=KTML_Bold=‘Colanî û DAIŞ yek in” û “Bimire Erdogan’=KTML_End=
Ji bo protestokirina êrişên li ser nexweşxaneya Xalid Fecir a li taxa Şêxmeqsûdê koçberên Efrîn û Şehbayê daketin qadê. Çalakvanan li ber avahiya komîseriya NY`ê dirûşmeyên ku pê hikumeta demkî û dewleta Tirk bi tundî şermezar dikin, berz kirin.
Koçberên #Efrîn# û Şehbayê yên li bajarê Qamişlo ji bo şermezarkirina êrişên komên çete yên girêdayî hikumeta demkî ya Sûriyeyê û piştgiriya gelê li ku li nexweşxaneya Xalid Fecir a li taxa Şêxmeqsûdê ya bajarê Helebê têne hedefgirtin de, daketin qadê û li ber Navenda Mihemed Şêxo ya Çand û Hunerê kom bûn.
Piştre kombûyîna ku ji dayik, zarok, mêr, jinên ciwan û ciwanan pêk tê bi meşê berê xwe da avahiya Navenda Komîseriya Kar û Barên Penaberan a Neteweyên Yekbûyî (NY) li bajarê Qamişlo.
Meşevanan di mêşa xwe de dirûşmên “Gelê Efrîn Yek e”, “Colanî û DAIŞ`ê yek in”, “Bimire Erdogan”, “Şehîd Namirin”, “Bijî Berxwedanan #Şêxmeqsûd# û #Eşrefiyê# ” berzkirin.
Piştî ku meşevan gihîştin ber navenda NY`ê bi domandina berzkirina dirûşmeyan bertekên xwe yên li beramberî êrişên ku li dijî taxa Şêxmeqsûd tê kirin nîşan dan.
Koçbera ji Efrînê Şêrîn Hesen di kombûyîna li hember avahiya komîseriyê de axivî û diyar kir ku ew têne ber deriyê navendên NY`ê jî, her deriyê wan li ber wan girtî ye, bi paşguhkirina daxwazên gel, dirûtiya dewletên naventeweyî yên ku bi êşa gel hîs nake tê xuyakirin.
Şêrîn Hesen da zanîn ku gelên li Şêxmeqsûd û Eşrefiyê bi sala ye, ji bo ku bi rûmet jiyan bikin û got: “Gelê Kurd ê ku DAIŞ tune kiriye, niha jî gelê Kurd di rewşeke herî xeter de ne.”
Çalakiyên gelan ji bo piştgiriya gelê li Şêxmeqsûdê didomin. [1]