لە شاری دەوحەی وڵاتی قەتەڕ و لەنێو هۆڵی هۆتێل ملنیۆم پلازا و بە بەشداری نوێنەری 23 یانە و لەژێر سەرپەرشتی یەکێتی گۆڕەپان و مەیدانی وڵاتانی ڕۆژاوای ئاسیا و بە چاودێری یەکێتی گۆڕەپان و مەیدانی جیهانی، کۆبوونەوەی هونەری پاڵەوانییەتیی گۆڕەپان و مەیدانی یانەکانی وڵاتانی ڕۆژاوای ئاسیا ئەنجام درا.
لەو کۆبوونەوەیەدا کە پاش نیوەڕۆی ڕۆژی یەکشەممە ڕێکەوتی #06-04-2024# بەڕێوەچوو، نوێنەری 23 یانە بەشداريان کرد، ئەمه و دوای گەیاندنی ڕێنماییەکانی بەڕێوەچوونی یارییەکانی پاڵەوانێتییەکە، بڕیار درا کە یارییەکانی سەرلە بەیانی ڕۆژی دووشەممە #07-04-2024# و لەسەر یاریگەی ( سحیم بن حمد ) دەست پێبکات.
سەبارەت بە بەشداری تیمەکەیان #نزار ئەکرەم# سەرپەرشتیار و ڕاهێنەری تیمی گۆڕەپان و مەیدانی یانەی پێشمەرگە بۆ پێشمەرگە سپۆرت زانیاری زیاتری داو وتی، هەروەک چاوەڕوانمان دەکرد ئەم پاڵەوانێتییە پڕ ڕکابەری دەبێت و چەندین یاریزانی ئاست بەرزی جیهانی لەنێو ڕکابەرییەکانی یارییە جۆراوجۆرەکانی دەبن.
نزار ئاماژەی بەوەشکرد کە وەک یانەی پێشمەرگە بە 9 کیژە یاریزان بەشداریان کردووە و ئامادەکاری تەواویشیان هەیە تا ئەنجام بەدەست بهێنن.
جێگەی باسە یانەی ئەهلی قەتەڕی ئەم پاڵەوانێتییەی ڕێک خستووە و ئەمە دووەمین چالاکیشی دەبێت لەسەر ئاستی وڵاتانی ڕۆژاوای ئاسیا ئەنجامی دەدات. [1]
Bu kaydın içeriğinden Kurdipedia sorumlu değildir, kayıt sahibi sorumludur. Arşiv amaçlı kaydettik.
Bu makale (کوردیی ناوەڕاست) dilinde yazılmıştır, makaleleri orijinal dilinde açmak için
sembolüne tıklayın!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Bu başlık 711 defa görüntülendi
Bu makale hakkında yorumunuzu yazın!