبەست و دەربڕینەکان بە ئاماژەی خێرا و سەرنجڕاکێش، هەمووانی تووشی سەرسوڕمان دەکرد.
لە دوای نیوەڕۆی ڕۆژی 27-12-1993 لە ناو ماڵەکانی (رەسواجیان)ی گوندی #زەنگڵان#ی دەڤەری #پشدەر#ە ڕەقەی سەربە شارەدێی #سەنگەسەر#، کەوتە بەر دەستڕێژێکی شێتانە و تیرۆر کرا، پاشان لە گۆڕستانی کێوەڕەشی ڕانیە بە خاک سپێرا، ئەو کەسانەشی هێرشیان کردە سەری، پێشمەرگەی یەکێتی بوون و لەکاتی شەڕی بزووتنەوەی ئیسلامی و یەکێتیی، کۆساری لە تەمەنی 26 ساڵیدا بوو.
کۆساری توانایەکی بەرزی هەبووە لە زمانی کوردی و بەتایبەتی چەمکەکانی شاهیدی هەست ناسکی و باڵادەستی کۆسارین لە وێنەی شیعری و هونەرەکانی ڕەوانبێژی. شیعرەکانی مۆرکێکی تایبەتی خۆیان هەیە.[1]

لای ڕاستەوە: 1- شەهید کاوە، 2-دلاوەری حاجی عوسمان، 3- کۆچکردوو عەبەڕەق [1]

#ئاراس شێخ جەنگی#:
#بافڵ تاڵەبانی#، مادەم حەزی لە شێتخانەیە با واز لە یەکێتی بێنێ و حیزبێکی تر بەناوی یەکێتی شێتخانەکانی کوردستان دابنێ.

دوای ئەوەی لە چەند ڕۆژی ڕابردوو بافڵ تاڵەبانی لە کۆڕبەندی ساڵانەی #هەولێر# ڕایگەیاند من حەزم لەو شێتخانەی حیزبایەتییە ، دیارە ئەمە سووکایەتیەکی گەورەیە بە یەکێتی و بەو خەباتەی کە زیاتر لە 22 هەزار کەس لەپێناویدا شەهید بوون، ئەو حیزبە گەورە و خاوەن مێژوو قوربانی دانە و ئەو حیزبەی سەرۆکەکەی جەنابی مام جلال بوو خاوەنی ڕووبارێک خوێن و داستانە کەچی ناوبراو ناوی لێنا شێتخانەی حیزب ، بۆیە منیش وەک وەڵامێکی تەنز ئامێز پۆستێکم کرد وتم یەکێتی شێتخانەکانی کوردستان بەو مانایەی باشترە ناوبراو مادەم حەزی لە شێتخانەیە با واز لە یەکێتی بێنێ و حیزبێکی تر بەناوی یەکێتی شێتخانەکانی کوردستان دابنێ ، بۆیە دووپاتی ئەوە دەکەمەوە کە ئێمە خاوەن و دڵسۆزی ئەو یەکێتیەین کە بۆی ژیاین و قوربانی و خەباتمان بۆ کردووە بەشانازیەوە .نەوەک ئەو یەکێتیەی ئەو ناوی ناوە شێتخانە یان یەکێتی نوێ، لەگەڵ ڕێزم..[1]

#ئاراس شێخ جەنگی# ئەندامی سەرکردایەتی #یەکێتیی نیشتمانیی کوردستان# بەشدارینەکردنی کۆنگرەی پێنجەمی حیزبەکەی ڕاگەیاند و ئاشکرایکرد، ئەو کۆنگرەیە خوێندنی فاتیحەیە لەسەر گۆڕی یەکێتی.
ئاراس شێخ جەنگی لەمیانی پەیامێک ڕایگەیاند، ئەم کۆنگرە بۆ ئەوەیە #بافڵ تاڵەبانی# بە فەرمی بکەنە سەرۆک، بۆیە بەهیچ شێوەیەک بەشداریی لە کۆنگرەی پێنجەمی یەکێتی ناکەم.

هەروەها ڕایگەیاند، ئەم کۆنگرەیە هیچ شەرعییەتێکی نییە، لانی کەم دەبوو چەند مانگێک دەرفەت هەبوایە بۆ ئامادەکاریی، ئەوەشی ئاشکراکرد، کە لە ئێستاوە ڕێکەوتی #31-08-2023# لیستی ئەندامانی ئەنجوومەنی سەرکردایەتییان ئامادەکردووە و ئەوانەشی نابێت بەشداربن، یاخود دەربچن دەستنیشانکراون، هەروەها بڕیاریانداوە هەندێ لە سەرکردە دێرینەکان بگەڕێننەوە، ئەمە تەسفیە حیسابە.
ئاراس شێخ جەنگی، کە برای #لاهور شێخ جەنگی# هاوسەرۆکی یەکێتییە، لەبارەی داهاتووی خۆی ئەوەی ڕاگەیاندووە، واز لە سیاسەت ناهێنم و بەردەوام دەبم، بەڵام جارێ نامەوێت لەبارەی داهاتوومەوە باسی هەموو شتێک بکەم. [1]

#ئاسۆ مامەند#، لە ئیڤێنتی د. ئەحمەد کەرکووکی لە شاری #کەرکووک# وتارێکی پێشکەش کرد و ڕایگەیاند”لە دوای ڕووداوەکانی 16ی ئۆکتۆبەرەوە خەڵکی خۆمان لە کەرکووک جێنەهێشت و لەگەڵ ئەو خەڵکە ماینەوە و ​خۆمان لە خەڵک جیا نەکردەوە”.
ئاسۆ مامەند، دەڵێت: هەندێک هێز بەناوی ئەوەی کەرکووک داگیرکراوە لە کەرکووکییەکان دوورکەوتنەوە و پشتیان لە کەرکووکییەکان کرد.
سەبارەت بە ئەگەری دواخستنی هەڵبژاردنی ئەنجوومەنی پارێزگا، ئاسۆ مامەند ڕایگەیاند ”کاک #بافڵ تاڵەبانی#، سەرۆکی #یەکێتیی نیشتمانیی کوردستان# چووەتە #بەغدا# بۆ ئەوەی ڕایبگەیەنێت چیتر یەکێتی ئەوە قبووڵ ناکات کە ستەم لە کەرکووک بکرێت و هەڵبژاردن دوابخرێت”.
ئاسۆ مامەند ڕاشیگەیاند ”ئەو نادادییانەی لە شەش ساڵی ڕابردوو لە کورد کراوە دەبێت هەمووی بۆ خەڵکی کورد بگەڕێتەوە”. [1]

=KTML_Bold=ئاسۆ مامەند، بۆ بەرپرسانی حیزبەکەی: هەر کەسێک دێتە ناو یەکێتی، مەیکەن بە هەڵڵای ئیعلامی=KTML_End=

#ئاسۆ مامەند#، سەرپەرشتیاری ”#کەرکووک#، سەڵاحەددین”ی یەکێتی لە بروسکەیەکی نهێنیدا بۆ بەرپرسی بازنەکانی هەڵبژاردنی حیزبەکەی داوای ڕاگرتنی شەڕی ڕاگەیاندن دەکات لەنێوان #پارتی دیموکراتی کوردستان# و #یەکێتیی نیشتمانیی کوردستان#.
ئاسۆ مامەند نووسراوێکی ئاڕاستەی سەرجەم بەرپرسی بازنەکامی هەڵبژاردنی یەکێتی کردووە و تیایدا داوای لێکردوون بە هیچ شێوەیەک خۆیان بە ململانێ لەگەڵ پارتی دیموکراتی کوردستان سەرقاڵ نەکەن.
ئاسۆ مامەند بە بەرپرسانی حیزبەکەی ڕاگەیاندووە کە ناکۆکی ئەوان لەگەڵ ئەو لیستانەیە کە دژی کوردن نەک لایەنە کوردییەکان.
لە بەشێکی دیکەی بروسکە نهێنییەکەی ئەو بەرپرسە باڵایەی یەکێتی باس لە سەنگەر گواستنەوەی بەرپرسان و ئەندامانی پارتی کراوە بۆ ناو یەکێتی و دەڵێت ”هەر کەسێک دێتە ڕیزەکانی یەکێتی، مەیکەن هەڵڵای ئیعلامی بۆئەوەی نەبێتە هۆی ململانێی حزبی لەنێو حیزبە کوردییەکان”. [1]