$باکووری کوردستان$
- بنەماڵەی ئۆجالان بۆ چاوپێکەوتن لەگەڵ ئۆجالان سەردانی داواکاری گشتییان کرد.[1]
$باشووری کوردستان$
- هاوڵاتیانی ئێزدی کە لەلایەن #شەڕڤان#انی هێزەکانی سوریای دیموکرات- قەسەدەەوە لەدەستی چەتەکانی #داعش# ئازادکرابوون، ئەمڕۆ لەلایەن ماڵی ئێزدیانی هەرێمی جزیرەوە بە ئامادەبوونی فەرماندەکانی قەسەدە ڕادەستی خۆبەڕێوەبەری شەنگال کران، ئەو ئێزدیانەی ئەمڕۆ دەربازی شەنگال بوون، سێ ژن و 18 منداڵن.[5]
- لەئەنجامی بۆردومانی تۆپخانەکانی سوپای تورکیای داگیرکەر لەسەرسنوور، دارستان، باخ ومەزرای هاووڵاتیانی گوندی خەلیفان-ی برادۆست ئاگری گرتووە و زیانێکی زۆری لەهاووڵاتیان دا.[3]
- کچێکی تەمەن 29 ساڵ بە ناوی (ک.ن.م) بە دەستی براکەی لە #چەمچەماڵ# کوژرا.[4]
- یەکەمین کۆبوونەوەی خولی پێنجەمی #پەڕڵەمانی کوردستان# بەبێ بەشداریی فڕاکسیۆنی یەکێتی بەڕێوەچوو.[1]
- بەهۆی ئه و شەپۆلە بەفربارینەی کە ناوچە شاخاوییەکانی هەرێمی کوردستانی گرتووەتەوە ئەمڕۆ، ڕێگای زینی وەرتێ داخرا کە هەرسێ قەزاکانی #سۆران#، #ڕواندز# و #ڕانیە# بە یەکەوە دەبەستێتەوە.[2]
- کەشناسی هەرێم ڕایدەگەیەنێت: ئه و شەپۆلەی باران و بەفرەی دوو ڕۆژە هەرێمی کوردستانی گرتۆتەوە لە ئێوارەی ئەمڕۆ-وە کۆتایی پێدیت.[2]

ناوەندی ڕاگەیاندنی #هەپەگە# ڕاگەیەنراوێکی بڵاوکردەوە و ئاشکرای کرد، ڕۆژی 28ی شوبات\9ی ڕەشەمە کاتژمێر 9 لە دەڤەری عەلی درێژ-ی ناوچەی #سیدەکان#ی باشووری کوردستان دژی سوپای تورکی داگیرکەر چالاکییەکیان ئەنجام داوە.
لە ڕاگەیەنراوەکەدا ئاماژە بۆ ئەوە کراوە، گورزی تووند لە سەنگەر و پەناگەکانی دوژمن دراوە. بەڵام ژمارەی سەربازە کوژراو و بریندارەکان ڕوون نەبووەتەوە. هێزەکانی داگیرکەر دوای چالاکییەکە بە ئۆبوس و هاوەن تۆپبارانی دەوروبەری خۆیان کردووە. هەپەگە ڕاشیگەیاند، شەوی هەمان ڕێکەوت، لە جۆلەمێرگ جموجۆڵی ئاسمانی هەبووە و شوێنێکی ناوچەی زێ بۆمباران کراوە.
لە درێژەی ڕاگەیەنراوەکەدا هاتووە: (28ی شوبات\9ی ڕەشەمە لەنێوان کاتژمێر 21-21:30 لە گردی خەرەگۆلی ناوچەی چەلێی جۆلەمێرگ کۆپتەرەکانی جۆری سکۆرسکیی سوپای تورک بە ئاسمانی ناوچەکەدا سووڕانەوە. هەروەها کۆپتەرە هێرشبەرەکان هەمان کات بۆمبارانی دەڤەری شەهید ڕۆستەم-ی ناوچەی زێ-یان کرد. بەهۆی بۆمبارانەکە هیچ زیانێک بە هێزەکانمان نەگەیشت.)[1]
#01-03-2019#

هێزەکانی ڕزگاریی #عەفرین# (HRE) ڕاگەیەنراوێکی بڵاوکردەوە و ڕایگەیاند، چالاکیی #شەڕڤان#ەکانیان لە دژی چەتە و سەربازانی سوپای تورک کە لە عەفرین و ناوچەکانی دیکەی باکووری سووریا جێگیر بوون، بەردەوامە.
لە ڕاگەیەنراوەکەدا هاتووە:
(27ی شوبات\8ی ڕەشەمە شەڕڤانانی ئێمە لەسەر ڕێگەی نێوان گوندی سینکا و ناوچەی شەرا دژی مۆڵگەیەکی چەتەکانی سوڵتان موراد چالاکییەکیان ئەنجام دا. 2 چەتە بە ناوی موستەفا ئەبوو ئەیهەم و ئووسامە چەلۆ بەسەختی بریندار بوون.
28ی شوبات\9ی ڕەشەمە شەڕڤانانمان لە دژی بنکەیەکی گرووپی چەتەکانی فرقەی تاسیعە لە ناوچەی ڕاجۆ چالاکییەکیان کرد. لە ئەنجامدا چەتەیەک کوژرا.
28ی شوبات\9ی ڕەشەمە شەڕڤانانی ئێمە لە دژی ئۆتۆمبێلێکی سەربازی کە ئەندامانی گرووپی چەتەکانی ئەحراری شام-ی تێدابوون لەسەر ڕێگەی گوندی تەلال عینەب-ی سەر بە ناوچەی باب چالاکییەکیان کرد. لە ئەنجامدا ئۆتۆمبێلەکە تێکشکێنرا و 3 چەتە کوژران.)[1]
#01-03-2019#