ناڤ: ئەحمەد
ناسناڤ: ئەخۆل
ناڤێ بابی: دەروێش عەبدوڵڵا
ساڵا ژدایکبوونێ: 1911
ڕێکەفتا وەغەرا داویێ: 29-06-1988
جهێ ژدایک بوونێ: تاخێ دەرگەزێن یا باژێڕێ سلێمانی
جهێ وەغەرا داویێ: باژێڕێ سلێمانی
$ژیاننامە$
ئەحمەد دەروێش عەبدوڵڵا یێ بەرنیاس ب (#ئەخۆل#)ێ شاعیر.
ل ساڵا 1911 ل تاخێ #دەرگەزێن# یا باژێڕێ #سلێمانی# ژدایک بوویە.
سەرباری هندێ کوو ئەخۆل، پلەیا خوەندەوارییا وی زور کێم بوو، هەیا پۆلا 5 یا سەرەتایی خوەندییە کوو ئەو ژی ب ڤەقەتیاییی بوویە، لێ دناڤا دونیایا هەلبەستان دە، ئەو وەکە کەسەکێ شارەزا ل زمان هەلبەستان دەرکەت.
ئەخۆل، هەر ل دەستپێکا ژیانا خوە، ب حەژێکەرێ زمان و وشەیان کار کرییە، هەیا کوو ل ژیێ 18 ساڵیدا ل چاپخانەیا شارەوانی یا باژێڕێ سلێمانی کار کرییە، ب ئەڤێ ڕیێش تێهکەڵی وشە و زمان و ئەدەبیاتا کوردی بوویە.=KTML_Photo_Begin=https://www.kurdipedia.org/files/relatedfiles/2013/88847/0006.JPG=KTML_Photo_Alt=ئەخۆل=KTML_Style=width:25%;height:20%;float:right;=KTML_Photo_Target_Link=https://www.kurdipedia.org/files/relatedfiles/2013/88847/0006.JPG=KTML_Photo_End=
ئەڤێ چاپخانەیێ، بەڵاڤۆکێن (ژین، ژیان) و چەندین بەڵاڤۆکێن سیاسی و ئەدەبی لێ چاپ بووینە. لەوما، پێنگاڤەک پتر تێەکەڵی چەندین شاعیر و نڤیسەرێن دن ئێن کورد بوویە، ژوانا (#فایەق بێکەس# ، #شێخ نووری شێخ ساڵح#، مامۆستا #ئیبراهیم ئەحمەد#، #شێخ سەلام#) ژبەر ڤێ پەیوەندیێ دەست ب هەلبەست نڤیسینێ کرییە.
هەلبەستێن وی نیشاندەرا وێنەیەکێ بەرز و ڕۆمانسی و نشتیمانی و سیاسی نە، دەقێن وێ پڕن ل کێشانا تابلۆیێن ڕەنگاوڕەنگێن خەیاڵێ. هەلبەستا (دڵم هەر ئەو دڵەی جاران) ە، نموونەیەکە دیارا هەلبەستێن وی یە.
ئێکەم دیوانا هەلبەستان ل ساڵا 1970 ب ناڤێ (پەیمان و شیوەن) بەڵاڤ کر و دەنگ ڤەدانەک مەزن ل ناڤەندێن ئەدەبا کوردیدا هەبوو، ژبلی هەلبەست نڤیسینێ، ئەخۆل ب کەسایەتییەک قسەخۆش و نوکتەچی ئێ بەرنیاس بوو و هەیا نها ژی نوکتەیێن وی دهێنە بەحس کرن.
ئەخۆل، شارەزایەکێ زورێ هەلبەست و ئەدەبیاتا فارسی و عەرەبی و تورکی بوویە، لەوما کارییە چەندین ئەزموونێن هەلبەستیێن جودا د ئەدەبیاتا ئەوان زمانان دە بکەتە کوردی. ل ڕێکەفتا #29-06-1988# وەغەرا داویێ کرییە و ل #گردی سەیوان# و ل ئارامگەها سەدان شاعیر و نڤیسەرێن دن ئێن کورد هاتە بخاک سپاردن. [1]