عەبدوللەتیف جەمال ڕەشید
لە ساڵی (2003)وە وەک وەزیری سەرچاوە ئاوییەکانی ئێراق بەرپرسی کۆمەڵێک پرسی پەیوەندیدار بە سەرچاوە ئاوییەکانی ئێراق لەئاودێری و دابینکردنی ئاو بۆ مەبەستی پیشەسازی و شارەوانی و وزەی کارۆمائی بووە و سەرپەرشتی ئەو چاکسازیانەی کردووە لەو بوارەدا ئەنجام دراون. دکتۆر عەبدوللەتیف ساڵی 1944 لە #سلێمانی# لەدایک بووە و ئەندامی یەکێتیی نیشتمانیی کوردستانە، خاوەن بڕوانامەی بەکالۆریۆسە لە ئەندازەی شارستانی ساڵی 1968 لە زانکۆی لیڤەرپول و ماستەر لە ساڵی 1972 و دکتۆرا لە ساڵی 1976 لە زانکۆی مانچستەر. لەگەڵ زۆر ڕێکخراوی پەیوەندیدار بەکاری ئەندازەیی و گەشەپێدانی کشتوکاڵ کاری کردووە. پێشتر لە یەمەن و سعودیە بەڕێوەبەری پڕۆژەی ڕێکخراوی خۆراک و کشتوکاڵی جیهانی UNFAOی سەربە نەتەوە یەکگرتووەکان بووە. ئەندامی ئەنجوومەنی جێبەجێکردنی کۆنگرەی نیشتمانی ئێراقی INC و نوێنەری یەکێتیی نیشتمانیی کوردستان بووە لە بەریتانیا (1986) و وتەبێژی بەرەی کوردستانیش بووە. لە ساڵی (2003)وە وەزیری سەرچاوە ئاوییەکانی ئێراق بووە. [1]
لە #13-10-2022# پۆستی سەرۆککۆماری ئێراقی بەدەستهێناوە.[1]
لەتیف ڕەشید هاوژینی #شاناز ئیبراهیم ئەحمەد#، هاوەڵزاوای #مام جەلال#ە.
Bu makale (کوردیی ناوەڕاست) dilinde yazılmıştır, makaleleri orijinal dilinde açmak için
sembolüne tıklayın!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Bu başlık 6,669 defa görüntülendi
Bu makale hakkında yorumunuzu yazın!