باکووری کوردستان
- لە زیندانی ئێلح پشێووی دروستبوو و زیندانییەکان بەشێکی زیندانەکەیان سووتاند، پاشان تورکەکان هەندێک لە زیندانییەکانیان گواستەوە.[2]
رۆژهەڵاتی کوردستان
- باقی شەفیعی ڕۆناکبیر، شاعیر و نووسەری هەورامی خەڵکی شاری پاوەپاوە لە تەمەنی 74 ساڵیدا کۆچی دوایی کرد.[2]
باشووری کوردستان
- لە هەرێمی کوردستان قەدەغەی هاتوچۆی تەواوەتیی پیادە و ئوتومبیل بۆ ماوەی 48 کاژێر راگەیەندرا و لە 12ی نیوەڕۆی ئەمڕۆوە دەستپێدەکات، تەنانەت نانەواخانەکان و فرۆشیاری خواردەمەنیش دەگرێتەوە.[1]
- تووشبوویەکی تری کۆڕۆنا لە سلێمانی گیانی لەدەستدا، نەخۆشەکە پیاوێکی تەمەن 61 ساڵە بوو و نەخۆشیی درێژخایەنی هەبووە.[1]
- لەلایەن دوو فڕۆکەی جەنگی تورکیاوە گوندەکانی نزیک چیای برادۆستبرادۆست بۆردومان کرا.[4]
- گوتەبێژی وەزارەتی تەندروستیوەزارەتی تەندروستی رایدەگەیێنێت 80% ئەوانەی لە کوردستان تووشی کۆرۆنا بوون هیچ نیشانەیەکی نەخۆشییەکەیان تێدا دەرنەکەوتووە، دوای پشکنین و بەدواداچوون دەرکەوتووە کە تووشبوون ئەوەش یەکێکە لەو هۆکارانەی قەدەخەی هاتووچۆی تەواوەتی بۆ 48 کاژێر راگەیێندراوە.[3]
- ئەگەر زۆرە گەڕەکی کارێزانی هەولێر کەرەنتین بکرێت. پشکنینی بەشێکی زۆر لە دانیشتووانی گەڕەکەکە وەرگیراوە و وەزیری تەندروستی دەڵێت، ئەگەر دەرکەوت رێژەیەکیان کۆرۆنایان گرتووە، دەبێت هەموو گەڕەکەکە کەرەنتین بکرێت. تەنیا لە پرسەیەکی گەڕەکی کارێزاندا تووشبوویەکی ڤایرۆسی کۆرۆنا 14 کەسی تووش کردووە.[3]
- لیژنە هاوبەشەکانی قایمقامیەتی سلێمانیسلێمانی رایدەگەیێنێت، لە سنووری پارێزگای سلێمانی و لەماوەی قەدەغەکردنی هاتووچۆ سەرپێچی خاوەنکارەکان زیاتر لە هەشت بەرامبەر زیادیان کردووە و زۆرترین سەرپێچیش کافتریا و خواردنگەکانەوە کردوویانە.[3]
- بەڕێوەبەرایەتی گشتی فڕۆکەخانەی هەولێرهەولێر لە راگەیەندراوێکدا رەتیدەکاتەوە، هیچ کارمەندێکی ئاسایش لە فڕۆکەخانەکە تووشی کۆرۆنا بووبێت. داواش دەکات رێکاری یاسایی دژی ئەو کەسانە بگیرێتەبەر کە ئەو دەنگۆیانە بڵاودەکەنەوە.[5]
- کۆمپانیای ئاوا مێدیکا بۆ بەرهەمهێنانی دەرمان لە هەرێمی کوردستان بڕی 39 هەزار پاکەت لە دەرمانیان پێشکەشی وەزارەتی تەندروستیی هەرێمی کوردستان کرد کە بەشێک لە دەرمانەکان بۆ چارەسەری تووشبووانی کۆرۆنا بەکاردەهێدرێت.[3]
- لە تۆڕە کۆمە ڵایە تییە کان گرتە یەکی ڤیدیۆیی بڵاوبووەتە وە، کە ئە ندامی خێزانی کەسێک لە تیمی نوسینگە ی قوباد تاڵەبانیقوباد تاڵەبانی، جێگری سەرۆکی حکومەتی هەرێمی کوردستان، بە ناو بازگە کانی شاری سلێمانی تێدە پە رێت لە کاتی بوونی قە دە غە ی هاتووچۆدا، لەبەرامبەر ئەو هەڵسوکەوتەداشدا، قوباد تاڵەبانی داوادەکات بەتوندترین شێوە ئەو کەسە سزابدرێت.[6]
- لە شاخی شرامی سەربە شارەدێی بیارەبیارە بەهۆی دەستکاریکردنی تەقەمەنیەوە مینلابەرێک بەناوی سەروەت عەبدوڵڵا مەحمود گیانی لەدەستدا کە کارمەندی رێکخراوی MAG و دانیشتووی گەڕەکی سەرای هەڵەبجەهەڵەبجەیە. لەهەمان تەقینەوەدا کەسێکی تریش کە ناوی (ه. س. ع.) تەمەن 23 ساڵان و دانیشتووی هەڵەبجەیە، بریندار بووە و لەبەر سەختی برینەکەی رەوانەی نەخۆشخانەی فریاکەوتنی سلێمانی کراوە.[4][5]
- ژمارەیەکی زۆری باڵندەی کێوی لە باڵەکایەتی مردار بوونەتەوە و بەهۆیەوە دڵەڕاوکێ لەناو هاوڵاتیانی باڵەکایەتی دروستبووە، پزیشکانی ڤێتەنەریش دەڵێن، کە هیچ نیشانەیەکی ڤایرۆس لەلەشی باڵندەکاندا نییە، ئەگەر هەیە بەهۆی هەورە بروسکەوە مرداربووبنەوە.[6]
رۆژئاوای کوردستان
- لە شاری قامیشلۆقامیشلۆ، هێزەکانی رژێمی سوریا دەستڕێژی گوللەیان لە مەفرەزەیەکی هێزەکانی ئاسایشی ڕۆژئاواکرد، بەپێی زانیارییەکان ئەندامێکی ئاسایشی ڕۆژئاوا شەهید بووە و یەکێکی دیکەش برینداربووە.[6]
- رژێمی تورکی داگیرکەر شەوی رابردوو بە تۆپخانەکانی هێرشی کردە سەر گوندی ئوم کێف و ئەمجارە لە بۆردومانەکەیدا وێستگەی کارەبا و تۆڕی کارەبای ناوچەکەی کردە ئامانج و بەو هۆیەوە کارەبای تلتەمر بڕا.[2]
- لە چوارچێوەی بەردەوامی هێرشە داگیرکەریەکانی دەوڵەتی داگیرکەری تورکدا، لە ئێستادا هێرش دەکرێتە سەر هەر یەک لە گوندی کوپرلک و ئەڤدۆکۆی سەر بە ناوچەی گرێ سپیگرێ سپی. لەم هێرشەدا 3 هاووڵاتی کوژران.[2]
دەرەوەی کوردستان
- وەزارەتی تەندروستیی عێراق تووشبوونی 58 کەسی دیکەی بە ڤایرۆسی کۆرۆنا راگەیاند، بەمەش ژمارەی تووشبووان گەیشتە 878 کەس.[3]

#پاوە | #برادۆست | #وەزارەتی تەندروستی | #سلێمانی | #هەولێر | #قوباد تاڵەبانی | #بیارە | #هەڵەبجە | #قامیشلۆ | #گرێ سپی |

کۆبوونەوەی پەرلەمانی کوردستان 04-04-2020
رۆژی 4ی نیسانی 2020 لە پەرلەمانی کوردستان دەستەی سەرۆکایەتیی پەرلەمانی کوردستان و سەرۆکی فراکسیۆنە جیاجیاکانی پەرلەمان کۆبوونەوە.
لە سەرەتای کۆبوونەوەکەدا بەڕێز د.رێواز فایەق سەرۆکی پەرلەمانی کوردستان تەوەرەکانی کۆبوونەوەکەی خستەڕوو کە گفتوگۆکردن بوو لەسەر دۆخی ئێستای کوردستان و چۆنیەتیی مامەڵەکردن لەگەڵ ئه و قەیرانە ئابووری و تەندروستییەی کە بەهۆی بڵاوبوونەوەی ڤایرۆسی کۆڕۆناوە ئێستا بەرۆکی هەرێمی کوردستان و ناوچەکه و جیهانی گرتووەتەوە.
هەروەها باسی لە دوایین سەردانە مەیدانییەکانی کرد کە لەگەڵ نوێنەری فراکسیۆنە جیاوازەکان بۆ پارێزگاکان و لیژنەی ئۆپەراسیۆنی پارێزگاکان و ئیدارە سەربەخۆکان کردوویانە.
دواتر لەلایەن بەڕێز هێمن هەورامی جێگری سەرۆکی پەرلەمانی کوردستان پوختەیەک لەسەر بەدواداچوونەکانی جێگری سەرۆکی پەرلەمان لەگەڵ سەرۆکایەتیی حکومەتی هەرێم و وەزارەتە تایبەتمەندەکان و کاری لیژنە تایبەتمەندەکانی پەرلەمان لە بەردەوامیی بەدواداچوون بۆ کاری وەزارەت و لیژنە تایبەتمەندەکانی حکومەتی هەرێم خرایەڕوو.
دواتر سەرۆکی سەرجەم فراکسیۆنەکان روانگەی فراکسیۆنەکانیان خستەڕوو و بەشێوەیەکی گشتی سەرۆکایەتیی پەرلەمان و سەرجەم سەرۆک فراکسیۆنەکان لەخستنەڕووی دۆخی گشتی و خاڵە لەپێشینەکان لەسەر ئەم خاڵانە کۆکبوون:
1 - ئەم قەیرانە تەندروستییەی کۆرۆنا، لێکەوتە ئابوورییەکانی، کەمبوونەوەی داهات و چۆنیەتیی رووبەڕووبوونەوەی بۆ پاراستنی تەندروستیی هاووڵاتییان و کەمکردنەوەی بارگرانی لەسەر هاووڵاتییان و بژێویی ژیانیان، لەخاڵە هەرە لەپێشینەکانە کە پێویست دەکات حکومەتی هەرێمی کوردستان و دامەزراوە دەستوورییەکان بەپێی تایبەتمەندێتی کاری لەسەر بکەن.
2 - ئه و رێوشوێن و هەنگاوانەی کە تاوەکو ئێستا حکومەتی هەرێمی کوردستان تایبەت بەخۆپارێزی و گرتنەبەری رێکار و وەرگرتنی بڕیار بۆ پاراستنی تەندروستیی هاووڵاتییان ئەنجامیان داوە بەرزدەنرخێنێت.
3 - پشتیوانیی بڕیاری ئەنجوومەنی وەزیرانین کە لە کۆبوونەوەی 1ی 4ی 2020 بڕیاریان داوە بەڕاسپاردنی لیژنەی یاسایی ئەنجوومەن بۆ ئامادەکردنی بڕیارێکی حکومەتی هەرێم سەبارەت بەکرێنشینان و لێخۆشبوون لەکرێ و هەر رسوماتێکی دیکە، هەمووان کۆکبووین لەوەی کەدوای بڕیاری حکومەت لەم رووەوە ئەگەر پێویستیی تەشریعی هەبوو بۆ هەر بڕیارێکی تەشریعی کە لەخزمەتی هاووڵاتییاندا بێت بەهەماهەنگیی هەموولایەک پەرلەمانی کوردستان بەلەبەرچاوگرتنی رێوشوێنە تەندروستییەکان کاری پێویستی تەشریعی ئەنجام دەدات.
4 - هەمووان هاوڕابووین لەوەی کە دەبێت ئەولەویەتی حکومەتی هەرێمی کوردستان لەهەر داهاتێک کە بەردەست دەبێت، مووچەی هاووڵاتییان و خۆراک و دەرمانی پێویست بێت و لەم رووەوە پشتیوانیی ئه و هەنگاوانە دەکەین کە حکومەتی هەرێمی کوردستان لە رێگەی دروستکردنی چەند بۆرد و لیژنەیەکەوە کاری لەسەر کردووە و وەکو پەرلەمانی کوردستان چاودێرێکی وردی کاری ئه و لیژنانە دەبین.
5 - هەموولایەک هاوڕابوون کە تێپەڕاندنی ئەم قەیرانە پێویستیی بەهەڵوێست و کاری پێکەوەیی و نیشتیمانی و گیانی کاری هاوبەشە کە هاوکار بێت لە تێپەڕاندنی ئەم دۆخە.
دواتر ئەم بڕیارانەی خوارەوە دران:
1 - سەرۆکایەتیی پەرلەمان و لیژنە تایبەتمەندەکان بەردەوام دەبن لەکاری بەدواداچوون و هەماهەنگی لەگەڵ دامەزراوەکانی حکومەتی هەرێمی کوردستان بۆ خێراترکردنی هەنگاوەکانی چاکسازی لە خەرجی و داهات.
2 - دروستکردنی لیژنەیەکی باڵای پەرلەمان بەسەرۆکایەتیی سەرۆکی پەرلەمان و ئەندامیەتیی جێگری سەرۆکی پەرلەمان و سەرۆکی لیژنەی دارایی و تەندروستی و پیشەسازی و وزه و لیژنەی کاروباری یاسایی بۆ بەدواداچوونی کاری ئه و لیژنە تایبەتمەندانەی حکومەتی هەرێم کە بۆ بەدواداچوونی پێداچوونەوە بەخاڵە سنوورییەکان و گرێبەستەکان و روسومات و لێخۆشبوونی گومرگی و دابینکردنی خۆراک و پێداویستیی دەرمان دروستکراون.
3 - دروستکردنی لیژنەیەکی باڵای پەرلەمان بەسەرۆکایەتیی جێگری سەرۆکی پەرلەمان و ئەندامیەتیی سکرتێری پەرلەمان و سەرجەم سەرۆک فراکسیۆنەکان بۆ ئەنجامدانی کۆبوونەوەی پێویست و بەدواداچوونی کاری لیژنە تایبەتمەندەکان و هاوئاهەنگی لەگەڵ لیژنەکانی ئۆپەراسیۆنی بەرەنگاربوونەوەی کۆرۆنا.
4 - پەرلەمانی کوردستان پاڵپشتیی ئەوە دەکات لەچوارچێوەی بەرژەوەندی و مافە دەستوورییەکانی هەرێمی کوردستان رێککەوتنێکی هاوسەنگ لەگەڵ حکومەتی عێراق بکرێت.
لەکۆتاییدا کۆبوونەوە وێڕای بەرزڕاگرتنی خۆڕاگریی هاووڵاتییان داوا و تکایان لە هاووڵاتییانی بەڕێز ئەوەیە بەتەواوی پابەندی رێنماییە تەندروستییەکان بن.
پەرلەمانی کوردستان هەوڵ و ماندووبوونی سەرجەم پزیشک و کارمەندانی تەندروستی و پێشمەرگه و هێزەکانی ئاسایش و ناوخۆ و تێکڕای فەرمانبەرانی دامەزراوەکانی حکومەتی هەرێمی کوردستان و بواری خزمەتگوزاریی گشتی بەرزدەنرخێنێت و سوپاسی لەخۆبردوویی و خزمەتەکانیان دەکەین.
04-04-202004-04-2020

#04-04-2020 |