عەلی عەبدوڵڵا عەلی -بە عەلی هەژار ناسراوە لە ساڵی 1943 لە گوندی #عەوێنە# لە شاری #هەولێر# لە بنەماڵەیەکی زەحمەت کێش و جوتیار چاوی بە دونیا هەڵیناوە. ساڵی 1962 پەیمانگای مامۆستیانی هەولێری تەواوکرد و ساڵی 1976 کۆلیژی یاسا لە زانکۆی مستەنسریەی تەواوکرد و لە دادگای هەولێر پارێزەرایەتی کردووە و لە هەمان دادگا گیراوە بە دەستی دووژمان.
لە ژیانی مەدەنی: ئەندامی #یەکێتی نووسەران# و ڕۆشنبیرانی کورد بووە. ئەندامی #سەندیکای پارێزەران# بوو ئەندامی #یەکێتی مامۆستایان# بوو. ئەندامی کۆمەڵەی هونەرە جوانەکان کورد بووە. ئەندامی یەکێتی ڕۆژنامەنووسان بوو.
لە ژیانی سیاسی: عەلی هەژار لە زووەوە پەیوەندی بەپرس و ڕەوشی سیاسی کوردی کردبوو. ئەوەی کە ئەگێڕنەوە بۆم عەلی هەژار لەو کاتەی کە لە پۆلی شەشی سەرەتایی بووە زۆر جاران خزمە نزیکەکانی و تایبەتی خالی شەهید دەستی دەگرت و ئەی بردە دەروەی گوندی عوینە بۆ ئەوەی بلاکراوەکانی سیاسیان بۆ بخوێنێتەوە کە ئەو کات کە تەنیا حزبی شوعی هەبوو لە گۆڕەپانی سیاسی.
پاشان شەهید عەلی هەژار پەیوەندی بە یەکێتی قوتابییان کرد و بە ماوەیەکی کوورت بەرپرسیارەتی باڵای وەرگرت.
پاشان وردەوردە لەپپلەی سیاسی سەر دەکەوت لە بەر لێهاتوی و دڵسۆزی. و ئەوپلانە بریتی بوون:
• بووە بەرپرسی یەکێتی جوتیارانی کورد.
• بەرپرسی لقی دووی #پارتی دیموکراتی کوردستان#.
• بەرپرسی لقی هیران و نازەنین.
• ئەندامی لیژنەی دانووستانی پارتی دیموکراتی کوردستان بوو.
• ئەندامی لیژنەی ناوەندی پارتی دیموکراتی کوردستان.
• دەستەی دامەزرێنەرانی #بزووتنەوەی سۆسیالیست# بووە.
شەهید عەلی هەژار پاش ئەوەی کۆتای بە شۆڕشی کورد هات لە ساڵی 1974 یەک لەو کەسانە بوو کە باوەڕی تەواوی بە بەردەوامی شۆڕش و خەبات سیاسی کورد هەبووە، باوەڕی تەواوی بەوە هەبوو کە شۆڕشی کورد تەنیا کیشە دەرەکییەکان نەبووە بۆ شکست.
بەڵکوو هۆکارە ناوخۆیەکان کێشەی هەرە گەورەکانی شۆڕش بوو. هەردەم شەهید عەلی هەژار ناکۆکی وکێشەی لەگەڵ دەرەبەگەکانبی ناو شۆڕشی کوردی هەبوو و زۆر جار ئەگەیشتە ئەو ڕادەیە کە بەتوندی بەرەنگاری یەک ئەبوونەوە...
ساڵی 1975 کاتێک کەگۆڕەپانی سیاسی کورد چۆل بوو ژمارەیەک لە کادیرو خەبات گێرانی ئەو کات کەوتنە جموجول و بڕیاریان دابە درێژە بە شۆڕش وە ئەرکی بەرەنگاری بگرنە ئەستۆ و درێژە بە خەبات بدەن.
لە ڕێکەوتی #09-04-1979# لەلایەن ڕژێمی بەعسی فاشیستەوە لە کاتی کار لە دادگەی هەولێر دەستگیر کرا، بە گوێرەی ئەو زانیاریانەی دوای ڕووخانی ڕژێمی بەعس فاشت دەستکەوتوون دوای زیاتر لە چوار ساڵ لە زیندان ئەشکەنجەدان بە بێ درکاندنی هیج زانیاریەک لە ڕێکەوتی #02-05-1983# لە سێدارە دراوە.