Bi rakirina nîşaneya serkeftinê û bi van gotinan; Em natirsin û berdêl çi dibe bila bibe em ê bi ser bikevin dayika xwe oxir kir. Ev gotinên şervana Hêzên Erka Xweparastinê Dilsoz Tirbespiyê ne ku asta girêdana wê bi armanca ji bo wê şer kir, nîşan dide.
Şoreşa 19´ê Tîrmehê ya ku çirûska wê li Rojava dest pê kir û li Bakur û Rojhilatê Sûriyê belav bû bi tevlêbûna xort û keçan balkêş bû. Li ser bingeha ku hêza dînamîk a civakê ne, gelek erk rakirin ser milên xwe da ku civakê bigihînin ewlehiyê û civakeke demokratîk a azad ava bikin.
Şoreş bi bidestxistina gelek destkeftiyan li ser astên siyasî, aborî, civakî û leşkerî tacîdar bû. Ev yek bi saya fedakariyên şehîdan pêk hat ku heta niha berdewam in.
Li pêşberî van fedekariyan, dewleta Tirk a dagirker hewl dide bi hemû rê û rêbazan, çekên pêkşetî vê şoreşê têk bibe. Dewleta Tirk a dagirker pêşeng, çalakger, welatparêz û şervanên şerê wê dikin û parastina xaka xwe dikin hedef digire, ji wan jî şervana Hêzên Erka Xweparastinê Dilsoz Tirbespiyê.
DILSOZ TIRBESPIYÊ KÎ YE?
Hêvîn Yasir Osman (Dilsoz Tirbespiyê) şervana Hêzên Erka Xweparastinê ye. Şehîd Dilsoz di êrişa balafireke bêmirov a dewleta Tirk a dagirker de li dijî bajarê Qamişlo şehîd bûye.
Dilsoz Tibespiyê di 2004´an de ji dayîk bûye. xwişka 3 keçan û du birayan e. Di hemêza malbateke welatparêz de ji navçeya Tirbespiyê ya kantona Qamişlo mezin dibe ku bi destpêkirina Şoreşa 19`ê Tîrmehê re cihê xwe di şoreşê û saziyên wê de girt.
Şehîd Dilsoz Tirbespiyê li dibistana Feysel a li Tirbespiyê qonaxên seretayî û navîn xwendiye. Têkildarî mijarê bavê şehîd Dilsoz, Yasir Osman golt: Dilsoz hevala min bû, têkiliya min bi wê re ne tenê têkiliya bav û keça xwe bû. Bi taybet me her duyan cihê xwe di têkoşînê de girtibû.
Osman wiha domand: Bi dayik, xweşk û birayên xwe re pir dilnizm bû û di malê de hewaya şadî û kêfxweşiyê çêdikir.
Têkildarî tevlêbûna Dilsoz i nava Hêzên Erka Xweparastinê de, Yasir Osman ev anî ziman: “Dilsoz bi vîna xwe tev lê bû. Ez xwestekên zarokên xwe teşwîq dikim, tevî xeteriya vebijêkan. Ez di wê baweriyê de bûm ku welat û erka parastina wî di ser hemû tiştî re ye.
Osman wiha domand: Mîna zarokên we ku ev biryar dane, me agahiya şehadeta wê raxistibû ber çavên xwe.
Yasim Osman balkişand ser zêdebûna êrişên dewleta Tirk a dagirker ên li dijî herêmê bi taybet êrişên balafirên bêmirov û got: Dagirkeriya Tirk ji sedan salan ve şerê gelê herêmê dike û îro jî hewl dide bi rêya balafirên xwe yên bêmirov vîna gelên herêmê têk bibe. Lê em jê re dibêjin em ê rêya şehîdên xwe berdewam bikin.
Dayika Dilsoz, Meysa Îsmaîl li ser zarokatiya keça xwe wiha axivî: Di malê de pir henûn bû. Têkiliya wê bi xweşk û birayên xwe re pir baş bû. Di rûniştinên malbatî de hewayeke xweş çêdikir. Hevaltî pîroz dikir û têkiliyên xwe bi hevalên xwe re di ser her tiştî re digirt. Lê her tiştê jê hez dikir li pey xwe hişt û bersiva banga erka xweparastinê da da ku şênî û xaka welatê xwe biparêze.
Meysa Îsmaîl wiha domand: Dilsoz ji min re digot dema ez şehîd bûm divê tu negirî. Lê min jê re digot windakirina kezebê pir zehmet e. Wê jî digot li dayika Zeyneb binêre 3 şehîd ji bo welat daye û hîna bi hêz e û amade ye çekê rake.
´RÛKENIYA WÊ KÊFXWEŞIYA ME Û JÊDERA HÊZÊ JI HEVRÊYÊN WÊ RE BÛ´
Li gorî dayika Dilsoz û hevalên wê, ji biçûkaniyê ve rûkenî her tim li ser rûyê Dilsoz bûye, heta hevalên wê jî diyar kirin ku rûkeniya wê moralên wan bilind dikir. Heta kêliya şehîdxistina wê tevî 3 şervanên din ên Hêzên Erka Xweparastinê di êrişa dewleta Tirk a 9´ê Tebaxê li ser Qamişloyê de rû li ken bû.
DILSOZ ÇAWA XATIR JI DAYÎKA XWE XWEST?
Meysa Îsmaîl têkildarî bûyerekê ku di navbera wê û şehîd Dilsoz de pêk hatiye wiha bi bîr xist: Di derengiya şevekê de, min dît Dilsoz şiyar e. Gazî min kir, da ku li dîmenekê wê amade kiriye binêrim. Di dîmenê de wêneyên wê ku dikene hebûn. Li ser dîmenê ´Bikene, dibe ku ez şehîda bê bim´ nivîsandibû. Ji min xwest ku vê dîmenê di şehadeta wê de vêxim.
Dilsoz di vegera li nuqteya xwe ya leşkerî de pir bi lez bû, piştre ji meta xwe pirsî wê kengî derkevin. Mîna ku ew li ser soza xwe ya şehadetê bû. Dema amade bûn xatir ji malbatê xwest û dûre li erebeyê siwar bû û careke din xatir xwest û serê xwe di erebeyê re derxist û nîşaneya serkeftinê hilda.
Dema dayika wê jê re dibêje; bikeve erebeyê balafirên bêmirov hene, li wê dinêre û dikene û nîşaneya serkeftinê dîsa bilind radike û dibêje: Em ji Erdogan û balafirên wî natirsin. Em ê heta serkeftinê têkoşîn û berxwedanê berdewam bikin.
´DIVÊ SÎXUR Û XAYÎN RADESTÎ MALBATÊN ŞEHÎDAN WERIN KIRIN´
Meysa Îsmaîl behsa Operasyon Sond a ku QSD´ê li dijî xayîn û sîxuran li dar xistiye kir û xwest ku xayîn û sîxuran radestî malbatên şehîdan bikin da ku wan darizînin. Her wiha şehadeta keça xwe li rêber Ocalan û tevahî şehîdên şoreşa azadiyê pîroz kir û bang li hevrêyên wê yên li eniyên şer kir ku rêya berxwedan û têkoşînê dewam bikin.
´EZ PÊ SERBILIND IM, EW ŞERVAN Û ŞEHÎD E´
Şervana YPJ´ê Raperîn Tirbespiyê ku meta şehîd Dilsoz Tirbespiyê ye wiha got: Dema min ew li kêleka xwe didît serbilind bûm. Di tevahî wane û dewreyên perwerdeyê de serkeftî bû. Moralên me hemûyan bilind dikirin. Serbilindiya min pê zêde bû, dema di oxira welatê xwe de şehîd bû.
Raperîn Tirbespiyê wiha dawî li gotina xwe anî: Dewleta Tirk a dagirker ji bo vîna jinan bişikîne wan dike armanc. Lê em YPJ´ê soz didin hevalên xwe yên şehîd ku em ê ji bo armancên wan tê bikoşin.
(fr)
ANHA
[1]