دەقی ڕاگەیەندراوەکەی #وەزارەتی پێشمەرگە#:
دوێنێ پێنج شەممە 26ی ئایاری 2022، لە دوو ڕووداوی جیادا، بە چەکی قەناس هێرش کرایە سەر هێزەکانی پێشمەرگە و بەهاوەن گوندەکانی ناوچەکە بۆردوومان کرا، بەم شێوەیە:
یەکەم: بەچەکی قەناس هێرش کراوەتە سەر سەنگەرێکی لیوای چواری پیادە لە گوندی کانی ماسی و پێشمەرگەیەک بە ناوی(ن.ع/ محمد فازل محمد) بریندار بوو.
دووەم: لەکاتی هاوەن بارانکردنی ناوچەکانی بامەڕنێ گوللە هاوەنێک لەگوندی ئەرەدنا لە ناوچەی بامەڕنێ، لە شارۆچکەی #ئامێدی# پارێزگای #دهۆک#، کەوتووەتە خوارێ، لە ئەنجامدا، دوو هاووڵاتی بە ناوەکانی (یوسف کۆڤان حاجی، ئەڤەند هۆشیار)، شەهید بوون و دوو هاووڵاتیش بریندار بوون.
ئەم ڕووداوانە لەکاتێکدا بوون، هێزەکانی پێشمەرگە لەسەنگەرەکانی خۆیاندا بوون، هەروەها بەشێک لە گوندەکانی عەشیرەتی نێروەیی لە ئاهەنگێکی ناوچەییدا بوون لە گوندی ئەرەدنا، سەربە قەزای ئامێدی.
ئێمە لە وەزارەتی پێشمەرگە ڕایدەگەیەنین کە؛ هێزەکانی پێشمەرگە و خەڵکی کوردستان نیگە ڕانن لە و کردە وانە و دەبێت هەموو لایەک تێبگەن کە؛ پاراستنی ئاسایش و ئارامی خەڵک و خاکی کوردستان ئەرکی لەپێشینەی هێزەکانی پێشمەرگەیە و سازش ناکە ن لە جێبە جێ کردنی ئە و ئەر کە یان.
هیوادارین ململانێکانی سەرسنوورەکان چیتر پەل بۆ سەر هێزەکانی پێشمەرگە نەهاوێژێت و #پەکەکە#ش لەو ناوچەیە هەوڵ نەدەن ئارامی و ئاشتەوایی هێزەکانی پێشمەرگە بقۆزنەوە، چونکە ڕێگە نادرێت چیتر لەم ناوچانەدا ئاسایش و ئارامی خەڵک تێک بچێت و گیانی هاووڵاتیان و پێشمەرگە بکەوێتە مەترسییەوە.
شانەی ڕاگەیاندن و هۆشیاری پێشمەرگە
26ی ئایاری 2022[1]
⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!