با دژمنەکاما بەکار بارمۍ
هۊرئەوەگېڵنای: #ئەسعەد ڕەشید#
پیرەمېردێ بەتەمەن، وەڵتەر کارش هیتیاری بۍ، زەمین کاڵۍ و سېفی نیۍ، بەڵام تەمەنش لوان سەر، هازی و تەواناش نەمەنېنە زەمین کاڵۊ، ڕوێ ئاما سەرو زەمینەکەیش و بەبۍ تاقەتی نیشتەرە، قەڵەم و کاغەزش بەرئاردو نامێش نویستە پەی کوڕە گۆرەکەیش کە زیڼانی بۍ.
نویستەبېش: من ئېساڵ نمەتاوۊ زەمینەکەی کاڵوو، تەوانام نەمەنېنە و پیربییەنا، ئەر تۊ چېگە بییێنی پێم کاڵینی.
ڕۊی دمایین، تاتە پیرەکە جە زیڼانەنە تەلەفونێش پەی ئاما، کوڕەکەش بۍ، ماچۊ:
تاتە پێ خاترەو خوڎای ئا زەمینەیە نەکاڵی، چوونکوم من بڕێ چەک و تەقەمەنیم چەنە شارتەنۆ.
ڕۊی دمایین، ساعبەکەشۆ دەزگاو هەواڵگیری و پۊلیس یاوێ سەرو زەمینو کابرای، کەرەسۍ و ئامېرېشا ئاردۍ، زەمینو پیا پیرەکەیشا هۊرکەندو گرڎشا کاڵا، بەڵام فیشەکێچشا نەڎیۆ!
تاتەکە بەپەلە نامێوە تەرەش نویستە پەی کوڕەکەیش و ڕەوشەکەش یاونانەو ماچۊ: ئیسە من چېش کەروو؟ بلوو جیا بازو یا چېگە مەنۊوە.
کوڕەکەش جوابش داوە وماچۊ: لوە سېفەکات چەقنە، ئینە خاستەرین هەرمانەبۍ کە من تاوام چېگۆ پەی تۊیش بکەرو.
ئی سەرئامایە فېرو ئانەیمان کەرۊن کە:
با هەرمانەکاما بە دژمنەکاما کەرمۍ، نەک ئاڎۍ هەرمانەکا وېشا بە ئېمە بکەرا.[1]