[1]

بۆ کۆچی دوایی زانا و کەسایەتی عیلمی ناوداری کوردستان (مامۆستا مەلا طیب) ی بەحرکە بەرێز مامۆستا #سەڵاحەدین بەهادین# ئەمینداری گشتی #یەکگرتووی ئیسلامیی کوردستان# پرسەنامەیەکی بڵاو کردەوە :

بسم الله الرحمن الرحيم
مِّنَ الْمُؤْمِنِينَ ڕِجَالٌ صَدَقُوا مَا عَاهَدُوا اللَّهَ عَلَيْهِ ۖ فَمِنْهُم مَّن قَضَىٰ نَحْبَهُ وَمِنْهُم مَّن يَنتَظِرُ ۖ وَمَا بَدَّلُوا تَبْدِيلًا
ئەمڕۆ زانایەکی بەتەقواو کەسایەتیەکی عیلمی ناوداری کوردستان جەنابی (مامۆستا ملا طیب) ی بەحرکە ماڵئاوای لێکردین و گەڕایەوە لای دلۆڤانی خودای متعال.
بەم بۆنە خەمناکەوە لەناخی دڵەوە پرسەو سەرەخۆشی و هاوخەمی خۆمان ئاراستەی بنەماڵەی بەرێزیان و مامۆستاو قوتابیەکانی مەدرەسەی دێرینی بەحرکە و سەرجەم زانایانی ئیسلامی کوردستان دەکەین، لەقاپی پەروەردگاری ڕەحمان داواکارین مامۆستای بەڕێز بەپلەی بەرزی بەهەشت بگەیەنێ و سەبرو سەلامەتیش ببەخشێ بەکەسوکارو قوتابی وهاوڕێ و خزمان.
وەفاتی ئەم مودەریسە مەزنە خەسارەتێکی گەورەیەو لە خودا داواکارین بزافی زانستی شەرعی و مەدارس و حوجرەکان بەردەوام بکات بۆ پڕکردنەوەی ئەوجۆرە کەلێنانەو زیندو ڕاگرتنی شکۆی میللەتە موسڵمانەکەمان ..[1]
إِنَّا لِلّهِ وَإِنَّا إِلَيْهِ ڕَاجِعونَ
صلاح الدين محمد بهاءالدين
ئەمینداری گشتی یەکگرتووی ئیسلامی کوردستان

=KTML_Bold=تێبینی: ئەم بەڵگەنامەیە کێشەی رێنووس و رێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

کۆچى دواييى پێشمەرگە و تێکۆشەرى ديارى کوردستان خوالێخۆشبوو مامۆستا شێخەڵلا ئيبراهيم خەمبارى کردم. پرسە و سەرەخۆشيى قووڵم ئاراستەى خانەوادە و کەسوکار و هاوڕێيان و هاوسەنگەرانى دەکەم، هاوسۆز و هاوخەميانم. لە خواى مەزن داواکارم گيانى بە بەزەيى و ميهرەبانيى خۆى شادبکات و ئارامى و دڵنەوايى بە هەمووان ببەخشێت.
خوالێخۆشبوو مامۆستا شێخەڵلا ئيبراهيم، نموونەى کوردێکى دڵسۆز و وەفادارى کوردستان بوو. هەموو تەمەنى خۆى بە پێشمەرگايەتى و خەبات و خزمەت بۆ‌ گەل و وڵاتەکەى بەخشى. له سەردەمى شۆڕش وەک پێشمەرگە و تێکۆشەرێکى کۆڵنەدەر، لە سەردەمى ئازاديشدا هەميشە نموونەيەکى ديارى خزمەت و وەفادارى بووە. گيانى شاد و يادى هەميشە بە خێر بێت. [1]

#نێچيرڤان بارزانى#
سەرۆکى هەرێمى کوردستان
#06-04-2023#
=KTML_Bold=تێبینی: ئەم بەڵگەنامەیە کێشەی رێنووس و رێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

=KTML_Bold=دەقی پەیامی مەسرور بارزانی سەرۆکی حکومەتی هەرێمی کوردستان:=KTML_End=

بە داخێکی زۆرەوە هەواڵی کۆچی دوایی تێکۆشەر و خەباتکاری ناسراوی کوردستان و پێشمەرگەی هەردوو شۆڕشی ئەیلوول و گوڵان و هەڵگری مێدالی بارزانیی نەمر مامۆستا (شێخەڵلا ئیبراهیم)م بیست.
خوالێخۆشبوو مامۆستا شێخەڵڵا ئیبراهیم، نموونەى مرۆڤێکی نیشتمانپەروەر و کۆڵنەدەر بوو، لە تەمەنى گەنجییەوە بووەتە پێشمەرگە و لە دوای ڕاپەڕینیش وەک بریکاری وەزارەتی کشتوکاڵ و پەڕلەمانتار دڵسۆزانە خزمەتی گەل و وڵاتەکەی کردووە.
پرسە و سەرەخۆشی لە بنەماڵە بەڕێزەکەی و کەسوکار و هەڤاڵانی دەکەم و هاوبەشی خەمیانم . خوای دلۆڤان گیانی بە بەهەشت شاد بکات و سەبر و ئارامی بە هەمووان ببەخشێت. [1]

#مەسرور بارزانی#
سەرۆکی حکومەتی هەرێمی کوردستان

=KTML_Bold=تێبینی: ئەم بەڵگەنامەیە کێشەی رێنووس و رێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

دەقی پرسەنامەکە سەرۆکی حکومەتی هەرێمی کوردستان

بۆ کۆچی دوایی زانا و کەسایەتیی ئایینی و کۆمەڵایەتیی ناوداری کوردستان مامۆستا #مەلا تەیب مەلا عەبدوڵڵا بەحرکەیی#، پرسە و سەرەخۆشی ئاراستەی بنەماڵە و کەسوکاری بەڕێزی مامۆستای خوالێخۆشبوو و مامۆستایانی ئایینی کوردستان دەکەم و هاوخەمیانم. خوای مەزن گیانی بە بەهەشت شاد بکات و ئارامی و دڵنەواییش بە هەمووان ببەخشێت. [1]

#مەسرور بارزانی#
سەرۆکی حکومەتی هەرێمی کوردستان

=KTML_Bold=تێبینی: ئەم بەڵگەنامەیە کێشەی رێنووس و رێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

بەڕێزان خێزان و خانەوادەی کۆچکردوو مامۆستا مەلا تەیب

بەبیستنی هەواڵى کۆچی دوایی مامۆستا ( تەیب عبدالله سلێمان بەحرکەیی گەردی) ، نیگەران و دڵگران بووم.
بۆ ئەم خەمە پرسە و سەرەخۆشی لە ئێوە و کەسوکار و بنەماڵەکەتان دەکەم.
مامۆستا مەلا تەیب زانا و کەسایەتیەکی ئاینی ئیسلامی دیار و نیشتمانپەروەر بوو. خواى گەورە لێی خۆش بێت و جێگاى بەهەشت بێت، سەبورى و دڵنەواییش بەهەموو لایەک ببەخشێت. [1]

انا لله و انا الیه ڕاجعون

#قوباد تاڵەبانی#
سەرپەرشتیاری مەکتەبی سکرتارییەتی سەرۆک مام جەلال
=KTML_Bold=تێبینی: ئەم بەڵگەنامەیە کێشەی رێنووس و رێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

بۆ کۆچى دواييى خوالێخۆشبوو مامۆستا #مەلا تەيب مەلا عەبدوڵڵا بەحرکەيى#، پرسە و سەرەخۆشيى قووڵم ئاراستەى خانەوادە بەڕێزەکەيان و کەسوکاريان دەکەم، هاوبەشى خەميانم. لە خواى مەزن داواکارم گيانى بە بەزەيى و ميهرەبانيى خۆى شادبکات و دڵنەوايى بە هەمووان ببەخشێت.
خوالێخۆشبوو مامۆستا مەلا تەييب بەحرکەيى، وەک کەسايەتى و زايانايەکى لێهاتوو لە خانەوادەيەکى ديارى کۆمەڵايەتى‌ و ئايينى، بە دەيان مامۆستاى ئايينى لەسەر دەستيان پێگەيشتوون و ئێستا خزمەت دەکەن. گيانى شاد و يادى بە خێر بێت. [1]
#نێچيرڤان بارزانى#
سەرۆکى هەرێمى کوردستان
#06-04-2023#

=KTML_Bold=تێبینی: ئەم بەڵگەنامەیە کێشەی رێنووس و رێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

بەڕێزان: کەسوکارو خانەوادەی مامۆستا شێخەڵا ئیبراهیم

بەداخێکی زۆرەوە هەواڵی کۆچی دوایی کەسایەتی دیارو ناسراو، تێکۆشەرو پێشمەرگە (شێخەڵا ئیبراهیم) م بیست، دڵگران و خەمباری کردم، هاوبەشی خەمتانم، پرسەو سەرەخۆشی و هاوخەمی خۆمتان ئاراستە دەکەم، هیواخوازم ئەمە دواکۆست و ناخۆشیتان بێت، خوای گەورە سەبووری هەموو لایەک بدات و کۆچکردوو جێگای بەهەشتی بەرین بێت. [1]

#کۆسرەت ڕەسوڵ عەلی#
سەرۆکی ئەنجومەنی باڵای سیاسی و بەرژەوەندی
#یەکێتیی نیشتمانیی کوردستان#
=KTML_Bold=تێبینی: ئەم بەڵگەنامەیە کێشەی رێنووس و رێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

بەڕێزان: خانەوادەو کەسوکاری مامۆستا #مەلا تەیب مەلا عەبدوڵڵا بەحرکەیی#

بەداخێکی زۆرەوە هەواڵی کۆچی دوایی مامۆستای ئایینی و زانای ناودارو یەکێک لە کەسایەتییە ناودارەکانی هەولێرو بەڕانەتی (مامۆستا مەلا تەیب بەحرکە) م بیست، دڵگران و خەمباری کردم، هاوبەشی خەمتانم، پرسەو سەرەخۆشی و هاوخەمی خۆمتان ئاراستە دەکەم.
مامۆستا مەلا تەیب بەحرکە یەکێک بوو لە زانا ناودارەکان و کەسایەتییە کاریگەرەکانی ناوچەکە، ڕۆڵێکی دیارو بەرچاوی هەبوو لە بڵاوکردنەوەی ئایینی پیرۆزی ئیسلام و پێکەوەژیان لە ناوچەکەدا، گیان لەدەستدانی زیانێکی گەورە بوو، دڵگران و خەمبارین، خوای گەورە سەبووری هەموو لایەک بدات و کۆچکردوو جێگای بەهەشتی بەرین بێت. [1]

#کۆسرەت ڕەسوڵ عەلی#
سەرۆکی ئەنجومەنی باڵای سیاسی و بەرژەوەندی
#یەکێتیی نیشتمانیی کوردستان#

=KTML_Bold=تێبینی: ئەم بەڵگەنامەیە کێشەی رێنووس و رێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=