پسپۆڕان لەسەر ئەو کەسانەی کێشی جەستەیان زۆرە، ئاشکرای دەکەن، تەنیا بە ڕەچاوکردنی دە خاڵ، دەبنە خاوەن لەش و لارێکی ڕێکوپێک و جوان.
=KTML_Bold=ئەو خاڵانە، کە پێویستە گرنگییان پێ بدەی، سەبارەت بە کەمکردنی کێشی لەشت، بریتین لە:=KTML_End=

1-پێویستە نانی بەیانیانت پڕ پرۆتین بێ و بەیانیان کەڵک لە خواردنی ئەو خۆراکانە وەربگرە، کە دەوڵەمەندن بە پڕۆتینی خۆراکی. بە خواردنی پرۆتین، چیتر جەستەت پێویستی بە کالۆریی زۆر نابێت.
2-پارێز بکە لە خواردنی خواردنەوە غازییەکان و ئاوی میوەی ناسرووشتی و شیرین.
3-نیو کاتژمێر پێش خەوتن و ژەمەکان کەڵک لە خواردنەوەی چەند پەرداخێک ئاو وەربگرە، ئەم کارە کاریگەریی زۆری هەیە لەسەر کەمکردنەوەی کێش.
4-زیاتر کەڵک لەو خۆراکانە وەربگرە، کە کاریگەرییان هەیە لەسەر دابەزاندنی کێشت. (سەوزەی پەلکدار، سووپ، ماسی سالموون، ئاڤاکادۆ، سرکەی سێو، چەرەزات...) .
5-کەڵک لەو خۆراکانە وەربگرە، کە دەوڵەمەندن بە فیبریی خۆراکی.
6-ڕۆژانە چا و قاوە بخۆرەوە، چونکە کافیینی قاوە و چا کاریگەریی هەیە لەسەر دابەزاندنی کێشی جەستە.
7-زیاتر کەڵک لەو خۆراکانە وەربگرە، کە سرووشتی و تەندرووستن و پارێز بکە لە خواردنی خێرا و خۆراکی قوتوو.
8-لە کاتی نانخواردندا بەپەلە و خێرا نان مەخۆ و هەوڵ بدە خواردنەکەت بەئارامی بخۆی، چونکە بە بەئارامی خواردن زووتر هەست بە تێربوون دەکەیت.
9-لە قاپی گەورەدا نان مەخۆ، هەرچەندە قاپەکەت بچووکتر بێ، بەدەستی خۆت خواردنی کەمتریش دەخۆیت.
10-شەوانە باش بخەوە، چونکە کەمیی خەو خۆی هۆکارێکە بۆ زۆربوونی کێش. [1]