نووسەری پێشکەوتنخوازی کورد جەمال عیرفان (1881-1923)
کوڕی عیرفان ئەفەندی کوڕی مەلا عەبدوڵڵای کوڕی مەلا ڕەسوڵی #کاژاو#ییە.
ساڵی 1881 لە گەڕەکی (#کانی ئاسکان#) لە خێزانێکی خانەدان و ناسراوی #سلێمانی# لەدایک بووە.
سەرەتا لای باوکی و دواتر لای خواجە ئەفەندی خوێندوێتی و پاشان لە قوتابخانەی ڕوشدییەی موڵکی و ڕوشدییەی سەربازی درێژەی بەخوێندن داوە. بۆ تەواوکردنی خوێندن چووەتە بەغدا و لەوێشەوە بەرەو ئەستەمبوڵ ڕۆیشتووە و لەوێ (ئەرکانی حەربییە)ی تەواوکردووە و لە فەیلەقی شەشی سوپای عوسمانیدا کراوە بە ئەفسەر.=KTML_Photo_Begin=https://www.kurdipedia.org/files/relatedfiles/2010/4205/0002.JPG=KTML_Photo_Alt=جەمال عیرفان=KTML_Style=width:20%;height:20%;float:right;=KTML_Photo_Target_Link=https://www.kurdipedia.org/files/relatedfiles/2010/4205/0002.JPG=KTML_Photo_End=
کە جەنگی یەکەمی جیهانی کۆتایی هات و ئینگلیز لە خەڵکی ناوچەکە سوپایەکی لە سلێمانی پێک هێنا کە بە (سوپای لیڤی) یا (لیوی) ناسرا بوو، جەمال عیرفان کرا بەفەرماندەی هێزی پیادەی ئەو سوپایە و پاشان پۆستی بەڕێوەبەری شارەدێی #مەرگە#ی پێ بەخشرا، بەڵام زۆر لەسەر ئەو کارە نەمایەوە و ساڵی 1920 گەڕایەوە سلێمانی و بوو بە ئەندامی ئەنجوومەنی ئیداری شار. لەو ماوەیەدا ڕۆڵێکی گرنگی گێڕا لە جۆشدانی خەباتی سیاسی و یەکێک بوو لە ڕووناکبیرە هەرە چالاکەکانی سەردەمی خۆی. لە ڕۆژنامەی پێشکەوتندا گەلێ وتار و لێکۆڵینەوەی بەپێزی بڵاوکردەوە. لەژێر کاریگەریی ئەو ڕێکخراوە سیاسییانەی کە کوردەکانی ئەستەمبوڵ دایانمەزراند بوو، جەمال عیرفان کە گەڕایەوە سلێمانی ساڵی 1920 کۆمەڵێک ڕێکخراوی سیاسی دامەزراند کە هەموویان یەک بەرنامە و ئامانج و پەیڕەوی ناوخۆیان هەبوو. لەوانە #تەعالی کوردستان#، کوردستان، وەتەنییەکان، فیدائییانی کوردستان، خۆرهەڵهاتن (شروق). ئەم کەسێتییە نیشتمانپەروەرە لە نووسین و هەڵوێستیدا هەمیشە پشتگیری لە هەژاران و لە بیروباوەڕی پێشکەوتنخوازی کردووە و بەقووڵی لە مەسەلە ئابووری و فەلسەفییەکان گەیشتووە، بۆیە کۆنەپەرستان بەئاشکرا کەوتونەتە دژایەتی کردنی، بەڵام جەمال عیرفان کۆڵی نەدا و درێژەی بەرێبازەکەی دا.
جەمال عیرفان، ڕێکەوتی #12-12-1923# لە شاری سلێمانی تیرۆرکرا.[1]
پاش ڕاپەڕین دەزگەیەک بە ناوی ئەمەوە بە ناوی #دەزگەی ڕۆشنبیریی جەمال عیرفان# لە سلێمانی دامەزرا.