$رۆژهەڵاتی کوردستان$
- #کۆڵبەر#ێکی کورد بە ناوی خدر موفید کوڕی محەممەد خەڵکی گوندی گومان سەر بە شاری #سەردەشت# بە هۆی تەقەی ڕاستەوخۆی هێزە نیزامییەکانی حکوومەتی ئێران گیانی لە دەست دا.[4]=KTML_Photo_Begin=https://www.kurdipedia.org/files/relatedfiles/2018/155171/0005.JPG=KTML_Photo_Alt=خدر موفید=KTML_Style=width:20%;height:20%;float:right;=KTML_Photo_Target_Link=https://www.kurdipedia.org/files/relatedfiles/2018/155171/0005.JPG=KTML_Photo_End=
$باشووری کوردستان$
- فڕۆکە جەنگییەکانی سوپای تورکیای داگیرکەر ناوچەی چەمانکێ-یان لە سنووری #ئامێدی# بۆردومانکرد.[2]
- فراکسیۆنەکانی گۆڕان و هاوپەیمانی نیشتمانی لە ئەنجومەنی پارێزگای #سلێمانی# داوا لە سەرۆکایەتی ئەنجومەن دەکەن لیژنەیەک بۆ خەمڵاندنی زەرەر و زیانی لافاوی ناوچەی ڕاپەڕین دروست بکات بۆ ئەوەی قەرەبووی زیانلێکەوتووان بکرێتەوە.[1]
- سەرۆکی لیژنەی ئەمنی لە ئەنجوومەنی پارێزگای #کەرکووک# ڕایگەیاند، هێزە ئەمنییەکانی عێراق چواردەوری گەڕەکی شۆریجەیان گرتووە و ماڵ بە ماڵ پشکنین دەکەن و ناهێڵن کەس لە ماڵ دەرچێت.[3]
- سەرۆکی ئەنجومەنی پارێزگای #هەولێر# ڕایدەگەیەنێت: خاوەن دوکان و موڵکەکانی بازاڕی لەنگە دڵنیادەکەینەوە کە بازاڕەکە بە خێرایی و وەکو خۆی دروستدەکرێتەوە و هەموو ئاسانکارییەکیشی لەلایەن شارەوانییەوە بۆ دەکرێت.[1]
- ئەمڕۆ، لەهۆڵی کافتریای گەلەری ئەمنە سورەکە لە شاری سلێمانی، ڕێکخراوی باران بۆ پرسی ئەنفال و جینۆساید، مەراسیمی ناساندن و بڵاوکردنەوەی شەش کتێبی تایبەت بە ئەنفال و گۆڕەبەکۆمەڵەکان ئەنجامدا.[5]
- کونسوڵی گشتی ئەمەریکا لە عێراق، لە شاری #هەڵەبجە#وە ڕایگەیاند، ئەوەی بەسەر خەڵکی هەڵەبجە-دا هاتووە تاوانی دژ بە مرۆڤایەتیە، دەشڵێت: هەڵەبجەییەکان دڵنیا دەکەینەوە کە پشتوانیان دەبینین و بەڵێنی فەراهەمکردنی ژیانێکی شایستەیان پێدەدەین.[5]=KTML_Photo_Begin=https://www.kurdipedia.org/files/relatedfiles/2018/155171/0009.JPG=KTML_Photo_Alt=ئەمریکا بەڵێن دەدات پشتیوانی خەڵکی هەڵەبجەبێت=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2018/155171/0009.JPG=KTML_Photo_End=
- مەهدی موبارەک، بەڕێوەبەری پێشوی کشتوکاڵی کەرکووک ئەمڕۆ ڕایگەیاند: نزیکەی مانگێکە فەرمانی دورخستنەوەم دەرچووە و کەسێکی تورکمانی شیعەی دانیشتوی شارۆچکەی تەلەعفەر لە پۆستەکەم دانراوە.[1]
- بەهۆی ئەو باران و لافاوەی هەرێمی کوردستان و باکووری گرتووەتەوە، سەرچاوەکانی ئاوی کردووەتە قوڕ و لیتەیەکی زۆر و بەو هۆیەش چوار پرۆژەی ستراتیژی ئاو، کە (ئیفرازی یەکەم، دووەم و سێیەمە لە هەولێر) و پرۆژەی ئاوی شەقڵاوەیە وەستان.[3]
- سەر لە بەیانی ئەمڕو ئاسایشی پارتی لە کۆمەڵگای کەلەکچی، سەر بە شارۆچکەی شێخان-ی سەر بە پارێزگای #دهۆک#، هەڵدەکوتنە سەر ماڵی چالاکوان #ڕێکان ڕەشید# و دەستگیری دەکەن.[5]
- هیوا گەیلانی، بەرپرسی لقی 11ی پارتی لە #ڕانیە# ڕاگەیاند: دوای ئەوەی ئێوارەی ڕۆژی 26-10-2018، (#خۆشناو ئەنوەر#) کادیری یەکێتی لاوانی دیموکراتی کوردستان لەلایەن ئاسایشی ڕانیە دەستگیرکرا، ئێوارەی ئەمڕۆ، ئازادکرا.[3]
$رۆژئاوای کوردستان$
- سوپای تورکیای داگیرکەر لە کاتژمێر 10:30 دا هێرشیان کردووەتە سەر 4 گوندی ڕۆژئاوای #کۆبانێ#. سوپای تورکیا بە تۆپخانەکانی ئەو 4 گوندەی تۆپبارانکردووە و زیانی بە ماڵ و موڵکی هاووڵاتییان گەیاندووە. ئەو گوندانەی ڕۆژئاوای کۆبانێ کە لەلایەن تۆپخانەکانی تورکیاوە تۆپباران کراون بریتین لە: زۆرموغار، خراب عەتۆ، چارقلی و ئاشمێ.[2]
- #شەڕڤان#انی قەسەدە لە دێڕەزۆر گەنجێکی دیکەی ئێزدییان لەچنگی چەتەکانی #داعش# ڕزگارکرد، کە لە ساڵی 2014 لەلایەن چەتەکانی داعشەوە ڕفێندرابوو، ئەزهەر سوهێل مەهەد خەڵکی شەنگالە وتەمەنی 18 ساڵە، ئەمڕۆ لە ناوەندی تەڤگەری ئازادیی ژنانی ئیزدی لە خانەسۆر ڕادەستی خانەوادەکەی کرایەوە.[5]
$دەرەوەی کوردستان$
- گروپێک لە فاشیستەکانی تورکیا هێرشیان کردە سەر بارەگای #هەدەپە# لە ناوچەی مەزیتلیی لە پارێزگای مێرسین. ئەو گروپە فاشیستە لە هێرشەکەیاندا بۆ سەر بارەگاکەی هەدەپە تابلۆی بارەگاکەی هەدەپەیان هێنایە خوارەوە و ئاگریان لە تابلۆی بارەگاکە بەردا و دواتر لە بارەگاکە دوورکەوتنەوە.[2]

ناوەندی ڕاگەیاندنی هێزەکانی پاراستنی گەل (#هەپەگە#) دەربارەی دوایین چالاکییەکانی گەریلا ڕاگەیەنراوێکی بڵاوکردەوە. هەپەگە ڕایگەیاند، لە پارێزگەی جۆلەمێرگی باکووری کوردستان لایەنی کەم 13 سەربازی تورکیا کوژراون.
دەقی ڕاگەیەنراوەکە:
لە چەلێ و گەڤەر 13 سەرباز کوژران
(هێزەکانمان ڕۆژی 27ی تشرینی یەکەم\5ی گەڵاڕێزان کاتژمێر 11:30 لە ناوچەی چەلێی جۆلەمێرگ دژی سەربازانی سوپای تورکیای داگیرکەر لەسەر گردی شەهید جۆلەمێرگ چالاکییەکیان ئەنجام دا. لە 2 قۆڵەوە گورزی تووند لە ڕەبایە، پەناگە و ئامرازەکانی کاری دوژمن لەسەر گردەکە، درا. لە ئەنجامدا بلدۆزەرێک تێکشکێنرا و ڕەبایەک و 2 پەناگە بەتەواوی ڕووخێنران. لە چالاکییەکەدا 7 سەربازی دوژمن کوژران. سوپای تورکیای داگیرکەر لە دوای چالاکییەکە، بە ئۆبوس و هاوەن ناوچەکەیان بۆمباران کرد.
ڕۆژی 26ی تشرینی یەکەم\4ی گەڵاڕێزان کاتژمێر 9:30، هێزەکانمان لە سەربازانی داگیرکەریان دا لەسەر گردی عەلی شێر لە ناوچەی گەڤەری سەر بە جۆلەمێرگ. لە چالاکییەکەدا کە لە 2 قۆڵەوە لە ڕەبایە و پەناگەکانی دوژمن درا، پەناگەیەک و 2 ڕەبایە ڕووخێنران. 6 سەرباز کوژران.
ئۆپەراسیۆن لە پیران بێ ئەنجام بوو
24ی تشرینی یەکەم\2ی گەڵاڕێزان، سوپای تورکیای داگیرکەر لە دەوروبەری گوندەکانی پرەژمان و هەفتانین-ی سەر بە ناوچەی پیران لە پارێزگەی #ئامەد#، دەستیان بە ئۆپەراسیۆن کرد. یەکینەکانی دوژمن هەڵیانکوتایە سەر زۆر ماڵ لە دەڤەرەکانی ئۆپەراسیۆن و زەخت و زۆردارییان لە گەل کرد. هێزەکانی داگیرکەر ئێوارەی 25ی تشرینی یەکەم\3ی گەڵاڕێزان بەبێ ئەنجامی لە ناوچەکە کشانەوە.
بۆردومانی فڕۆکەجەنگییەکان
فڕۆکەجەنگییەکانی سوپای تورکیای داگیرکەر ڕۆژی 27ی تشرینی یەکەم\5ی گەڵاڕێزان کاتژمێر 10-11 بۆمبارانی گردی شێخ ناسر-ی هەرێمی #قەندیل#یان کرد لە سنووری هەرێمەکانی پاراستنی مەدیا. هەمان ڕۆژ لەنێوان کاتژمێر 17:30-19:30 فڕۆکەجەنگییەکان بۆمبارانی مەیدانی شەهید ڕۆستەم-ی هەرێمی زاپ-یان کرد. هیچ زیانێک بەهۆی بۆردومانەکان بە گەریلاکانمان نەگەیشت.)[1]
#28-10-2018#