بۆ / هاوشاریانمان.. گەنجە خوێن گەرم و هۆشیار و ئازیزەکانی سەیدسادق
بابەت / ئاگاداری و داواکاری
لە ئێستادا (بینای ناوچەی پارتی دیموکراتی کوردستان) لە سەیدسادق تەسلیم بە قائمقام و هێزە ئەمنیەکان کراوە، بۆیە داواتان لی دەکەین تکایە دان بە خوتاندا بگرن و ‌ بەهیچ شێوەیەک توندوتیژی و دەست بۆ بینا و ئەندامان و لایەنگرانی پارتی دیموکراتی کوردستان نەبەن، لەبەر ئەوەی بینا و مومتەلەکاتەکان موڵکی ئەم شارەن بۆ خزمەتی ئەم شارەیە و هەمووان خزم و دۆست و کەس و کاری یەکدین با چاومان لەیەکتربێت و بە دەستی خۆمان شارەکەمان نەشێوێنین و تێکی نەدەین و باری ئەمنی و دەروونی دانیشتوانی شارەکەمان نەشێوێنین.
بۆیە دوبارە داواتان لی دەکەین با وەک ناوچەکانی تر خۆپیشاندانەکان کارەسات و ماڵویرانی و خوێنی هاوشاریانمان نەڕژێت و دایک و باوکانمان جەرگ بڕاو نەبن.
ئێمە و ئێوەش برا و دۆست و کەسی و کاری یەکترین تکایە هاوکارمان بن تا بارودۆخەکە ئاڵۆز تر و خراپتر نەبێت.
قائمقامێتی قەزای سەیدسادق
10-10-2015

سەرۆکایەتی ئەنجومەنی وەزیران ڕایدەگەیەنێت کە خۆپیشاندانی مەدەنیانە مافێکی یاسایی و پارێزراوی هەموو هاوڵاتییەکی ئەم هەرێمەیە، بۆیە داواکاری و ناڕەزاییەکانی خۆپشاندەرانی قەزای سەید سادق لەو چوارچێوەیەدا بەهەند وەردەگیرێت و حکومەتی هەرێم بە پەرۆشەوە بەدەنگ داواکاریە ڕەواکانی ئەو ناوچەیەوە دەچێت.
هەر بۆ ئەم مەبەستەش سەرۆکایەتی ئەنجومەنی وەزیران ئەمڕۆ بڕیاریدا بەپێکهێنانی لیژنەیەکی وەزاری بۆ ئەوەی بەشێوەیەکی مەیدانی سەردانی ئەو ناوچەیە بکات و لەنزیکەوە لەگەڵ خەڵک و لایەنە پەیوەندیدارەکان کۆببێتەوە و داواکاریی خۆپیشاندەرانیش وەربگرێت.
بەپێی بڕیارەکەش لیژنەکە بە سەرۆکایەتی وەزیری ئاوەدانکردنەوە و نیشتەجێکردن و ئەندامێتی وەزیری شارەوانی وگەشتوگوزار و پارێزگاری #سلێمانی# و نوێنەرێکی سەرۆکایەتی ئەنجومەنی وەزیران دەبێت، و لیژنەکە لەماوەیەکی دیاریکراودا دەستنیشانی کەموکورتی و پێداویستییە خزمەتگوزارییەکانی ناوچەکە و داواکاریەکانی تریش دەکات و دەیانخاتە بەردەم سەرۆکایەتی ئەنجومەنی وەزیران، هەموو لایەکیش دڵنیادەکەینەوە کە حکومەتی هەرێم بەجیدی کاردەکات کە بە گوێرەی پلان وبوودجەی پێویست بەدواداچوون بۆ کەموکورتی بواری خزمەتگوزاری و بەڕێوەبردنی پڕۆژەکانی قەزاکە بکرێت.
سەبارەت بەئەرکی هێزە ئەمنیەکانیش، جارێکی تر دوپاتی دەکەینەوە ڕێنوێنی هێزە ئەمنیەکان کراوە کەدوور لەتوندوتیژی و لەرێگەی هێزی چالاکییە مەدەنییەکان و بە بەکارهێنانی ئەو شێواز و ئامرازانە ڕەفتار بکەن کە یاسا ڕێگەی پێداون و بە یەک چاو پارێزگاری لەخۆپیشاندەران و هێزەکانی چالاکی مەدەنی ودامودەزگا ڕەسمیەکان بکەن و هەوڵبدەن کە ڕوداوی نەخوازراوی لێنەکەوێتەوە.
لە کۆتایشدا سەرۆکایەتی ئەنجومەنی وەزیران پرسەو هاوخەمی خۆی بۆ کەسوکاری کاکە بڕیاری جوانەمەرگ دەردەبڕێت و هیوای زوو چاکبوونەوەش بۆ بریندارەکان دەخوازێت.
#03-01-2014#

پیاوێکی ئایینی بووە لە ناوچەی شارەزوور،یەکێک لە دوانزە کورکەی شێخ عیسای بەرزنجەیە، ناوی شارۆچکەی سەید سادق لەمەوە هاتووە و گۆڕەکەی دەکەوێتەسەر چیای سەید سادق.

دەکەوێتە ناوەندی ناوچەی #شارەزوور#ەوە، لە ساڵی 1956 بڕیاری بە شارەدێبوونی دراوە، بە شێوەیەکی بەرچاو ساڵانە بە پێی ئامار %17 ڕێژەی دانیشتووان ڕوو لە زۆربوون دەکات، ئێستا زیاتر لە 68 هەزار کەس نیشتەجێی ئەو شارەن.
بەهۆی زۆری دانیشتووانەکەی ئەو شارە لە #21-02-2007# بە بڕیاری ئەنجوومەنی وەزیران کرایە شارۆچکە.

سەید سادق بە ناوی پیاوچاکێک بە ناوی (سەید محەمەد سادق کوڕی شێخ عیسای بەرزنجە کوڕی بابا عەلی هەمەدانی) ناو نراوە کە گۆڕەکەی بە سەر شاخی سەید سادقەوەیە.
سەید سادق برای شێخ عەباس بووە کە گەڕەکی شێخ عەباسی شاری سلێمانی بە ناوی ئەوەوە ناو نراوە هەروەها برای سوڵتان ئیسحاقە کە کاکەییەکانیش بە ڕێبەرێکی گەورەی خۆیانی دەزانن
شارەزوور لەدێرزەمانەوە شوێنی نیشتەجێبوونی گەلە زاگرۆسییەکان بووە وەک (گۆتی -لۆلۆ) سەرچاوە مێژووییەکان باس لەوەدەکەن (لۆلۆکان) لەهەزارەی چوارەمی پێش زایین لەشارەزوور ژیاون وحوکمڕانییانکردووە
لە سەردەمی ئاشوورییەکاندا شارەزوور مەڵبەندی وڵاتی (زاموا) بووە، ئەوەی بەشارەزووردا گوزەر بکات ژمارەیەکی زۆر تەپ و گردۆڵکەی دەستکرد سەرنجیڕادەکێشن، گومانی تێدا نییە ئەوگردانە زۆربەیان قولە وقەڵا و شوێنی حوکمڕانی ودانیشتنی دەسەڵاتداران بوون و بایەخی گەورەیان بووە،
دەربارەی ناوی شارەزوور چەند بۆچوونێک هەن....
لەپەرتووکی شەرەفنامەدا بەناوی (شهرەزول) هاتووە کەبووەبە (شەهرەزور) کەبەمانای شارێکی گەوورە دێت
هەروەها یاقووتی حەمەوی کەلەبوولدانی وەرگرتووە لەسەدەی چوارەمی کۆچیدا ژیاوە، دەڵێت شارەزوور دەکەوێتە هەرێمی چوارەمەوە، شوێنێکی گەورەیە و پڕلە خانوە بەگوند و شار دەورەدراوە، لەنێوان ئەربیل و هەمەدان دایە، بۆچونەکەشی لەسەر ناوی (زوری کوڕی زوحاک) بیناد کردووە.
موهەلهەل دەڵێت:شارەزوور شارێکی گەورە و پڕ دێهاتەو لەئێستادا پێیدەگوترێت (نیم ئەزرای) واتە (نیوەی ڕێگا) هەروەها دەڵێت:ئەم شارە ئەستووری شوراکەی هەشت باڵەو دوپشکی کوشندەی تێدایە، کەلەدووپشی نسیبین خراپترە لێرەدا شاخێک هەیە بەناوی شەعران (هەورامان) شارەکەکەش لەنێوەڕاستی ڕێگاکەدا بووە، لەنێوان (مەدائینن) و پەرستگای ئاگری لە (شیز) لەئازەربایجان قوبادی کوڕی فەیرۆز درووستی کردووە، ئەم ڕایەش ڕەنگە لەسەر پاشماوەی قەڵای خورماڵ بنیاد نرابێ.
ڕایەکی تر هەیە دەڵێت: ناوی شارەزوور لە (شهر) بەمانی شاردێ (زوور) یش بەمانای نزم دێت، واتە شاری نزم. ئەم ناولێنانەش لەگەڵ شێوەی نزمی دەشتی شارەزوور دەگونجێت.
هەروها لەبەر ئەوەی سنووری شارەزوور فراوان بوەو چەندین شاروو گوندی ناوچەی گرتووەتەوە ئەم ڕایەش دەڵێت لە (شاری زۆرەوە) هاتووە.
ڕایەکی تریش دەڵێت:شارە زۆر، واتەشاری گران چونکە خەڵکەکەی یاخی بوون و ملنەدانیان پێخۆشبوەو بەئاسانی داگیر نەکراوە لەلایەن داگیر کەرانەوە بۆیە پێی گوتراوە شاری (زۆر) قوورس یا گران.
وەچەند بۆچونێکی تریش هەیە لەسەر ناوی شارەزوور.
هەروەهائەدمۆز دەڵێت: شاری شارەزووری کۆن شوێنەکەی یان خورمالی ئێستایە یان شوێنەواری یاسین تەپە
4 -هەتاوەکوو ئێستا بەتەواوەتی یەکلای نەبووەتەوە کەئایا شارەکۆنەکەی شاری شارەزوور قەڵای خورماڵە یاخود گردی یاسین تەپەیە.
وەکوزانراوە بەدرێژای مێژوو شارەزوور لانکەی شارستانییەت بوەو هەر لەم ناوچەیەدا مرۆڤ فێری کشتوکاڵ کردن بووە، یەکەمجار مرۆڤ لێرەوە کشتوکاڵی کرد.لە گردی بێستانسوور کە شوێنەواری یەکەمین گوندی کشتوکاڵی لەلایەن تیمێکی زانکۆی ڕیدینگی بەریتانییەوە دۆزرایەوە کە مێژوەکەی بۆ
9000 10000 هەزار ساڵ پێش ئێستا دەگەڕێتەوەو بەو دۆزینەوەیەش بێستانسوور بووە یەکەم گوند کە کشتوکاڵی لێکرابێت کە بە 2000 هەزار ساڵ پێش چەرمۆ کشتوکاڵی لێکراوە.
وەلێرەدا ئەوەی گرنگە باسبکرێت ئەوەیە ناوچە شوێنەواریەکانی ئەم ناچەیە بەتەواوی پشت کوێ خراوەو تاوەکوو ئێستا نەتوانراوە ئەوناوچە شوێنەواریانە بپارێزرێن وەبەشێک لە مێژووی ناوچەکە و کورد لەناو شوێنەوارەکانی ئەم ناوچەیە پارێزراون.
پێوویستە لە مۆزەخانەیەکدا لە ناوچەکەدا نمایش بکرێت و مۆزەخانەیەک بۆ ناوچەکە درووست بکرێت کە تاوەکوو ئێستا ئێمە لەم ناوچەیە خاوەنی مۆزەخانەیەکی حکومی نین
سەرچاوەکان
1 -تالب دەرباز هەوارگەی شارەزوور چاپی یەکەم بەرگی دووەم
2_ جەمال شێخ نووری. شارەزوور لە مێژوودا چاپی یەکەم
3_ سەروەر پێنجوێنی، داگیرکردنی شارەزوور لەسێ هەڵمەتی فتوحاتی ئیسلامیدا، گۆڤاری دابڕان. ژ 4 ئەیلولی 2016
4_ کەمال نووری مەحروف، بەڵگەهێنانەوە سەبارەت بە ڕەگوڕیشەی ناوی شارەزوور، گۆڤاری کلتوور، ژ 7 8، ئەیلوولی 2012
شۆڕش وەهبی [1]

ناونیشانی پەڕتووک: شارۆچکەی #سەید سادق# (توێژینەوەیەک لە جوگرافیای دانیشتووان) .
ناوی نووسەر: کاوە ڕەشید کاکی
شوێنی چاپ: #سلێمانی#
چاپخانە: زانکۆی سلێمانی، کۆلێجی زانستە مرۆڤایەتییەکان، بەشی جوگرافیا.
ساڵی چاپ: 2022
[1]

[1]

دواڕۆژ، عەلی حەمە سەعید
بەڕێوەبەری سایلۆی سەیدسادق ئاشکرایکرد، ئەمڕۆ دوا وادە بوو بۆ وەرگرتنی گەنمی جوتیاران، دەڵێت بڕی 30 ملیار دینار پارەی جوتیاران لای حکومەتی عێراقیی ماوە.
بەختیار عیزەت، بەڕێوەبەری سایلۆی سەیدسادق سێشەممە 31/7/2018 بە دواڕۆژی ڕاگەیاند دوای ئەوەی چەندجارێک وادەی وەرگرتنی گەنممان لە جوتیارانی سنوری پارێزگای #هەڵەبجە# و قەزاکانی سەیدسادق و #شارەزوور#و #پێنجوێن# درێژکردەوە، بەڵام ئەمڕۆ سێشەممە دوا وادە بوو بۆ وەرگرتنی گەنم و کۆتاییمان بە پڕۆسەی وەرگرتنی گەنم هێنا.
ئاماژەی بەوەشکرد، لەسەرەتای وەرزی وەرگرتنی گەنم تا ئەمڕۆ 31/7/2018 بڕی 23 هەزار و 800 تۆن گەنممان لە جوتیارانی سنورەکە وەرگرتووە، لە کاتێکدا لە ساڵی ڕابردوودا تەنها چوار هەزار تۆن گەنممان وەرگرت بوو، بەڵام ئەمساڵ گەنمی جوتیارانی سنوری پارێزگای هەڵەبجەشمان وەرگرت، چونکە بنکەی وەرگرتنی گەنم لە هەڵەبجە نەکرایەوە و جوتیاران ناچار گەنمەکانیان هێنا بۆ سایلۆی سەیدسادق.
بەڕێوەبەری سایلۆی سەیدسادق ئەوەشی وت بڕی ئەو پارەیەی کە تا ئێستا لای حکومەتی عێراقی ماوە دەگاتە 30 ملیار دینار، کە پارەی گەنمی ساڵەکانی 2014 و 2015 و 2016ن هاوکات بەڵێنیش دراوە لە زووترین کاتدا پارەی گەنمی ساڵی 2018 بەسەر جوتیاراندا دابەشبکرێت، بەڵام هێشتا هیچ وادەیەک دیاری نەکراوە.[1]
#31-07-2018#

سەرەتای مانگی 1ی 2014