زەعیم سدیق ئەو ئەفسەرێ دڕندە؛ کو کوشتارا #09-06-1963# یا باژێڕێ #سلێمانی# ئەنجامدا
نڤیسینا: #سەرچڵ یونس#
وەرگێڕانا: کامەران ئاکرەیی

زەعیم سدیق (ئامر لیوا)یێ بیستێ ڕژێما عەبدولسەلام عارف، پشتی شکستا وانا ل گرتنا چیایێ گۆیژە نزیک باژێڕێ سلێمانی ل ڕوژا 8ێ حوزەیران، پشتی ڕوژەکێ ل شکەستنێ و ل 9ێ حوزەیرانێ لناڤ باژێڕێ (مەنعەتەجەول) ڕاگهاند و ب سەدهان کەسێن مەدەنی کوشتن، پشتی قەتڵوعاما سلێمانیێ بەردەوام بوو لسەر خوینڕێشتنێ هەیا باژێڕێ #هەڵەبجە# نەڕاوەستا و ب دەهان کەسێن دن ژی کوشتن ل گوندێ سیارە یێ نزیکی #دەربەندیخان#ێ.
هەروەسا باژێڕێ #سەیدسادق#یش ل کوشتنا کەسێن مەدەنی یێ بێبەش نەبوو، پێشمەرگە ل پردا زەڵم بەرگرییەک قەهرەمانانە کر و کارین ژبو ماوەکێ درێژ ئێرشا وانا ژبوی سەر هەڵەبجە ڕاگرن ب خوینا 12 شەهیدان کو ئێکەک ژوانا شەهید حەمە گوڵپی بوو کو ب خەنجەر پەلاماری دەبابەیێ دا، پشتی شکستا پیشمەرگەی بو #خورماڵ# و #بیارە#، زەعیم سدیق گوندێن گوێ چەمێ زەڵم دایە بەرتۆپان و شەوتاند، چەندین کەسێن مەدەنی کوشتن، پشترە چوویە ناڤ هەڵەبجە و ناڤ بازاڕ شەوتاند و دارێن باخێ میر ئێ دیرۆکی بڕین و وەسا دگوت کو پێشمەرگە ل وێرێ ڕە دهێن و چالاکییان ئەنجام ددەن، ب ڤێ چەندێ ژی نەوەستا و مەلاعابید عەبابەیلێ کو پێشمەرگە بوو ب دیلگرت و پشترە شەهید کر، ل دارا سەرا و پشترە، ڕەئوفێ برایێ وی ژی شەهید کرن.
‌زەعیم سدیق مستەفا، ئەفسەرەکێ خوینڕێژێ ئیراقی بوو ک ژدایک بوویێ باژێڕێ #موسڵ# بوو. هەروەسا بەشدارییەکە کارا کر ل کۆدەتایا چاردەیێ تەموز، دکتور #مستەفا زەڵمی# ل کاروانێ ژیانا خوە دە بەحسا دڕەندەییا وی دکەت و دببێژیت: دەمێ کوو ئەز ئیمام تابوورێ سوپای بووم ل جەلەولا، ساڵا 1957 خانییەک ژ من ڕە دا، لێ زەعیم سدیق دەست بسەردا گرت پشترە من شکایەت لێ کر و ژبوی من ڤەگەڕاند.
ب مخابنیڤە کورد نکاری فرسەت وەربگریت ل پشتی ڕاپەڕینا ساڵا 1991 و پشتی ئازادکرنا ئیراقێ ل ساڵا 2003، ب دیفچونێ بو بکەن و بگەڕێن و ببین و توڵەیا خوە لێبکەن وەکە جوویان ب سەدان ملیۆن دۆلاران سەرف بکەن هەیا سەربازەکێ نازی ڤەدبینن خوو ل وی سەرێ دنیایێ ژی بیت توڵەیا خوە ژێ دکەن، ئەگەر دیرۆکا کوردی بنڤیسیت، ئەڤە زەعیم سدیق پاناییەک مەزن ل دیرۆکا کوردی داگیر دکەت وەکە دڕندە نە وەک شانازی.[1]