1-سالار مەحمود - یەکێتی
2-گەشە دارا - یەکێتی
3-ڕێواز فایەق - یەکێتی
4-زانا عەبدولڕەحمان - یەکێتی
5-قارەمان قادر - گۆڕان
6-عەلی حەمەساڵح - گۆران
7-عومەر عینایەت - گۆران
8-سۆران عومەر - کۆمەڵی ئیسلامی
9-عەبدولڕەحمان عەلی - گۆران
10-ئەنوەر قادر - گۆڕان
#13-02-2018#

بەپێی ئەنجامی حەڤدەیەمین ڕۆژی بەرخۆدانی سەردەم لە #عەفرین# کە قەسەدە ڕایگەیاندووە، ئەمڕۆ شەڕڤانان گورزی تووندیان لە سوپای تورک و چەتەکانی وەشاندووە و 17 سەرباز کوژراون و تانکێکیشیان لەلایەن شەڕڤانانەوە تێکشکاندراوە.
ئێوارەی ئەمڕۆ، ناوەندی ڕاگەیاندن و چاپەمەنیی هێزەکانی سوریای دیموکرات-قەسەدە، ئەنجامی حەڤدەیەمین ڕۆژی بەرخۆدانی سەردەمی لە عەفرین ڕاگەیاند.
لە ڕاگەیەندراوەکەدا هاتووە: لە دەوروبەری گوندی بیلال-ی سەر بە شارۆچکەی شیێ، سوپای تورک و چەتەکانی هەوڵی پێشەڕەوییان دا، بەڵام لەلایەن شەڕڤانانمانەوە وەڵامدرانەوە و شەڕێکی سەخت دروستبوو لە ئەنجامدا سوپای تورک و چەتەکانی پاشەکشەیان کرد.
هەرەوەها، هاتووە: هەر لە دەوروبەری گوندی بیلال، شەرڤانانمان ئۆپەراسیۆنێکی پاککردنەوەیان ئەنجامدا و لە ئەنجامدا 8 سەربازی سوپای تورک کوژران.
لەبەشێکی دیکەی ڕاگەیەندراوەکەدا، هاتووە: لە کاتژمێر 02:00 ی دوانیوەڕۆی ئەمڕۆوە، سوپای تورک و چەتەکانی هێرشیان کردووەتە سەر گوندی دیکمەداش و گردەکەی، شەڕڤانانمان وەڵامی هێرشەکەیان داوەتەوە و تاوەکو ئێستا شەڕ بە سەختیی بەردەوامە.
ئەوەش خراوەتەوە ڕوو: تیمەکانی گەردەلولی یەپەژە چالاکییەکی سەربازییان لەدژی سەربازانی سوپای تورک ئەنجامدا، لە ئەنجامدا 4 سەرباز کوژران و ژمارەیەکی زۆر سەربازی دیکەیش بریندرابوون.
هەر لە ڕاگەیەندراوەکەی قەسەدە-دا هاتووە: لە دەوروبەری کاتژمێر 11:00 ی پێشنیوەڕۆ، شەرڤانانمان لە گردی گوندی بێکێ-ی سەر بە شرۆچکەی بلبلێ، تانکێکی سوپای تورکیان بەئامانج گرت و لەئەنجامدا ئەو سەربازانەی کە لەناو تانکەکەدا بوون هەموویان کوژران، هەروەها شەڕڤانانمان هەر لە گردی گوندی بێکێ، کۆبوونەوەیەکی سەربازانی سوپای تورکیان کردە ئامانج و بەهۆیەوە لانیکەم 5 سەرباز کوژران.
قەسەدە ڕاشیگەیاندووە: لە دەوروبەری گوندی حەسیرکا-ی سەر بە جندرێس، هێزەکانمان چالاکییەکیان ئەنجامدا و لەئەنجامدا تانکێکی سوپای تورکیان تێکشکاند، هەروەها لە گوندی قەستەل جیندەر-ی سەر بە شارۆچکەی شیێ، کۆبوونەوەیەکی سەربازانی سوپای تورکیان بە موشەک کردە ئامانج.
لەکۆتایی ڕاگەیەندراوەکەدا، ئاماژە بەوەش کراوە: سوپای تورک و چەتەکانی، گوندی خەلیل و سەنتەری شارۆچکەی ڕاجۆیان بەچەکی گورس بۆردوومان کرد، هەروەها گوندی جۆلەقا-یش لە شارۆچکەی بلبلێ بە سەختیی لەلایەن سوپای تورکەوە تۆپباران کرا و بەهۆیەوە 3 ماڵی هاوڵاتی مەدەنی ڕووخان.[1]
#05-02-2018#

1- داوا لە هاوپەیمانیی نێودەوڵەتی و نەتەوە یەکگرتووەکان و یەکێتی ئەوروپا و ڕوسیا دەکەین، کە گوشار بخاتە سەر حکومەتی ئەردۆغان، بۆ ئەوەی هێرشە دڕندانە و کۆمەڵکوژییەکانی لە عەفرین کۆتایی پێبهێنێت، هەروەها داواشی لێبکەن کە هێزەکانی لەتەواوی خاکی سوریا و بەتایبەت عەزاز، ئیدلیب، جەرابلوس و باب بکشێنێتەوە.
2- هێرشەکانی سوپای تورک بۆ سەر عەفرین، وەک پێشێلکردنی یاسا نێودەوڵەتییەکان و پێشێلکردنی سەروەریی خاکی سوریا بناسێنرێت و حکومەتی تورک لەسەر ئەمە سزابدرێت.
3- ئێمە داوا لە ڕێکخراوە نێودەوڵەتییەکانی تایبەتمەند بە پاراستنی شوێنەوارە مێژووییەکان دەکەین، کە تاوانی لەناوبردنی مێژووی تەواوی مرۆڤایەتیی لەلایەن دەوڵەتی تورکەوە ئاشکرابکات.
4- داواکارین کە کۆمیتەیەکی نێودەوڵەتیی بۆ بەدواداچوونی ڕاستی و لێپرسینەوە لەبارەی بەکارهێنانی چەکی قەدەغە دژی هاوڵاتیانی مەدەنیی لە عەفرین پێکبهێندرێت و کەیسی بۆ بکرێتەوە.
5- دەوڵەتی تورک ناچاربکرێت کە قەرەبووی تێکدانی سەرچاوە ژیانییەکانی بدات، بۆ سەرلەنوێ دروستکردنەوەیان.[1]
#ئەنجومەنی سوریای دیموکرات# - مەسەدە
#08-02-2018#

ئەمڕۆ ناوەندی ڕاگەیاندنی هێزەکانی پاراستنی گەل- #هەپەگە#، لەسەر چالاکیی گەریلاکانی کە لە ڕێگەی ئاسمانەوە دژی سوپای داگیرکەری تورک ئەنجامدرا، ڕاگەیەندراوێکی بڵاوکردەوە، ئەوەش بۆ یادی ‘دۆغا زیلان’ یەکەمین شەهیدی یەکینەکانی بەرگری ئاسمانی و پشتیوانی لە بەرخۆدانی هەفتانین ئەنجامدرا.
لە ڕاگەیەندراوەکە هاتووە: ڕۆژی 20ی ئەم مانگە کەتژمێر 08:30 خولەکی بەیانی، یەکینەکانی بەرگری ئاسمانیی شەهید دەلال #ئامەد#، لەدژی بارەگای سەربازیی سوپای داگیرکەری تورک لە کۆمەڵگەی سیرێ سەربە شێلادیزێی پارێزگای #دهۆک#، چالاکییان ئەنجامدا، لەو چالاکییەدا کە بە ئامێرێکی ئاسمانی بۆمبڕێژکراو ئەنجامدرا، ئامانجەکەی سەرکەوتووانە پێکا، لەم چالاکییەدا ژمارەیەکی زۆر لە سەربازانی سوپای تورک سزادران، بەڵام ژمارەکەیان ڕوون نەبووەتەوە.
هەروەها هاتووە: ئەم چالاکییە سەرکەوتووە کە لەلایەن یەکینەکانی بەرگری ئاسمانیمان بە سەرکەوتوویی ئەنجامدرا، بۆ یادی یەکەمین شەهیدی یەکینەکانی ئاسمانیمان، شەهید دۆغا زیلان و سڵاو کردن لە بەرخۆدانی گەریلا لە هەفتانین ئەنجامدرا.
ئەمەش هاتووە: فڕۆکە جەنگییەکانی سوپای داگیرکەر تورک، ڕۆژی 23ی ئەم مانگە کاتژمێر 09:20 خولەکی بەیانی و 10:00ی پێشنیوەڕۆ، چوار جار شاخی ڕۆست-یان لە ناوچەی گۆشین-ی خاکوورک بۆردوومان کرد.
هەمان ڕۆژ کاتژمێر 07:30 خولەک و 07:45 خولەک، فڕۆکە جەنگییەکانی سوپای داگیرکەری تورک، بۆردومانی مەیدانەکانی کارکەر و ساجا-یان لە هەرێمی زاپ کرد، بەهۆی بۆمبارانەکەوە ئاگر لە مەیدانی کارکەر کەوتەوە و زیانێک بەر هێزەکانمان نەکەوت.[1]

ڕۆژی 30ی مانگی 6ی ئەمساڵ لە چوارچێوەی هەنگاوی سەفەربەریی هەفتانین، بە دەستپێشخەری ڕێکخراوی ژنانی گەنجی تێکۆشەر، بۆ وەدەرنانی سوپای داگیرکەری تورک لە خاکی باشوری کوردستان و عێراق کەمپەینێکی واژۆ کۆکردنەوە ڕاگەیەندرا، کە بەهۆی قەدەغەی هاتووچۆ، ڕۆژی 5ی مانگی ڕابردوو لە سەرتاسەری گوند، شارەدێ و شارەکانی باشوری کوردستان دەستی بە کارەکانی کرد و تا ئێستا 25 هەزار واژۆ کۆکراوەتەوە.
گەنجان لە هەموو شوێنێک باسی ئامانجە داگیرکەرییەکانی دەوڵەتی تورک بۆ گەل دەکەن و ماڵ بە ماڵ و لەسەر ستاندەکان لەناو شارەکان و شارەدێیەکانی؛ #سلێمانی#، #کەرکووک#، #چەمچەماڵ#، #کەلار#، ڕانیە، سەنگەسەر، #قەڵادزێ#، دوکان، تەکیە، بازیان، سەید سادق، #پێنجوێن#، #هەڵەبجە#، بناری #قەندیل#، #دەربەندیخان#، شارباژێڕ، #خورماتوو#، قەرەداغ، کونەماسی و شیلادزێ، واژۆ کۆدەکەنەوە و لە ماوەی 25 ڕۆژدا 25 هەزار واژۆیان کۆکردووەتەوە.
ئەو کەسانەی تا ئێستا بەشدارییان لە کەمپەینەکە کردووە، تەمەنیان لە نێوان 15 بۆ 95 ساڵە، پەرلەمانتارانی عێراق و هەرێم، کارمەندان، کرێکاران، خوێندکاران، دایکان، گەنجان، ژنان، جوتیاران، ئاسایش، پۆلیس و باوەڕییە جیاوازەکان ئەو کەسانەن کە بەشداری کەمپەینەکە بوون.
گەنجان لەکاتی کۆکردنەوەی واژۆەکان، وەڵامی پرسیاری بەشداربووان دەدەنەوە و لەسەر دوایین دۆخی جەنگی هەفتانین زانیاری دەدەنە هاوڵاتیان، زۆربەی خەڵکیش دەڵێن؛ “دەزانین بەم شێوەیە داگیرکەر لە خاکەکەمان ناچێتە دەرەوە، تەنها بە شەڕ دەردەکرێت، ئەوەش گەریلا لە هەفتانین دەیکات، پەدەکە داگیرکەری هێناوەتە سەر خاکەکەمان، بەڵام دیسان وەک هەڵویستێک واژۆ دەکەین”.
کەمپەینی واژۆ کۆکردنەوە بەردەوامی پێدەدرێت، گەنجان مەبەستیانە ژمارەی واژۆکان بگەیننە 50 هەزار واژۆ و ڕادەستی پەرلەمانی هەرێمی کوردستان، ئەنجومەنی نوێنەرانی عێراق، نەتەوە یەکگرتووەکان و باڵیۆزی وڵاتانی بکەن.
بڕیار وایە گەنجان بەم نزیکانە لە کۆنگرەیەکی ڕۆژنامەنووسیدا، ئامار و وردەکاریی کەمپەینەکەیان بۆ ڕای گشتی کوردستان ئاشکرا بکەن.[1]

سوپای تورک لە ڕۆژی 20ی مانگی 1-ەوە هێرشێکی چڕی بە پێشکەوتووترین چەکەکانی ناتۆوە لە دژی خەڵکی #عەفرین# دەستپێکرد.
داگیرکاریی حکومەتی تورک هێشتا بەردەوامە، لە دەستپێکی هێرشەکەوە تا ئێستا زیاتر لە 500 هاوڵاتی مەدەنی شەهیدبوون و زیاتر لە هەزار کەسی دیکەش برینداربوون، حکومەتی تورک لە ڕێگای چەکەکانی ناتۆوە ئەو کۆمەڵکوژییەی بە سەر گەلی کورد هێنا.
ئەو چەکانەی ناتۆ کە حکومەتی تورک بۆ ئەنجامدانی ئەو تاوانانە بە کاری هێنان بەم شێوەیەن:
=KTML_Bold=فڕۆکەی نەمر:=KTML_End= ئەو فڕۆکانەی حکومەتی تورک لە عەفرین بۆ بۆردوومانی خەڵک بەکاری هێنان، بۆ یەکەم جار لە بارەگای ئینجرلیکەوە هەستان، تایبەتمەندییەکانی ئەو فڕۆکە جەنگییانە نزیکە لەو فڕۆکەی ئێف16- انەی سوپای ئیسرائیل لە دژی خەڵکی فەلەستین بەکاریان دەهێنێت، هەروەها سوپای تورک فڕۆکەی ئێف-16 شی بۆ بۆردوومانی عەفرین بەکارهێنا.
=KTML_Bold=فوزەی هارتۆز:=KTML_End= پێش ئەوەی حکومەتی تورک هێرش بکاتە سەر عەفرین ئەو چەکە لە دژی هاوڵاتیانی مەدەنی و پەناگە ژێرزەمینییەکانیان بەکارهێنرا، سوپای تورک بانگەشەی ئەوە دەکات کە ئەو چەکە لە دژی شەرڤانان بەکاردێنێت، ئەو 'فوزەیە' بە شێوەی هاوکات 12 تۆپ دەهاوێژێت و بە شێوەی ئەلەکترۆنی کۆنتڕۆڵ دەکرێت.
=KTML_Bold=بۆمبی لیزەری:=KTML_End= ئەو بۆمبە لە شەڕدا لە دژی گردبوونەوەی سەربازیدا بەکار دەهێندرێت، بەڵام حکومەتی تورک لە دژی هاوڵاتیان بەکاری هێنان، ئەو جۆرە بۆمبە بە سیستمی سی-پی-ئێس بەکاردەهێنرێت، پێشوەخت دیاریدەکرێت کوێ بۆردوومان کات و پاشان ڕێک لەوێ دەدات، جۆری ئێم کەی 82ی ئەو بۆمبە تا مەودای 227 کیلۆمەتر ئامانج دەپێکن و جۆری ئێم کەی 84-ەکەشی تا مەودای 930 کیلۆمەتر.
=KTML_Bold=فڕۆکەی ئانکا:=KTML_End= فڕۆکەی بێ مرۆڤی ئانکا، کە لە تورکیا دروست دەکرێت، سوپای تورک ئەو شوێنانەی دەبێت بۆردوومان بکرێت دیاری دەکات و وێنەکانی لە سەر ئەو سیستمی کۆنتڕۆڵی ئەو فڕۆکەیە دادەبەزێنێت، پاشان فڕۆکەکە ڕێک ئەو شوێنانە بە دیقەتێکی زۆرەوە بۆردوومان دەکات.
=KTML_Bold=ئۆتۆمبێلی سەربازیی کێربی و کوبرا=KTML_End=، سوپای تورک ئەو ئۆتۆمبێلانە بۆ گواستنەوەی سەربازەکان و چەتەکانی بەکارهێنا، ئەو ئۆتۆمبێلی بۆ ڕووبەڕووبوونەوەی مین و فوزە ئامادەکراوە و لە بەرامبەر گەرمادا زۆر خۆڕاگرە.
هەروەها پسپۆڕێکی وەزارەتی بەرگریی ئەڵمانیا ڕایگەیاندبوو، کە سوپای تورک لە هێرشەکەیدا بۆ سەر عەفرین تانکی لیۆپاردی بەکارهێناوە.
هەلیکۆپتەری کوبرا: کە هێزە دەریاییەکانی ئەمریکا بەکاری دەهێنن، حکومەتی تورک ئەو هەلیکۆپتەرانەی بۆ بۆردوومانکردنی هاوڵاتیانی مەدەنی لە عەفرین بەکارهێنا.[1]
#25-03-2018#

لە ڕایگەیێنراوەکە #هەپەگە#دا هاتووە:
لە دژی هێرشە داگیرکەریەکانی سوپای دەوڵەتی تورک کە لە هەرێمی حەفتانین بەڕێوەی دەبات، خۆڕاگریە مێژوویەکەی هێزەکانی ئێمەش بەردەوامە. لە چوارچێوەی هەنگاوی شۆڕشگێری جەنگی حەفتانیندا لە دژی سوپای داگیرکەری دەوڵەتی تورک، چەند چالاکیەک بەرێوە چوون. زانیاری ورد لە بارەی چالاکیەکانەوە بەم شێوەیەیە؛
10ی تەموز کاتژمێر 17:10 خولەک و 11ی تەموز کاتژمێر 09:30 خولەک هێزەکانمان لە یەژا-ستار لە گردی شەهید جودی لە ناوچەی شەشدارا، لە دژی داگیرکەران چالاکیەکیان ئەنجامدا. لەو چالاکیانەدا 2 سەربازی دوژمن سزا دران.
11ی تەموز کاتژمێر 15:00 هێزەکانمان لە دژی یەکەیەکەی سەربازی لە گردی شەهید بەرخۆدان لە ناوچەی خانتور، چالاکیەکیان ئەنجامدا. لەو چالاکیەدا سەربازێک سزا درا.
سەرلەبەیانی ئەمڕۆ 12ی تەموز لە دۆڵی بەرازانی سەر بە ناوچەی خانتور لە دژی یەکەیەکی داگیرکەران کە هەوڵیدا لەو ناوچەیە پێشڕەوی بکات، هێزەکانمان لە سێ قۆڵەوە لێیاندان. بە پێی ئەو زانیاریانەی گەیشتنە بەردەستمان، 13 سەربازی دوژمن سزا دران. لەو ناوچەیە شەڕ و پێکدادان تا ئێستاش بەردەوامە. دواتر لەم بارەیەوە زانیاری بەرفراوانتر بۆ ڕای گشتی ئاشکرا دەکەین.
25ی حوزەیران سوپای داگیرکەری دەوڵەتی تورک لە سێگۆشەی نێوان ئەلباک-سارای-پایزاوای شاری وان، دەستی بە ئۆپڕاسیۆنێکی داگیرکەری کردبوو. ئەم ئۆپڕاسیۆنەش لە 30 حوزەیراندا بە بێ ئەنجام کۆتایی پێهات.[1]

گەریلاکانی #هەپەگە# لە چالاکییەکدا لە گەڤەری باکوری کوردستان زرێپۆشێکی سوپای داگیرکەری تورکیان بە تەواوەتی تێکشکاند.
لە ڕاگەیەندراوەکەی ناوەندی ڕاگەیاندنی هێزەکانی پاراستنی گەل- هەپەگە، لەو بارەوە هاتووە: لە چوارچێوەی هەنگاوی شۆڕشگێری شەهید باگەر و شەهید ڕۆنیا-دا، ڕۆژی 25ی ئەم مانگە کاتژمێر 10:30 خولەکی پێشنیوەڕۆ، هێزەکانمان دژی زرێپۆشێکی سوپای داگیرکەری تورک، لە ناوچەی شەهید کارکەر و شەهید غەفور، سەربە گەڤەری جولەمێرگ، چالاکیان ئەنجامدا، لەو چالاکییەدا، زرێپۆشەکە بە تەواوەتی تێکشکێندرا، بەڵام ژمارەی ئەو سەربازانەی تێدا کوژران و برینداربوون، ڕوون نەبووەتەوە.
لە بەردەوامی هاتووە: ئەم چالاکییە بۆ بیرهێنانەوەی هەردوو فەرماندەکەی سوپای عێراق و فەرماندە عەگید گارزان کە لە هێرشی ئاسمانی سوپای تورکدا شەهید بوون ئەنجامدرا.
هەروەها هاتووە: ڕۆژی 28ی ئەم مانگە کاتژمێر 03:00ی دوانیوەڕۆ، دەوروبەری گوندی فلەهی لە زاپ و ڕۆژی 27ی ئەم مانگەش کاتژمێر 02:30 خولەکی دوانیوەڕۆ، ناوچەی قەبری زاهیر لە خواکورک، لەلایەن فڕۆکە جەنگییەکانی سوپای تورکەوە بۆردوومان کرا، لەم بوردوومانانەدا زیانێک بەر هێزەکانمان نەکەوت.[1]

ناوەندی ڕاگەیاندن و چاپەمەنی #هەپەگە# لەبارەی چالاکی گەریلاکانی ڕاگەیەنراوێکی بڵاوکردەوە کە بەم شێوەیەیە:
22 سەرباز و کۆنترا سزادران، گورز لە سکۆرسکیەک و کۆبرایەک وەشێنرا'
هێزەکانمان 8ی ئاب لە هەرێمی حەفتانینی سەر بە هەرێمەکانی پاراستنی میدیا لە چوارچێوەی هەنگاوی شۆڕشگێری جەنگی حەفتانیندا فورزی کوشندەیان لە سوپای داگیرکەری تورکدا. زانیاری فراوان لەبارەی چالاکی هێزەکانمان لەدژی داگیرکەران بەم شێوەیەیە:
سوپای داگیرکەری تور، شەوی 7ی ئاب بە پشتگیری کۆنتراکانی لە دۆڵی پیربوولا دەستی بە هەوڵی داگیرکەری کرد. هێزەکانمان چاودێری یەکینەکانی دوژمنیان کرد و 8ی ئاب کاتژمیر 07:30 لە نزیکەوە لە داگیرکەرانیاندا. شەڕێکی قوڕس ڕوویدا. هێزەکانمان لە 7 قۆڵەوە دەوری داگیرکەرانیان گرت و گورزی گەورەیان لە داگیرکەراندا. بە ڕێبازی بەسەرداگگرتن، هێرش و سویقاست چالاکی ئەنجامدران و ئەو چالاکیە بۆ ئۆپەڕاسیۆنێکی شۆڕشگێری لەدژی داگیرکاری گۆڕا. هەلیکۆپتەری سکۆرسکی و کۆبرا کە بۆ پشتگیری سەربازە داگیرکەرەکان هاتنە ناوچەکە بوونە ئامانجی هێزەکانمان. لە ئەنجامدا گورز لە هەلیکۆپتەری سکۆرسکی و کۆبرا وەشێنرا و هەلیکۆپتەرەکان بە ناچاری پاشەکشێیان کرد. لە ئۆپەڕاسیۆنە شۆڕشگێریەکەی گەریلاکانماندا 22 سەرباز و کۆنترا سزادران و 8 سەرباز و کۆنتراش برینداربوون.
ژمارەیەکی زۆر سەربازی دوژمن لە لایەن هێزەکانمانەوە کوژران و چوونە سەر تەرمی سەربازانی دوژمن و 4 جانتای سەربازی و دووربینێکی ڕۆژ و ژمارەیەک کەلوپەلی سەربازی دەستیان بەسەرداگیرا. هێزەکانمان ماوەیەکی زۆر چاودێری تەرمی سەربازانی دوژمنیانکرد و هێزەکانی دوژمن نەیانوێرا بگەڕێنەوە بۆ ناوچەکە. داگیرکەران کە گورزێکی مێژووییان خوارد بە ناوچاری لە گۆرەپانی شەڕ کشانەوە. لەو شەڕەدا هاوڕێمان وارشین کە بە ڕۆحی فەرماندە عەگید هێرشی کردە سەر دوژمن و بە شێوەیەکی فیدایی شەڕێ کرد، تێکەڵ بە کاروانی شەهیدان بوو.
لە کاتی شەڕدا سوپای داگیرکەر هێرشی کردە سەر ئۆتۆمبێڵی هاوڵاتیانی مەدەنی و باخچەی گوندنشینان.
بەشەویش فڕۆکە جەنگیەکان بیربوولا و مینینێیان بۆردومان کرد. بۆردومانەکە هیچ زیانێکی بە هێزەکانمان نەگەیاند، بەڵام زیان بەر ڕەز و باخی هاوڵاتیان کەوت.
هێزەکانمان یەژاستار بەبۆنەی 15ی تەباخەوە چالاکیان ئەنجامدا: 12 سەرباز سزادران
لە جوارچێوەی هەنگاوی تۆڵەی شەهید مەدیا ماوا و شەهید ڕزگار گەڤەردا هێزەکانمان یەژاستار بە بۆنەی ساڵایدی هەنگاوی 15ی تەباخ لە 8ی ئاب کاتژمیر 09:30 لەنێوان گوندی هێشەت و ئوسیانێی ناوچەی بەرواری سێرت لەدژی کاروانێکی سوپای داگیرکەری تورک چالاکی سابۆتاژیان ئەنجامدا. لە چالاکیەکەدا ئۆتۆمبێڵی زرێپۆشی جۆری کۆبرا تێکشکێنرا و 12 سەربازی دوژمن سزادران.
لە بانێ سێ گەریلا شەهید بوون
30ی ئاب کاتژمێر 14:00 لە دەوروبەری چیای گاباری شڕنەخ سوپای داگیرکەری تورک لە نزیک گوندی بانێ دەستی بە ئۆپەڕاسیۆنی داگیرکەری کرد. سوپای داگیرکەری تورک بە فڕۆکەی جەنگی هەریمەکەی بۆردومان کرد و دواتر سەربازەکانی بۆ هەرێمەکە گواستەوە. لە ئۆپەڕاسیۆنەکەدا کە تا 5ی ئاب بەردەوام بوو، هاورێکانمان ڕۆهات، بروسک و بۆتان شەهید بوون. دواتر زانیاری لەسەر ناسنامەی هاوڕێ شەهیدەکانمان بۆ ڕای گشتی بڵاودەکرێتەوە.
لە باژێرگان ئۆپەڕاسیۆنی سەربازی
2ی ئاب سوپای داگیرکەری تورک لە گۆڕەپانی باژێرگانی ناوچەی گەڤەڕی جۆلەمێرگ دەست بە ئۆپەڕاسیۆن کرد و 7ی ئاب بێ ئەنجام کۆتایی بە ئۆپەڕاسیۆنەکە هێنرا.
هەرێمی زاپ بۆردومانکرا
فڕۆکە جەنگیەکانی سوپای داگیرکەر 8ی ئاب کاتژمیر 12:00 گوندەکانی سیدان، کوروژارۆ و وەرخاڵێ و کاتژمێر 21:30 گوندی ساجات زاپی بۆردومان کرد. بۆردومانەکە هیچ زیانێکی بە هێزەکانمان نەگەیاند.[1]

بەڕێوبەری نەخۆشخانەی ئاڤرین لە #عەفرین# ڕایگەیاند، کە لە ماوەی 13 ڕۆژی ڕابردوودا 104 هاوڵاتی مەدەنی شەهیدبوون و 156 هاوڵاتی دیکەش برینداربوون.
ئەمڕۆ بەرێوەبەری نەخۆشخانەی ئاڤرین لە کۆنگرەیەکی ڕۆژنامەنووسیدا ئەنجامی تاوانەکانی سوپای تورک لە دژی هاەوڵاتیانی مەدەنیی ئاشکراکرد.
دکتۆر جوان محەمەد، لەو کۆنگرە ڕۆژنامەنووسییەدا کە لە نەخۆشخانەی ئاڤرین بەڕێووەچوو ڕایگەیاند، کە پزیشکەکان و ئەندامانی دەستەی تەندروستی نەخۆشخانەکە لە یەکەم ڕۆژی هێرشەکەوە لە سەر کارەکانیانن و تێدەکۆشن بۆ ڕزگارکردنی گیانی بریندارەکان.
جوان محەمەد ئاشکراشی کرد، کە لە ماوەی 13 ڕۆژی ڕابردوودا 104 هاوڵاتی بەهۆی هێرشەکانی سوپای تورک شەهیدبوون و 156 هاوڵاتی دیکەش برینداربوون، کە زۆربەیان منداڵ و ژنن.[1]
#01-02-2018#